Weekly EHTASABI AMAL Lahore ھفت روذھ احتسابی عمل لاھور

لاہور،کراچی ،کوئٹہ ،پشاور، اسلام آباد(ثناء نیوز )دفاع پاکستان کونسل کی اپیل  پر جمعہ کو نیٹو سپلائی کی بحالی کے لیے ملک بھر میں احتجاجی جلسے ،جلوس اور مظاہرے کیے گئے ۔ اس موقع پر حکومت کے مطالبہ کیا گیا کہ نیٹو سپلائی بحالی کا فیصلہ واپس لیا جائے ادھر لاہور میں چیئرمین اور جمعیت علماء اسلام (س) کے سربراہ مولانا سمیع الحق نے پوری قوم سے اپیل کی ہے کہ وہ دفاع پاکستان کونسل کے لانگ مارچ میں شرکت کرکے غیرت ایمانی کا ثبوت دیں ،وقت کا تقاضاہے کہ پوری ملت اسلامیہ عالم کفر کے سامنے کھڑی ہو، دفاع پاکستان کونسل کے چیئرمین مولانا سمیع الحق نے اپنی پارٹی کے لانگ مارچ کی تیاری کے سلسلے میں جمعیتلاہور ْقصور،شیخوپورہ،اوکاڑہ کے مشترکہ اجلاس سے خطاب کرتے ہوئے کیا،اجلاس میں جمعیت علماء اسلام کے مرکزی سیکرٹری جنرل مولانا عبدالرؤف فاروقی ،مولانامخدوم منظور احمد ،علامہ ظہیرالدین بابر،مولانامحمدعاصم مخدوم ،مولاناعبدالرب امجد،مولاناخلیل الرحمن حقانی ،مولانا اعظم حسین ،غازی الدین بابر،مولانا محمدنواز سندھو ودیگر نے شرکت کی ،اجلاس میں لانگ مارچ کے انتظامات کو حتمی شکل دی گئی ، مولانا سمیع الحق نے کہاکہ ...

تربت(ثناء نیوز ) صوبہ بلوچستان کے علاقے تربت میں ایک مسافر بس پر  نامعلوم مسلح افراد کی فائرنگ سے اٹھارہ افراد ہلاک اور دو زخمی ہو گئے ہیں۔صدر آصف علی زرداری، وزیراعظم راجہ پرویز اشرف اور وزیراعظم کے مشیر داخلہ رحمان ملک نے حملے کی مذمت کرتے ہوئے فوری تحقیقات کا حکم دیا ہے۔فوری طور پر بلوچستان حکومت سے رپورٹ طلب کر لی گئی ہے۔مسافر بس بلوچستان کے ضلع تربت کی تحصیل کھڈان سے ایران جا رہی تھی کہ اس پر نامعلوم مسلح افراد نے حملہ کر دیا۔اطلاعات کے مطابق ہلاک و زخمی ہونے والے افراد روزگار کے لیے غیر قانونی طور پر پاکستان سے ایران جا رہے تھے۔جمعہ کے روز ضلع کیچ کے علاقے دشت کھنڈان میں نامعلوم مسلح افراد نے تربت سے ایران جانے والی ایک گاڑی سے مسافروں کو اتار کر ان پر فائرنگ کر دی۔جس کے نتیجہ میں اٹھارہ افراد موقع پر ہلاک اور دو زخمی ہو گئے ہیں یہ واقع ہز ایرانی سرحد سے نوے کلومیٹر دور پاکستانی حدود میں ہورشولی کے مقام پر پیش آیا۔ ہلاک ہونے والوں میں سے تیرہ کا تعلق صوبہ پنجاب اور پانچ کا تعلق افغانستان سے ہے۔واقعہ کے بعد چھ افراد تین موٹر سائیکلوں پر فرار ہونے میں کامیاب ہو گئے۔کسی تنظیم...

لاہور (ثناء نیوز )لاہور ہائی کورٹ نے ینگ ڈاکٹرز کو حکم دیا ہے کہ وہ آج(ہفتہ)  صبح9بجے تک پنجاب بھر کے سرکاری ہسپتالوں میں ایمرجنسی سروسز کھول دیں جبکہ پولیس اور پنجاب حکومت کو حکم دیا ہے کہ کسی ڈاکٹر کو یا اس کے اہل خانہ کو نہ حراساں کیا جائے اور نہ ہی گرفتار کیا جائے ۔عدالت نے قتل کے مقدمہ میں گرفتار چار ڈاکٹرز سے متعلق تفتیشی آفیسر سے ریکارڈ طلب کر لیا ۔لاہور ہائی کورٹ کے جسٹس اعجاز الحسن ننے ینگ ڈاکٹرز کی ہڑتال کے خلاف کیس کی سماعت کے د وران حکم دیا ہے کہ ینگ ڈاکٹرز واپس جائیں اور ایمرجنسی سروسز بحال کریں ۔عدالت ڈاکٹروں کو مکمل تحفظ فراہم کرے گی لیکن ہڑتال کی اجازت نہیں دے گی ۔ڈاکٹروں کی ہڑٹال کی وجہ سے لوگ مر رہے ہیں عدالت یقین دہانی کراتی ہے کہ نہ ڈاکٹروں کو حراساں کیا جائے گا اور نہ ہی انہیں گرفتار کیا جائے۔ینگ ڈاکٹرز ایسوسی ایشن کے نمائندے ناصر عباس نے عدالت کو یقین دہانی کروائی کہ وہ حکم پر من و عن عمل کریں گے سیکرٹری صحت پنجاب نے عدالت کو بتایا کہ پنجاب حکومت ڈاکٹروں کے خلاف کوئی اقدام نہیں کرنا چاہتی تھی لیکن ہسپتالوں میں مریضوں کی اموات کے بعد ایسا کرنے پر مجبور ہوئے ...

میرانشاہ (ثناء نیوز )نیٹو سپلائی بحالی کے بعد پہلا ڈرون حملہمیں 5 افرا  د جاں بحق 3 افراد زخمی ہوگئے۔ امریکی جاسوس طیاروں نے شمالی وزیرستان کے علاقے میرانشاہ میں دتہ خیل کے مقام پر ایک مکان کو نشانہ بنایا۔ امریکی جاسوس طیاروں نے مکان پر 2 میزائل داغے جس سے 5 افراد کے ہلاک جبکہ 3 افراد کے زخمی ہونے کی اطلاعات ہیں۔ امریکی جاسوس طیاروں کے حملے سے علاقے میں خوف و ہراس پھیل گیا ہے۔ واضع رہے کہ نیٹو سپلائی کی بحالی کے وقت کہا گیا تھا کہ پاکستان کے قبائلی علاقوں میں آئندہ ڈرون حملوں میں کمی لائی جائی گی اور ڈروں حملے پاکستان کو اعتماد میں لے کر کئے جائیں گے۔پاکستان کی جانب سے افغانستان میں تعینات نیٹو افواج کو زمینی راستے سے رسد کی بحالی کے بعد یہ پہلا ڈرون حملہ ہے۔شمالی وزیرستان میں مقامی انتظامیہ کے ایک اہلکار نے برطانوی نشریاتی ادارے کو کو بتایا کہ ڈرون حملہ صدر مقام میرانشاہ سے چالیس کلومیٹر دور تحصیل دتہ خیل کے علاقے زوئی نراے میں کیا گیا۔ جمعہ کی شب کو ڈرون طیارے سے دو میزائل مقامی طالبان کمانڈر حافظ گل بہادر کے جنگجووں کے زیر استعمال ایک کمپانڈ پر داغے گئے۔انہوں نے کہا کہ ڈرون ح...

