Weekly EHTASABI AMAL Lahore ھفت روذھ احتسابی عمل لاھور

کوئٹہ (ثناء نیوز )سپریم کورٹ میں بلوچستان بدامنی کیس میں وفاقی سیکریٹری داخلہ اور سیکریٹری دفاع کے پیش نہ ہونے پرعدالت نے برہمی کا اظہارکرتے ہوئے قرار دیا ہے کہ افسران کے رویے سے پتہ چلتا ہے کہ یہ عدالت کو کوئی اہمیت نہیں دیتے۔ جبکہ ڈپٹی اٹارنی جنرل نے کمرہ عدالت میں مستعفی ہونے کا اعلان کردیا۔ڈپٹی اٹارنی جنرل ملک سکندر کا کہنا تھا جب تک دوسرا ڈپٹی اٹارنی جنرل نہیں آتا وہ وفاق کی نمائندگی کریں گے۔ ایڈووکیٹ جنرل نے کہا انہیں بتایا گیا ہے کہ سیکریٹری داخلہ اور سیکریٹری دفاع کو طلب کرنے کے احکامات منسوخ کئے گئے۔ جس پر چیف جسٹس نے کہا عدالتی احکام کو مذاق بنالیا گیا خود ہی احکامات جاری اور منسوخ کرتے پھرتے ہیں۔ عدالت نے تبادلے کے احکامات معطل کرانے والے پولیس افسران کو فوری بلوچستان بھیجنے اور دیگر صوبوں کے افسران کے تبادلوں کی رپورٹ آج (بدھ کو) پیش کرنے کا حکم دیاہے۔ منگل کے روز سپریم کورٹ کوئٹہ رجسٹری میں بلوچستان میں امن و امان اور لاپتہ افراد سے متعلق کیس کی سماعت چیف جسٹس افتخار محمد چوہدری کی سربراہی میں تین رکنی بینچ نے مقدمہ کی سماعت کی۔چیف جسٹس افتخار محمد چوہدری نے کہا ہے کہ بلو...

اسلام آباد(ثناء نیوز ) ترک وزیر اعظم طیب ایردوآن نے کہا ہے کہ پاکستان کے مفاد کے لیے یہاں کے سیاستدانوں کو کندھے سے کندھا ملا کر سیاست کرنا چاہیے مخالفت برائے مخالفت کا رویہ اختیار نہیں کرنا چاہیے۔عوام کے آپس میں لڑنے سے ملک کو نقصان ہو گا۔ ہماری خواہش ہے کہ پاکستان جیسی اپوزیشن ترکی میں بھی ہوتی۔ توقع ہے کہ امریکہ سلالہ حملے پر معافی مانگ لے گا۔افغانستان کی تعمیر نو تک وہاں موجود رہیں۔ پاکستان اور امریکہ کو بات چیت کے ذریعے اپنے معاملات کو حل کرنا چاہیے۔پاکستان میں معاشی استحکام چاہتے ہیں مال اور وسائل اپنے استعمال کی راہ خود تلاش کر لیتے ہیں۔ان خیالات کا اظہار انہوں نے منگل کو وزیر اعظم سید یوسف رضا گیلانی کے ساتھ ون آن ون ملاقات اور اسٹرٹیجک تعلقات وتعاون سے متعلق اعلیٰ سطح کی 14 رکنی وزارتی کونسل کے دوسرے اجلاس کے بعد پاکستان کے وزیر اعظم کے ہمراہ پریس کانفرنس سے خطاب کرتے ہوئے۔دونوں ممالک نے مستقبل قریب میں تجارتی حجم دو ارب ڈالر تک پہنچانے کا عزم کیا ہے۔ دو طرفہ سرمایہ کاری کے تحفظ شہری خدمات و ترقی انٹرنیشنل روڈ ٹرانسپورٹ متبادل توانائی اعلیٰ تعلیم، سالڈ بیس مینجمنٹ اور دیگر شع...

کراچی(ثناء نیوز ) کراچی میں قوم پرست جماعت عوامی تحریک کی مہاجر صوبے کے خلاف نکالی گئی محبتِ سندھ ریلی پر فائرنگ اور اس کے بعد پیش آنے والے تشدد کے واقعات کے نتیجے میں کم سے کم 12 افراد ہلاک اور پینتیس سے زیادہ زخمی ہوگئے ہیں ۔زخمی ہونے والے افراد میں ایک نجی ٹی وی چینل کے دو صحافی بھی شامل ہیں۔ صدر آصف علی زر داری اور وزیر اعظم سید یوسف رضا گیلانی نے کراچی میں پر تشدد واقعات کی سخت الفاظ میں مذمت کرتے ہوئے سندھ حکومت کو شہریوں کے جان و مال کے تحفظ کو یقینی بنانے کی ہدایت کی ہے۔عوامی تحریک نے اس واقعے کے خلاف بدھ کو پورے سندھ میں احتجاجا مکمل پہیہ جام اور شٹر ڈان ہڑتال کی کال دی ہے۔عوامی تحریک کی اس ریلی کی حمایت جیے سندھ قومی محاذ اور پیپلز امن کمیٹی کے علاوہ مسلم لیگ نواز نے بھی کی تھی۔کراچی میں انتظامیہ کی جانب سے اس ریلی کو پریس کلب جانے سے ڈینسو ہال کے قریب روکا گیا تو شرکا نے وہیں سڑک پر دھرنا دے دیا۔ اسی دوران ریلی پر نامعلوم افراد نے فائرنگ کر دی۔پولیس سرجن محمد جلیل نے بتایا کہ فائرنگ اور پرتشدد واقعات میں ہلاک ہونے والے دس افراد میں تین خواتین بھی شامل ہیں۔اس واقعے کے بعد مش...

لاہور(آئی این پی) سٹیج اداکارہ نسیم وکی نے کہا ہے کہ ٹی وی ڈراموں میں فحاشی سے مرد اداکاروں کا کوئی تعلق نہیں‘ ہمیں تو جو سکرپٹ لکھ کر دیا جاتا ہے اس کے مطابق کام کرتے ہیں۔ ایک انٹرویو میں نسیم وکی نے کہا کہ اگر سٹیج ڈراموں میں کسی جگہ پر کوئی فحاشی اور عریانی ہے تو اس کا مرد اداکاروں سے کوئی تعلق نہیں کیونکہ عام خیال یہی کیا جاتا ہے کہ فحاشی گانوں کے دوران اداکارائیں کرتی ہیں اور اگر کوئی اس کا نوٹس لیتا ہے تو ہمیں اس پر کوئی اعتراض نہیں۔

