Weekly EHTASABI AMAL Lahore ھفت روذھ احتسابی عمل لاھور

اسلام آباد ۔ (اے پی پی) وفاقی وزیراطلاعات ونشریات قمر زمان کائرہ اور وفاقی وزیرپٹرولیم وقدرتی وسائل ڈاکٹر عاصم حسین نے کہا ہے کہ قیمتوں میں کمی کا فیصلہ عوام کے فائدے کے لئے کیا، توقع ہے کہ صوبائی حکومتیں قیمتوں میں کمی کے بعد ٹرانسپورٹ کرایوںمیں کمی کو یقینی بنائیں گی، سی این جی کی قیمت پٹرول کے لحاظ سے 60فیصد کے فرق کے ساتھ رکھی جائے گی،ای سی سی کے فیصلوں کے مطابق سی این جی اور پٹرولیم مصنوعات کی قیمتوں میں ردوبدل ہر 15دنوں کے بعد ہو گا،میڈیا کو حقائق کے مطابق خبریں دینی چاہئیں، پہلے بھی ایل این جی کی درآمد کے حوالے سے بڑھاچڑھا کر خبریں دی گئیں،پڑولیم مصنوعات کی قیمتوں میں کمی کی سفارشات اوگرا کو بھجوادیں گئی ہیں، وہ اس کا نوٹیفیکیشن جاری کرے گی،یہ تاثر درست نہیں ہے کہ حکومت پٹرولیم مصنوعات پر منافع کما رہی ہے، لوڈ شیڈنگ کا خاتمہ ہماری اولین ترجیح ہے۔ ان خیالات کا اظہار انہوں نے جمعہ کو مشترکہ پریس کانفرنس میں پٹرولیم مصنوعات کی قیمتوں میں کمی کا اعلان کرتے ہوئے کیا۔

کابل(ثناء نیوز ) افغانستان میں ایک گرنیڈ دھماکے میں ایک برطانوی فوجی ہلاک ہوگیا۔غیر ملکی خبر رساں ادارے کے مطابق صوبائی حکومت کے ترجمان نے بتایا کہ ضلع نہر سراج میں برطانوی فوجی گرنیڈ حملے میں اس وقت ہلاک ہوا جب وہ گشت پر تھا ترجمان نے بتایا کہ ہلاک ہونیوالے فوجی کی بارے اہل خانہ کو اس بارے آگاہ کردیا گیا ہے۔

سری نگر(کے پی آئی ) مقبوضہ کشمیر میں بھارتی فوجیوں کی خود کشی  کا سلسلہ جاری ہے ۔ گزشتہ روز شیوپورہ سرینگر میں سی آر پی ایف اہلکار نے اپنی سروس رائفل سے گولی مار کر اپنا ہی کام تمام کردیا۔ شیو پورہ سرینگر میں 61 بٹالین ہیڈکواٹر میں تعینات سی آر پی ایف کانسٹیبل سنتوش کمار نے خود پر کئی گولیاں چلائیں جسکے نتیجے میں خون میں وہ لت پت ہوکر گر پڑا اگرچہ مذکورہ کو ہسپتال منتقل کرنے کی کوشش کی گئی تاہم وہ راستے میں ہی دم توڑ بیٹھا ۔

واشنگٹن(ثناء نیوز ) امریکی فوج کے صدر دفتر پینٹاگون سے جاری ہونے والے  بیان میں کہا گیا ہے کہ اسی ہفتے کے دوران ایک امریکی میرین کی ہلاکت سے افغانستان میں گزشتہ گیارہ سالوں کے دوران ہلاک ہونے والے فوجیوں کی تعداد دو ہزار سے تجاوز کر گئی ہے۔ افغانستان میں امریکی فوج کی طالبان انتہاپسندوں کے خلاف جاری جنگ میں کل ہلاکتیں دو ہزار سے تجاوز کر گئی ہیں۔ ویب سائٹ نے ان ہلاکتوں کی جمعرات کے روز تک کی کل تعداد 2,008 بیان کی ہے۔ افغانستان میں امریکی فوج نے اپنی جنگی کارروائیوں کا آغاز اکتوبر سن 2001 میں کیا تھا۔ اس وقت امریکی فوج نے آپریشن اینڈیورنگ فریڈم (Operation Enduring Freedom) شروع کیا تھا۔دارالحکومت واشنگٹن میں قائم امریکی وزارت دفاع اور فوج کے ہیڈ کوارٹرز پینٹاگون کے مطابق دو ہزار سے زائد ہونے والی ہلاکتوں میں ایک ہزار 577 فوجی باقاعدہ جنگی مشن میں ہلاک ہوئے ہیں۔ ان ہلاکتوں میں چونتیس خواتین بھی شامل ہیں۔ پینٹاگون کے مطابق زخمیوں کی تعداد سولہ ہزار 402 ہے۔ رواں برس کے دوران اب تک افغانستان میں ڈیڑھ سو سے زائد امریکی فوجی جاں بحق ہو چکے ہیں۔ ان گیارہ سالوں کے دوران نیٹو کی ایساف فو...

اسلام آباد(ثناء نیوز ) وفاقی حکومت نے پٹرولیم مصنوعات اور سی این جی کی قیمتوں میں کمی کا اعلان کر دیا ہے۔پٹرول فی لیٹر 10 روپے 46 پیسے، ڈیزل 6 روپے 8 پیسے، مٹی کا تیل 5 روپے 26 پیسے اور ایچ او بی سی فی لیٹر 11 روپے 75 پیسے سستا ہو گیا ہے۔ سی این جی کی قیمت میں فی کلو گرام 4 روپے 82 پیسے کمی کر دی گئی ہے۔ قیمتوں میں ردوبدل کا نوٹیفکیشن جاری کر دیا گیا ہے۔ وفاقی حکومت نے صوبائی حکومتوں سے کہا ہے کہ پٹرولیم مصنوعات کی قیمتوں میں غیر معمولی کمی کے بعد ٹرانسپورٹ کے کرایوں میں کمی کو یقینی بنایا جائے۔ جمعہ کو یہ اعلان وفاقی وزیر اطلاعات و نشریات قمر زمان کائرہ اور وزیر پٹرولیم و قدرتی وسائل ڈاکٹر عاصم حسین نے اسلام آباد میں مشترکہ پریس کانفرنس سے خطاب کرتے ہوئے کیا۔ وفاقی حکومت کے اعلان کے مطابق سی این جی ریجن ون میں 4 روپے 82 پیسے ، ریجن ٹو میں 4 روپے 87 پیسے سستی کی گئی ہے ۔ ریجن ون میں پوٹھوار، خیبر پختونخواہ اور بلوچستان شامل ہیں۔ ریجن ٹو میں سندھ اور وسطیٰ پنجاب شامل ہیں۔ وزیر اطلاعات نے کہا کہ عوام کو ریلیف دینا حکومت کی ذمہ داری ہے۔ پٹرولیم مصنوعات اور سی این جی کی قیمتوں میں کمی س...