برلن(ثناء نیوز ) جرمنی کے مسلم نوجوانوں میں جہادی بننے کے رجحان میں اضافہ دیکھنے میں آیا ہے اور ان کی ایک بڑی تعداد جہادی جنگجو بننے کے لیے جنگ زدہ علاقوں کا رخ کر رہی ہے۔ اس بات کا انکشاف جرمنی کے خبر رساں ادارے ڈوئچے ویلے نے اپنی ایک حالیہ رپورٹ میں کیا ہے۔ جرمنی کی سکیورٹی سروسز کے مطابق انیس سو نوے کے عشرے کے آغاز کے بعد سے دو سو پینتیس جرمنوں نے جہادیوں سے فوجی تربیت حاصل کرنے کی کوشش کی تھی۔ ڈوئچے ویلے کی رپورٹ کے مطابق ایسے ٹھوس شواہد موجود ہیں جن سے پتا چلتا ہے کہ ان میں سے کم سے کم ایک سو مردوں نے جہادی تربیت حاصل کرنے کے بعد جنگی کارروائیوں میں بھی حصہ لیا تھا۔ ان میں نصف واپس جرمنی آگئے تھے اور ان میں سے صرف دس کو جیلوں میں ڈالا گیا تھا۔ جرمنی کے وفاقی دفتر برائے تحفظ آئین کے ترجمان کا کہنا ہے کہ انٹیلی جنس سروسز اس معاملے پر بڑی سنجیدگی سے غور کر رہی ہیں کیونکہ یہ لوگ اگر جرمنی واپس آتے ہیں تو یہ قومی سلامتی کے خطرے کا سبب بننے والی سرگرمیوں میں ملوث ہوسکتے ہیں۔ رپورٹ میں بتایا گیا ہے کہ سرلینڈ نامی گروپ نے پاکستان میں ایک تربیتی کیمپ میں جہاد کی تربیت حاصل کی تھی اور یہ...

اسلام آباد(ثناء نیوز ) قومی اسمبلی کی پبلک اکاؤنٹس کمیٹی نے گزشتہ چار سالوں کے دوران پی ٹی اے کے حسابات کے بارے میں اربوں روپے کے آڈٹ اعتراضات کے پیش نظر چیئر مین پی ٹی اے سمیت اتھارٹی کے ارکان کے نام ایگزٹ کنٹرول لسٹ میں ڈالنے کی ہدایت کر دی۔ پی اے سی نے واضح کہا ہے کہ ہدایات پر عمل نہ ہوا تو وزارت داخلہ کو ان اربوں روپے کے آڈٹ اعتراضات کا ذمہ دار ٹھہرایا جائے گا۔ طاقتور لوگوں کا ضرور احتساب ہو گا۔ پی اے سی نے اسلام آباد میں ایک سے زائد پلاٹس لینے کے باوجود سرکاری رہائش گاہیں نہ چھوڑنے والے بیورو کریٹس کے ناموں کی فہرست بھی مانگ لی ہے۔ اسی طرح بیوروکریٹس کی جانب سے اپنے پلاٹس آئی ایٹ سمیت مہنگے سیکٹر میں منتقل کر انے کے بارے میں بھی وزارت ہاؤسنگ و تعمیرات سے رپورٹ مانگ لی گئی ہے۔ پی اے سی جی تھری لائسنس کے اجراء میں تاخیر اور قومی خزانے کے نقصان کے حوالے سے کابینہ ڈویژن اور وزارت انفارمیشن و ٹیکنالوجی سے رپورٹ مانگ لی ہے۔ ارکان نے کہا ہے کہ بھارت میں اس ٹیکنالوجی کے لائسنس کی رقم کے حوالے سے پاکستان میں اس کی 14سے 15 ارب ڈالر بنیادی قیمت مقرر کی جا سکتی ہے۔ کمیٹی میں این ایل سی، را...

اسلام آباد(ثناء نیوز ) پاکستان نے کہاہے کہ نیٹو سپلائی روٹ کی بحالی کا  فیصلہ قومی مفاد میں کیا گیا اس کے نئے انتظامات پر رابطے جارہے ہیں، سپلائی میں کوئی مہلک ہتھیار لیجانے کی اجازت نہیں دی گئی ہے۔ ڈرون حملوں پر پاک امریکا اختلافات برقرار ہیں۔ترجمان دفترخارجہ نے اسلام آباد میں میڈیا کو بریفنگ میں کہاکہ امریکہ نے سلالہ واقعہ پر واضح طور پاکستان سے سوری کیا ہے، نیٹو سے تعاون کا فیصلہ، وسیع تر قومی مفاد میں کیا گیا ہے، نیٹو سپلائی میں کوئی مہلک اشیا لے جا نے کی اجازت نہیں ہوگی، نیٹو روٹ کی بحالی کے قاعدہ یا ضابطہ سے متعلق سوال پر ترجمان نے کہاکہ میںمعلوم کرکے بتا سکتا ہوںکہ روٹ کی بحالی کس معاہدے کے تحت ہوئی تاہم دونوں فریق نئے انتظامات کیلئے بھی کام کررہے ہیں،ترجمان نے کہاکہ پاکستانی ادارے کے خلاف حالیہ بھارتی الزامات کو مسترد کرتے ہیں،، ترجمان نے بتایاکہ وزیرخارجہ 8 جولائی کو ٹوکیو میں افغانستان سے متعلق کانفرنس میں جائیں گی۔انہوں نے کہا کہ ڈرون حملوں پر پاک امریکا اختلافات برقرار ہیں۔ دفتر خارجہ سے جاری بیان کے مطابق نیٹو سپلائی پارلیمنٹ کی سفارشات کی روشنی میں بحال کی گئی۔ پاک...

اسلام آباد(ثناء نیوز ) بابر اعوان نے اپنے خلاف توہین عدالت کیس کا معاملہ  بار کونسل کو بھیجوانے کی استدعا کردی ہے اور کہا ہے کہ چیف جسٹس بد سلوکی کیس میں ایک شخص کو معاف کردیا گیا، میں نے کسی کا گریبان پکڑا نہ ہی بٹن توڑے، میرے ساتھ یہ سلوک نہ کیا جائے۔ جسٹس اعجاز افضل اور جسٹس اطہر سعید پر مشتمل عدالت عظمی کے دو رکنی بنچ نے بابر اعوان کے خلاف توہین عدالت کیس کی سماعت کی۔ بابر اعوان نے دلائل دیتے ہوئے توہین عدالت کا معاملہ بار کونسل کو بھجوانے کی استدعا کی۔ انہوں نے ارسلان افتخار کیس میں عدالتی فیصلے کی حمایت کرتے ہوئے کہا کہ عدالت دہرا معیار اختیار نہیں کر سکتی۔ ان کا کہنا تھا کہ ان کی رائے میں توہین عدالت کا کوئی قانون سرے سے موجود ہی نہیں۔ بابر اعوان نے کہا کہ انہوں نے جو معافی نامہ جمع کرا رکھا ہے اس پر فیصلے کا وقت اب ہے، سزا سنا دی گئی تو پھر کوئی فائدہ نہیں ہو گا، اب تو فرد جرم بھی عائد ہو چکی پیچھے بچا ہی کیا ہے۔چیف جسٹس بد سلوکی کیس میں ایک شخص کو معاف کردیا گیا جبکہ انہوں نے کسی کا گریبان پکڑا نہ ہی بٹن توڑے ان کے ساتھ یہ سلوک نہ کیا جائے۔ جسٹس اعجاز افضل نے کہا کہ آپ ...