ممبئی (آئی این پی) ڈولی باندرے کی آگ کی تپش وینا ملک کو جھلسا گئی۔ سی بی آئی نے ویزا انکوائری کےلئے وینا ملک کو بلا لیا۔وینا ملک پر قسمت کی دیوی شاید نامہربان ہے۔ بالی ووڈ کوئین بننے کا خواب ہوگیا چکنا چور۔ ڈولی باندرے وینا ملک سے اپنے ملک میں بدلہ نہ لے سکیں توا نتقام کی آگ لے کر پاکستان پہنچ گئیں مگر یہ کیا ہو۔ ڈولی کا کھیل کام آگیا۔ان کے بیانات کے بعد بھارت میں سی بی آئی نے کام کرنا شروع کردیا۔ تحقیقات کیں تومعلوم ہوا کہ بھارت میں وینا کاگیارہ شہروں کاویزا تو ہوچکا ہے ختم۔اب وینا ملک کا بھارتی پولیس کرے گی دم مارو دم۔ودیا بالن کی دی ڈرٹی پکچر کا تامل ری میک کا منصوبہ بھی ہوا ختم۔ سی بی آئی تفتیش کررہی ہے کہ آخر پاکستانی شہریت رکھنے والی وینا ملک نے کس بل بوتے پر اتنی فلمیں سائن کرلیں۔ وینا ملک ہیں پریشان کہ پہلے بگ باس سے باہر نکلیں، پھر ویواہ کرنے لگیں تو چینل ہی بند ہوگیا اور اب وینا کا بھارت میں پھرنا بندہوگیا۔۔ وینا ملک کو ہے انتظار کہ کب مزید رکنے کا ویزا ملے تو قسمت کا تالا کھلے۔ (س)

واشنگٹن(آئی این پی) امریکی سینیٹ نے متفقہ طورپرایران پر نئی اقتصادی پابندیوں کی منظوری دی جس کے باعث ایران کوتیل کی برآمد میں مزیددشواری کاسامنا ہوگا۔ منگل کو امریکی میڈیا کے مطابق نئی پابندیوں کی زد میں نیشنل ایرانیان آئل کمپنی اور نیشنل ایرانیان ٹینکر کمپنی بھی آئے گی جوتیل کی برآمد جاری رکھے ہوئے تھیں۔یہ پابندیاں ایران اورعالمی طاقتوں کے درمیان بغدادمیں مذاکرات سے چند روزقبل لگائی جارہی ہیں۔

اسلام آباد(ثناء نیوز )ملک میں دینی وحدت اور یکجہتی و ہم آہنگی کے فروغ کے لیے ’’ملی یکجہتی کونسل‘‘ کی بحالی کا اعلان کر دیا گیا ہے۔سابق امیر جماعت اسلامی پاکستان قاضی حسین احمد کونسل کی تشکیل نو سے متعلق کمیٹی کے سربراہ ہونگے جو 15 دنوں میں تمام مسالک کا نمائند ہ اجلاس بلا کر کونسل کے ذمہ داران کا اعلان کریں گے۔کونسل کے تحت اسلامی نظریاتی کونسل کی سفارشات پر عملدرآمد کے لیے تحریک چلانے پر بھی اتفاق کیا گیا ہے۔ مسالک میں ہم آہنگی کے لیے عملی و تحقیقی کمیٹی قائم کی جائے گی۔ نماز جمعہ کے مشترکہ خطبہ کے لیے بھی کمیٹی کا قیام عمل میں آئے گا۔ ضابطہ اخلاق کی خلاف ورزی کی شکایات کے جائزہ کے لیے ایک اعلی اختیاراتی بورڈ تشکیل دیا جائے گا۔ 17 نکات پر مشتمل ملی یکجہتی کونسل کے ضابطہ اخلاق کا اعلان کر دیا گیا ہے۔یہ اعلانات پیر کو اسلام آباد میں قاضی حسین احمد کی میزبانی میں 25 سے زائد دینی و مذہبی جماعتوں و تنظیموں کی اتحاد امت و اسلامی یکجہتی کے موضوع پر کانفرنس کے اختتام پر کیے گئے ہیں۔ پریس کانفرنس میں جماعت اسلامی پاکستان کے سیکرٹری جنرل لیاقت بلوچ نے کانفرنس کا مشترکہ اعلامیہ جبکہ قاضی حسین اح...

شکاگو(ثناء نیوز )پاکستان اورافغانستان کیلئے امریکاکے خصوصی نمائندے مارک گراسمین نے کہاہے کہ پاکستان کیساتھ کچھ اختلافات ابھی باقی ہیں، مسائل کا حل ڈھونڈنے میں ابھی وقت لگے گا۔شکاگو میں دئیے گئے ایک انٹرویو میں مارک گراسمین کا کہنا تھا کہ صدر زرداری اور ہیلری کلنٹن کی ملاقات میں بہت سے اہم مسائل زیربحث آئے،جن میں پاکستان کو مضبوط اور خود مختار بنانے،،پاکستانی سرزمین کسی دہشت گردی کیلئے استعمال نہ ہونے اور نیٹو سپلائی لائن کی بحالی جیسے معاملات شامل تھے۔گراسمین کا مزید کہنا تھا کہ صدر زرداری اور حامد کرزئی کے درمیان ملاقات بہت اہم تھی جس میں دو طرفہ تعلقات اور ایک مستحکم افغانستان کیسمیت دیگر اہم مسائل زیر بحث رہے.گراسمین کا یہ بھی کہنا تھا کہ دہشتگردی امریکا اور پاکستان کا مشترکہ مسئلہ ہے اور اسکے خلاف جنگ دونوں ممالک کی ذمہ داری ہے۔مارک گراسمین کا کہنا تھا کہ دہشت گردی کے خلاف جنگ میں پاکستان کا بہت نقصان ہوا ہے اور امریکا ان قربانیوں کا اعتراف کرتا ہے۔

شکاگو (ثناء نیوز ) امریکی صدر براک اوباما نے کہا ہے کہ افغانستان میں استحکام خطے اور دنیا کے امن کے لیے ضروری ہے۔ دنیا کو افغانستان کے امن میں گہری دلچسپی ہے۔2014 میں افغانستان سے نیٹو انخلاء کے بعد بھی افغان فورسز کے ساتھ تعاون جاری رہے گا اسے تنہا نہیں چھوڑا جائے گا۔ شکاگو کانفرنس سے خطاب میں امریکی صدر نے کہا کہ خطے کا امن افغانستان کے استحکام سے ہے ہم افغانستان کے استحکام کے لیے جامع حکمت عملی تیار کر رہے ہیں اتحادی افواج نے افغانستان میں طالبان کا زور توڑ دیا ہے۔ گزشتہ 2 سالوں میں اہم کامیابیوں ملی ہیں۔ انخلاء سے قبل افغان سیکورٹی فورسز کو مضبوط بنا دیا جائے گا۔ اب بھی وہ افغانستان کا کنٹرول سنبھالنے کی صلاحیت رکھتی ہیں۔75 فیصد افغان عوام نے اعتراف کیا ہے کہ افغان فورسز کنٹرول سنبھالنے کے قابل ہیں۔ انہوں نے کہا کہ اعلانیہ منصوبے کے مطابق افغانستان سے انخلاء 2014 تک مکمل ہو جائے گا اور امید ہے کہ ایسا ہی ہو گا۔ امریکہ افغانستان کو تنہا نہیں چھوڑے گا اور انخلاء کے بعد بھی تعاون جاری رکھا جائے گا۔ ہمارا اسٹریٹیجک معاہدہ افغانستان کو پاؤں پر کھڑا کر دے گا۔ انہوں نے کہا کہ دنیا کی افغ...

