Weekly EHTASABI AMAL Lahore ھفت روذھ احتسابی عمل لاھور

اسلام آباد ۔ 2 جون (اے پی پی) وفاقی وزیر خزانہ ڈاکٹر عبدالحفیظ شیخ نے کہا ہے کہ معاشی استحکام، اقتصادی نمو، مہنگائی میں کمی، کمزور طبقات کو سماجی تحفظ کی فراہمی، بجلی کے بحران پر قابو پانے کیلئے بجٹ رقوم میں اضافہ اور خود انحصاری پر توجہ مرکوز کرتے ہوئے جمہوری حکومت نے مشکل حالات کے باوجود عوامی خواہشات کا عکاس ایک تاریخی، متوازن اور ذمہ دارانہ بجٹ پیش کیا ہے، وفاقی ٹیکسوں سے صوبوں کو 300 ارب روپے تک ملیں گے، حکومت بجلی کے مسئلے کو حل کرنے میں نہایت سنجیدہ ہے اس لئے جاری اخراجات اور پی ایس ڈی پی دونوں میں اس کیلئے رقوم مختص کی گئی ہیں، ٹیکس نظام کو آسان بنایا جا رہا ہے، ٹیکسوں کی شرح میں کمی کا فائدہ عام آدمی کو ہو گا، 

اسلام آباد ۔ 2 جون (اے پی پی) وفاقی حکومت نے بلوچستان میں سیاہ شیشوں والی گاڑیوں کے استعمال، راہداری کے اجراءپر پابندی عائد کردی ہے جبکہ نان کسٹم پیڈ گاڑیوں کو سڑک پر لانے کی اجازت نہ دینے کا فیصلہ کیا گیا ہے۔ یہ فیصلے ہفتہ کو یہاں وزیراعظم ہاﺅس میں وزیراعظم سید یوسف رضا گیلانی کی زیر صدارت اجلاس میں کئے گئے۔ اجلاس میں وزیراعلی بلوچستان نواب اسلم رئیسانی، داخلہ، خزانہ، اطلاعات، قانون و انصاف، پوسٹل سروسز، فوڈ سیکورٹی اور سائنس و ٹیکنالوجی کے وزرائ، انسانی حقوق کے مشیر، صوبائی وزیر خزانہ محمد عاصم کرد، بلوچستان سے منتخب ارکان پارلیمنٹ اور اعلیٰ سرکاری حکام نے شرکت کی۔

باغ(آئی این پی)یوفون موبائل کمپنی ایریامنیجرسعیدولدعزیزگاﺅں سدھن گلہ ملوٹ باغ گزشتہ دنوں دل کادورہ پڑنے سے انتقال کرگئے ۔اس حوالہ سے موبائل ایسوسی ایشن کاایک ہنگامی تعزیتی اجلاس منعقدہواجس میں مرحوم کے لیے دعامغفرت اورلواحقین کے لیے صبرجمیل کی دعاکی اورسوگواران سے دلی اظہارتعزیت کی اس موقع پرموبائل ایسوسی ایشن کے صدرشاہدخورشید،نائب صدرعارفین خان،جنرل سیکرٹری ،سیکرٹری نشرواشاعت اوردیگرعہدیداران موجودتھے۔

