Weekly EHTASABI AMAL Lahore ھفت روذھ احتسابی عمل لاھور

برمنگھم(ثناء نیوز) برمنگھم کی عدالت نے پچھلے برس فسادات  میں 3 پاکستانی نوجوانوں کو ہلاک کرنے میں ملوث آٹھوں ملزموں کو بری کردیا ہے جس پر برطانیہ میں مقیم سیکڑوں پاکستانیوں نے احتجاج کیا ہے اور فیصلے کے خلاف اپیل کا اعلان کیا ہے. ہارون جہان اور 2 بھائیوں شہزاد علی اور عبدالمصور کو ونسن گرین کے علاقے میں گاڑیوں سے کچل کر ہلاک کردیا گیا تھا 10 اگست 2011 میں اس واقعے کے وقت تینوں نوجوان اہل محلہ کے ساتھ مل کر علاقے کی دکانوں کو لوٹ مار سے بچانے کی کوشش کر رہے تھے. جج کا کہنا تھا کہ تینوں کو مارنے کی منصوبہ بندی سامنے نہیں آسکی. مظاہرین سے خطاب میں جاں بحق پاکستانیوں کے لواحقین نے فیصلے پر مایوسی کا اظہار کیا اور کہا کہ پاکستانی کمیونٹی لٹیروں کے خلاف ڈھال بنی تھی مگر اس کے ساتھ تعصب کا مظاہرہ کیا گیا ہے اور عدالتی نظام سے ان کا اعتماد اٹھ گیا ہے۔

اسلام آباد(ثناء نیوز )صدر آصف علی زرداری نے حکومت کو  ہدایت کی ہے کہ پنشنرزمیں پنشن کی تقسیم کو سمارٹ کارڈ کے ذریعے کرنے کے لیے انتظامات کیے جائیں خاص طور پر معذور افراد میں پنشن کی تقسیم میں سمارٹ کارڈ کے ذریعے یقینی بنایا جائے۔صدر مملکت نے یہ ہدایت ماہانہ پنشن وصول کرنے کے موقع پر پنشنرزکو پیش آنے والی مشکلات کا نوٹس لیتے ہوئے جاری کی۔ اس حوالے سے خصوصی اجلاس صدر آصف علی زرداری کے زیر صدارت ایوان صدر میں ہوا۔اجلاس میں آڈیٹر جنرل آف پاکستان ،سیکرٹری خزانہ،صدر نیشنل بینک،چیئرمین نادرا،ڈائریکٹر جنرل سیونگز اور صدر کے سیکرٹری جنرل سلمان فاروقی نے شرکت کی۔ صدارتی ترجمان فرحت اﷲ بابر کے مطابق صدر آصف علی زرداری نے لائنوں میں لگ کر پنشن وصول کرنے اور دن بھر لائنوں میں کھڑے رہنے پر تشویش کا اظہار کرتے ہوئے کہا کہ پنشنرزدن بھر اپنے زندہ ہونے کے سرٹیفکیٹس لیے لائنوں میں کھڑے رہتے ہیں جن میں معذور پنشنرزبھی شامل ہوتے ہیں جو ویل چیئر پر آتے ہیں انہوں نے چیئرمین نادرا کو ہدایت کی ہے کہ وہ پنشنرزکو سہولت فراہم کرنے کے لیے جامع منصوبہ پر کام کریں اور ان کو بائیو میٹرک سمارٹ کارڈ فراہم کیے جا...

کراچی(ثناء نیوز )وفاقی وزیرقانون فاروق ایچ نائیک نے کہا ہے کہ صدر وزیراعظم اوروزرا کے اقدامات کو آئینی تحفظ حاصل ہے انہیں چیلنج نہیں کیا جاسکتا اورتوہین عدالت ترمیمی بل میں یہ کہیں درج نہیں کہ عدالتی فیصلوں کو اطلاق صدر وزیراعظم پرنہیں ہوتا.ان خیالات کا اظہار انہوں نے سندھ ہائیکورٹ میں میڈیا سے گفتگو کرتے ہوئے کیا.وفاقی وزیر قانون فارق ایچ نائیک کا کہنا تھا کہ آرٹیکل 242 کے تحت صدر وزیر اعظم اور وفاقی وزرا کے سرکاری اقدامات کو آئینی تحفظ حاصل ہے، انہیں چیلنج نہیں کیا جاسکتا.انہوں نے کہاکہ حکومت عدلیہ کا احترام کرتی ہے اوراس کی پاور کم کرنا نہیں چاہتی.انہوں نے کہاکہ توہین عدالت ترمیمی بل میں یہ کہیں نہیں لکھا کی صدر اور وزیر اعظم پر عدالتی احکامات کا اطلاق نہیں ہوتا.ترمیمی بل میں تحفظ صرف سرکاری اقدامات پر ہے عدالتی فیصلوں اور احکامات پر کوئی تحفظ حاصل نہیں ان کا کہنا تھا کہ تاثر پیدا ہوگیا ہے کہ عدلیہ پیپلز پارٹی کے خلاف ہوگئی ہے اور یہ تاثر زائل کرنا ہے سپریم کورٹ کاکام ہے.انہوں نے کہاکہ آزاد عدلیہ کے ساتھ آزاد عدالتی نظام بھی ضروری ہے، جس میں ایماندار اور غیر جانبدار ججز اور اہل ل...