واشنگٹن(ثناء نیوز )امریکی محکمہ خارجہ کی ترجمان وکٹوریہ نولینڈ نے  واشنگٹن میں میڈیا میں بریفنگ دیتے ہوئے کہا ہے کہ امریکہ نے سانحہ سلالہ پر ہمیشہ افسوس کا اظہار کیا لیکن سیاسی اور تکنیکی مسائل کی وجہ ے نیٹو سپلائی کا مسئلہ حل نہ ہو سکا دونوں ممالک سیاسی طور پر مسلسل رابطے میں رہے ان کا کہنا تھا کہ پاکستان اور امریکہ نے واقعہ کی تحقیقات کیں جن کے بعد بات چیت کا سلسلہ شروع ہوا وکٹوریہ نولینڈ نے کہا کہ سلالہ حملے پر غلطیاں دونوں جانب سے ہوئیں نیٹو سپلائی کی بندش سے امریکی افواج کے اخراجات میں اضافہ ہوا۔امریکہ کی جانب سیگزشتہ برس سلالہ حملے پاکستانی فوجیوں کی ہلاکت پر معذرت کے بعد پاکستانی کابینہ کی دفاعی کمیٹی نے نیٹو کو زمینی راستے سے رسد کی فراہمی کی بحالی کا فیصلہ کیا ہے۔افغانستان میں تعینات اتحادی افواج کو رسد کی فراہمی چھبیس نومبر دو ہزار گیارہ کو مہمند ایجنسی میں اتحادی فوج کے حملے میں چوبیس پاکستانی فوجیوں کی ہلاکت کے بعد روک دی گئی تھی۔اس معذرت کے بعد منگل کی شب اسلام آباد میں کابینہ کی دفاعی کمیٹی کے اجلاس کے بعد صحافیوں سے بات کرتے ہوئے وفاقی وزیرِ اطلاعات قمر زمان کائرہ...

اسلام آباد (ثناء نیوز ) وزیر خارجہ حنا ربانی کھر نے کہا ہے کہ نیٹو سپلائی  کی بحالی کے حوالے سے کوئی خفیہ معاہدہ نہیں کیا گیا، سپلائی پہلے ہی بحال ہو جاتی لیکن معاملہ امریکی معافی پر اٹکا رہا۔وفاقی وزیر اطلاعات قمر زمان کائرہ کا کہنا ہے کہ نیٹو کنٹینرز کی پاکستانی روٹس پر ہر ممکن حفاظت کی جائے گی۔اسلام آباد میں سینئر صحافیوں سے بات کرتے ہوئے وزیر خارجہ کا کہنا تھا کہ نیٹو سپلائی بند رکھنے کا مقصد امریکا کو باور کرانا تھا کہ پاکستان ایک آزاد اور خود مختار ریاست ہے، ریڈ لائن کراس کرنے کی بار بار اجازت نہیں دی جاسکتی. وزیر خارجہ کا کہنا تھا کہ نیٹو سپلائی کابینہ کی دفاعی کمیٹی نے بند کی اور اسی فورم سے بحال بھی ہوئی، ایک سپر پاور کو بھی اپنی پوزیشن سے پیچھے ہٹنا پڑا۔وزیر خارجہ کا کہنا تھا کہ ڈرون حملوں پر امریکا کے ساتھ بات چیت کا سلسلہ جاری رہے گا، نیٹو سپلائی کھولنے میں ملٹری سطح پر جنرل جون ایلن کا کردار اہم تھا۔ وفاقی وزیر اطلاعات قمر زمان کائرہ کا کہنا تھا کہ پاکستان کا مطالبہ شروع سے یہی تھا کہ امریکا اپنی غلطی تسلیم کرے، لیکن ہمیں ادراک ہونا چا ہئے کہ امریکا واحد سپر پاور بھ...

راولپنڈی(ثناء نیوز )دفاع پاکستان کونسل نے نیٹوسپلائی بحالی کے خلاف 8جولائ ی کولاہور سے اسلام آبادتک لانگ مارچ کا اعلان کردیا‘6جولائی کو ملک گیر یوم احتجاج جبکہ 7جولائی کو لاہور میں حکومتی فیصلے کے خلاف قومی سطح کی آل پارٹیز کانفرنس ہو گی۔جمعہ المبارک کو ملک گیر یوم احتجاج کے موقع پر ملک بھر کے تمام چھوٹے بڑے شہروں میں احتجاجی ریلیوں اور مظاہروں کا انعقاد کیا جائیگا‘ نیٹوسپلائی بحالی کے خلاف ایک پلیٹ فارم پر تحریک چلانے کیلئے نواز شریف‘مولانا فضل الرحمان‘عمران خان و دیگرشخصیات اور جماعتوں سے رابطوں کیلئے کمیٹی تشکیل دیدی گئی۔نیٹو سپلائی بحالی کیخلاف تحریک میں مذہبی و سیاسی جماعتوں‘سول سوسائٹی‘وکلاء ‘ طلبائ‘تاجر تنظیموںاور دیگر شعبہ ہائے زندگی سے تعلق رکھنے والی سبھی جماعتوں کو شامل کیا جائیگا۔ان خیالات کا اظہار دفاع پاکستان کو نسل کے چیئر مین مولانا سمیع الحق‘پروفیسر حافظ محمد سعید‘ جنرل( ر) حمید گل‘شیخ رشید احمد‘لیاقت بلوچ‘مولانا محمد طیب طاہری‘غلام مصطفی جدون‘مولانا فضل الرحمان خلیل، حافظ عبدالرحمان مکی ‘ علامہ ابتسام الہی ظہیر‘حافظ عبدالغفار روپڑی ودیگر نے گذشتہ روز کونسل کے ہنگام...

اسلام آباد(ثناء نیوز ) وفاقی کابینہ نے توہین عدالت کے حوالے سے نئے مسودہ  قانون کی بھی منظوری دے دی ہے۔ آئندہ ہفتے پارلیمنٹ کے دونوں ایوانوں سے بل کی منظوری کی کوشش کی جائے گی۔ دہر ی شہریت کی طرح توہین عدالت نئے قانون کا مسودہ بھی انتہائی خاموشی سے وفاقی کابینہ میں پیش کیا گیا دونوں بلز کابینہ اجلاس کے ایجنڈے پر بھی نہیں تھے۔مجوزہ قانون کے تحت توہین عدالت ایکٹ 1976ء ،2003ء اور 2004ء کے آرڈیننس منسوخ ہو جائیں گے۔ ایک نجی ٹی وی کے مطابق نئے قانون کی نئی مجوزہ شق 248 ون کے تحت صدر، وزیر اعظم ،وفاقی وزراء ،وزراء اعلیٰ کو توہین عدالت کے حوالے سے مستثنیٰ قرار دیا گیا ہے۔نئے قانون کے مطابق عدالتوں کے فیصلوں پر مناسب تنقید، زیر سماعت مقدمات اور ان کے بارے فیصلے دیئے جانے کے بعد ان پر بیان بازی کوتوہین عدالت تصور نہیں کیا جائے گا۔اسی طرح ججز کے ذاتی کنڈکٹ کے حوالے سے وفاقی یا صوبائی سطح پر ثبوتوں کے ساتھ کوئی دعوی کیا جائے گا تو یہ بھی توہین عدالت کے زمرے میں نہیں آئے گا۔نئے قانون کے تحت حکومت کو قواعد و ضوابط بنانے کا اختیار حاصل ہو گا۔ توہین عدالت قانون مجریہ 2012ء کے نام سے مسودے کی م...