اسلام آباد (ثناء نیوز ) چیف جسٹس افتخار محمد چودھری نے کہا ہے کہ وزیر  اعظم سزایافتہ ہیں انہیں اپیل کرنا چاہیے تھی۔وزیر اعظم کو توہین عدالت کیس میں سزا پر سپیکر قومی اسمبلی کی رولنگ کے خلاف کیس کی سماعت چیف جسٹس افتخار محمد چودھری کی سربراہی میں تین رکنی بنچ نے شروع کی توتو وزیر اعظم کے وکیل اعتزاز احسن نے عدالت سے استدعا کی کہ معاملہ انتہائی اہم لہذا لارجر بنچ بنایا جائے۔ انہوں نے کہا کہ ہم نے سزا قبول کی ہے نااہلیت نہیں۔ ہر سزا کا مطلب رکن اسمبلی کی نااہلی نہیں ہوتا ۔ اس چیف جسٹس نے کہا کہ آپ اپیل کے دلائل اس کیس میں نہیں دے سکتے ۔بادی النظر میں آپ فیصلہ قبول کرلیا ہے۔ انہوں نے کہا کہ توہین عدالت کی سزا کا ناایلی سے براہ راست تعلق بنتا ہے.انہوں نے کہا کہ وزیر اعظم سزایافتہ ہیں انہیں اپیل کرنا چاہیے تھی. اس پر اعتزاز احسن نے کہا کہ وزیر اعظم نااہل نہیں ہوئے اس لیے اپیل نہیں کی گئی .اعتزاز احسن نے کہا کہ سپیکر کو رولنگ دینے کا اختیار حاصل ہے اس معاملہ میں سپیکر کا کردار صرف پوسٹ مین کا نہیں ہے۔ دوسری طرف اٹارنی جنرل کا کہنا تھا کہ کل میں نے کمرہ عدالت میں کوئی نازیبا اشارہ نہیں ...

اسلام آباد(ثناء نیوز )ارسلان افتخار کیس میں سپریم کورٹ نے اپنا فیصلہ  سناتے ہوئے کہا ہے کہ ملزم کتنا با اثر کیوں نہ ہو قانون کے مطابق سزا ملنی چاہیئے، اٹارنی جنرل قانون کو حرکت میں لائیں اور ملک ریاض، ارسلان افتخار اور سلمان علی کو سخت سے سخت کارروائی کریں۔ارسلان افتخار کیس میں سپریم کورٹ کی جانب سے تشکیل دیئے گئے بنچ کے سربراہ جسٹس جواد ایس خواجہ نے کیس کا فیصلہ سنایا۔ عدالت عظمی میں سماعت شروع ہوئی تو جسٹس جواد ایس خواجہ کا کہنا تھا کہ گذشتہ سماعت پر ملک ریاض کے وکیل زاہد بخاری اور اٹارنی جنرل نے مقدمہ کو نمٹانے کے لیے کمیشن بنانے سمیت دیگر تجاویز دی تھیں لیکن عدالت ان تجاویز کو درست نہیں سمجھتی اور اس کیس کی سماعت کو نمٹایا جا رہا ہے۔جسٹس جواد ایس خواجہ نے عدالت کا 09صفحات پر مشتمل فیصلہ پڑھ کر سنایا۔عدالت نے اپنے فیصلے میں کہا ہے کہ سپریم کورٹ ٹرائل کورٹ نہیں ہے اس لیے متعلقہ مجازعدالت ہی دھوکہ دہی، پیسے لوٹنے اور رشوت کے الزامات میں سزا سنا سکتی ہے۔ عدالت کا کہنا ہے کہ از خود نوٹس لینا ضروری تھا کیونکہ یہ عدالتی وقار کا معاملہ تھا اور یہ ضروری تھا کہ حقائق عوام کو بتائے جائ...

اسلام آباد(ثناء نیوز )چیف جسٹس افتخار محمد چوہدری سے اظہار یکجہتی  کیلئے ملک کے مختلف ڈسٹرکٹ بارز میں اجلاس کئے گئے اورریلیاں نکالی گئیں۔ اعتزاز احسن اور زاہد بخاری کے اسلام آباد ہائیکورٹ بار میں داخلے پر پابندی لگا دی گئی۔چیف جسٹس سے اظہار یکجہتی اور ملک ریاض کی نیوز کانفرنس کے خلاف ملک بھر میں وکلا سراپا احتجاج ہیں۔ لاہور ہائی کورٹ بار کے اجلاس میں چیف جسٹس کے حق میں قرارداد منظور اور زاہد بخاری سمیت ملک ریاض کی وکالت کرنے والے تمام وکلا کے ہائی کورٹ بار میں داخلے پر پابندی عائد کردی گئی۔ اسلام آباد میں وکلا نیعدالتی امور کا بائیکاٹ کیا۔ اسلام آباد ہائیکورٹ بار نے اعتزاز اور زاہد بخاری کے بار میں داخلے پر پابندی لگاتے ہوئیفیصلہ کیا کہ کوئی وکیل ملک ریاض کی پیروی نہیں کرے گا۔ لاہور میں وکلا نے ریلی نکالی اور ملک ریاض کے الزامات کے خلاف تحریک چلانے اور ہر جمعرات کو احتجاج کا اعلان کیا۔ ملیربار کراچی کے وکلا نے نیشنل ہائی وے پر دھرنا دیا۔ پشاور ہائی کورٹ اور ڈسٹرکٹ بار کے وکلا نے بھی ریلی نکالی۔ ڈیرہ غازی خان میں وکلا عدالتوں میں پیش نہیں ہوئے۔لاہور ہائی کورٹ بار ایسوسی ایشن نے ب...

