Weekly EHTASABI AMAL Lahore ھفت روذھ احتسابی عمل لاھور

انڈونیشیا کے شمالی صوبے آچے میں آنے والے دو شدید زلزلوں کے بعد بحرِ ہند کے ممالک میں جاری ہونے والی سونامی کی وارننگ کو ختم کر دیا گیا ہے۔ سونامی کی وارننگ ریکٹر سکیل پر آٹھ اعشاریہ سات اور آٹھ اعشاریہ تین کے دو زلزلوں کے بعد جاری کی گئی تھی۔ دوسرا زلزلہ پہلے زلزلے کے چند گھنٹے بعد آیا اور اس کی شدت بھی آٹھ اعشاریہ تین تھی۔ کلِک بحرہ ہند کے ممالک میں سونامی کی وارننگ ، تصاویر دنیا بھر میں زلزلوں کا ریکارڈ رکھنے والے امریکی محکمہ ارضیات ’یو ایس جیولوجیکل سروے‘ کے مطابق پہلے آنے والا زلزلے کا مرکز صوبائی دارالحکومت باندہ آچے سے چار سو پچانوے کلومیٹر دور اور تیتیس کلومیٹر کی گہرائی پر تھا۔ اطلاعات کے مطابق جکارتہ میں زلزلے کے بعد زمین پانچ منٹ تک کانپتی رہی۔ تھائی لینڈ میں ہنگامی صورتحال سے نمٹنے والے ایک اہلکار کا کہنا تھا کہ کوہ میانگ جزیرے کے ساحل پر دس سینٹی میٹر کی لہر ریکارڈ کی گئی۔ برطانوی محکمہ ارضیات ’بریٹش جیولوجیکل سروے‘ کے روجر میوسن کا کہنا تھگ کہ زلزلہ سمندر کے نیچے زمین کے پھٹنے کی وجہ سے آیا تھا جس کی وجہ سے سونامی کا امکان بہت کم ہے۔ امریکی جیولوجیکل سروے کے ...

اسلام آباد (ثناء نیوز )سپریم کورٹ آف پاکستان نے ممنوعہ ادویات ( ایفیڈرین ) کی درآمد کا کوٹہ غیر قانونی طور پر دئیے جانے کے حوالے سے مقدمہ کی سماعت کے دوران وزیر اعظم کے بیٹے رکن قومی اسمبلی علی موسیٰ گیلانی سمیت سیکرٹری انٹی نارکوٹکس فورس ظفر عباس ، وزیر اعظم کے پرنسپل سیکرٹری خوشنود لاشاری ، ڈی جی انسداد منشیات شکیل چن کو نوٹس جاری کر دئیے ہیں ۔ جبکہ عدالت نے انسداد منشیات فورس کے بدلی کئے گئے افسران بریگیڈےئر فہیم اور ڈپٹی ڈائریکٹر عابد ذوالفقار کے تبادلے کے حکومتی احکامات کو منسوخ کرتے ہوئے قرار دیا ہے کہ ان دونوں افسران کا تبادلہ بیرونی دباؤ کا نتیجہ لگتا ہے عدالت نے ان افسران کو ہدایت کی ہے کہ چارج نہ چھوڑیں اور اپنا کام جاری رکھیں ۔ عدالت نے سیکرٹری انسداد منشیات کو ہدایت کی ہے کہ وہ 20 اپریل کو عدالت میں پیش ہوں ۔ منگل کے روزچیف جسٹس افتخار محمد چوہدری کی سربراہی میں جسٹس طارق پرویز اور جسٹس خلجی عارف حسین پر مشتمل عدالت عظمی کے تین رکنی بینچ نے مقدمہ کی سماعت کی ۔سماعت کے دوران مقدمہ کے تحقیقاتی افسر بریگیڈےئر فہیم نے اپنے حلفی بیان کے ذریعے عدالت کو بتایا کہ وزیر اعظم کے بیٹے...