لاہور (ثناء نیوز) وزیراعلیٰ پنجاب محمد شہبازشریف سے صوبہ ب ھر کے سینئر ڈاکٹروں اور پروفیسروں نے آج یہاں ایوان وزیراعلیٰ میں ملاقات کی اور گزشتہ 15دنوں سے مریضوں کو علاج معالجہ کی سہولتوں میں درپیش مشکلات اور مسائل حل کرنے کے لئے اپنے عزم کا اظہار کیاہے جس کے بعد ینگ ڈاکٹرز ایسوسی ایشن نے فوری پر اپنی ہڑتال ختم کر دی ہے اور ینگ ڈاکٹرز اپنے متعلقہ ہسپتالوں میں فرائض سنبھال لیں گے۔ زیرحراست ڈاکٹروں کو فوری طور پر رہا کیا جا رہا ہے۔یہ فیصلے وزیراعلیٰ پنجاب کی طرف سے سینئر ڈاکٹروں‘ عوامی نمائندوں اور سینئر افسران پر مشتمل کمیٹی کے اجلاس میں متفقہ طور پر کئے گئے۔ وزیراعلیٰ پنجاب محمد شہبازشریف نے کہا ہے کہ طبی شعبے کی بہتری اور عوام کو علاج معالجے کی سہولتوں کی فراہمی میں ڈاکٹروں کا کردار قابل ستائش ہے- ہڑتالی ڈاکٹر غیرمشروط طور پر فوری ہڑتال ختم کر کے دکھی انسانیت کی خدمت کے لئے اپنے فرائض سنبھالیں۔ غیرمشروط طور پر ہڑتال کے خاتمے کے بعد ہی ڈاکٹروں سے مذاکرات کئے جا سکتے ہیں۔ ہڑتال ختم کرنے اور فرائض سنبھالنے کے بعد جو بھی جائز مطالبات ہوں گے سینئر ڈاکٹروں کی مشاورت سے ان کا جائزہ لیا جائ...

واشنگٹن(ثناء نیوز ) امریکہ نے سلالہ چیک پوسٹ پر حملے پر پاکستان سے  معذرت کر لی ہے۔ امریکی وزیر خارجہ ہیلری کلنٹن نے اپنے ایک بیان میں کہا ہے کہ سلالہ چیک پوسٹ پر حملہ غلطی تھی اس حملے میں ہونے والے قیمتی جانوں کے ضیاع پر ہمیں افسوس ہے۔ امریکہ سلالہ حملے پر پاکستان سے معذرت کرتا ہے۔ امریکی وزیر خارجہ کے بیان میں’’ سوری‘‘(Sorry) کا لفظ استعمال کیا گیا ہے۔ اپنے بیان میں ہیلری کلنٹن نے کہا ہے کہ پاکستانی ہم منصب حنا ربانی کھر نے فون پر انہیں بتایا ہے کہ پاکستان کے راستے سے افغانستان میں نیٹو اور امریکی افواج کے لیے زمینی سپلائی بحال کی جا رہی ہے انہوں نے بتایا کہ حنا ربانی کھر نے یہ بھی کہا ہے کہ پاکستان نیٹو سپلائی کے بدلے راہداری کے اخراجات بھی نہیں مانگے گا۔ واضح رہے کہ 26 نومبر 2011 کو پاک افغان سرحد پر واقع پاک فوج کی سلالہ چیک پوسٹ پر نیٹو افواج کے حملے میں24 جوان شہید ہو گئے تھے۔ جس کے بعد پاکستان نے نیٹو سپلائی کو بند کر دیا تھا اور امریکہ سے شمسی ایئر بیس بھی خالی کرا لیا تھا۔

اسلام آباد(ثناء نیوز)وفاقی دار الحکومت اسلام آباد میں دو دو پلاٹس لینے کے  لیے تمام نامور بیورو کریٹس نے بہتی گنگا میں ہاتھ دھوئے۔ سیکرٹری خارجہ جلیل عباس جیلانی، سیکرٹری جنرل ایوان صدر، سلمان فاروقی، سید کمال شاہ، اسماعیل قریشی، محمد عبداللہ یوسف، شکیل درانی، جی ایم سکندر، شعیب سڈل، رفعت پاشا، عبدالرؤف چوہدری سمیت 56 اعلیٰ بیوروکریٹس نے وفاقی دار الحکومت میں دو دو پلاٹس لیے۔ سابق فوجی صدر پرویز مشرف کے دور میں اس وقت کے وزیر اعظم شوکت عزیز نے 22 گریڈ کے افسران کے لیے مراعاتی پیکج کا اعلان کیا تھا ان کی منظوری پر ان بیورو کریٹس کو دو دو پلاٹس کا استحقاق حاصل ہو گیا تھا۔ مجموعی طور پر اسلام آباد میں 214 بیورو کریٹس کو پلاٹس الاٹ کیے گئے ہیں۔ 158 بیورو کریٹس کی ملکیت ایک ایک پلاٹ ہے منگل کو فہرست پبلک اکاؤنٹس کمیٹی میں پیش کر دی گئی ہے۔ فہرست کے مطابق دو دو پلاٹس حاصل کر نے والوں میں سابق وزیر اعظم کے پرنسپل سیکرٹری خالد سعید، سابق سیکرٹری ثقافت جلیل عباس ،وزارت خزانہ کے نوید احسن، محمد اسماعیل قریشی، عبدالرؤف چوہدری، اعجاز رحیم سابق سیکرٹری کابینہ، میجر (ر) سید کمال شاہ سابق سیکر...

اسلام آباد(ثناء نیوز ) کابینہ کی دفاعی کمیٹی میں نیٹو سپلائی کی بحالی پر اتفاق  ہو گیا ہے آج(بدھ کو) وفاقی کابینہ کی جانب سے توثیق کے بعد بحالی کا باضابطہ اعلان کر دیا جائے گا۔ امریکہ کو دفاعی کمیٹی کے اتفاق رائے سے آگاہ کر دیا گیا ہے۔حکومت نے دعویٰ کیا ہے کہ امریکہ سے تعلقات کی بحالی کا فیصلہ پارلیمانی سفارشات کے مطابق کیا جا رہا ہے۔ کابینہ کی دفاعی کمیٹی کا اجلاس وزیر اعظم راجہ پرویز اشرف کی صدارت میں منگل کو اسلام آباد میں ہوا۔ امریکی و اتحادی افواج کے ساتھ تعاون کے لیے پارلیمنٹ کی جانب سے طے کردہ نئی شرائط کار کا جائزہ لیا گیا۔ پارلیمنٹ نے نیٹو سپلائی کی بحالی کو سلالہ چیک پوسٹ پر حملے کے حوالے سے امریکی معافی سے مشروط کیا تھا۔وزیراعظم راجہ پرویزاشرف نے کہا ہے کہ دفاعی کمیٹی ملک کااہم پالیسی سازفورم ہے ایوان وزیر اعظم میں ہونے والے کابینہ کی دفاعی کمیٹی کے اجلاس میں خطاب کے موقع پر وزیر اعظم کا کہنا ہے کہ پاک امریکاتعلقات پرپارلیمنٹ نے اہم سفارشات دے دی ہیں .نیٹوسپلائی روٹس پراپنی پوزیشن کاازسرنوجائزہ لیاہے ،نیٹوسپلائی بندش نے نہ صرف پاک امریکابلکہ49ملکوں کیساتھ تعلقات متاثر...