اسلام آباد (ثناء نیوز )قومی اسمبلی میں کثرات رائے کی بنیاد پر جمعرات کو  اپوزیشن کی ہنگامہ آرائی شور شرابے میں فنانس بل 2012-13 ء کو منظور کر لیا گیا ۔ فنانس بل کے ساتھ نئے مالی سال کے لیے 29 کھرب 60 ارب روپے کا بجٹ منظور ہو گیا ہے ۔ اپوزیشن نے جعلی بجٹ نامنظور ، فراڈ بجٹ نا منطور قوم کو جینے دو کے نعرے لگائے ۔ سینٹ کی بعض سفارشات کو فنانس بل 2012-13 ء میں شامل کر لیا گیا ہے ۔جمعرات کو منظور کے لیے فنانس بل وزیر خزانہ ڈاکٹر عبد الحفیظ شیخ نے پیش کیا تھا ۔ سینٹ سفارشات کے حوالے سے فنانس بل میں بعض ترامیم کی بھی منظوری دے دی گئی ہے۔ قومی اسمبلی نے کثرت رائے کی بنیاد پر 29 کھرب 60 ارب روپے کے وفاقی بجٹ کی منظوری دے دی ہے ۔ اپوزیشن نے بجٹ دستاویز بھی آ کر وزیر خزانہ پر پھینک دی تھیں ۔حکومت نے جمعرات کو بجٹ کے حوالے سے مطالبات زر کی منظوری کا مشکل ترین مرحلہ با آسانی مکمل کر لیا ۔ اپوزیشن نے حکومت کو ٹف ٹائم دینے کا دعویٰ کیا تھا ۔ ملک کی پارلیمانی تاریخ میں پہلی بار وفاقی بجٹ کے بارے میں کوئی کٹوتی کی تحریک نہیں لائی گئی ۔ وفاقی وزارتوں ، ڈویژنوں اداروں اور ذیلی محکموں کے اخراجات کے ب...

اسلام آباد (ثناء نیوز )قومی اسمبل میں قائد حزب اختلاف چوہدری نثارعلی  خان نے کہا ہے کہ اپوزیشن کے احتجاج کی وجہ سے سزا یافتہ وزیراعظم سید یوسف رضا گیلانی قومی اسمبلی کا رخ نہ کر سکے ۔ پارلیمنٹ میں حکمرانوں کے خلاف آئندہ بھی احتجاج جاری رہے گا۔ فوج کو سپریم کورٹ سے کوئی خطرہ نہیںہے۔ ملک ریاض ،آصف علی زرداری کے کہنے پر سپریم کورٹ کے خلاف مہم چلارہے ہیں ۔ اس مہرے کو انہوںنے ہی میدان میں اتارا ہے ۔ جمعیت علماء اسلام(ف) ہر اہم موقع پر حکومت کی غائبانہ مددکے لیے کمر بستہ رہی ہے ۔ تمام سیاسی و جمہوری قوتیں آزاد عدلیہ کے تحفظ کے لیے متحد ہو جائیں اس اہم مقصد کے لیے پاکستان تحریک انصاف کے ساتھ سیز فائر کا اعلان کرتا ہوں ان خیالات کا اظہارانہوںنے جمعرات کو پارلیمنٹ ہاؤس کے باہر میڈیا سے بات چیت کرتے ہوئے کیا ۔ چوہدری نثارعلی خاننے کہا کہ بجٹ سیشن میں بھی اس بات کو ثابت کیا گیا کہ حقیقی اپوزیشن ہم ہیں انہوں نے کہا کہ بجٹ سیشن کارروائی کا حصہ نہ بننے کے فیصلے کی وجہ سے ہم نے حکومت کے ان کھربوں روپے کے اخراجات کے بارے میں کوئی کٹوتی کی تحریک نہ دے سکے تھے۔ جمعیت علماء اسلام(ف) کیوں اپنی کٹوت...

اسلام آباد(ثناء نیوز ) وفاقی کابینہ نے فوری طور پر ملک بھر میں غیر  اعلانیہ لوڈ شیڈنگ پر پابندی عائد کر دی۔ توانائی کے بحران کے مستقل حل کے عزم کا اعادہ بھی کیا گیا ہے۔ وزیر اعظم سید یوسف رضا گیلانی خود روزانہ کی بنیاد پر عوام کو بجلی کی فراہمی کی صورت حال کی نگرانی کریں گے۔ کابینہ نے دفاعی شعبے میں تعاون کے لیے نیشنل ڈیفنس یونیورسٹی اور سعودی عرب کی نائف عرب یونیورسٹی فار سیکورٹی سائنسز کے درمیان مفاہمت کی دستاویز پر دستخط کر نے ، متحدہ عرب امارات کے ساتھ قیدیوں کے تبادلے کے معاہدے کی منظوری دے دی ہے۔ کابینہ نے صوبوں پر زور دیا ہے کہ وہ قومی توانائی کا نفرنس کے فیصلوں پر عملدر آمد کو یقینی بنائیں۔ توانائی کی طلب و رسد میں فرق دور کر نے کے لیے کابینہ کی توانائی کمیٹی سے ایک ہفتہ میں رپورٹ بھی طلب کر لی گئی ہے۔ وزیر اعظم کی صدارت میں بدھ کو کابینہ کا اجلاس اسلام آباد میں ہوا۔ توانائی کی بحران اور اس کے نتیجہ میں پیدا شدہ صورتحال پر غور کیا گیا ہے۔ سیکرٹری پانی و بجلی نے بجلی کی دستیابی کے بارے میں آگاہ کیا کابینہ کو آگاہ کیا گیا ہے کہ ملک میں 16 ہزار میگاواٹ سے زائد بجلی پیدا کر ...