کوئٹہ (ثناء نیوز ) سپریم کورٹ آف پاکستان نے بلوچستان ٹارگٹ کلنگ اور لاپتہ افراد کے مقدمات میں پیش رفت نہ ہونے پروزیراعظم اوروزیراعلیٰ کے پرنسپل سیکرٹریز،وفاقی سیکرٹری دفاع اور سیکرٹری داخلہ کو آج (منگل کو) عدالت میں طلب کرلیا۔جبکہ چیف جسٹس افتخار محمد چوہدری نے اپنے ریمارکس میں کہا ہے کہ بلوچستان میں لاپتہ افراد کا معاملہ برننگ ایشو ہے جو کہ صوبے میں بدامنی کی بڑی وجہ ہے، لوچستان میں امن و امان کی صورتحال اور لاپتہ افراد کی بازیابی کے حوالے سے آئینی درخواست کی سماعت چیف جسٹس افتخار چوہدری کی سربراہی میں تین رکنی بینچ نے کوئٹہ رجسٹری میں کی۔سماعت کے دوان سپریم کورٹ نے متعلقہ اداروں کو حکم جاری کیا کہ اگر ان کے پاس لاپتہ افراد ہیں تو لے آئیں ورنہ ہم کوئی موثر حکم جاری کریں گے، اس موقع پر ایڈووکیٹ جنرل بلوچستان امان اللہ کنرانی نے عدالت کو بیان میں کہا کہ مستونگ سے ڈیڑھ سال قبل لاپتہ ہونے والا عبدالذاکر بازیاب ہوگیا ہے جبکہ کوئٹہ کے علاقے مارواڑ سے لاپتہ ہونے والے دوافراد ثنا اللہ اور شاہنواز اور کوئٹہ سے ہی لاپتہ ہونے والے تین افرادکراچی میں منظر عام پرآگئے ہیں جو کہ لیاری کیس میں زیرتف...

اسلام آباد (ثناء نیوز )ترک وزیر اعظم طیب اردگان نے کہا ہے کہ ترک عوام نے پاکستانی بھائیوں کو ہمیشہ اپنا بھائی سمجھا اس سال دونوں ممالک کی تجارت 2 ارب ڈالر تک پہنچ جائے گی۔پاکستانی پارلیمنٹ کے مشترکہ اجلاس سے خطاب کرتے ہوئے انہوں نے کہا کہ جمہوریت میں اپوزیشن کا مقصد حکومت ہٹانا نہیں بلکہ اسے درست راستہ دکھانا ہو تا ہے جمہوریت کبھی آسانی سے نہیں ملتی۔ پاکستانی پارلیمنٹ ترقی یافتہ اقوام میں جگہ بنانے کی صلاحیت رکھتی ہے۔ترک وزیر اعظم نے کہا کہ پاکستان ہمارا قدیم دوست اور برادر اسلامی ملک ہے اور اس پارلیمنٹ میں جہاں پاکستان کے عوام کی حقیقی معنوں میں ترجمانی کی جا رہی ہے مجھے یہاں خطاب کرتے ہوئے بڑی خوشی محسوس ہو رہی ہے میں اس پارلیمنٹ اور پاکستانی کو اپنی عزیز قوم اور ترکی کا سلام پیش کرتا ہوں اردگا ن کا کہنا تھا کہ آپ پاکستان کے معمار ہیں آپ سے دوسری بار خطاب کرنے کا جہاں مجھے شرف حاصل ہو رہا ہے بلا شبہ وہ میرے لیے باعث فخر ہے پارلیمنٹ کے مشترکہ اجلاس کی صدارت کرنے والی اور پورے عالم اسلام کی پہلی خاتون سپیکر کا اعزاز رکھنے والی فہمیدہ مرزا اور دیگر اراکین پارلیمنٹ کی جانب سے مجھے جو خط...

لاہور (آئی اےن پی )پاکستان کرکٹ بورڈ نے اگست میں آسٹریلیا کی میزبانی کےلئے مزید آپشنزپر غور شروع کردےا ، چیئرمین پی سی بی ذکاء اشرف برطانیہ اور جرمنی کے دورے سے واپسی پر اس حوالے سے فیصلہ متوقع ہے۔ پی سی بی کے ذرائع کے مطابق پاکستان اور آسٹریلیا کے درمیان پانچ ون ڈے انٹر نیشنل اور تین ٹی ٹوئنٹی انٹر نیشنل کرانے کے لئے ملائشیا،جنوبی افریقہ اور زمبابوے کے نام زیر غور ہیں۔ حتمی فیصلہ اگلے سات دن میں کردیا جائے گا۔ سیریز کیلئے ملائشیا،جنوبی افریقہ اور زمبابوے کے نام زیر غور ہیں۔اگلے ایک ہفتے میں میزبان ملک کے نام کو حتمی شکل دے دی جائے گی۔ متحدہ عرب امارات بھی ممکنہ وینیو ہے لیکن رمضان اور گرم موسم میں سیریز وہاں کرانے کے بارے میں فی الحال غور نہیں کیا جارہا۔

کراچی(آئی اےن پی ) پاکستان کرکٹ ٹےم کے سابق کپتان شاہد آفریدی ایک اور بیٹی کے باپ بن گئے۔ گزشتہ شب ان کی اہلیہ نے صحت مند بیٹی کو جنم دیا۔ شاہد آفریدی کی اس سے پہلے تین بیٹیاں ہیں۔ آفریدی نے کہا ہے کہ میں اپنے آپ کو خوش قسمت سمجھتا ہوں کہ اللہ نے چوتھی بار مجھے بیٹی کی نعمت سے نوازا ہے، اور میں بیٹی کی ولادت پر بہت زیادہ خوش ہوں۔

ممبئی (آئی این پی) بھارت میں فلم کی شوٹنگ کےلئے موجود اداکارہ وینا ملک ویزا ختم ہونے کے باعث مشکل میں پھنس گئی ہیں۔ اداکارہ وینا ملک کو جاری کئے گئے ویزے میں انہیں بھارت کے گیارہ شہروں میں جانے کی اجازت دی گئی تھی۔ ویزے کی مدت ختم ہونے کے باعث انہیں کناڈا فلم کی شوٹنگ کےلئے بنگلور جانے سے روک دیا گیا۔ (س)

لاہور (آئی این پی) لاہور میں جاری ثقافتی موسیقی میلے کے دوسرے روز پوٹھوہاری میوزک نائٹ منعقد کی گئی پوٹھوہاری فنکاروں نے پرفارم کر کے شائقین کے دل جیت لئے۔لاہور آرٹس کونسل کی جانب سے الحمرا ہال میں جاری پوٹھوہاری میوزک نائٹ میں دینہ سے آئے وحید مراد ڈانس گروپ نے ڈھول کی تھاپ اور شہنائی کی دھنوں پر گروپ رقص پیش کیا ،، فوک سنگرز نے اپنی آواز کا جادو جگا کر حاضرین کو بے خود سا کر دیا۔(س)