اسلام آباد(ثناء نیوز )ڈینش یورپی یونین صدارت کے بھرپور چھ ماہ مکمل  ہونے پر اب ڈنمارک نے یہ ذمہ داری قبرص کے سپرد کر دی ہے تاہم ان چھ ماہ کے دوران ڈنمارک نے متعدد کامیابیوں کی طرف پیشرفت کی اور 250 سے زائد ٹھوس نتائج حاصل کئے۔اسلام آباد میں ڈینش سفارتخانے سے جاری بیان کے مطابق ان میں سے ایک یہ تھا کہ پاکستان کیلئے آٹونومس ٹریڈ پیکج اور GSP پلس سکیم میں شمولیت کی مسلسل حمایت کی گئی۔ ڈینش وزیر خارجہ نے پاکستان کا دورہ کیا تو اس دوران صدر آصف زرداری اور وزیر خارجہ حنا ربانی کھر نے اس پر کھل کر خراج تحسین پیش کیا۔ یورپی یونین کا تجارتی پیکج پاکستان کو اس معاشی نقصان سے نمٹنے میں مدد دے گا جو اسے 2010-11ء کے سیلابوں کی وجہ سے اٹھانا پڑا۔ اس سے یورپی ممالک کو پاکستانی مصنوعات کی برآمد میں اضافہ ہوگا جن کی مالیت 300 ملین امریکی ڈالر تک پہنچ جائے گی اور اس سے پاکستان میں ہزاروں لوگوں کو روزگار بھی میسر آئے گا۔ڈنمارک نے یکم جولائی 2012ء کے روز پولینڈ سے یورپی یونین کی صدارت حاصل کی۔ یہ ایک ایسا وقت تھا جب معاشی صورتحال اور مسلسل بڑھتے ہوئے قرضوں کے بحران کے باعث تناؤ میں اضافہ ہو رہا تھا...

ٹوکیو(این این آئی)جاپان میں عوامی مخالفت اور مظاہروں کے باوجود ایٹمی پاور پلانٹ دوبارہ چلا نے کا آغاز کر دیا گیا ہے۔گزشتہ سال مارچ میں فوکوشیما نیوکلیئر پاور پلانٹ سے تابکاری کے اخراج کے بعد جاپان بھر میں تمام ایٹمی بجلی گھر بند کر دئیے گئے تھے۔حفاظتی انتظامات کا جائزہ لینے کے بعد ایٹمی بجلی گھروں کو دوبارہ چلایا جا رہا ہے اس سلسلے میں سب سے پہلے فوکوئی صوبے میں واقع اوہی نیوکلیر پلانٹ کو چلا دیا گیا تاہم ایٹمی بجلی گھروں کیخلاف جاپان میں کئی روز سے مظاہرے جاری ہیں

لاہور (این این آئی)مسلم لیگ(ن) کے صدر نواز شریف 4 جولائی کو یورپ کے دورے پر روانہ ہونگے۔ میڈیا رپورٹ کے مطابق میاں نواز شریف پانچ جولائی کو لندن میں پارٹی عہدیداروں اور کارکنوں سے خطاب کرینگے جبکہ وہ سات جولائی کو جرمنی کا دورہ کریں گے جہاں وہ یورپ کے تنظیمی عہدیداروں کے بڑے اجتماع سے خطاب کریں گے۔ نواز شریف اپنے دورہ برطانیہ میں سرکاری حکام سے بھی ملاقاتیں کرینگے۔

راولا کوٹ (این این آئی) پارلیمنٹ کی کشمیر کمیٹی کے چیئر مین اور جمعیت علماء اسلام (ف)کے سربراہ مولانا فضل الرحمن نے کہا ہے کہ پاکستانی حکومت کے مسئلہ کشمیر پر کر دار او ررویے کے باعث ہم نے پوری کشمیری قوم کو مایوس کر دیا ہے  مقتدر قوتیں جو پالیسیاں بنا کر دیتی ہیں اس پر چلنا پڑتا ہے  اس طرز عمل کی وجہ سے خود مختار کشمیرکی سوچ کو پذیرائی مل رہی ہے  خود مختار کشمیر بن گیا تو یہ پاکستان اور بھارت دونوں کے مفاد میں نہیں ہوگا وہ کامر ان اعظم کے گھر پر صحافیوں سے گفتگو کررہے تھے

اسلام آباد (ثناء نیوز ) دفتر خارجہ نے کہا ہے کہ پاکستان اور امریکہ کے  درمیان نیٹو سپلائی کی بحالی کے حوالے سے ہونے والے مذاکرات میں حتمی فیصلہ تو نہیں ہو سکا ا لبتہ معاملات کچھ آگے بڑھے ہیں دفتر خارجہ کے ذرائع نے نجی ٹی وی کو بتایا کہ پاکستان اور امریکہ کے درمیان ہونے والے مذاکرات میں نیٹو سپلائی کی بحالی کے حوالے سے کوئی حتمی فیصلہ نہیں تاہم قابل ذکر پیشرفت ضرور ہوئی ہے دفتر خارجہ کے مطابق مذاکرات میں پاکستانی وفد کی قیادت وزیر خارجہ حناء ربانی کھر جبکہ امریکی وفد کی قیادت نائب وزیر خارجہ ٹام نائیڈز نے کی۔مذاکرات کے بعد امریکی وفد امریکی سفارتخانہ سے مشاورت کر کے کابل روانہ ہو گیا۔ وزیر خارجہ حناء ربانی کھر امریکی وفد سے ہونے والے مذاکرات سے متعلق صدر زرداری کو اعتماد میں لیں گی۔ اس سلسلہ میں صدر زرداری سے وزیر خارجہ حناء ربانی کھر اور آرمی چیف جنرل اشفاق پرویز کیانی کی ملاقات جلد متوقع ہے اس کے بعد نیٹو سپلائی بحال کرنے کا حتمی فیصلہ ایوان صدر کرے گا۔

لاہور (ثناء نیوز) پنجاب میں رواں سال کے دوران ڈینگی کے رجسٹرڈ کیسوں  کی تعداد چھ ہوگئی۔ چھٹی مریضہ لاہور کے سرگنگارام ہسپتال میں زیر علاج ہے۔ متاثرہ مریضوں میں سے چار کا تعلق لاہور سے ہے۔ تفصیلات کے مطابق رواں سال کے دوران پنجاب میں اب تک ڈینگی کے چھ کیس رجسٹرڈ ہوچکے ہیں۔ تازہ ترین جو کیس سامنے آیا ہے وہ وسن پورہ شالامار کی 16سال صبا بشیر ہے جو سرگنگارام ہسپتال میں زیر علاج ہے اور اس میں ڈینگی وائرس کی تصدیق ہوچکی ہے۔واضح رہے کہ ڈینگی کا باقاعدہ سیزن ابھی شروع نہیں ہوا، مریضوں کی تعداد میں موسم برسات کے دوران بڑھنے کا اندیشہ ہے۔

راولپنڈی (ثناء نیوز )بے نظیر بھٹو ہسپتال اور راولپنڈی میڈیکل کالج کے پروفیسر ای این ٹی ڈاکٹر محمد اسلم چوہدری نے کہاہے کہ گرمی کی شدید لہر کے دوران سن سٹروک سے بچنے کے لئے احتیاطی تدابیر پر عمل کیا جائے۔ گرمی کی شدت نے ہر زی روح کو بے حال کر دیا ہے اور لو لگنے سے بیمار ہونے والے افراد کی تعداد میں اضافہ ہورہا ہے ۔ انہوں نے کہاکہ گرمی کی وجہ سے ناک ، کان گلے کے امراض بھی بڑھ گئے ہیں اورجسم میں نمکیات کی کمی سے بھی موسمی بیماریاں لا حق ہو رہی ہیں۔ ڈاکٹر محمد اسلم چوہدری نے کہا کہ شہری وبائی امراض سے سے بچنے کے لئے دھوپ سے بچاو کی احتیاطی تدابیر اپنائیں۔ دھوپ میں جانے سے گریز کریں۔ موسمی اثرات سے بچاو کے لئے سر ڈھانپ کر باہر جائیں اور گلے سڑے پھل استعمال نہ کریں۔ انہوں نے کہا کہ گرمی کے موسم میں نکسیر سمیت گلے کے امراض بھی پریشانی کا باعث بنتے ہیں جن سے بچنے کے لئے حد درجہ احتیاط برتی جائے ۔ 