اسلام آباد (ثناء نیوز )سپریم کورٹ نے ملک ریاض کو گذشتہ روز کی پریس  کانفرنس پر توہین عدالت کا شو کاز نوٹس جاری کر تے ہوئے آج(جمعرات) ملک ریاض کو طلب کر لیا ۔اس سے قبل سپریم کورٹ نے ملک ریاض کی پریس کانفرنس کاازخودنوٹس لے لیا اور سماعت کیلیے3رکنی بنچ بنایا۔ بینچ کے سربراہی جسٹس شاکراللہ جان نے کی جس کے دیگر اراکین میں جسٹس طارق پرویزاورجسٹس امیرہانی مسلم شامل ہیں۔کیس کی سماعت پر جسٹس شاکر اللہ نے ریمارکس دیئے کہ از خود نوٹس رجسٹرار کی درخواست پر لیا گیا۔ عدالتی کارروائی شروع ہو نے پر ملک ریاض کی پریس کانفرنس پڑھ کر سنائی گئی جس پر جسٹس شاکر اللہ نے ریمارکس دیئے کہ ملک ریاض نے عدلیہ کوتضحیک کانشانہ بنایا اور اسکینڈلائزکیا، عدلیہ کے پورے ادارے کو اسکینڈلائز کرنے کی کوشش کی۔عدالت نے بعد ازاں توہین عدالت کے خلاف قانون کی کتاب منگوالی اور توہین عدالت کیس میں ملک ریاض کو شوکاز نوٹس جاری کر دیا گیا۔عدالت کا کہنا ہے کہ ملک ریاض کی پریس کانفرنس بادی النظرمیں توہین عدالت ہے۔سپریم کورٹ نے ملک ریاض کو آج عدالت طلب کرلیا ہے۔ چیف جسٹس نے بدھ کی صبح سپریم کورٹ کے 11 ججوں پر مشتمل غیر رسمی اجلاس...

اسلام آباد(ثناء نیوز )پاکستان مسلم لیگ (ن) کا ایک اعلی سطحی اجلاس مسلم  لیگ(ن) کے قائدمحمدنوازشریف کی زیرصدارت اسلام آباد میں منعقدہوا۔اجلاس میں راجہ ظفرالحق،چوہدری نثارعلی خان ،اسحاق ڈار،سردارممتازبھٹو،سردارمہتاب عباسی ،خواجہ محمدآصف،سلیم ضیاء،ممنون حسین ،عبدالقادربلوچ،پرویزرشید،امداد چانڈیواورانوربیگ نے شرکت کی ۔اجلاس کے دوران ملکی صورتحال پرتبادلہ خیال کیاگیا۔محمدنوازشریف نے اجلاس کے شرکاء سے خطاب کرتے ہوئے کہاکہ قوم سپریم کورٹ کے خلاف سازشوں کے محرکات سے بخوبی آگاہ ہے اوران سازشوں کو کسی بھی صورت کامیاب نہیںہونے دے گی۔انہوں نے کہاکہ اگرکوئی سمجھتاہے کہ ان حرکتو ں سے قانون کی گرفت سے بچا جاسکتاہے تویہ اس کی بھول ہے۔نوازشریف نے کہاکہ چیف جسٹس نے اپنے بیٹے کو کہڑے میں کھڑا کرکے درست روایت قائم کی۔نوازشریف نے کہاکہ سیاسی جماعتیں ،سول سوسائٹی،دانشور،میڈیااورعوام آزادعدلیہ کے ساتھ ہیں ۔انہو ںنے اس عزم کا اعادہ بھی کیاکہ سپریم کورٹ کے خلاف کوئی بھی سازش کامیاب نہیں ہونے دینگے۔

واشنگٹن(ثناء نیوز ) رائے عامہ کے جائزوں کا اہتمام کرنے والے امریکی  ادارے پیو ریسرچ انسٹیٹیوٹ نے انکشاف کیا ہے کہ امریکی ڈرون حملوں کو عالمی سطح پر ناپسند کیا جا رہا ہے ۔،پیو ریسرچ انسٹیٹیوٹ کی ایک جائزے کے مطابق اوباما انتظامیہ کی جانب سے دہشت گردوں کو نشانہ بنانے کے لیے ڈرون حملوں کے استعمال کی حکمت عملی کو عالمی طور پر ناپسند کیا جاتا ہے۔ حال ہی میں امریکا کے پیو ریسرچ انسٹیٹیوٹ کی جانب سے کیے جانے والے ایک سروے کے مطابق امریکا کی جانب سے ڈرون حملوں کے استعمال کو سخت ناپسند کیا جاتا ہے۔ اس جائزے میں شامل کیے گئے اکیس میں سے سترہ ملکوں میں پچاس فیصد سے زیادہ لوگوں نے اپنا بیان ڈرون حملوں کی مخالفت میں ریکارڈ کروایا۔ البتہ امریکا میں باسٹھ فیصد لوگوں نے واشنگٹن انتظامیہ کی ڈرون حملوں کی پالیسی کے حق میں رائے دی۔پیو ریسرچ انسٹیٹیوٹ کے اس سروے پر کام کرنے والے ماہرین کے مطابق سروے میں شامل کیے گئے ملکوں کے لوگ ڈرون حملوں کو امریکا کا یکطرفہ اقدام مانتے ہیں اور ان کا یہ بھی کہنا ہے کہ امریکا ان ملکوں کے مفادات کا خیال نہیں رکھتا۔ سروے کے مطابق یہ تاثر عام طور پر مسلمان ممالک میں پ...