بیجنگ (آئی این پی) چین کے دارالحکومت بیجنگ میں ہوا رنگا رنگ فیشن شو۔ رنگ و نور سے سجے میلے اس میں بین الاقوامی ماڈلز کی ریمپ پر واک۔ بین الاقوامی فیشن برانڈکے ایشیا میں تیس سال مکمل ہونے پر بیجنگ میں ایک رنگارنگ فیشن شو کا انعقاد کیا گیا۔ اس میلے میں ماڈلز، فیشن رائٹرز اور اندسٹری سے تعلق رکھنے والے پندرہ سو سے زائد افراد نے شرکت کی۔ فیشن شو میں ماڈلز نے معروف برانڈ کے کلیشن کی نمائش کی۔ (س)

نیویارک (آئی این پی) آپ نے خواتین کے درمیان مقابلہ حسن تو بہت دیکھے ہوں گے لیکن آج ہم آپ کو کتوں کے مقابلہ حسن میں لئے چلتے ہیں۔ امریکہ میں ہوا کتوں کے درمیان مقابلہ حسن جس میں درجنوں کتے اپنے حسن اور اداﺅں کے جلوے بکھیرتے نظر آئے۔ باقاعدہ ریڈ کارپٹ پر چل کر آتے ان کتوں نے دلچسپ انداز کے ملبوسات زیب تن کر رکھے تھے اور فوٹو گرافرز کےلئے بے حد شان سے کھڑے پوز دیتے نظر آرہے تھے۔(س)

سرینگر(آئی اےن پی ) انسانی حقوق کمیشن نے ضلع کپوارہ کے تین نوجوانوں کی گمشدگی اور ان کی ہلاکت کے معاملے کے حوالے سے دائر درخواست کا جائزہ لینے کے بعد ریاستی پولیس سربراہ اور ڈی سی کپوارہ کو ہدایت دی ہے کہ وہ اس معاملے کے حوالے سے سبھی حقائق کمیشن کے سامنے پیش کرے۔ مےڈ ےا رپورٹس کے مطابق جاوید احمد کاﺅسہ اور رفیق احمد فدا پر مشتمل انسانی حقوق کمیشن کے ڈویڑنل بنچ کیپاس انٹر نیشنل فورم فار جسٹس نامی تحفظ حقوق تنظیم کے چئیرمین احسن انتو کی طرف سے دائر عرضی کی سماعت ہوئی۔عرضی کے مطابق یکم اکتوبر 2000کو نذیر احمد ڈار ،نذیر گنائی ،مشتاق حجام اور لیاقت شاہ نامی کمسن طالب علم اپنے اسکولوں کی طرف گئے لیکن اسکے بعد واپس نہیں لوٹے۔عرضی میں کہا گیا ہے کہ افراد خانہ نے جب اپنے بچوں کی تلاش شروع کی تو انہیں ذرائع سے معلوم ہوا کہ ان کے بچوں کو فوج نے اپنے مخبروں کے ذریعے حراست میں لیا ہے درکواست میں بتایا گیا ہے کہ جب افراد خانہ فوج کے اعانت کار کے گھر گئے تو وہاں اپنے بچوں کے اسکولی بستے پائے اور استفسار کرنے پر مذکورہ مخبر نے انہیںیقین دلایا کہ ان کے بچے واپس گھروں کو لوٹیں گے لیکن جب ان کے بچے واپ...

لاہور(آئی این پی) لاہور میں ریلوے انجن شیڈ ملازمین کی ہڑتال پیر کو 9ویں روز میں داخل ہو گئی،ریلوے انتظامیہ نے ہڑتال شروع ہونے سے قبل ہی مطلوبہ انجن ریلوے شیڈ سے نکال لیے۔ تفصیلات کے مطابق ریلوے انجن شیڈ ملازمین پیر کی صبح سات بجے سے ہی اپنے مطالبات کے حق میں سراپا احتجاج بن گئے۔ملازمین نے چار گھنٹے احتجاج جاری رکھنے کا اعلان کیا۔ریلوے ملازمین کا کہنا تھا کہ انھیں ٹیکنیکل الاﺅنس اور پے اسکیل میں اضافہ کیا جائے اورچھٹی کے روز کام کرنے پر ڈبل معاوضہ دیا جائے۔ریلوے انتظامیہ نے ملازمین کی ہڑتال شروع ہونے سے قبل ہی شیڈ سے انجن نکال لیے اور اعلان کیا کہ ہڑتال سے ٹرینوں کا انتظام متاثر نہیں ہو گا۔انجن شیڈ یونین کے سیکرٹری عنائت علی گجر نے کہا کہ ریلوے نے بغیر چیکنگ کے انجن شیڈ سے انجن نکال لیے ہیں اور اگر کوئی حادثہ ہوا تو زمہ دار ریلوے انتظامیہ کی ہو گی۔

لاہور(آئی این پی) لاہورسے دبئی جانیوالی پی آئی اے کی پرواز کے مسافر سے ساڑھے 4کلوگرام ہیروئن برآمد کرکے ملزم کو گرفتار کرلیا گیا۔ ایئرپورٹ ذرائع کے مطابق پیر کو لاہو کا رہائشی ظفر اقبال پی آئی اے کی پرواز سے دبئی جا رہا تھا کہ جہاز میں سوار ہونے سے قبل دروازہ پرتلاشی لی گئی تو اسی دوران ملزم کے ہینڈ بیگ سے ساڑھے چار کلو گرام ہیروئن برآمد ہوئی جس کے بعد ملزم کو گرفتار کر کے نامعلوم مقام پر منتقل کر دیا گیا جہاں اس سے تفتیش شروع کر دی گئی۔ سول ایوی ایشن اتھارٹی نے ہیروئن اے این ایف کسٹم اور اے ایس ایف کاﺅنٹر سے کیسے چھپی رہی اس سلسلے میں انکوائری کمیٹی تشکیل دی گئی ہے جس نے تحقیقات شروع کر دی ہیں۔ (س)

راولپنڈی(آئی اےن پی ) ملک غلام رضا نائن اے سائیڈ ایک روزہ ہاکی ٹورنامنٹ(کل)اتوار کو شہناز شیخ ہاکی سٹیڈیم راولپنڈی میں کھیلا جائے گا۔ راولپنڈی ڈسٹرکٹ ہاکی ایسوسی ایشن کے سیکرٹری ظہیر الحق نے بتایا کہ ٹورنامنٹ میں شرکت کے لئے دس ٹیموں کو دعوت نامے ارسال کیا گئے تھے جن میں سے ابھی تک آٹھ ٹیمیں شرکت کی دعوت کو قبول کر لیا ہے جن میں اے آر ایل کلب، العزیز کلب، فرئنڈز کلب، سول ڈیفنس کلب، سٹی کلب، افغان کلب، واہ رہبر کلب اور واہ ہاکس کلب کی ٹیمیں شامل ہیں بقایا دو ٹیمیں بھی آئندہ ایک، دو روز میں کنفرم کر دیں گی۔ ٹورنامنٹ کے فائنل میچ پر رکن پنجاب اسمبلی ملک غلام رضا مہمان خصوصی ہونگے جو جیتنے والی ٹیموں کے کھلاڑیوں میں انعامات تقسیم کریں گے۔