اسلام آباد (ثناء نیوز ) سپریم کورٹ آف پاکستان میں اراکین پارلیمان کی دہری شہریت سے متعلق کیس کی سماعت کے دوران مشیر داخلہ رحمان ملک برطانوی شہریت ترک کرنے کا سرٹیفیکیٹ پیش نہیں کرسکے، ان کی جانب سے پیش کی جانے والی دیگر دستاویزات کو عدالت نے مسترد کر دیا۔پیر کو ارکان پارلیمنٹ کی دہری شہریت سے متعلق کیس کی سماعت چیف جسٹس کی سربراہی میں سپریم کورٹ کا تین رکنی بنچ نے کی ۔ مشیر داخلہ کے وکیل انور منصور نے رحمان ملک کا پاکستانی پاسپورٹ اور برطانوی شہریت ترک کرنے سے متعلق دیگر دستاویزات عدالت میں پیش کیں، انہوں نے بتایا کہ پارلیمنٹرینز پر دہری شہریت کی آئینی پابندی ، اس صورت میں ہوتی ہے جب وہ رکن منتخب ہونے کے بعد ایسی شہریت لیں۔ 27 اپریل 2008 کو اپنے وکیل کو دی تھی، اسکی فیس انکی اہلیہ سعیدہ رحمان کے اکاونٹ سے ادا کی گئی، یہ نام غلطی سے سعیدالرحمن پرنٹ ہوا، ،انہوں نے کہاکہ آئین قدغن ، پہلے سے حاصل غیر ملکی شہریت پر عائد نہیں ہوتی، ۔ عدالت نے ان دستاویزات کو غیر متعلقہ قرار دیتے ہوئے کہا کہ برطانوی شہریت ترک کرنے کا سرٹیفیکیٹ یا اسکی نقل پیش کی جائے۔جسٹس جواد ایس خواجہ کا کہنا تھا کہ جو د...

برسلز (ثناء نیوز )نیٹو کے سیکریٹری جنرل آندریس فوگ راسموسین نے  کہا ہے کہ نیٹو اور پاکستان میں قریبی تعلقات ضروری ہیں، افغان فورسز اور پولیس کو 2014 تک افغانستان کا سیکیورٹی کنٹرول دینے کا پروگرام ہے،امید ہے نیٹو سپلائی روٹ جلد بحال ہوجائے گا، طالبان نیٹو کی حکمت عملی ناکام نہیں بناسکتے، عالمی برادری چاہتی ہے کہ کرزئی حکومت کرپشن ختم کرے۔برسلز میں نیٹو ہیڈ کوارٹرز میں میڈیا سے گفتگو کرتے ہوئے سیکریٹری جنرل نیٹو نے کہا کہ افغانستان میں سیکیورٹی مقامی فورسز کو دینے کیلئے کام کررہے ہیں، افغان فورسز اور پولیس کو 2014 تک کنٹرول دینے کا پروگرام ہے، افغانستان میں سیکیورٹی کا مسئلہ اہم چیلنج ہے۔آندریس راسموسین نے کہا ہے کہ نیٹو اور پاکستان میں قریبی تعلقات ضروری ہیں، امید ہے نیٹو سپلائی روٹ جلد بحال ہوجائے گا، مستقبل میں نیٹو پاکستان تعلقات بہتر ہوجائیں گے، پاکستان اور نیٹو میں تعاون دونوں فریقوں کیلئے اہم ہے۔انہوں نے کہا کہ آئندہ ہفتے عالمی برادری ٹوکیو میں افغان حکومت کی طویل ترقی کیلئے اجلاس بلائے گی، افغانستان کو مکمل کنٹرول دینے کے بعد مکمل سیکیورٹی چیلنج ہوگی۔راسموسین کا کہنا ہے ک...

سرینگر(کے پی آئی )بھارتی فوج نے مقبوضہ کشمیر میں جون کے ماہ  میں اپنی پُرتشدد کارروائیوں کے دوران چھ کشمیریوں نو جوانوں کو شہید کیا۔تین خواتین کی آبروریزی کی گئی اور ایک گھر کو منہدم کیا گیا۔میڈیا رپورٹس کے مطابق ان چھ نوجوانوں میں سے ایک نوجوان کی شہادت دوران حراست ہوئی۔اسی ماہ کے دوران بھارتی پولیس اور فوج کی جانب سے بیہمانہ تشدد کے نتیجہ میں 200 سے زائد افراد شدید زخمی ہوئے۔ پولیس اور فوج کی جانب سے یہ تشدد احتجاجی مظاہرین پر کیا گیا جو اپنے مطالبہ کے حق میں مختلف مقامات پر احتجاج کر رہے تھے۔دوران ماہ تقریباً 70 سے زائد افراد کو گرفتار کیا گیا جن میں اکثریت نوجوان شہریوں کی تھی۔

لندن (ثناء نیوز ) برطانوی اخبار سنڈے ٹائمز نے انکشاف کیا ہے کہ القاعدہ  امریکی ایئر لائن پر دہشت گرد حملے کی منصوبہ بندی کر رہی ہے رپورٹ میں کہا گیا ہے کہ القاعدہ نے جزیرہ نما عرب میں ایک نارویجین شخص کو دہشت گردی کی غرض سے بھرتی کیا ہے اور اسے یمن میں تربیت فراہم کی گئی ہے۔رپورٹ کے مطابق مذکورہ شخص کو امریکی مسافر جہاز کو نشانہ بنانے کا بھی ٹاسک ددیا گیا ہے مذکورہ شخص کا نام مسلم ابو عبد الرحمن بیان کیا جا رہا ہے رپورٹ کے مطابق ابو عبد الرحمن مجرمانہ ریکارڈ رکھتا ہے اس نے 2008ء میں اسلام قبول کیا اور بعد میں یمن چلا گیا۔ جہاں اس نے تربیت حاسل کی سی آئی اے نے بھی رواں سال مئی میں اس قسم کی منصوبہ بندی کی خبر دیتے ہوئے امریکہ جانے والے طیارے پر حملے کی منصوبہ بندی کے بارے میں رپورٹ دی تھی

میران شاہ(ثناء نیوز ) شمالی وزیرستان میں امریکی ڈرون حملے میں جاں بحق  ہونے والے افراد کی تعداد آٹھ ہوگئی ہے۔حکام کے مطابق عسکریت پسندوں کی ایک کمین گاہ کو نشانہ بنایا گیا۔مقامی انتظامیہ کے مطابق یہ حملہ اتوار کی صبح شمالی وزیرستان کے صدر مقام میران شاہ سے تقریبا سات کلومیٹر کے فاصلے پر افغان سرحد کے قریب تحصیل شوال کے علاقے کونڈ غر میں ہوا۔یہ علاقہ جنوبی وزیرستان اور شمالی وزیرستان کے مابین سرحد پر واقع ہے۔انتظامیہ کے اہلکاروں کا کہنا ہے کہ امریکی جاسوس طیارے سے دو میزائل داغے گئے اور حملے کا نشانہ بننے والی عمارت مکمل طور پر تباہ ہوگئی۔اہلکار کے مطابق اس حملے میں مکان میں موجود آٹھ افراد جاں بحق ہو گئے جو سب مقامی تھے اور ان کا تعلق حافظ گل بہادر گروپ سے تھا۔ان کا کہنا تھا کہ مرنے والوں کی عمریں اٹھارہ سے بیس برس کے درمیان ہیں اور وہ اس مکان میں تربیت حاصل کر رہے تھے۔حکام کا کہنا ہے کہ ماضی میں یہ کمپانڈ حقانی نیٹ ورک سے تعلق رکھنے والے جنگجوں کے قبضے میں بھی رہا تھا