اسلام آباد(ثناء نیوز ) پاکستان مسلم لیگ (ن) نے حکومت مخالف تحریک  کے سلسلے میں جاری احتجاج کے حوالے سے بدھ کو قومی اسمبلی میں شدید ہنگامہ آرائی کی سپیکر قومی اسمبلی ڈاکٹر فہمیدہ مرزا ، وزیر خزانہ ڈاکٹر عبدالحفیظ شیخ کا گھیراؤ کیا۔ الوداع الوداع کرپٹ ٹولہ الوداع، آئین کے غداروں، عدل کے غداروں کو ایک دھکا اور دو۔ جمہور کو جینے دو، قانون کو جینے دو، سیاست کو جینے دو اور دیگر نعرے لگاتے ہوئے ہلڑ بازی کی۔ ایجنڈے کی کاپیاں پھاڑ کر وزیر خزانہ کی جانب پھینک دی ۔ مشرف کا جو یار ہے غدار ہے ،غدار ہے۔ جعلی بجٹ نا منظور ، جھوٹ بولنا بند کرو کے نعرے لگائے۔ وزیر اعظم سید یوسف رضا گیلانی ایوان میں نہ آ سکے۔ بدھ کی شام قومی اسمبلی کا اجلاس سپیکر ڈاکٹر فہمیدہ مرزا کی صدارت میں ہوا۔ ایوان میں فنانس بل بجٹ کے بارے میں سینٹ سفارشات پر بحث کرائی گئی۔ سفارشات پر بحث سمیٹنے کے لیے وزیر خزانہ ڈاکٹر عبدالحفیظ شیخ ایوان میں آئے تو انہیں دیکھتے ہوئے پاکستان مسلم لیگ ن کے ارکان لابی سے احتجاجی جلوس کی صورت میں نعرے لگائے ہوئے ایوان میں آ گئے۔ حکومت کے خلاف نعرہ بازی، سپیکر ڈاکٹر فہمیدہ مرزا کا گھیراؤ کیا۔ و...

اسلام آباد (ثناء نیوز )سپریم کورٹ آف پاکستان چیف جسٹس افتخار محمد چودھری  کے بیٹے ارسلان افتخار کے خلاف مبینہ کرپشن کیس کی سماعت کے دوران بحریہ ٹاؤن کے مالک ملک ریاض نے کہا ہے کہ انہوں نے اپنے داماد کے توسط سے ارسلان افتخار کو 34 کروڑ 25 لاکھ روپے دیئے تاہم انہوں نے اعتراف کیا ہے کہ انہیں کسی بھی مقدمہ میں ریلیف حاصل نہیں ہو سکا اور ارسلان افتخار نے انہیں براہ راست مقدمات میں ریلیف دلوانے کی بات نہیں کی جبکہ عدالت نے قرار دیا ہے کہ ارسلان کو پیسے کسی اور نے دیئے تو انہوں نے ریاض کو دھوکہ کس طرح دیا ۔ جسٹس خلجی کا کہنا تھا کہ ملک ریاض عدالت سے انصاف خریدنے کی کوشش کر رہے ہیں ۔ منگل کو جسٹس جواد ایس خواجہ اور جسٹس خلجی عارف حسین پر مشتمل دو رکنی بینچ نے مقدمہ کی سماعت شروع کی تو بحریہ ٹاؤن کے مالک ملک ریاض کے وکیل ایڈووکیٹ زاہد بخاری نے بتایا کہ ملک ریاض کا ابتدائی بیان جمع کرا دیا گیا ہے تو عدالت نے سٹاف کو ہدایت کی کہ وہ بیان لے کر آئیں ۔ جسٹس جواد ایس خواجہ کا کہنا تھا کہ ہمارے حکم کی تعمیل تو نہیں ہوئی تاہم یہ اچھی بات ہے کہ آپ نے جواب جمع کرا دیا ۔ اس موقع پر ارسلان افتخار کے...

اسلام آباد (ثناء نیوز ) جوڈیشل کمیشن کی جانب سے متنازع میمو کیس کی  رپورٹ میں کہا گیا ہے کہ امریکی فوجی سربراہ کو لکھا گیا میمو حقیقی تھا اور اس کے خالق امریکہ میں پاکستان کے سابق سفیر حسین حقانی تھے۔میمو کمیشن رپورٹ میں کہا گیا ہے کہ حسین حقانی کی تمام تر وفاداریاں پاکستان کے ساتھ ہونی چاہیے تھیں لیکن وہ بھول گئے تھے کہ وہ پاکستان کے سفیر ہیں۔یہ بات سپریم کورٹ میں متنازع میمو کیس کی سماعت کے دوران میمو کمیشن رپورٹ کا جائزہ لیتے ہوئے سامنے آئی۔ میمو کمیشن کی رپورٹ میں کہا گیا ہے کہ حسین حقانی نے پاکستان کے آئین کی خلاف ورزی کی ہے۔ منگل کو سپریم کورٹ میں مقدمے کی کارروائی شروع ہوئی تو عدالت نے اٹارنی جنرل کو جوڈیشل کمیشن کی جانب سے متنازع میمو کیس کی رپورٹ کا آخری حصہ پڑھنے کی ہدایت کی ہے جس میں کہا گیا تھا کہ میمورنڈم حقیقی تھا جسے حسین حقانی نے تیار کیا وہ یہ بھول گیا کہ وہ پاکستانی ہے اور اپنے ملک کا سفیر ہے ۔ اس کی وفاداریاں اپنے ملک کے ساتھ ہونی چاہئیں ان کا کہنا تھا کہ حسین حقانی نے آئین پاکستان کی خلاف ورزی کی ہے ۔ میمو کا مقصد یہ ظاہر کرتا تھا کہ سول حکومت اور امریکہ کی د...