امریکی سفارتخانے کی توسیع کے معاملے کاتعلق پاکستانی قوم کے سٹرٹیجک اثاثوں ،افرادکی زندگی اور تحفظ کے حق سے ہے،رجسٹرارآفس کے اعتراضات مناسب نہیں،عدالت درخواست سماعت کےلئے منظورکرے،درخواست گزارمحمداقبال کی استدعا اسلام آباد(آئی این پی)سپریم کورٹ میں امریکی سفارتخانے کی توسیع کیخلاف آئینی درخواست پررجسٹرارآفس کے اعتراضات کے خلاف اپیل دائرکردی گئی۔جمعہ کو محمداقبال نامی شہری نے رجسٹرارآفس کے اعتراضات کے خلاف اپیل اپنے وکیل محمدمنظوربٹ کے ذریعے سپریم کورٹ کے رولز1980 کے آرڈرپانچ رول تین کے تحت دائرکرائی ۔رجسٹرارآفس کے اعتراضات کاجواب دیتے ہوئے درخواست گزار نے کہاکہ امریکی سفارتخانے کی توسیع کے معاملے کاتعلق پاکستانی قوم کے سٹرٹیجک اثاثوں کے ساتھ ساتھ افرادکی زندگی اور تحفظ کے حق سے بھی ہے اوراس حق کوآئین کے آرٹیکلز چاراورنوکے تحت تحفظ دیاگیاہے۔انہوں نے کہاکہ امریکی سفارتخانے کی توسیع نے پوری قوم کی آزادی اورزندگی کوخطرے میں ڈال دیاہے۔درخواست گزارنے کہاکہ وہ سفارتی ضروریات کی آڑمیںامریکی جاسوس مشن اورمنصوبوں کے قیام میں عدالت کی مداخلت چاہتاہے۔درخواست گزارنے عدالت سے استدعاکی رجسٹرارآف...

شگاگو(ثناء نیوز ) افغانستان میں تعینات بین الاقوامی سیکیورٹی اسسٹنس(ایساف( کے کمانڈر جنرل جان ایلن نے کہا ہے کہ اگر شکاگو میں ہونے والے نیٹو کے اجلاس میں نیٹو سپلائی بحالی کے حوالے کوئی پیش رفت نہیں ہوتی تو انھیں اس سے کوئی مایوسی نہیں ہو گی۔غیر ملکی خبر رساں ادارے کو دیئے گئے ایک انٹرویو میں جنرل جان ایلن کا کہنا تھا کہ وہ وہ پر امید ہیں کہ پاکستان کی جانب سے نیٹو سپلائی بحال کر دی جائے گی لیکن اس بارے میں کوئی حتمی وقت نہیں دیا جاسکتا۔ امریکی جنرل سے پوچھے گئے ایک سوال میں ان کا کہنا تھا کہ نیٹو سپلائی کی بحالی کے حوالے سے ہمیں پاکستان کے ساتھ معاہدے کی کوئی جلدی نہیں ہے تاہم ان کا کہنا تھا کہ نیٹو سپلائی کی بحالی سے نیٹو کے سازو سامان کی واپسی میں آسانی ہو گی۔جنرل جان ایلن نے نیٹو سپلائی بحالی کے لئے امید ظاہر کرتے ہو ئے کہا ہے کہ میں نہیں جانتا کہ نیٹو سپلائی کی بحالی میں کتنا وقت لگے گا تاہم بحالی کے لئے پر امید ہوں.ایک غیر ملکی خبر ایجنسی سے گفتگو کرتے ہو ئے جنرل جان ایلن کا کہنا ہے کہ شکاگو میں جاری اجلاس کے اختتام تک نیٹو سپلائی بحال نہ ہونے کے امکان پر افسوس نہیں ہوگا.معاہدے ...

اسلام آباد (ثناء نیوز ) وفاقی حکومت نے پارلیمنٹ کے مشترکہ اجلاس کے موقع پر اسلام آباد میں فول پروف سیکیورٹی کے احکامات جاری کر دیئے ۔ مشترکہ اجلاس سے ترک وزیر اعظم طیب اردگان خطاب کریں گے ۔ اس موقع پر ریڈ زون میں شناختی کارڈ کے بغیر داخلہ پر پابندی ہو گی جبکہ مارگلہ کی پہاڑیوں اور ریڈ زون میں پولیس کی اضافی نفری تعینات کرنے کی ہدایت بھی کی گئی ۔ سیکیورٹی کا جائزہ لینے کے لئے اعلیٰ سطح کا اجلاس وزیر داخلہ رحمان ملک کی صدارت میں ہوا اجلاس کے بعد میڈیا سے گفتگو کرتے ہوئے رحمان ملک کا کہنا تھا کہ شریف برادران کی لوٹی ہوئی رقم واپس لائی جائے گی اور پنجاب حکومت کے لیپ ٹاپ ، ناقص ادویات اور سستی روتی کے سکینڈل بھی عوام کے سامنے لائیں گے ۔ رحمان ملک کا کہنا تھا کہ نواز شریف تھانے دار کی دھمکیاں نہ دیں اور سیاستدانوں کو بازاری زبان استعمال نہیں کرنی چاہئے ۔ رحمان ملک کا کہنا تھا کہ ایسا ماحول پیدا نہ کیا جائے جس سے جمہوریت کو نقصان ہو ۔ انہوں نے کہا کہ شریف برادران منی لانڈرنگ کا اعتراف کریں گے جبکہ جنوبی پنجاب میں انتہا پسندوں کی موجودگی کی تصدیق وزیر اعلیٰ پنجاب نے بھی کی ہے ۔ رحمان ملک کا ک...