اسلام آباد (ثناء نیوز) وزیراعظم راجا پرویز اشرف نے کہا ہے کہ حکومت  دوہری شہریت کے حامل افراد پر انتخابات میں حصہ لینے پر عائد پابندی کے خاتمے کیلئے جلد قانون سازی کرے گی۔اتحادی جماعتوں کے تعاون سے سمندر پار پاکستانیوں کوان کاجائزحق دلوایاجائے گا۔وزیر اعظم نے اتوار کو ایم کیو ایم کے قائد الطاف حسین سے فون پر گفتگو کی اور ان سے ملک کی موجودہ سیاسی صورتحال پر تبادلہ خیال کیا، دوہری شہریت سے متعلق قانون سازی کیلئے بھی مشاورت کی گئی۔ وزیراعظم نے صدرآصف زرداری سے الطاف حسین کی ملاقات کوخوش آئند قرار دیا اور جرتمندی کے ساتھ صدر مملکت آصف زرداری کی کھل کر حمایت کرنے اورملک میں جمہوریت کی بقا کیلئے الطاف حسین کی کوششوں کو سراہا۔اس موقع پر الطاف حسین نے دوہری شہریت کے حامل پاکستانیوں پر انتخابات میں حصہ لینے پرعائد پابندی کے خاتمہ کیلئے قانون سازی کے سلسلے میں وزیراعظم کی جانب سے وزیرقانون کوہدایات جاری کرنے کا خیرمقدم کیا اور وزیراعظم سے کہاکہ اس سلسلے میں حکومتی کوششوں کو تیز کیا جائے کیونکہ سمندر پار پاکستانیوں میں اس معاملے پر بہت بے چینی پائی جاتی ہے۔انہوں نے اس سلسلے میں اوورسیزپاک...

اسلام آباد (ثناء نیوز )عوامی نیشنل پارٹی کے قائمقام صدرسینیٹرحاجی محمد عدیل  نے کہاہے کہ چیف الیکشن کمشنرکی تعیناتی کے معاملے پرآئینی پیچیدگی پیداہوگئی ہے۔ جسے پارلیمنٹ ہی حل کرے گی ورنہ وزیراعظم اوروزرائے اعلی کی نامزدگی کے اختیارات بھی الیکشن کمشنرزکودینے پڑیں گے۔ اتوار کو ایک انٹرویو میں انہوں نے چیف الیکشن کمشنر کی تقرری کے معاملے پر 72 رکنی پارلیمانی کمیٹی جس میں حکومت اپوزیشن کی مساوی نمائندگی میں ڈیڈ لاک کی صورتحال پیدا ہو گئی ہے۔ کوئی فریق پیچھے ہٹنے کے لیے تیار نہیں ہے جبکہ چیف الیکشن کمشنر کی تقرری کے لیے اتفاق رائے نہ ہونے پر نامزدگی کی دو تہائی اکثریت سے منظوری ضروری ہے۔ انہوں نے کہا کہ جب کمیٹی میں حکومت اپوزیشن کے درمیان تناؤ کی صورتحال ہو تو ظاہر کمیٹی کے قواعد و ضوابط میں تبدیلی پارلیمنٹ سے رجوع کرنا پڑے گا۔سینیٹر حاجی عدیل خان نے مزید کہا کہ حکومت اپوزیشن کے کسی نام پر اتفاق رائے نہیں ہوتا تو کسی اور شخصیت کے نام کو سامنے لایا جا سکتا ہے۔ کم از کم اس معاملے پر کشیدگی کو ختم ہونا چاہیے۔انہوں نے کہا کہ اس وقت ملک میں عبوری چیف الیکشن کمشنر ہے۔پارلیمانی کمیٹی میں ڈ...

لالہ موسی(ثناء نیوز ) وفاقی وزیر اطلاعات قمر زمان کائرہ نے کہ ا ہے کہ حکومت نے سابق وزیراعظم سیدیوسف رضا گیلانی کی نااہلی سے متعلق سپریم کورٹ کے فیصلے پر تحفظات کے باوجود اسے نظام کے استحکام کی خاطر قبول کیا۔ پیپلز پارٹی کے مخالفین سیاسی میدان میں مقابلہ نہیں کر سکتے ،، اس لیے وہ سارے معاملات عدالتوں میں لے جاتے ہیں ۔لالہ موسی میں میڈیا سے گفتگو کر تے ہو ئے انہوں نے کہا ہے کہ چودھری برادران کا اتحا د پارٹی کے ساتھ ہے ،ان کے یا احمد مختار کے ساتھ نہیں ۔قمر زمان کائرہ نے شہباز شر یف کو دعوت دی کہ لوڈ شیڈنگ کے زمہ داروں کا تعین کر نے کے لیے کمیشن بنایا جائے۔نواز شریف نے اپنے دور میں بجلی پیدا کر نے والے سرمایہ کاروں کو جیلوں میں بند کیا تھاوزیر اطلاعات قمر زمان کائرہ نے کہا ہے کہ موجودہ حکومت جمہوریت کے استحکام پر پختہ یقین رکھتی ہے اور جو عناصر ریاستی اداروں کے درمیان تصادم چاہتے ہیں انہیں مایوسی ہوگی۔ انہوں نے کہا کہ حکومت نے سابق وزیراعظم سیدیوسف رضا گیلانی کی نااہلی سے متعلق سپریم کورٹ کے فیصلے پر تحفظات کے باوجود اسے نظام کے استحکام کی خاطر قبول کیا۔کائرہ نے کہا کہ شفاف ، غیر جانب...

سڈنی (این این آئی)آسٹریلیا میں پاکستانی ہائی کمشنر عبدالمالک عبداللہ نے بتایا ہے کہ پاکستان ، ایران اور افغانستان سے غیر قانونی طور پر آسٹریلیا آنے والے افراد کی تعداد میں گزشتہ سال کی نسبت اس سال دو گنا اضافہ ہوا ہے یہی وجہ ہے کہ بحر ہند میں غیر قانون تارکین وطن کی کشتیوں کو پیش آنے والے حادثے بھی بڑھ گئے ہیں ۔غیر ملکی میڈیا سے بات چیت کرتے ہوئے انہوں نے کہا کہ21 جون کو پیش آنے والے حادثے میں 83 افراد کو بچا لیا گیا ہے جو اس وقت آسٹریلیا کے حراستی مرکز میں ہیں اور آسٹریلیا کی حکومت نے ان کا رابطہ ان کے خاندان کے افراد سے کرا دیا ہے جبکہ نوے لاپتہ افراد کی تلاش کا کام موسم کی خرابی کی وجہ سے روک دیا گیا ہے۔