راولاکوٹ (آئی این پ ی)یوفون موبائل کمپنی کی چلائی گئی 2 odکارسکیم کے پیش نظرنوسربازوں نے کمپنی کی سکیم کاغلط استعمال کرکے سادہ لوح صارفین کے ہزاروں روپے لوٹ لیے ۔تفصیلات کے مطابق گزشتہ ایک عرصہ سے یوفون کمپنی کی طرف سے چلائی گئی کارسکیم کے نام پرمختلف نوسربازوں نے سادہ لوح صارفین کوفون کرکے انعام کاجہانسہ دے کرہزاروں روپے ایزی لوڈکرواکرعوام کومشکلات میں ڈال رکھاہے صارفین یوفون آفس پہنچ گئے ان خیالات کااظہارموبائل ایسوسی ایشن نے صحافیوں سے پات چیت کرتے ہوئے کیاانہوں نے کہاکہ ایسے عناصرکے خلاف فی الفورکمپنی ذمہ داران کاروائی کروائیں اورعوام کے لوٹے ہوئے روپے واپس کروائے جائیں انہوں نے مزیدکہاکہ مختلف لوگ ہمارے پاس آتے ہیں اورکہتے ہیں کہ ہماراانعام نکلاہے فلاح نمبرسے کال آئی تھی ان کوہم نے پانچ ہزارکاایزی لوڈ بھی کروایالیکن ہمیں انعام نہیں ملالہذاہماراانعام دیاجائے جبکہ موبائل ایسوسی ایشن کے ذمہ داران نے ان کوبتایاکہ کسی بھی موبائل کمپنی کی انعامی اسکیم میں اگرآپ کاانعام نکل جاتاہے توان کے نمائندے آپ کے پاس خودآئیں یاپھرمقامی فرنچائزکواس حوالے سے معلومات فراہم کی جاتی ہے اوروہ خودمتعل...

کراچی(ثناء نیوز)کراچی ایمپلائیز اولڈ ایج بینیفٹ انسٹیٹیوشن کے بیان کے  مطابق کم ازکم پنشن 3000سے بڑھاکر3600روپے کر دی گئی ہے. بیان میں کہا گیا ہے کہ پنشن میں اضافے کااطلاق یکم جنوری 2012سے ہوگ

نئی دہلی (ثناء نیوز )نئے بھارتی آرمی چیف جنرل بکرم سنگھ نے کہا ہے  کہ دشمن سے مقابلہ کے لیے بھارتی فوج کو مزید مستحکم اور طاقتور بنایا جائے گا نئی دہلی میں میڈیا سے گفتگو میں جنرل بکرم سنگھ نے کہاکہ ماضی کی باتیں بھلا کر آگے کی جانب سفر کرنا ان کی ترجیح ہے سابق آرمی چیف کے دور میں پیدا ہونے والے تنازعات کے بارے میں انہوں نے کہا کہ حقائق کو چھپایا نہیں جا سکتا نئے بھارتی آرمی چیف نے کہا کہ بھارتی فوج کو مزید مضبوط اور طاقتور بنایا جائے گا 59 سالہ جنرل بکرم سنگھ بھارتی فوج کے 25 ویں فوجی سربراہ ہیں جو دو سال تین ماہ تک اپنے فرائض سرانجام دیں گے جنرل سنگھ آرمی چیف بننے سے قبل ایسٹرن آرمی کے کمانڈر کے طور پر کام کر رہے تھے ۔

سری نگر(کے پی آئی ) حریت کانفرنس) گ) کے چیئر مین سید علی شاہ گیلانی  نے کہا ہے کہ بھارتی فوج کو جموں کشمیر میں قتل عام کی کھلی لائسنس حاصل ہے اور وہ کسی کو بھی کسی بھی بہانے قتل کرسکتی ہیں۔ نہ ان کو کسی سول عدالت کے سامنے جوابدہ بنایا جاسکتا ہے اور نہ ان سے کسی قسم کی باز پرس کی جاسکتی ہے۔ انہوں نے کہا ہے کہ اس صورتحال نے جموں کشمیر میں عام شہریوں کو عدمِ تحفظ کا شکار بنادیا ہے اور وہ ڈر اور خوف کے ماحول میں زندگی گزاررہے ہیں۔ ایک بیان میں انہوں نے کہا کہ فورسز کشمیریوں کی ایک منصوبہ بندی کے ساتھ نسل کشی کررہی ہیں اور ولر سانحہ اسی سلسلے کی ایک کڑی تھی۔ بحریہ کے جوانوں نے بوٹ میں گنجائش سے زیادہ بچوں کو یہ جان کر بھی سوار کیا کہ کسی حادثے کی صورت میں وہ معصوم تیر بھی نہیںسکتے ہیں اور ان کی جانوں کو خطرہ لاحق ہوسکتا ہے۔ انہوں نے کہا کہ سرکار نے اس حادثے کی تحقیقات کیلئے جو انکوائری کمیشن مقرر کیا تھا، اس نے اپنی رپورٹ میں یہ انکشاف کیا تھا کہ ڈیوٹی پر موجود بحریہ کے جوانوں نے انتہائی لاپرواہی کا مظاہرہ کیا اور غفلت شعاری سے کام لیکر 22اسکولی بچوں کی زندگیاں چھین لیں۔ کمیشن نے ذمہ...

