بھارت نے لشکر طیبہ کے خلاف کارروائی کے لیے امریکی نیشنل فورسز کی ملک میں موجودگی کی تردید
لندن (ثناء نیوز ) بھارت نے لشکر طیبہ کے خلاف کارروائی کے لیے امریکی نیشنل فورسز کی ملک میں موجودگی کی تردید کی ہے اورکہا ہے کہ امریکی بری فوج کا ایک دستہ رواں ہفتے مشترکہ فوجی مشقوںکے لیے بھارت آیاہوا ہے قبل ازیںامریکی وزارت دفاع کے ایک اعلیٰ کمانڈر نے انکشاف کیا تھا کہ امریکی فوج کے خصوصی دستے بھارت سمیت جنوبی ایشیا کے پانچ ممالک میں تعینات ہیں۔ برطانوی نشریاتی ادارے کی رپورٹ کے مطابق ایڈمرل روبرٹ ویڈاڈنے امریکی کانگریس کی ایک کمیٹی کے سامنے بیان میںکہا کہ فی الحال خصوصی دستوں کی معاون ٹیمیں نیپال ، سری لنکا ، بنگلہ دیش ، مالدیپ ا ور بھارت میںموجود ہیں۔ انہوں نے کہا کہ پاکستان میں سرگرم لشکر طیبہ ایک انتہائی خطرناک تنظیم ہے ۔ انہوںنے یہ بھی بتایا کہ دہشت گردی کے خلاف لڑائی میںبنگلہ دیش بھی لشکر طیبہ جیسی تنظیموں کو قابو کرنے میں بھارت اور امریکہ دونوں کے ساتھ بھرپورتعاون کررہاہے بھارتی دفاع نے امریکی دستے کی تعیناتی کی تردید کرتے ہوئے کہا ہے کہ امریکی بری فوجکا ایک دستہ رواں ہفتہ مشترکہ فوجی مشقوں کے لیے بھارت آیا ہے
تبصرے