واشنگٹن (این این آئی)امریکی وزیر دفاع لیون پینٹا نے پاکستان کے ساتھ مذاکرات   کو خوش آئند قرار دیتے ہوئے کہا ہے کہ نیٹو سپلائی کھولنے کے حوالے سے بات چیت جاری ہے پاک فوج کے سربراہ جنرل اشفاق پرویز کیانی امریکی تحفظات کو سمجھتے ہیں پاکستان کو روزانہ دہشت گردی کا سامنا ہے۔ دہشتگردوں کے خلاف مشترکہ کارروائی دونوں ملکوں کے مفاد میں ہے۔میڈیا سے بات چیت کرتے ہوئے وزیر دفاع پنیٹا نے کہاکہ پاکستان کی طرف سے نیٹو روٹ بند ہونے پر امریکا کو ماہانہ دس کروڑ ڈالر زیادہ خرچ کرنا پڑ رہے ہیں۔

لاہور(این این آئی) پاکستان کرکٹ بورڈ کے چیئرمین ذکا اشرف نے کہا ہے کہ محمد حفیظ میں کپتانی کے حوالے سے کوئی کمی نہیں ،کھلاڑی اگر اچھا نہیں کھیلتا تو اس میں کپتان کا کوئی قصور نہیں سلمان بٹ کو ایک عدالت سزا دے چکی ،چیف جسٹس سے انصاف کے مطالبہ کا پی سی بی سے کوئی تعلق نہیں۔لاہور ائیر پورٹ پر میڈیا سے گفتگو کرتے ہوئے ذکا اشرف کا کہنا تھا کہ آئی سی سی کے اجلاس میں تمام ممالک کے نمائندوں نے پاکستان میں انٹرنیشنل کرکٹ کی حمایت کی ہے،بنگلہ دیش کی کرکٹ بورڈ کے چئیرمین مصطفی کمال نے میٹینگ میں یقین دلایا ہے کہ 12 جولائی کے بعد اسٹے ختم ہونے پر پاکستان آنے کو تیار ہیں. انہوں نے بتایا کہ دانش کنیریا کو انگلش کرکٹ بورڈ کے نوٹس کے بعد مدد کے لیے پیغام دیا تاہم اس نے انکار کر دیا،سلمان بٹ کو ایک عدالت سزا دے چکی ہے،چیف جسٹس سے انصاف کے مطالبہ کا پی سی بی سے کوئی تعلق نہیں۔

قاہرہ(ثناء نیوز )مصر کے نو منتخب صدر محمد مرسی نے اپنے عہدے کا حلف  اٹھالیا۔اخوان المسلمون کے نو منتخب صدر محمد مرسی نے مصر کی آئینی عدالت کے سامنے باضابطہ طور پر اپنے عہدے کا حلف اٹھایا۔اِس موقع پر مصر کے صدر محمد مرسی نے کہا کہ وہ آئین پرعملدرآمد اور اداروں کا احترام کریں گے اورشہریوں کے تمام حقوق کا تحفظ کیا جائے گا۔انہوں نے کہا کہ وہ اسرائیل سے تعلقات کی حمایت کرتے ہیں۔محمد مرسی نے کہا ہے کہ مصر کو بنیاد پرست ریاست نہیں بنایا جائے گا۔ اس سے پہلے محمد مرسی نے قاہرہ کے تحریر سکوائر میں ہزاروں کے مجمع کے سامنے غیر رسمی طور پر اپنے منصب کا حلف اٹھایا تھا۔محمد مرسی مصر کے آزادانہ طور پر منتخب ہونے والے پہلے سویلین صدر ہیں۔ان سے پہلے حسنی مبارک اس عہدے پر تیس سال تک رہے۔صدر مبارک کو پچھلے سال مصر میں عوامی انقلاب کے بعد عہدے سے ہٹنا پڑا تھا.۔صدارتی انتخابات میں محمد مرسی کا مقابلہ سابق وزیر اعظم احمد شفیق سے ہوا۔محمد موسی مرسی نے قاہرہ کے تحریر سکوائر میں ہزاروں کے مجمع سے خطاب کرتے ہوئے کہا تھا کہ عوام کی طاقت سے بڑی طاقت کوئی نہیں اوراب مصر میں اقتدار اور حاکمیت کا منبع عوام ہیں...

لاہور (ثناء نیوز) وزیراعظم پرویز اشرف نے کہا ہے کہ کسی ایک چیز  کیلئے سب کچھ داؤ پر نہیں لگادینا چاہیئے، اس سے جمہوریت اور اداروں کو نقصان پہنچے گا۔ انہوں نے کہاکہ ماسوائے حکومت پر قبضہ کرنے کے فوج کا کردار بہت مثبت اور تعمیری رہا ہے۔ (ن) لیگ کی جمہوریت کیلئے بہت خدمات ہیں چیف الیکشن کمشنر کی تعیناتی اتفاق رائے سے کی جائے گی۔ پیپلز پارٹی کی صوبائی پارلیمانی پارٹی کے ارکان کو ایک ہفتہ اور مراعات دیں گے۔ پارٹی الیکشن کی تیاری کرے۔ ان خیالات کا اظہار انہوں نے سینئر صحافیوں سے ملاقات اور پیپلز پارٹی کی صوبائی پارلیمانی پارٹی کے اجلاس سے خطاب کرتے ہوئے کیا۔ اس موقع پر گورنر پنجاب سردار لطیف کھوسہ بھی موجود تھے۔ وزیراعظم نے پارٹی کارکنوں اور ارکان صوبائی اسمبلی سے کہا کہ عام انتخابات میں آٹھ نو ماہ باقی رہ گئے ہیں وہ الیکشن کی تیاری کریں۔ ارکان صوبائی اسمبلی نے نئے وزیراعظم سے بھی نوکریوں اور اسلحہ لائسنس دینے کا مطالبہ کیاتو راجہ پرویز اشرف نے کہا کہ وہ ایک ہفتہ کے اندر ہوم ورک مکمل کر کے ارکان صوبائی اسمبلی کے لئے مراعات کا اعلان کریں گے۔ انہوں نے کہا کہ جمہوریت کا تسلسل ہی ملکی مسا...

اسلام آباد (ثناء نیوز )چیئرمین قومی احتساب بیورو(نیب)فصیح بخاری نے  کہا ہے کہ اداروں میں کرپشن کے باعث ملکی خزانے کو 6 سے 8 ارب روپے روزانہ کا نقصان ہو رہا ہے۔قانونی نظام کی طرح ہمارا معاشرہ بھی کرپٹ ہے۔وفاقی دارالحکومت ہفتہ کو پریس بریفنگ کے دوران چیئرمین نیب کا کہنا تھا کہ قومی احتساب بیورو کا کام چوری کی گئی رقم برآمد کرنا ہے۔کسی کا ٹرائل کرنا نہیں تاہم ان کا کہنا تھا کہ اگر کوئی ملوث پایا جاتا ہے تو اس کے خلاف کارروائی کی جا سکتی ہے۔ فصیح بخاری کا کہنا تھا کہ اب تک نیب نے 235 روپے برآمد کر کے قومی خزانے میں جمع کروائے ہیں لیکن یہ نا کافی ہیں۔انہوں نے کہا کہ حکومت نے 300 نئے تحقیقات کار بھرتی کرنے کی منظوری بھی دی ہے کیونکہ کرپشن کے بہت سے مقدمات کی تحقیقات جاری ہیں ۔انہوں نے کہا کہ سیاسی بنیادوں پر قائم کیے گئے مقدمات نہیں کھولے جائیں گے۔ان کا کہنا تھا کہ آئل اینڈ گیس ریگولیٹری اتھارٹی میں 55 ارب روپے کرپشن کے خلاف تحقیقات جاری ہیں اور شریف برادران کے خلاف مقدمات کا جائزہ بھی لیا جا رہا ہے تاہم انہوں نے کہا کہ نیب کسی کے خلاف بھی سیاسی مقدمات نہیں کھولے گی اور نہ ہی نیب سیاس...