اسلام آباد(ثناء نیوز )اسلام آباد نئے مالی سال میں وفاقی اور صوبائی ترقیاتی  منصوبوں کا کل حجم 8 کھرب 73 ارب روپے رکھا گیا ہے، اس میں سڑک مواصلات منصوبوں کا تقریبا بیس فیصد ، فیصل آباد ملتان موٹروے سے متعلق رکھا گیا ہے جبکہ ایٹمی توانائی شعبہ کیلئے 39 ارب روپے رکھے گئے ہیں. مالی سال 13-2012 کے پبلک سیکٹر ڈویلپمنٹ پلان کی دستاویز کے مطابق پی ایس ڈی پی کا کل حجم 8 کھرب 73 ارب روپے رکھا گیا ہے، اس میں وفاقی منصوبوں کیلئے 3 کھرب 50 ارب روپے اور صوبائی منصوبوں کیلئے 5 کھرب 13 ارب مختص کئے گئے ہیں، ایرا منصوبوں کے لئے 10 ارب روپے رکھے گئے ہیں، ایٹمی توانائی کمیشن کیلئے 39 ارب 17 کروڑ روپے مختص ہیں، چشمہ کے نیوکلیئر پلانٹ 3 اور پلانٹ 4 کی تعمیر کیلئے 34 ارب 56 کروڑ رکھے گئے ہیں، کراچی میں 1000 میگاواٹ اور 300 میگاواٹ منصوبوں کیلئے 89 کروڑ روپے اور ملک میں 6 نئے مقامات پر نیوکلیئر پاور پلانٹس کے سروے کے لئے ساڑھے 3 کروڑ مختص ہیں، پی ایس ڈی پی میں ریلوے منصوبوں کیلئے 22 ارب 88 کروڑ روپے مختص ہیں، اس میں ریل انجنز کی خریداری، بحالی و مرمت کے 4 منصوبوں کیلئے 4 ارب 50 کروڑ روپے شامل ہیں، پی ...

اسلام آباد (ثناء نیوز )سپریم کورٹ آف پاکستان نے بلوچستان بد امنی کیس  کی سماعت کے دوران عبوری حکم نامہ جاری کرتے ہوئے وزیر اعظم کے پرنسپل سیکرٹری کو ہدایت کی ہے کہ وہ صدر وزیر اعظم سے بات کر کے بلوچستان میں امن امان کی صورت حال بہتر بنانے کے لیے سیکرٹری داخلہ و دفاع کا مشترکہ اجلاس بلائیں ۔ عدالت نے قرار دیا ہے کہ اجلاس میں مسئلے کا حل کر کے واضح موقف عدالت میں پیش کیا جائے ۔ عدالت نے وزیر اعظم گیلانی کے پرنسپل سیکرٹری کو ہدایت کی ہے کہ وہ وزیر اعظم کو صوبے کی صورت حال بارے آگاہ کریں عدالت نے اپنے حکم میں کہا ہے کہ عدالت کے پاس وفاق کو اس مقدمہ میں اٹارنی جنرل کی جگہ نیا وکیل مقرر کرنے کے لیے کہنے کے سوا کوئی چارہ نہیں ہے جبکہ رضا کاظم نے آئین کے آرٹیکل 6 کے تحت نوٹس جاری کرنے پر زور دیا ہے ۔ عدالت ایسا حکم جاری کرنے کا اختیار رکھتی ہے تاہم تحمل کا مظاہرہ کرتے ہوئے فی الحال ایسا حکم جاری نہیں کیا جا رہا تمام لوگ حالات کا ادارک کریں ۔ عدالت نے قرار دیا ہے کہ آئندہ سماعت پر وزیر اعظم کے پرنسپل سیکرٹری وفاق کی جانب سے وکیل کی نامزدگی کے بارے میں عدالت کو آگاہ کریں اور وکیل کو پابند...

