Weekly EHTASABI AMAL Lahore ھفت روذھ احتسابی عمل لاھور

نئی دہلی (ثناء نیوز)پریس کونسل آف انڈیا نے فوج کی نقل و حرکت کے بارے میں رپورٹنگ نہ کرنے سے متعلق الہ آباد ہائی کورٹ کے فیصلے کے خلاف سپریم کورٹ میں اپیل دائر کی ہے۔پریس کونسل آف انڈیا کا موقف ہے کہ ہائی کورٹ کے احکامات آزادی اظہار کے قانون کی خلاف ورزی ہیں۔گزشتہ دس اپریل کو جسٹس اوما ناتھ سنگھ اور ویرندر کمار کی قیادت میں الہ آباد ہائی کورٹ کی ایک بینچ نے اپنے اہم فیصلے میں فوج کی نقل و حرکت سے متعلق خبریں نشر کرنے یا شائع کرنے سے منع کر دیا تھا۔ہائی کورٹ نے اپنے فیصلے میں مرکزی اور ریاستی حکام کو ہدایات دی تھیں ’اس بات کو یقینی بنایا جائے کہ فوج کی نقل و حرکت سے متعلق کوئی بھی خبر جاری نہ ہونے پائے، پرنٹ میڈیا میں شائع نہ ہو اور الیکٹرانک میڈیا میں بھی نشر نہ کی جائے۔‘الہ آباد ہائی کورٹ نے اس پر نفاذ کے لیے مرکزی حکومت کے سیکرٹری، وزارت اطلاعات و نشریات کے سیکرٹری اور ریاست کے داخلہ سیکرٹری کو نوٹس جاری کیا تھا۔ہائی کورٹ کی ان ہدایات کے خلاف سپریم کورٹ میں اپیل پریس کونسل آف انڈیا کے چیئرمین سابق سپریم کورٹ کے جج مارکنڈے کٹجو نے دائر کی ہے۔”ہائی کورٹ کی عزت و توقیر اپنی جگہ لیکن میر...

اسلام آباد (ثناء نیوز ) وزیر اعظم سید یوسف رضا گیلانی سے آرمی چیف جنرل اشفاق پرویز کیانی نے ملاقات کی۔ ملاقات میں اندرونی و بیرونی سلامتی کی صورت حال پر غور کیا گیا۔ آرمی چیف نے وزیر اعظم کو دفاعی امور کے بارے میں بریفنگ دی ۔ ملاقات میں خطے کی صورت حال پر بھی تبادلہ خیال ہوا۔بعد ازاں صدر آصف علی زر داری اور وزیر اعظم سید یوسف رضا گیلانی کی صدارت میں اعلیٰ سطح کا اجلاس ہوا جس میں سیکورٹی کی صورتحال اور علاقائی سلامتی سے متعلق امور پر تبادلہ خیال کیا گیا۔ ایوان صدر میں ہونے والے اجلاس میں وزیر خارجہ حنا ربانی کھر ،وزیر داخلہ رحمان ملک ،وزیر خزانہ ڈاکٹر عبدالحفیظ شیخ، بری فوج کے سربراہ جنرل اشفاق پرویز کیانی ،امریکہ میں پاکستان کے سفیر شیری رحمان اور صدر مملکت کے سیکرٹری جنرل سلمان فاروقی شریک ہوئے اجلاس میں خطے کی صورت حال خصوصاً افغانستان میں امن و استحکام اور اس حوالے سے پاکستان کے کردار پر تبادلہ خیال کیا گیا۔

اوکاڑہ (ثناء نیوز )پاکستان مسلم لیگ (ن) کے صدر میاں نواز شریف نے کہا ہے کہ اقتدار کی نہیں اقدار کی سیاست کررہے ہیں۔نظریہ پاکستان کے تحفظ اور عدلیہ کی بالادستی کے لیے ہر قسم کی قربانی دیں گے۔ کسی شخص کو بھی ٹکٹ کی یقین دہانی نہیںکر وائی گئی پارلیمانی بورڈ میں(ن) لیگ کے ضلعی صدر اور جنرل سیکرٹری شامل ہوں گے۔ بورڈ ہی ٹکٹوں کا حتمی فیصلہ کرے گا۔ ان خیالات کا اظہار انہوں نے مسلم لیگ(ن) ضلع اوکاڑہ کے وفد سے ملاقات کے دوران کیا۔ میاں محمد نوازشریف نے ماڈل ٹاؤن لاہورمیںا پنے سابق ملٹری سیکرٹری بریگیڈیئر( ر) سیدجاوید حسن کرمانی کی قیادت میں پارٹی کے ضلعی صدر سید زاہد گیلانی ، ضلعی جنرل سیکرٹری سید عاشق حسین کرمانی ،سابق مشیر وزیراعلیٰ سید شوکت حسین کرمانی ممبران صوبائی اسمبلی میاں یاورزمان ، میاںمحمد معین وٹو ، سابق ممبران صوبائی اسمبلی رائے نور محمد کھرل ، میاں شریف ، ظفرجوئیہ ، راؤ اعجاز علی خان ، سابق ناظم راؤ ضیغم مجتبیٰ اور سید مشتاق حیدر کرمانی پر مشتمل وفد سے ملاقات کی ۔ ذرائع کے مطابق ملاقات میں ضلع بھر کے قومی وصوبائی اسمبلی کے امیدواروں کے حوالے سے تفصیلی بات چیت ہوئی سابق ایم پی اے ...