اسلام آباد(ثناء نیوز )ارسلان افتخار کیس کے مرکزی کردار اور بحریہ ٹان  کے سر براہ ملک ریاض نے کہا ہے کہ میں آج قرآن پاک لیکرآیاہوں،آج کے بعدمیں کوئی کاروبارنہیں کرونگا،ہماراپروجیکٹ بھی ڈبویاگیاتوذمہ دارسپریم کورٹ ہوگی،اسلام آباد میں پریس کانفرنس سے خطاب کے دوران ملک ریاض نے چیف جسٹس آف پاکستان سے تین سوال کئے کہ رات کے اندھیرے میں کتنی ملاقاتیں ہوئی ہیں،کیا ارسلان مجھے نہیں جانتا اور کیا ان ملاقاتوں میں موجود نہیں تھا؟۔انہوں نے کہا کہ میں غریب آدمی تھا پیسہ نہ ہونے کی وجہ سے آٹھ،آٹھ کلو میٹر پیدل چلتا تھا ،بیٹی کے علاج کیلئے بھی میرے پاس رقم نہیں تھی لیکن آج میرے پاس جو کچھ ہے وہ اللہ کی دین ہے اور میرے75فیصداثاثے فلاحی مقاصدکیلئے استعمال ہورہے ہیں۔میں بلیک میل ہوتارہاہوں،میری طرح اوربھی بزنس مین بلیک میل ہوتے رہے ہیں۔انہوں نے کہا کہ چیف جسٹس کی میں آج بھی عزت کرتا ہوں،میں نے اپنے کالموں میں ہمیشہ چیف جسٹس پاکستان کی حمایت کی ہے لیکن ارسلان افتخار “ڈان”ہے۔آج میں سپریم کورٹ انصاف خریدنے نہیں گیاتھا حقائق بیان کرنے گیا تھا ،انہوں نے کہا اگلے ہفتے مزید ایک پریس کانفرنس کروں گا جس می...

سرینگر (ثناء نیوز ) مقبوضہ کشمیر میں حریت کانفرنس کی اپیل پر پیر کے  روز عام ہڑتال رہی ے جس کے سبب کشمیر کے بیشتر علاقوں میں تعلیمی اور کاروباری سرگرمیاں معطل ہیں۔یہ ہڑتال دو سال قبل یہاں چلی احتجاجی تحریک کے دوران سرکاری کارروائیوں میں ایک سو بیس سے زائد نوجوانوں کی شہادت کے خلاف کی جارہی ہے۔ہڑتال کی کال حریت کانفرنس(گ)کے سربراہ سید علی گیلانی نے دی ہے جبکہ متحدہ جہاد کونسل کے سربراہ سید صلاح الدین نے اس کال کی حمایت کی ہے۔ حریت کانفرنس (ع)کے سربراہ میر واعظ عمر فاروق نے ہڑتال کی کال نہیں دی، لیکن انہوں نے ان ہلاکتوں کے بارے میں حکومت کی خاموشی پر ناراضگی کا اظہار کیا ہے۔واضح رہے کہ دو ہزار آٹھ سے دو ہزار دس تک کشمیر میں احتجاجی مظاہروں کا سلسلہ جاری رہا جس کے دوران ہلاکتوں، کرفیو، ہڑتال اور گرفتاریوں کی وجہ سے عام زندگی معطل ہوگئی تھی۔تاجر انجمنوں کا کہنا ہے کہ مسلسل کرفیو اور ہڑتالوں کی وجہ سے مقامی تجارت کو آٹھ ہزار کروڑ کا خسارہ اٹھانا پڑا۔طویل کشیدگی کے بعد حکومت ہند کے پارلیمانی وفد نے ستمبر دو ہزار دس میں کشمیر کا دورہ کیا اور تین مذاکرات کاروں کو تعینات کیا گیا۔”لوگ جمہ...

کوئٹہ(ثناء نیوز)بلوچستان کے علاقے مستونگ میں مسافر بس میں بم دھماک ے میں 7افراد ہلاک جبکہ آٹھ خواتین سمیت 45 افرادشدید زخمی ہو گئے بس کو موٹر سائیکل میں نصب بم سے نشانہ بنایا گیا تفصیلات کے مطابق کوئٹہ سے نوشکی جانے والی مسافر بس کو مستونگ کے قریب درینگڑھ کے قریب موٹر سائیکل نصب بم کے ذریعے نشانہ بنایا گیا جس کے نتیجے میں8 افراد ہلاک جبکہ45 افراد ہو ئے ہلاک اور زخمی ہونے والوں کو مقامی لوگوں نے پرائیویٹ گاڑیوں میں مستونگ اور کوئٹہ کے ہسپتالوں میں پہنچایا زخمیوں میں خواتین اور بچے بھی شامل ہیں صوبائی سیکریٹری داخلہ نصیب اللہ بازئی نے بتایا کہ مسافر بس کو موٹر سائیکل میں نصب بم کے ذریعے نشانہ بنایا گیا لیویز اور دیگر فورسز نے علاقے کو گھیرے میں لے لیا ہیں اور ملزمان کی تلاش شروع کر دی ہے دریں اثناء وزیر اعلی بلوچستان نواب اسلم رئیسانی اور گورنر بلوچستان نواب ذوالفقار مگسی نے مسافر بس میں بم دھماکے کی سخت الفاظ میں مذمت کی ہے ۔

واشنگٹن(ثناء نیوز )امریکی محکمہ دفاع نے اعلان کیا ہے کہ افغانستان میں موجود نیٹو افواج کو پاکستان کے ذریعے رسد کی بحالی کے لیے کیے جانے والے مذاکرات کسی نتیجے پر نہیں پہنچ سکیں اور وہ پاکستان سے اس سلسلے میں مذاکرات کرنے والی ٹیم کو واپس بلا رہے ہیں۔برظانوی خبر رساں ادارے رائٹرز نے امریکی محکمہ دفاع کے ایک ترجمان جان لٹل کے حوالے سے کہا ہے کہ یہ امریکہ کا فیصلہ ہے۔اس مختصر سے بیان میں مزید کہا گیا کہ مذاکراتی ٹیم میں چند ارکان اس اختتام ہفتے اسلام آباد سے واپس بلا لیے گئے تھے جبکہ باقی ارکان جلد ہی واپسی کا سفر اختیار کریں گے۔