اسلام آباد(ثناء نیوز) قومی اسمبلی میں جمعہ کے روز اپوزیشن کی بڑی  جماعت پاکستان مسلم لیگ(ن) نے وفاقی بجٹ برائے سال 2012-13 کے موقع پر شدید ہنگامہ آرائی کی ۔ ارکان دست و گریبان ہو گئے۔ ایک دوسرے پر تھپڑ رسید کیے ۔ وزیر خزانہ ڈاکٹر عبدالحفیظ شیخ کی بجٹ تقریر کے دوران ایوان حکومت مخالف نعروں سے گونجتا رہا۔ اپوزیشن ارکان نے بجٹ دستاویز پھاڑکر وزیر خزانہ کی طرف پھینک دئیے ۔ وزیر خزانہ کاگھیراؤ کیا گیا ۔ ’’ مک گیا شو گیلانی ، گو گیلانی گو‘‘ ، قوم بھوکی مار دی ہائے پیپلزپارٹی ، گیلانی تیرے ضابطے ہم نہیں مانتے۔ ‘‘ اور دیگر نعرے لگائے ۔ حکومت کے سرکردہ اراکین نے وزیراعظم سید یوسف رضا گیلانی کے گرد حفاظتی دیوار بنا دی تھی ۔ اپوزیشن ارکان کو وزیراعظم کی جانب نہ آنے دیا حکومت اور اپوزیشن کے اراکین کے درمیان شدید تلخ کلامی بھی ہوئی ۔ سپیکر ڈائس کے سامنے سینئر ارکان کو دھکے پڑے ۔ سید خورشید شاہ، قمر زمان کائرہ ، رانا فاروق سعید اراکین کے درمیان بیچ بچاؤ کراتے رہے۔ قومی اسمبلی میں چھ بجکر کر دس منٹ پر وزیر خزانہ ڈاکٹر عبدالحفیظ شیخ نے بجٹ تقریر شروع کی تو پاکستان مسلم لیگ (ن) کے اراکین نے حکوم...

اسلام آباد ۔ یکم جون (اے پی پی) مالی سال 2012-13ءکے سرکاری شعبہ کے ترقیاتی پروگرام کےلئے وزارت اطلاعات ونشریات کے 30منصوبوں کےلئے 41 کروڑ 22لاکھ روپے مختص کئے گئے ہیں۔ جمعہ کوجاری کئے گئے سرکاری شعبہ کے ترقیاتی پروگرام کے مطابق ملتان میں ٹی وی سنٹر کے قیام کےلئے 80 لاکھ روپے ، لانڈھی کراچی میں ٹرانسمیٹرکی تنصیب کےلئے 4کروڑ روپے، اے پی پی کی الیکٹرانک نیوز گیدرنگ سروس کےلئے 3 کروڑ روپے، مظفرآباد، حیدرآباد اورملتان میں 100 کلوواٹ کے تین ٹرانسمیٹرزکی تبدیلی کےلئے 5کروڑ 50 لاکھ روپے، گوادر بلوچستان میں ٹرانسمیٹرکی تبدیلی کےلئے ایک کروڑ روپے، میاں چنوں میں ری براڈ کاسٹ سٹیشن کےلئے دو کروڑ 50 لاکھ روپے، بدین میں ری براڈ کاسٹ سٹیشن کےلئے ڈیڑھ کروڑ روپے ، کیل آزاد کشمیرمیں ری براڈ کاسٹ سٹیشن کےلئے ایک کروڑ روپے، شگر گلگت بلتستان میں پی ٹی وی کے ری براڈ کاسٹ سٹیشن کےلئے ایک کروڑ روپے، استورکےلئے ایک کروڑ 40لاکھ روپے، چلاس کےلئے ایک کروڑ روپے، خاران بلوچستان کےلئے ایک کروڑ 50 لاکھ روپے مختص کئے گئے ہیں۔