لاہور(ثناء نیوز ) ریلوے اسکریپ چوری کیس میں اہم انکشافات کا سلسلہ جاری ہے۔ غیر فعال روٹ کیلئے فراہم کی گئی پٹڑی راستے میں ہی ٹھکانے لگادی گئی۔ ریلوے پولیس کے مطابق شہداد کوٹ کے علاقے میں ٹرین سروس عرصہ دراز سے بند ہے۔ پرماننٹ وے انسپکٹر نے جیکب آباد ریلوے اسٹور میں درخواست دی کہ علاقے میں پٹڑیاں کارآمد نہیں رہی ہیں۔ اس لئے ایک سو دس ریلوے ٹریک فراہم کئے جائیں۔ اسٹور کے حکام نے تحقیق کئے بغیر نئی پٹڑیاں روانہ کردیں جو شہدادکوٹ پہنچنے سے پہلے ہی غائب کر دی گئیں۔ پولیس کے مطابق غائب ہونے والی پٹڑی لاہور کے علاقے مصری شاہ میں فروخت کی گئی ہے۔ اس چوری میں اسٹور کے حکام بھی ملوث ہو سکتے ہیں۔

کابل(ثناء نیوز )افغانستان میں طالبان رہنماء ملا عمر نے کہا ہے کہ افغانستان کی سرزمین کسی دوسرے ملک کے خلاف استعمال نہیں ہونے دیں گے اور القاعدہ کے لیے افغانستان میں کوئی جگہ نہیں ہو گی۔شکاگو کانفرنس کے شرکاء کے لیے اپنے پیغام میں ملا عمر نے کہا کہ سلامتی کے بہانے امریکہ سمیت دیگر ممالک کا افغانستان پر قابض رہنے کا کوئی جواز نہیں۔ملا عمر نے کہا کہ ہمارا کسی کو نقصان پہنچانے کا کوئی ایجنڈہ نہیں۔

سری نگر (کے پی آئی ) مرحوم میر واعظ مولوی فاروق ،خواجہ عبدالغنی بٹ کے یوم شہادت کے موقع پر پیر کے روز مقبوضہ کشمیر مین عام ہڑتال ہوگی ۔ اس موقع پر تمام کاروباری ادارے ، بازار دکانیں بند رہیں گی۔ مختلف مقامات پر یوم شہدا کے سلسلے میں پروگرامات ہوں گے ۔مرحوم میر واعظ مولوی فاروق ،خواجہ عبدالغنی بٹ اور شہدائے حول کو شاندار الفاظ میں خراج عقیدت ادا کرتے ہوئے حریت رہنماوں نے انکے مشن کو پایہ تکمیل تک پہنچانے کے عزم کا اظہار کیا ہے۔لبریشن فرنٹ کے چیئرمین جاوید احمد میر اورجنرل سیکریٹری غلام مصطفے بٹ نے میر واعظ مولانا محمد فاروق ، خواجہ عبدالغنی لون اور شہدائے حول کو زبردست خراج تحسین ادا کرتے ہوئے کہا کہ تنازعہ کشمیر کے حوالے سے کشمیری قوم یکساں موقف رکھتے ہیں جبکہ کشمیری عوام کو اپنی لاکھوں قربانیوں کے حوالے سے اپنی حریت پسند قیادت اور پاکستان کی سیاسی قیادت سے بہت توقعات وابستہ ہیں ۔ موصولہ بیان میںانہوں نے کہا کشمیری قیادت اور عوام تنازعہ کشمیر کے فریق بھی ہیں اور وکیل بھی ہیں ۔ جسکے لئے 63 سالوں سے کشمیری عوام اپنی فریقانہ حیثیت حاصل کرنے کیلئے جدو جہد حاصل کر رہے ہیں ۔ جبکہ کشمیری حری...

اسلام آباد (ثناء نیوز )سابق امیر جماعت اسلامی پاکستان قاضی حسین احمد کی دعوت پر ’’ اتحاد امت اور اسلامی یکجہتی ‘‘ کے موضوع پر کانفر نس سوموار کو اسلام آباد میں ہو گی ۔ ملک بھر کی مذہبی جماعتوں کی قیادت کو دعوت نامے جاری کر دیئے گئے ۔ سید منور حسن ‘ مولانا فضل الرحمان ‘ علامہ ساجد میر ‘ علامہ ساجد نقوی ‘ پیر عبدالرحیم نقشبندی ‘ صاحبزادہ ابوالخیر زبیر ‘ مولانا سمیع الحق ‘ حافظ سعید ‘ لیاقت بلوچ ‘ حافظ حسین احمد‘ قاری حنیف جالندھری سمیت 40 سے زائد دینی راہنما خطاب کریں گے ۔قاضی حسین احمد نے ایک انٹرویومیں کہا ہے کہ اجلاس کے چار نکات ہیں جن میں باہمی اختلافات کو بات چیت کے ذریعے حل کرنا، خطبات جمعہ میں ہم آہنگی اور ان میں علمی گہرائی پیدا کرنا، اسلامی نظریاتی کونسل کی متفقہ طور پر منظور شدہ سفارشات کو نافذ کرنا اور آخر میں مختلف فقہ کے لوگوں کو قریب لانا اور ایسا ماحول پیدا کرنا کہ وہ اختلافات کو نظر انداز کریں اور مشترکات پر زور دیں۔انہوں نے ایسی کمیٹی کا قیام بھی تجویز کیا ہے جو جمعہ کے خطبوں کے لیے مشترکہ نکات طے کرنے کے ساتھ ساتھ خطیبوں کی رہنمائی کر سکے۔ قاضی حسین احمد نے کہا ہے کہ م...

اسلام آباد (ثناء نیوز ) وزیر اعظم سید یوسف رضا گیلانی نے پاکستان مسلم لیگ ( ن ) کے صدر میاں نواز شریف کو ترک وزیر اعظم کے اعزاز میں دیئے جانے والے عشایئے میں آج ( پیر کو ) مدعو کر لیا ۔ وزیر اعظم نے دعوت نامہ میاں نواز شریف کو بھجوا دیا ہے ۔ دوسری جانب وزیر اعظم کی طرف سے دیگر پارلیمانی پارٹیوں ، سیاسی جماعتوں اور عسکری قیادت کو ترک وزیر اعظم رجب طیب اردگان کو دیئے جانے والے عشایئے میں شرکت کے دعوت نامے بجھوا دیئے گئے ہیں ۔ وزیر اعظم ہاؤس کے ترجمان کے مطابق جن دیگر رہنماؤں کو عشائیہ میں شرکت کی دعوت دی گئی ہے ان میں چودھری شجاعت حسین ، اسفندر یار ولی خان ، ڈاکٹر فاروق ستار ، حاجی عدیل احمد ، مولانا فضل الرحمان ، امیر جماعت اسلامی سید منور حسن ، میر اسرار اللہ زہری ، عمران خان ، پیر صدر الدین راشدی ، منیر خان اورکزئی ، آفتاب احمد خان ، شیرپاؤ ، چاروں صوبوں کے وزراء اعلیٰ اور گورنرز شامل ہیں ۔

شکاگو(ثناء نیوز ) نیٹو سیکرٹری جنرل راسموسن نے کہا ہے کہ پاکستان سے نیٹو راہ داری پر مذاکرات جاری ہیں جن کا مثبت نتیجہ نکلے گا اور امید ہے کہ نیٹو سپلائی جلد بحال ہو جائے گی۔ پاکستان کی شرکت کے بعد افغانستان کے مسائل حل نہیں کر سکتے۔شکاگو میں پریس کانفرنس کرتے ہوئے راسموسن نے کہا کہ مستقبل قریب میں پاکستان کی طرف سے نیٹو سپلائی کھولنے سے متعلق پر امید ہیں۔ا س سلسلے میں پاکستان سے مذاکرات جاری ہیں اور امید ہے کہ ان کا مثبت نتیجہ نکلے گا۔انہوں نے کہا کہ نیٹو اتحاد مضبوط ہے اور افغانستان سے نیٹو فوجیوں کا انخلاء مرحلہ وار ہو گا اورامید ہے کہ 2014 ء تک افغانستان سے انخلاء مکمل ہو جائے گا۔ اس سلسلے میں منصوبہ بندی کے تحت کام کر رہے ہیں۔نیٹو اتحادیوں کو تعاون فراہم کرنا ہو گا۔نیٹو سیکرٹری نے کہا کہ کینیڈا کی طرف سے افغان فوجیوں کو ٹریننگ دینے کی پیشکش کا خیر مقدم کرتے ہیں۔انہوں نے کہا کہ ہم چاہتے ہیں کہ افغانستان سے نیٹو انخلاء کے بعد امن قائم رہے اس کے لیے ہم منصوبہ بندی کر رہے ہیں تاکہ وہاں کی حکومت اور فوج کو اتنا مضبوط کر دیئے جائے کہ وہ کسی بھی صورتحال سے نبردآزما ہونے کی صلاحیت رکھتی ...