اسلام آباد(ثناء نیوز )چیف جسٹس پاکستان جسٹس افتخار محمد چوہدری نے کہا ہ ے کہ بے نظیر بھٹو قتل کیس میں سابق صدر جنرل (ر) پرویز مشرف خود کو قانون کے حوالے کردیں۔ چیف جسٹس افتخار چوہدری کی سربراہی میں سپریم کورٹ کے تین رکنی بینچ نے بینظیر بھٹو کے سابق پروٹوکول افسر چوہدری محمد اسلم کی جانب سے بینظیر کے قتل کی دوسری ایف آئی آر درج کرنے کے حوالے سے دائر مقدمہ کی سماعت کی۔دوران سماعت ایف آئی اے کے وکیل نے بتایاکہ پرویز مشرف اشتہاری ہیں، ان کے گرفتاری وارنٹ بھی جاری ہیں اور انٹرپول سے بھی رابطہ کررکھا ہے۔عدالت میں پرویزمشرف کی طرف سے پیش ہونے والے شہریار خان نے بتایاکہ وہ سابق صدر کے وکیل کے طور پر نہیں آئے بلکہ عدالت کے بلانے پر آئے ہیں ۔ چیف جسٹس نے ریمارکس دیئے کہ جنرل (ر)پرویز مشرف مفرور ہیں، قانون کہتا ہے کہ پرویز مشرف پہلے خود کو قانون کے حوالے کریں۔ جسٹس خلجی عارف نے کہا قانون کہتا ہے کہ اشتہاری ملزم کو پہلے عدالت میں سرنڈر کرنا چاہئے۔ عدالت نے فریقین کو جواب داخل کرنے کی ہدایت کرتے ہوئے اپیل کی سماعت 16 اپریل تک ملتوی کردی۔ایک اور مقدمے میں سپریم کورٹ نے انتخابی اخراجات محدود کرنے سے ...

اسلام آباد(ثناء نیوز )صدر مملکت صدر آصف علی زرداری نے کہا ہے کہ اگر کسی پر ایک انگلی اٹھائی جائے تو تین انگلیاں اپنی طرف بھی اٹھتی ہیں لہٰذا ہمیں ایک دوسرے پر الزام تراشی نہیں کرنی چاہیے۔ وہ اسلام آباد میں ایوان صدر میں لیڈر آف ٹو مارو کی تقریب کے دوران نوجوانوں سے خطاب کر رہے تھے۔صدر زرداری نے کہا کہ ہمیں قائد اعظم،ذوالفقار علی بھٹو اور بے نظیر بھٹو کی سوچ کو آگے لے کر بڑھنا ہے اور الزام تراشی کے بجائے مل کر کام کرنا چاہیے تاکہ ملک ترقی کرے۔انہوں نے کہا کہ میں نے دورہ بھارت کے دوران یہی پیغام بھارت کو دیا کہ ہمسائیوں کے ساتھ مل کر رہنا چاہیے۔پاکستان اور بھارت کو اچھے پڑوسیوں کی طرح مل کر رہنا ہو گا۔ آپس میں تعلقات ختم نہیں کر سکتے۔پاکستان کی معیشت سے متعلق بات کرتے ہوئے ان کا کہنا تھا کہ ہمارا ملک معدنی وسائل سے مالا مال ہے ہمیں ان وسائل کو بروئے کار لا کر پاکستان کو ترقی کی راہوں پر گامزن کرتے ہوئے مسائل کو ختم کرنا ہے اور مسائل کے حل کے لیے ہم دنیا سے علیحدہ نہیں رہ سکتے۔صدر زرداری کا مزید کہنا تھا کہ ملک میں ایک آمر نے جمہوری حکومت کو ختم کر کے آمریت کی بنیاد رکھی تھی لیکن عوام کا...

سری نگر(کے پی آئی ) کشمیری امریکن کونسل کے سربراہ ڈاکٹر غلام ن بی فائی کو امریکی عدالت میں سزا سنائے جانے کیخلاف مقبوضہ کشمیر کے مختلف علاقوں میں احتجاجی مظاہرے ہوے ۔ بھارتی فورسز نے 17 افراد کو گرفتار کر لیا گیا ہے ۔ تفصیلات کے مطابق پولیس نے دورانِ شب مختلف علاقوں میں چھاپے مار کر 17نوجوانوں کی گرفتاریاں عمل میں لائیں۔ بڑے پیمانے پر ان گرفتاریوں کیخلاف لوگوں میں پایاجارہاہے۔ادھر امریکہ مخالف مظاہروں کے دوران مین چوک بارہمولہ،اولڈ ٹاون اور سومو اسٹینڈ کے مقامات پر نوجوانوں کی ٹولیاں سڑکوں پر نمودار ہوئی جنہوں نے گذشتہ شب پولیس کے ہاتھوں گرفتاری کے خلاف احتجاجی مظاہرے کئے ۔اس دوران نوجوان مشتعل ہوئے جنہوں نے تعینات فورسز اہلکاروں پر پتھراؤ کیا جس کے جواب میں فورسز نے مشتعل نوجوانوں کو منتشر کرنے کیلئے ان کا تعاقب کیا تاہم فورسز اور نوجوانوں کے درمیان دن بھر وقفہ وقفہ سے معمولی نوعیت کی جھڑپیں جاری رہی۔پولیس نے 17نوجوانوں کی گرفتاری کی تصدیق کرتے ہوئے کہا کہ 7نوجوانوںکو رہا کردیا گیا ہے جبکہ دیگر 7نوجوانوں پر دفعہ 109کے تحت کیس درج کر کے حراست میں رکھا گیا ہے۔ پولیس نے بتایا کہ 3نوجوان ...