،پیٹرولیم مصنوعات پرلیوی کی صورت میں بھتہ ٹیکس ختم ہونا چاہیے متحدہ قومی موومنٹ کے پارلیمانی لیڈرڈاکٹر فاروق ستارکی میڈیاسے گفتگو اسلام آباد(آئی این پی)قومی اسمبلی میں متحدہ قومی موومنٹ کے پارلیمانی لیڈرووفاقی وزیرسمندرپارپاکستانیز ڈاکٹر فاروق ستار نے کہا ہے کہ بجٹ غیر روایتی ہے،عام آدمی کو ریلیف جبکہ سرمایہ داروں جاگیرداروں پر ٹیکس لگایا جائے،پیٹرولیم مصنوعات پرلیوی کی صورت میں بھتہ ٹیکس ختم ہونا چاہیے ۔و ہ جمعہ کو پارلیمنٹ ہاوس کے باہر میڈیا سے گفتگو کررہے تھے ۔ انہوں نے کہا کہ ملکی میعشیت اسوقت تباہی کے دھانے پر ہے ،مہنگائی بے روزگاری غربت اور لوڈ شیڈ نگ نے لوگوں کی زندگیاں اجیرن بنا دی ہیں ،یہ غیر روایتی بجٹ پیش کیا گیا وزیر اعظم نے ایم کیو ایم کی تجاویز کو بجٹ میں شامل کرنے کی یقین دھانی کرائی ہے ، بجلی تیل ،اشیاءخوردونوش غزائی اجناس کی قیمتوں میں کمی ہونی چاہے توانائی بحران کو ہنگامی بنیادوں پر حل کرنے کی ضرورت ہے ، اب یہ وقت ہے کہ عام آدمی کو ریلیف دیا جائے سرمایہ داروں جاگیرداروں پر ٹیکس لگایا جائے65سالوں سے عام آدمی ٹیکس ادا کر رہا ہے پیٹرولیم مصنوعات پرلیوی کی صورت میں ب...

اسلام آباد ۔ یکم جون(اے پی پی) حکومتی شعبہ کے ترقیاتی پروگرام(پی ایس ڈی پی) کےلئے آئندہ مالی سال 2012-13ءکے بجٹ میں فنانس ڈویژن کے مجموعی طور پر 74منصوبوں کے لئے 13ارب 61کروڑ60لاکھ44ہزار روپے کے فنڈز مختص کئے گئے ہیں جن میں 1ارب38کروڑ49لاکھ روپے کی بیرونی امداد بھی شامل ہے جبکہ وفاقی حکومت آئندہ مالی سال کے دوران ترقیاتی منصوبوں کےلئے (پی ایس ڈی پی) کے تحت 12ارب23کروڑ 11لاکھ44ہزار روپے کے فنڈ اپنے وسائل سے فراہم کرے گی