شکاگو (ثناء نیوز )امریکہ کے شہر شکاگو میں اتوار کو نیٹو ممالک کے رہنماؤں کے 2 روزہ اجلاس کا آغاز ہوگیا ہے ۔میزبان صدر باراک اوبامہ سمیت 40 سے زائد ملکوں کے سربراہان مملکت و حکومت کانفرنس میں شرکت کر رہے ہیں۔صدر آصف علی زرداری کانفرنس میں پاکستان کی نمائندگی کر رہے ہیں۔2روزہ کانفرنس کے ایجنڈے میں افغانستان کی صورتحال سر فہرست ہے۔کانفرنس میں 2014ء کے اختتام پر افغانستان سے ایک لاکھ تیس ہزار غیر ملکی فوجیوں کے انخلاء کے پروگرام کو حتمی شکل دی جا رہی ہے۔2014ء کے بعد افٰغانستان میں سلامتی کی صورتحال برقرار رکھنے پر سالانہ اخراجات کا تخمینہ چار ارب ڈالر ہے امریکہ یہ چاہتا ہے کہ اخراجات کا نصف اتحادی ممالک ادا کریں جبکہ اخراجات کا باقی نصف یعنی سالانہ دو ارب ڈالر امریکہ خود برداشت کر یگا۔کانفرنس میں نیٹو رکن ممالک کے دفاعی اخراجات میں کمی کے مشترکہ منصوبے شروع کرنے کی تجویز بھی زیر غور ہے۔صدر آصف علی زرداری نیٹو سربراہ کانفرنس میں پاکستان کا موقف واضح اور بھر پور انداز میں پیش کریں گے۔صدر مملکت کانفرنس میں شریک عالمی رہنماؤں سے ملاقاتیں بھی کریں گے۔صدر مملکت نے کانفرنس میں شرکت کا فیصلہ پارل...

نئی دہلی(کے پی آئی ) ہندو انتہا پسند گروپ بھگت سنگھ کرانتی سینا نے نئی دہلی میں قائم جموں کشمیر ہاوس پر حملہ کرکے اسے تالہ لگادیا۔ تفصیلات کے مطابق و انتہا پسند گروپ بھگت سنگھ کراتنی سینا کے حامیوں نے گزشتہ روز نئی دہلی میں قائم جموں کشمیر ہاوس پر حملہ کردیا ۔ان کا مطالبہ تھا کہ مقبوضہ کشمیر حکومت ا مرناتھ یاترا کی مدت میں 39سے 60دنوں کی توسیع کرے۔ انتہا پسندوں نے جموں کشمیر ہاوس کے مین گیٹ پر تالہ چڑھا کر کسی کو بھی ہاوس کے اندر اور باہر جانے کی اجازت نہیں دی۔ اس موقعہ پر مظاہرین نے وزیر اعلی کے خلاف نعرہ بازی کی اور الزام عائد کیا کہ جان بوجھ کر یاترا کی مدت میں ہر سال کمی کی جارہی ہے۔ پولیس نے حرکت میں آکر کرانتی سینا کے پانچ شرپسندوں کو گرفتار کرکے ان کے خلاف ایف آئی آر درج کرلیا تاہم اس کے فورا بعد ان کو رہا کر دیا گیا۔

کراچی (ثناء نیوز)یوٹیلٹی سٹورز پر آٹے کی قیمت میں 10 روپے فی تھیلا کمی کر دی گئی جبکہ دال چنا 5 روپے فی کلو مہنگی ہو گئی۔یوٹیلٹی سٹورز پر20 کلو گرام آٹے کی نئی قیمت555روپے مقرر کر دی گئی۔ دال چنا کی قیمت 5 روپے اضافے سے110 روپے فی کلو مقرر کر دی گئی۔ برانڈڈ صابن کی قیمتوں میں بھی 3 سے 5 روپیہ اضافہ کیا گیا ہے۔#

مقبوضہ بیت المقدس (ثناء نیوز ) امریکا نے اسرائیل کو کم فاصلے ت ک مار کرنے والے میزائلوں اور راکٹوں کی روک تھام کے لیے تیار کیے گئے”میزائل شکن” نظام کو مزید بہتر بنانے کے لیے ستر ملین ڈالرز کی نئی امداد کا اعلان کیا ہے۔اسرائیل کے ایک عبرانی اخبار”اسرائیل ھیوم” نے گزشتہ روز اپنی اشاعت میں شامل رپورٹ میں اطلاع دی ہے کہ حال ہی میں اسرائیلی وزیردفاع ایہود باراک نے اپنے امریکی ہم منصب لیون پینیٹا سے واشنگٹن میں ملاقات کی۔ اس ملاقات میں دونوں رہ نماؤں کے درمیان اسرائیل کو مزید دفاعی شعبے میں امداد کی فراہمی پر مذاکرات کیے گئے۔ مرکزاطلاعات فلسطین کے مطابق امریکی وزیردفاع نے اپنے صہیونی ہم منصب کو یقین دہانی کرائی کہ محکمہ دفاع پینٹاگان جلد ہی تل ابیب کو”آئرن ڈوم” سسٹم کی تجدید کے لیے ستر ملین ڈالرز کی نقد امداد فراہم کرے گا۔ یہ رقم اسرائیل میزائل شکن نظام میں استعمال ہونے والی بیٹریوں کی خریداری پر صرف کرے گا۔امریکی وزیردفاع لیون پنیٹا نے کہا کہ ان کا ملک اسرائیل کو نہ صرف اگلے مالی سال میں دفاعی بجٹ کے سلسلے میں وعدے کے مطابق امداد دے گا بلکہ دفاع کے میدان میں اسرائیل کو مضبوط ...