واشنگٹن (ثناء نیوز ) امریکی صدر نے ترکی کے توسط سے ایرانی سپریم لیڈر کے نام خ ط بھیجا ہے جس میں کہا گیا ہے کہ تہران اپنا جوہری پروگرام پرامن ثابت کر دے تو امریکہ اسے قبول کر لے گا ۔ مغربی میڈیا کے مطابق امریکی صدر باراک اوباما کا خط ترک وزیر اعظم رجب طیب اردگان نے ایرانی سپریم لیڈر آیت اللہ علی خامنائی تک پہنچایا ۔ خط میں امریکی صدر نے کہا کہ ایرانی سپریم لیڈر اس بات کی یقین دہانی کرائیں کہ ایران کبھی بھی جوہری ہتھیاروں کے حصول کی کوشش نہیں کرے گا ۔ ترک وزیر اعظم نے امریکی صدر کا یہ پیغام بھی ایرانی سپریم لیڈر تک پہنچایا کہ آئندہ ہفتے ہونے والے عالمی طاقتوں سے مذاکرات میں ایران جوہری تنازعہ کے پرامن حل کے محدود مواقع سے بھرپور استفادہ کرے

واشنگٹن (ثناء نیوز )اقوام متحدہ نے کہا ہے کہ آئندہ چارعشروں کے دوران برا عظم افریقہ اور ایشیا کی شہری آبادی میں تیزی سے اضافہ ہوگا۔اقوام متحدہ کی طرف سے گزشتہ روز جاری کی جانے والی والی ایک جائزہ رپورٹ میں کہا گیا ہے کہ افریقہ کی شہری آبادی تقریباً تین گنا تیزی سے بڑھ کر 2050ئ[L:4 R:4] تک 41کروڑ 40لاکھ سے ایک ارب 20کروڑ ہوجائے گی۔رپورٹ کے مطابق آئندہ 40 برسوں کے دوران ایشیا کی آبادی، جو دو ارب سے کچھ ہی کم ہے، بڑھ کر تین ارب 30کروڑ ہوجائے گی۔رپورٹ میں کہا گیا ہے کہ سال 2050ئ[L:4 R:4] تک چین اور نائیجیریا کے بعد بھارت کی شہری آبادی میں سب سے زیادہ اضافہ ہوگاجب کہ امریکہ اور انڈونیشیا کی آبادی میں بھی خاطر خواہ اضافے کی پیش گوئی کی گئی ہے۔رپورٹ میں کہا گیا ہے کہ شہری آبادی میں تیزی سے اضافے کے باعث افریقی اور ایشیائی لوگوں کے لیے تعلیم کے میدان میں نئے مواقع پیدا ہوں گے، لیکن رہائشی سہولیات، روزگار، توانائی اور شہری ماحولیات کیشعبوں میں چیلنجز درپیش ہوں گے۔رپورٹ کے مطابق زلزلوں اور سیلابوں کے باعث ایک ارب سے زائد آبادی والے گنجان آباد شہری مراکز کو خطرات درپیش رہیں گے۔ لیکن ایسے موسمیاتی...

کابل (ثناء نیوز )افغان حکومت نے کہا ہے کہ ملک میں رات کے وقت ک ی جانے والی نیٹو کی متنازع چھاپہ مار کارروائیوں کے طریقہ کار سے متعلق امریکہ کے ساتھ ایک معاہدہ طے پا گیا ہے۔وزارتِ خارجہ کا کہنا ہے کہ اس معاہدے پر جلد دستخط ہوں گے۔امریکی حکام کی طرف سے اس پیش رفت پر فوری طور پر کوئی تبصرہ نہیں کیا گیا ہے۔اتحادی افواج کی جانب سے رات کو کی جانے والی کارروائیاں افغان حکومت اور امریکی افواج کے مابین طویل عرصے سے وجہ تنازع بنی رہی ہیں۔.نیٹو کے ترجمان بریگیڈیئر جنرل کارسٹن جیکبسن نے گزشتہ روز کہا تھا کہ رات کی چھاپہ مار کارروائیاں عسکریت پسندوں لیڈروں کو باہر نکالنے کا سب سے محفوظ طریقہ ہیں۔ ان کا کہنا تھا کہ ان کارروائیوں میں شہری جانی نقصان کی شرح ایک فیصد سے بھی کم ہے اور 85 فیصد کارروائیوں میں ایک بھی گولی نہیں چلائی گئی۔افغانستان کے صدر حامد کرزئی نے ایک روز قبل بھی ایسی کارروائیوں کی مذمت کی تھی۔ گزشتہ ہفتہ کو ہونے والی چھاپہ مار کارروائی حقانی نیٹ کے کمانڈر کے بجائے انسداد منشیات کے ایک اعلیٰ عہدیدار کے گھر کی گئی۔اس کارروائی میں ایک عہدیدار کی ایک خاتون رشتہ دار ہلاک اور چار دیگر افرا...

