Weekly EHTASABI AMAL Lahore ھفت روذھ احتسابی عمل لاھور

اسلام آباد (ثناء نیوز )پاکستان اور امریکا کے درمیان پارلیمنٹ  میں سفارشات کی منظوری کے بعد باقاعدہ مذاکرات کا آغاز ہو گیا ہے ۔ دونوں ممالک نے اتفاق کیا ہے کہ پاک امریکا دو طرفہ تعلقات دونوں ممالک کے مفاد میں ہیں ۔ جبکہ پاکستان نے کہا ہے کہ امریکا کے ساتھ باہمی احترام اور دوستی پر مبنی تعلقات چاہتے ہیں ۔ ڈرون حملے غیر قانونی اور پاکستانی حدود میں مداخلت ہیں ۔ امریکی نمائندہ خصوصی نے کہا ہے کہ امریکا پاکستان کے ساتھ مل کر خطے سے دہشت گردوں کی پناہ گاہوں کا خاتمہ چاہتا ہے ۔ پاکستان کی خود مختاری کا مکمل احترام کرتے ہیں ۔ پاک امریکا اسٹریٹجک تعلقات کو واضح انداز میں آگے بڑھنا چاہیے یہی دونوں ملکوںکے مفاد میں ہے ۔ ان خیالات کا اظہار سیکرٹری خارجہ جلیل عباس جیلانی او رپاکستان اور افغانستان کے حوالے سے امریکی نمائندہ خصوصی مارک گراسمین نے وفود کی سطح پر مذاکرات کے بعد مشترکہ پریس کانفرنس سے خطاب کرتے ہوئے کیا ۔ پریس کانفرنس سے خطاب کرتے ہوئے سیکرٹری خارجہ جلیل عباس جیلانی نے کہا کہ میں امریکی نمائندہ خصوصی کو پاکستان آمد پر خوش آمدید کہتا ہوں ۔ امریکا اورنیٹو کے ساتھ تعلقات کے حوالے سے ...

واشنگٹن(ثناء نیوز) امریکہ نے پاکستان اور بھارت سمیت جوہری صلاحیتوں کے حاصل تمام ممالک پر زور دیا ہے کہ وہ اپنی جوہری میزائل صلاحیتوں کے حوالے سے صبر و تحمل سے کام لیں۔ غیر ملکی خبر رساں ادارے کے مطابق محکمہ خارجہ کی ترجمان وکٹوریہ نولینڈ نے میڈیا بریفنگ کے دوران پاکستان اور بھارت کی جانب سے جوہری میزائل کے حالیہ تجربات بارے ایک سوال پر کہا کہ ہم دونوں ممالک کے میزائل تجربات کو شیڈول کا حصہ سمجھتے ہیں اور یہ خیال نہیں کیا جا سکتا کہ پاکستان اور بھارت ایک دوسرے کے جواب میں یہ تجربات کر رہے ہیں اور سب سے اہم بات یہ ہے کہ دونوں ممالک ایک دوسرے کو اپنے تجربات سے قبل آگاہ کر رہے ہیں۔ انہوں نے اس امید کا اظہار کیا کہ پاکستان اور بھارت مذاکرات کے ذریعے اپنے تعلقات کو بہتر کریں گے

کراچی(ثناء نیوز ) وفاقی وزیر داخلہ سینیٹررحمن ملک نے کہا ہے ک ہ بھوجا ائیر لائن طیارہ حاد ثے واقعہ کی مکمل تحقیقات ہوںگی جس نے بھی کوتاہی کی ہے اس کے خلاف مکمل کارروائی ہوگی اپوزیشن ہم پر تنقید کرتی ہے مگر قومی مفاد کے معاملے پر سیاست نہیں کرنی چاہئے چوہدری نثار کو وزیراعظم کے بنائے گئے کمیشن پر اعتراض ہے تو وہ جس کو نامزد کریں گے کمیشن میں شامل کرلیا جائے گا بھارت کیساتھ تعلقات اچھے چاہتے ہیں دونوں ملکوں کو سیاچن سے فوجیں نکالنی چاہئیں کراچی میں اسلحہ حب سے آتا ہے وہاں چوکی بنادی گئی ہے موسی گیلانی پر اب تک الزام ہے وہ آ گئے ہیں تفتیش میں مدد کریں گے کراچی کے علاقے اورنگی ٹاؤن میں بھتہ خوری میں کئی پارٹیاں ملوث ہیں جن میں پیپلزپارٹی ، اے این پی ، ایم کیو ایم اور دیگر پارٹیاں بھی شامل ہیں۔ان خیالات کا اظہار انہوںنے پیر کو کراچی ایئرپورٹ پر صحافیوں سے گفتگو کرتے ہوئے کیا۔عبدالرحمن ملک کا کہنا تھا کہ وزیراعظم نے لواحقین کے مطالبے پر دو ججوں پر مشتمل ایک جوڈیشل کمیٹی بنائی ہے بھوجا ائیر لائن حادثے کی تحقیقات ائیر فورس کے اعلی افسران کی نگرانی میں ہو رہی ہے جبکہ عوام کی جانب سے مطالبہ کیا...