سرینگر(کے پی آئی )کل جماعتی حریت کانفرنس (گ)کے چیرمین س ید علی گیلانی نے مسئلہ کشمیر سے متعلق اپنے مؤقف کو معتدل اور مبنی برحق قرار دیتے ہوئے کہا ہے کہ بھارت کشمیریوں کو زبردستی سر تسلیم خم کرانے کی پالیسی پر عمل پیرا ہے۔انہوںنے کہا ہے کہ حریت کانفرنس شہدا کے گرم گرم خون کی امین ہے اور یہ فورم تحریکِ آزادی کو عوامی خواہشات اور امنگوں کے مطابق آگے بڑھانے کا وعدہ بند ہے۔ اطلاعات کے مطابق نظربندی کے دوران ایک بیان مین علی گیلانی نے کہا کہ ہماری تحریک آزادی کئی نشیب وفراز سے گزری ہے اور آگے بھی اس کا امکان موجود ہے، لیکن بھارت ماضی میں کشمیریوں کے جذبہ آزادی کو ٹھنڈا کرنے میں کامیاب ہوا ہے اور نہ مستقبل میں وہ اس کو سرد کرانے میں کوئی میدان مار سکتا ہے۔ کشمیری قوم پچھلے 64سال سے بھارت کی غلام ہے اور اس عرصے کے دوران میں ہر نئی پیڑی کے جوش اور ولولے میں اضافہ ہوتا رہا ہے۔ انہوںنے کہا کہ ہمارا تنازعہ کشمیر کے بارے میں ایک معتدل اور مبنی برحقیقت موقف ہے اور اس سلسلے میں صرف بھارت سخت گیریت اور ہٹ دھرمی والا اسٹینڈ اپنائے ہوئے ہے۔ سید علی شاہ گیلانی نے کہا ہے کہ ہمارا سادہ مطالب...

اسلام آباد (ثناء نیوز )چیف جسٹس آف پاکستان جسٹس افتخار محم د چوہدری نے کہا ہے کہ لوگوں کو انصاف کی فراہمی عدلیہ کے ساتھ ساتھ ریاست کی بھی ذمہ داری ہے جمہوریت آئین کی عطا کردہ ہے عدلیہ ، وکلاء اور عوام آئین کے علاوہ کسی راستے کو قبول نہیں کریں گے ان خیالات کا اظہار چیف جسٹس نے لاء اینڈ جسٹس کمیشن کے اجلاس سے خطاب میں کیا انہوں نے کہا کہ لوگوں کو انصاف کی فراہمی صرف عدلیہ کی ہی ذمہ داری نہیں بلکہ ریاست بھی اس میں برابر کی ذمہ دار ہے چیف جسٹس کا کہنا تھا کہ عصر حاضر کے تقاضوں کو پورا کرنے کے لیے قوانین میں ترمیم ضروری ہے نظام انصاف کو تیز بنانے کے لیے حکومت کو قوانین میں ترامیم تجویز کی جائیں گئیں چیف جسٹس کا کہنا تھا کہ لاء اینڈ جسٹس کمیشن نظام عدل میں ترامیم کی ذمہ داری پوری کرتا ہے ترامیم عدالتی فیصلوں ، معاشرتی تقاضوں کی روشنی میں کی جاتی ہیں ان کا کہنا تھا کہ سماجی اورسیاسی پیشرفت نے نظام انصاف کے لیے نئے چیلنج کھڑے کئے کمیشن فوری اور سستے انصاف کی فراہمی کیلئے قوانین تجویز کرتا ہے قانون میں اصلاحات کے لیے اب تک 120 رپورٹس بھجوائی جا چکی ہیں چیف جسٹس کا کہنا تھا کہ شہر...

لاہور (ثناء نیوز) وزیراعظم یوسف رضا گیلانی نے کہا ہے کہ انہیں غیر آئینی طریقہ سے ہٹانے کی کوشش ہورہی ہیں جو کامیاب نہیں ہوں گی۔ عوام کی طاقت سے اقتدر میں آئے ہیں جب تک عوام کی حمایت حاصل رہے گی حکومت کریں گے۔ لیپ ٹاپ کی تقسیم پنجاب حکومت کا کوئی کارنامہ نہیں ہے ہم براڈبینڈ سروس نہ دیں تو لیپ ٹاپ کہاں چلے گا۔ ان خیالات کا اظہار انہوں نے گذشتہ روز ایکسپو سنٹر لاہور میں ورچوئل یونیوسرٹی آف پاکستان کے تیسرے کانووکیشن سے خطاب کرتے ہوئے کیا۔ اس موقع پر انہوں نے نمایاں پوزیشن حاصل کرنے والے طلبہ و طالبات کو 20ملین روپے انعام دینے کا بھی اعلان کیا۔ کانووکیشن سے وفاقی وزیر آئی ٹی و ورچوئل یونیورسٹی کے ڈپٹی رجسٹرار راجہ پرویز اشرف نے بھی خطاب کیا۔ اس موقع پر وزیر مملکت برائے دفاع اور پیپلز پارٹی پنجاب کے صدر امتیاز صفدر وڑائچ اور یونیورسٹی کے بورڈ آف گورننس کے چیئرمین فاروق اعوان بھی موجود تھے۔ وزیراعظم نے کہا کہ مجھے غیر آئینی طریقہ سے ہٹانے کی کوشش کی جارہی ہے لیکن ان کی کوششیں کامیاب نہیں ہوں گی۔انہوں نے کہا کہ ہم چور دروازے سے نہیں عوام کی طاقت کے ذریعے آئے ہیں جب تک عوام کی حم...

لاہور (ثناء نیوز ) دفاع پاکستان کونسل نے نیٹو سپلائی کی بحالی کے خلاف 27 مئی سے کراچی تا اسلام آباد لانگ مارچ کرنے کا اعلان کردیا۔ میاں نوازشریف اور عمران خان کا دعوت کے باوجود دفاع پاکستان کونسل کے ا جلا س میں شرکت نہ کرنا افسوسناک ہے ۔جب بھی کوئی حساس مسئلہ درپیش ہوتا ہے سیاستدان لندن چلے جاتے ہیں اللہ تعالی لندن کے عذاب سے سیاستدانوںکو نکالے۔ نواز شریف اپنے لانگ مارچ سے پہلے دفاع پاکستان کونسل کے لانگ مارچ میں شریک ہو جائیں۔ان خیالات کا اظہار دفاع پاکستان کونسل کے منصورہ میںمنعقدہ اجلاس کے بعد دفاع کونسل کے صدر مولانا سمیع الحق نے پریس کانفرنس سے خطاب کرتے ہوئے کیا۔ اس موقع پر جماعت اسلامی پاکستان کے امیر سید منور حسن ،جماعت الدعوۃ کے سربراہ حافظ محمد سعید، جنرل(ر) حمید گل، مسلم لیگ(ضیاء ) کے صدر اعجاز الحق، عوامی مسلم لیگ کے سربراہ شیخ رشیداحمد اور پاکستان دفاع کونسل میںشریک دیگرجماعتوںکے رہنما ء بھی موجود تھے۔ اجلاس میں کیے گئے فیصلوںکااعلان کرتے ہوئے مولانا سمیع الحق نے کہا کہ اجلاس میں سپلائی کی بحالی کو یکسرمسترد کردیا گیا کسی بھی قیمت پر اس بحالی کو تسلیم نہیں ک...