کابل (ثناء نیوز ) امریکی صدر باراک اوباما کے دورہ افغانستان کے کچھ ہی دیر بعد دارالحکومت کابل میں چند منٹ کے وقفے سے 3 دھماکوں کے نتیجے میں 6افراد ہلاک ہو گئے دھماکے کی ذمہ داری طالبان نے قبول کر لی ہے۔ غیر ملکی خبر رساں ادارے کے مطابق امریکی صدر باراک اوباما کے دورہ افغانستان کے کچھ ہی دیر بعد کابل کا گرین زون دھماکوں سے گونج اٹھا۔ کابل میں ائیرپورٹ کے قریب خود کش کار حملہ ہوا۔جس کے نتیجے میں 6 افراد ہلاک ہوگئے جبکہ دو دھماکے غیرملکی گیسٹ ہاس کے قریب ہوئے جہاں غیر این جی اوز کے ارکان آ کر ٹھہرتے تھے۔ دھماکوں کے بعد افغان اور اتحادی افواج نے جائے حادثہ کا محاصرہ کرکے سرچ آپریشن شروع کردیا ہے۔ کابل پولیس نے دھماکوں کی تصدیق کرتے ہوئے کہا کہ گرین زون کا علاقہ فوری طور پر سیل کر دیا گیا ہے۔ مغربی میڈیا کے مطابق طالبان ترجمان زبیح اللہ مجاہد نے برطانوی خبر رساں ادارے کو ٹیلی فون کر کے دھماکوں کی ذمہ داری قبول کر لی ہے ۔

پشاور(ثناء نیوز) چیف جسٹس پشاور ہائی کورٹ جسٹس دوست محمد خان نے کہا ہے کہ لاپتہ افراد کا معاملہ ایک سنگین ایشو ہے اور پاک فوج نے جو عزت دہشت گردی کے خلاف جنگ میں کمائی تھی وہ متاثر ہو رہی ہے۔چیف جسٹس پشاور ہائی کورٹ جسٹس دوست محمد خان نے یہ ریمارکس لاپتہ فضل منان کیس کی سماعت کے دوران دیئے۔سیکرٹری دفاع نرگس سیٹھی اور چیف سیکرٹری خیبر پختونخوا عدالت میں پیش ہوئے۔ چیف جسٹس دوست محمد خان نے سیکرٹری دفاع کو ہدایت کی کہ پاک فوج اور خفیہ ایجنسیوں کے ساتھ مل کر مسئلے کا حل تلاش کیا جائے۔لاپتہ فراد کا معاملہ ایک سنگین ایشو ہے اور پاک فوج کی وہ عزت متاثر ہو رہی ہے جو اس نے دہشت گردی کے خلاف جنگ میں کمائی تھی۔سیکرٹری دفاع نرگس سیٹھی نے عدالت کو بتایا کہ لاپتہ افراد کا مسئلہ سنجیدہ ہے اور عدالت کے احکامات پر عمل کریں گے۔چیف سیکرٹری خیبرپختونخوا غلام دستگیراخترنے عدالت کو بتایا کہ نوٹی فیکیشن جاری کروں گا تاکہ آئندہ اس قسم کے واقعات میں تعاون نہ کیا جائے۔

واشنگٹن (ثناء نیوز )ملعون امریکی پادری ٹیری جونز کی ایک ا ور ناپاک جسارت، قرآن پاک کے مزید نسخے نذر آتش کردئیے۔ملعون امریکی پادری ٹیری جونز نے ایک اور ناپاک جسارت کرتے ہوئے ایران میں ایک عیسائی پادری کی قید کے خلاف بطور احتجاج قرآن پاک کے مزید نسخے نذر آتش کردئیے ہیں۔ امریکی اخبار کی رپورٹ کے مطابق جونز اور ایک پادری جنہوں نے فلوریڈا میں ان کے چرچ کے سامنے احتجاج کیا۔ وہ ایرانی جیل سے عیسائی پادری یوسف نادر خانی کی رہائی کا مطالبہ کر رہے تھے۔ اخبار کے مطابق ملعون ٹیری جونز کا کہنا تھا کہ نادر خانی کو پھانسی کا سامنا ہے۔ قرآن پاک کے نسخے نذر آتش کئے جانے کے موقع پر 20 کے قریب افراد موجود تھے جبکہ چرچ کی طرف جانے والی سڑک پر پولیس افسران تعینات تھے۔ واقعہ کے چند لمحے بعد شہر کے محکمہ آگ نے چرچ کو شہر کے فائر آرڈیننس کی خلاف ورزی کا نوٹس بھیجا۔ رپورٹ کے مطابق پینٹاگون نے ملعون ٹیری جونز پر زور دیا ہے کہ وہ اپنے اقدامات پر از سر نو غور کرے کیونکہ اس طرح کے اقدامات سے افغانستان اور دنیا میں کہیں اور تعینات امریکی فوجیوں کو خطرات لاحق ہوسکتے ہیں۔ واضع رہے کہ مارچ 2011ء میں جون...