اسلام آباد (ثناء نیوز ) وزیر اعظم سید یوسف رضا گیلانی نے  کہا ہے کہ عزت کے لیے سیاست میں آئے ہیں۔عدلیہ سے کوئی خطرہ نہیں۔ وہ میرے دوست ہیں۔ اچھے کاموں کی خوشبو ہمیشہ کے لیے بکھر جاتی ہے۔ کتاب علم اور علم ہی طاقت ہے تمام اہم کتابیں جیلوں میں لکھی گئی ہیں۔ ملک میں کتاب بینی کے کلچر کو فروغ دینے کی ضرورت ہے۔ وزیر اعظم نے وعدہ لیا ہے کہ ہم سب کتاب کو ایک بہترین ساتھی بنائیں گے،پیسوں کی بھی بچت ہو گی اس سے کتاب خریدی جائے گی اور ہمیشہ کتاب ہی تحفہ میں دی جائے گی۔ وزیر اعظم سید یوسف رضا گیلانی نے یہ وعدہ پیر کو قومی اکادمی ادبیات میں کتاب کے قومی دن کے موقع پر تقریب سے خطاب کرتے ہوئے کیا۔ تقریب کی منفرد نئی روایات وزیر اعظم کی آمد کے موقع پر سرپر کتابیں اٹھا کے طلبا کی جانب سے ان کا استقبال کرنا اور وزیر اعظم کی جانب سے شرکاء سے کتاب بینی کا وعدہ لینا تھا۔ وزیر اعظم نے کہا کہ ہمارے زمانہ طالب علمی میں کتاب بینی پر بہت زیادہ توجہ دی جاتی۔ حکومت نے کتاب کلچر کے فروغ کے لیے موبائل لائبریریز کا انتظام کیا۔ وزیر اعظم نے کہا کہ تمام اہم کتابیں جیلوں میں لکھی گئی تھیں میں بھی جیل گیا تو کتاب ل...

اسلام آباد(ثناء نیوز ) سول ایوی ایشن کے ڈائریکٹر کیپٹن ندیم یوسف زئی نے  کہا ہے کہ بھوجا ایئر لائن کے تباہ شدہ طیارے کے بلیک باکس کی ڈی کوٹنگ میں ایک ماہ کا وقت لگ سکتا ہے۔ بلیک باکس اتوار (آج ) امریکہ بھجوا رہے ہیں امریکی بوئنگ کمپنی رپورٹ تیار کرے گی۔عالمی معیار کے مطابق تحقیقات مکمل ہونگی نتیجہ سامنا آنے سے قبل کوئی رائے قائم نہ کی جائے۔ حادثہ کا شکار ہو نے والے طیارے کے تمام اہم حصوں کا ملبہ ٹکڑے اور پرزے مل گئے ہیں جس کی وجہ سے تحقیقات جلد مکمل ہو نے کا امکان ہے۔ قوم کو حقائق سے ضرور آگاہ کریں گے ۔ بھوجا ایئر لائن کو جہاز چلانے کی اجازت دینے کے لیے کوئی سیاسی دباؤ نہیں تھا۔ میرٹ پر لائسنس جاری کیا گیا تھا اس حوالے سے بات کرتے ہوئے سی اے اے کی ساکھ کو مد نظر رکھا جائے ۔بدقسمت طیارہ رن وے سے 6 کلو میٹر دور گر کر تباہ ہوا تھا شام 6 بجکر45 منٹ پر پائلٹ کا کنٹرول روم سے رابطہ منقطع ہو گیا تھا۔ ان خیالات کا اظہار انہوں نے ہفتہ کو بے نظیر بھٹو انٹر نیشنل ایئر پورٹ پر پریس کانفرنس سے خطاب کرتے ہوئے کیا۔ ایم ڈی سی اے اے نے کہا کہ تاریخ کا سب سے بڑا حادثہ ہے جہاز میں سوار تمام 127 افرا...