اسلام آباد (ثناء نیوز ) اپوزیشن کی بڑی جماعت پاکستان مسلم لیگ(ن) کے  اراکین پارلیمنٹ نے وزیر اعظم سید یوسف رضا گیلانی کے استعفیٰ اور رواں سال انتخابات کے لیے ایوان صدر اور وزیر اعظم ہاؤس کے سامنے دھرنا دے دیا۔گرتی ہوئی دیواروں کو ایک دھکا اور دو ،گو زرداری گو ،قوم بھوکی مار دی ہائے پیپلز پارٹی ، گلی گلی میں مچ گیا شور علی بابا چالیس چور ،ڈاکو حکومت، کرپٹ حکومت نا منظور اور دیگر نعرے لگائے گئے۔حکومت سے نجات کے لیے اجتماعی دعا کی گئی ۔مطالبات تسلیم نہ ہونے کی صورت میں ایوان صدر اور وزیر اعظم ہاؤس کے گیٹ پھلانگنے اور صدر وزیر اعظم کے ایوانوں کے اندر احتجاج کی دھمکی دے دی گئی ہے۔سینہ کوبی کرتے ہوئے ہائے زرداری ہائے زرداری ، میرا دیس بچانے لے مولا،چور لٹیرے ملک کو گھیرے تو ان کو اٹھا لے۔ کے نعرے بھی لگائے گئے۔ پاکستان مسلم لیگ(ن) کے اراکین پارلیمنٹ نے حکومت مخالف تحریک کے سلسلے میں حکمرانوں کے خلاف فیصلہ کن جدوجہد کے تحت پیر کو پارلیمنٹ ہاؤس کے باہر شاہراہ دستور پر ایوان صدر اور وزیر اعظم ہاؤس تک احتجاجی مارچ کیا۔ صدارتی ایوان کے سامنے دھرنا دیا۔ گو زرداری گو، گو گیلانی گو اور دیگر ن...

اسلام آباد(ثناء نیوز ) وزیر اعظم یوسف رضا گیلانی نے کہا ہے کہ ارسلان  افتخار کا معاملہ عدالت میں ہے وہ اس پر کوئی بات نہیں کر سکتے چیف جسٹس افتخار محمد چوہدری کے خلاف ریفرنس بھیجنے کی کوئی ضرورت نہیں ہے پیر کو اسلام اباد مین کامسیٹس وائس چانسلر کانفرنس میں شرکت کے موقع پر میڈیا سے گفتگو کے دوران ایک صحافی کے سوال کہ کیا چیف جسٹس کے خلاف ریفرنس بھیجا جائے گا؟ وزیر اعظم یوسف رضا گیلانی نے کہا کہ اس کی کوئی ضرورت نہیں ہے. ان کا کہنا تھا کہ ارسلان افتخار کا معاملہ عدالت میں ہے وہ اس پر کوئی بات نہیں کر سکتے. اس سے قبل مسلم ممالک کے وائس چانسلر ز کے فورم سے خطاب میں وزیر اعظم نے کہا کہ مسلمان ممالک مغربی دنیا کہ ایجادات کے محض صارف ہیں، مسلمانوں کو اب موجد بننا ہو گا. ان کا کہنا تھا کہ یہ بات قابل تشویش ہے کہ آج تک صرف 9 مسلمان نوبل انعام حاصل کر سکے ہیں. انہوں نے کہا کہ اس دنیا کی ایک تہائی آبادی مسلمان ہے لیکن دینا کے جی ڈی پی میں ہمارا حصہ 12 فیصد سے بھی کم ہے. وزیر اعظم نے کہا کہ ہمیں تعلیم اور ریسرچ کے شعبے میں آنا ہوگا۔وزیر اعظم سید یوسف رضا گیلانی نے کہا ہے کہ ڈاکٹر ارسلان کیس...

اسلام آباد (ثناء نیوز ) سپریم کورٹ نے چیف جسٹس افتخار محمد چوہدری کے  بیٹے ارسلان افتخار کے خلاف مبینہ کرپشن کیس کی سماعت آج( منگل) تک ملتوی کرتے ہوئے بحریہ ٹاؤن کے مالک ملک ریاض کا ابتدائی بیان طلب کر لیا ہے جبکہ ملک ریاض کے بیٹے احمد علی ریاض کو ذاتی طور پر پیش ہونے کا حکم دیا ہے۔عدالت نے اٹارنی جنرل کو ہدایت کی ہے کہ وہ ارسلان افتخار کے تحفظ کے لیے سیکرٹری داخلہ سے کہیں کہ وہ ارسلان کو ہر ممکن تحفظ فراہم کریں۔عدالت نے چیئرمین ایف بی آر کو ہدایت کی ہے کہ ملک ریاض کی انکم ٹیکس ریٹرنز کا مکمل ریکارڈ آج پیش کریں۔ارسلان افتخار کیس کی سپریم کورٹ سماعت سپریم کورٹ کے 2 رکنی بینچ نے کی ۔ بینچ جسٹس جواد خواجہ اور جسٹس عارف خلجی پر مشتملتھا ، دوران سماعت جسٹس جوادایس خواجہ نے اپنے ریمارکس میں کہا کہ ملک میں سوائے اس کیس کے کوئی اور بات نہیں ہورہی، یہ بہت اہم کیس ہے.دوران سماعت ایک موقع پر ارسلا ن افتخار نے عدالت سے کہا کہ مجھے 5 منٹ دیں میں کچھ کہنا چاہتا ہوں، کل ایک پروگرام میں میری فیملی کوزیر بحث لایاگیا،جس پر عدالت نے ان کی سرزنش کرتے ہوئے کہا آپ خاموش رہیں اور نشست پر جاکر بیٹھیں، ...