لاہور(ثناء نیوز )وزیر اعظم سید یوسف رضا گیلانی نے کہا ہے کہ آئی ایس آئی کا  کوئی سیاسی ونگ نہیں ہونا چاہیے یہ تاثر غلط ہے کہ حسین حقانی کو ہم نے فرار کرایا۔حسین حقانی کا نام ای سی ایل میں تھا جو عدالت نے خود نکلوایا ۔لاہور میں صحافیوں سے گفتگو کرتے ہوئے وزیر اعظم نے کہا کہ صدر کا دورہ بھارت کامیاب رہا ۔صدر مملکت کی منموہن سنگھ سے ملاقات میں کشمیر سمیت تمام مسائل پر بات ہوئی۔اچھے تعلقات پاکستان اور بھارت دونوں کے مفاد میں ہیں۔وزیر اعظم نے کہا کہ پیپلز پارٹی میں کوئی بغاوت نہیں ۔میں سب کو ساتھ لے کر چل رہا ہوں اور چلنا بھی ہے شہباز شریف انرجی کانفرنس میں بیٹھیں تو ماحول ٹھیک ہو جائے گا۔ قومی سلامتی کی پارلیمانی کمیٹی میں مسلم لیگ(ن) کا اہم کردار ہے توانائی کے مسئلے پر قابو پانے کے لیے تمام فریقوں اور ماہرین کی رائے لی جائے گی۔ایک سوال پر وزیر ا عظم نے کہا کہ حافظ سعید کے معاملے پر پاک بھارت سیکرٹری خارجہ بات کریں گے حافظ سعید کا معاملہ پاکستان کا اندررونی معاملہ ہے۔بھارت کے پاس حافظ سعید کے بارے میں کوئی شواہد ہیں تو پیش کرے۔ہم ہمسائیوں کے ساتھ اچھے تعلقات چاہتے ہیں۔اچھے تعلقات دونوں...

راولپنڈی(ثناء نیوز ) آرمی چیف جنرل اشفاق پرویز کیانی نے سیاچن میں گیاری  سیکٹر کا دورہ کیا جہاں انہوں نے برفانی تودے میں دبے فوجی جوانوں کو نکالنے کیلئے کئے گئے ریسکیو آپریشن کی خود نگرانی کی، ان کا کہنا ہے کہ گزشتہ 20 سال میں اتنا بڑا برفانی تودا کبھی نہیں گرا، فوجیوں کو نکالنے کیلئے تمام وسائل بروئے کار لائے جائیں۔ آئی ایس پی آر کے مطابق آرمی چیف جنرل اشفاق پرویز کیانی نے سیاچن کا دورہ کرکے گیاری سیکٹر میں برفانی تودے میں دبے فوجیوں اور شہریوں کو نکالنے کیلئے ریسکیو آپریشن کی خود نگرانی کی۔ آئی ایس پی آر نے بتایا ہے کہ آرمی چیف جنرل کیانی کو کمانڈر ایف سی این نے ریسکیو آپریشن سے متعلق بریفنگ دی، آرمی چیف کے ہمراہ کور کمانڈر راولپنڈی لیفٹیننٹ جنرل خالد نواز خان بھی موجود تھے۔ سیاچن کے گیاری سیکٹر میں برفانی تودا گرنے سے 135 فوجی اور سویلین دبے ہوئے ہیں جن کیلئے ریسکیو آپریشن کیا جارہا ہے۔ اس موقع پر آرمی چیف جنرل اشفاق پرویز کیانی کا کہنا تھا کہ بھرپور ریسکیو آپریشن کیلئے تمام دستیاب وسائل بروئے کار لائے گئے ہیں، گزشتہ 20 سال میں اتنا بڑا برفانی تودا کبھی نہیں گرا۔ انہوں نے ہدایت...