وانا(ثناء نیوز ) قبائلی علاقے جنوبی وزیرستان میں حکام کا کہنا ہے کہ ایک  سکیورٹی چیک پوسٹ پر راکٹ حملے اور بعد میں فوجی کارروائی کے دوران ایک فوجی سمیت دس افراد مارے گئے اور دس زخمی ہو گئے۔جنوبی وزیرستان میں ایک اعلی سرکاری افسر نے بی بی سی کو بتایا کہ نامعلوم افراد نے سنیچر اور اتوار کی درمیانی شب کو صدر مقام وانا میں فوجی کیمپ کے قریب امن چیک پوسٹ پر آٹھ راکٹ داغے جس میں ایک اہلکار ہلاک جبکہ تین زخمی ہو گئے۔میں نامعلوم شدت پسندوں کے حملے کے بعد سکیورٹی فورسز نے اتوار کی صبح وانا بازار کے قریب شدت پسندوں کے حلاف کارروائی کی ہے۔جس کے نتیجے میں نو افراد مارے گئے جبکہ سات زخمی ہوگئے ہیں۔اہلکار کے مطابق ابھی تک یہ معلوم نہیں ہوسکا کہ ہلاک ہونے والوں میں عام شہری شامل ہیں یا تمام کے تمام شدت پسند ہیں۔مقامی لوگوں کا کہنا ہے کہ سنیچر اور اتوار کی درمیانی شب سے راکٹ داغنے کا سلسلہ شروع ہوا جو اتوار کی صبح تک جاری رہا اور دونوں طرف سے ایک دوسرے پر حملے کیے گئے۔مقامی لوگوں کے مطابق اتوار کی صبح سے فوجی اہلکاروں نے وانا بازار سے ملنے والی تمام راستوں کو بند کر دیا ہے اور کسی کو آنے جانے ک...

لندن (ثناء نیوز ) برطانوی اخبار سنڈے ٹائمز کی بیورو چیف واشنگٹن کرسٹینا  لیمب نے کہاہے کہ چیف جسٹس آف پاکستان کے بارے مجھ سے منسوب باتیں من گھڑت ہیں وہ کوئی سٹوری بریک نہیںکرنے جا رہیں ۔ سماجی رابطے کی ویب سائٹ ٹوئٹرپر اپنے پیغام میںکرسٹینا لیمب نے کہاہے کہ میری ڈاکٹر ارسلان افتخار کے معاملہ پر کسی سے کوئی بات نہیں ہوئی چیف جسٹس کے بارے میں مجھ سے منسوب باتیں من گھڑت ہیں ان کا کہنا تھا کہ مجھے ڈاکٹرارسلان کے معاملہ میں وہی جانتی ہوں جو میڈیاپر بڑھا واضح رہے کہ میڈیا رپورٹس میں دعوی کیا گیا تھاکہ بحریہ ٹاؤن کے سربراہ ملک ریاض نے کرسٹینا لیمب سے رابطہ کیا ہے تاکہ چیف جسٹس کے بارے میں اس وقت سٹوری بریک کریں جب چیف جسٹس جیورٹس کانفرنس میں شرکت کے لیے لندن پہنچیں ۔

لاہور (ثناء نیوز) وزیراعلی پنجاب میاں شہباز شریف نے کہا ہے کہ انصاف کے  حوالے سے چیف جسٹس پاکستان افتخار محمد چوہدری ملک کی آخری امید ہیں اگر اس منصب یا ادارے کو تباہ کیا گیا تو وفاق میں بیٹھے علی بابا چالیس چور پنچوں سے ملک پر قابض ہوجائیں گے۔ ملک کی تباہی کے ذمہ دار اغیار نہیں بلکہ ہم خود ہیں پیپلز پارٹی والے آجائیں میں ڈگڈگی بجاؤں گا وہ بندر کا کرتب پیش کریں وہ یہ کام انتہائی بہتر اندازمیں کرسکتے ہیں۔ دہشت گردی اور ڈرون حملوں میں کوئی فرق نہیں دونوں دہشت گرد ہیں۔ ان خیالات کا اظہار انہوں نے ڈاکٹر سرفراز نعیمی کی شہادت کے تین برس مکمل ہونے پر جامعہ نعیمیہ میں ’’شہید پاکستان سیمینار‘‘ سے خطاب کرتے ہوئے کیا۔ سیمینار سے ڈاکٹر سرفرازنعیمی کے جانشین ڈاکٹر راغب حسین نعیمی، ڈاکٹر سرفراز کے دیرینہ ساتھی علامہ غلام محمد سیالوی، مسلم لیگ (ن) علماء و مشائخ ونگکے سربراہ صاحبزادہ عتیق الحسن سلطان، دانشور اجمل خاں نیازی، ارشاد عارف، اور دیگر نے بھی خطاب کیا۔ وزیراعلی پنجاب میاں شہباز شریف نے کہا کہ پاکستان موجودہ دور میں بدترین بحرانوں اور مسائل میں گھرا ہوا ہے جس کی وجہ زرداری اور اس کے حو...

لاہور (ثناء نیوز) وزیراعظم یوسف رضا گیلانی نے چیف جسٹس افتخار محمد چوہدری  سے کہا ہے کہ اگر وہ اپنے بیٹے کا کیس نہیں سن سکتے تو میرے بیٹے کا کیس سنیں مجھے چیف جسٹس پر مکمل اعتماد ہے۔ انہوں نے کہا کہ عام انتخابات موجوہ حکومت کے پانچ سال پورے ہونے کے بعد اپنے وقت پر ہوں گے۔ ملک ریاض کے دیگر جماعتوں کی طرح مسلم لیگ (ن) سے بھی تعلقات ہیں اسی لئے میاں نواز شریف ڈاکٹر ارسلان کے مقدمہ میں فریق نہیں بنے۔ انہوں نے دعویٰ کیا کہ جتنی کامیابیاں ان کی حکومت نے حاصل کیں ماضی کی کوئی حکومت ایسی کامیابیاں حاصل نہیں کرسکی۔ پاک امریکہ تعلقات ملکی مفاد کو پیش نظر رکھ کر برابری کی سطح پر بحال کریں گے۔ ان خیالات کا اظہار انہوں نے گذشتہ روز لاہور میں پریس کافرنس سے خطاب کرتے ہوئے کیا۔ وزیراعظم نے کہا کہ انہیں چیف جسٹس افتخار محمد چوہدری پر مکمل اعتماد ہے ان کے ایک بیٹے کے خلاف الزامات ثابت نہیں ہوئے جبکہ دوسرے بیٹے کا کیس عدالت میں زیر سماعت ہے جس پر الزام ہے کہ اس نے کسی کی سفارش کیلئے فون کیا۔ انہوں نے کہاکہ پاکستان میں کونسا شخص ہے جو کسی نہ کسی کی سفارش نہ کرتا ہو۔ انہوں نے کہا کہ مجھے تو ملک کا ...