اسلام آباد ۔ یکم جون (اے پی پی) آئندہ مالی سال 2012-13ءکے سرکاری شعبہ کے ترقیاتی پروگرام (پی ایس ڈی پی) میں داخلہ ڈویژن کے مختلف جاری منصوبوں کیلئے مجموعی طور پر 6 ارب 50 97 لاکھ 65 ہزار روپے مختص کئے گئے ہیں۔ جمعہ کو جاری کئے گئے پی ایس ڈی پی 2012-13ءکے مطابق داخلہ ڈویژن کے کل 105 منصوبوں کیلئے6 ارب 50 کروڑ 97 لاکھ 65 ہزار روپے مختص کئے گئے ہیں۔ ان میں سیلف سٹی اسلام آباد منصوبہ کیلئے سب سے زیادہ یعنی 2 ارب 70 کروڑ 29 لاکھ 73 ہزار کی رقم مختص کی گئی ہے۔ یہ منصوبہ بیرونی امداد سے مکمل کیا جائے گ

اسلام آباد ۔ یکم جون (اے پی پی) وفاقی وزیر خزانہ ڈاکٹر عبدالحفیظ شیخ نے کہا ہے کہ ٹیکس نظام کو آسان، ٹیکسوں کی تعداد اور شرح میں کمی جیسے اقدامات پر مبنی اصلاحات کو جاری رکھا جائے گا۔ جمعہ کو قومی اسمبلی میں بجٹ تقریر کرتے ہوئے انہوں نے کہا کہ ہم نے آئی ایم ایف پروگرام کے بغیر بھی اقتصادی اصلاحات کا عمل جاری رکھا اور وہ لوگ غلط ثابت ہو گئے جو یہ سوچتے تھے کہ پروگرام کے خاتمہ سے اقتصادی انتظام غیر ذمہ دارانہ ہو جائے گا اور نظم و ضبط ختم ہو جائے گا۔ انہوں نے کہا کہ اخراجات میں کفایت شعاری لگاتار دوسرے سال بھی جاری رہی اور دفاع اور قرضوں کی ادائیگی کے علاوہ دیگر اخراجات جاریہ کو اسی سطح پر برقرار رکھا گیا۔ 

جمہوری حکومت کا آئندہ مالی سال 2012-13ءکیلئے 29 کھرب 60 ارب روپے حجم کا مسلسل پانچواں قومی بجٹ پیش کر دیا گیا  وفاقی محاصل کا کل تخمینہ 3234 ارب روپے، ٹیکس وصولی کا ہدف 2381 ارب ، صوبوں کا حصہ 1459 ارب روپے ہو گا، بجلی کے بحران پر قابو پانے کیلئے 183 ارب روپے مختص ، پرائم منسٹر ہاﺅس کو انسٹی ٹیوٹ فار ایڈوانس سٹڈیز بنانے اور شمسی ٹیوب ویلوں پر سبسڈی دینے کا فیصلہ، سرکاری ملازمین کی تنخواہوں اور پنشن میں 20 فیصد ایڈہاک ریلیف الاﺅنس کا اعلان،بے نظیر انکم سپورٹ پروگرام کیلئے 70 ارب روپے مختص، پروگرام کے کارڈ ہولڈرز کو یوٹیلٹی سٹورز پر 10 فیصد خصوصی رعایت،ایک لاکھ پڑھے لکھے بے روزگار نوجوانوں کوکام کے مواقع فراہم کئے جائیں گے، قابل ٹیکس آمدنی کی حد 4 لاکھ روپے، ٹیکس سلیب کم کرکے 5 کر دیئے گئے، پنشن سکیمیں ٹیکس سے مستثنیٰ، مینوفیکچررز کو ود ہولڈنگ ایجنٹ بنانے کی تجویز، سیمنٹ، چائے، ادویہ سازی اور نصابی کتب و سٹیشنری کے خام مال پر ٹیکسوں میں چھوٹ و کمی، کسٹم ڈیوٹی کی زیادہ سے زیادہ شرح کم کرکے30 فیصد تک لائی جائے گی، مزید 10 اشیاءپر فیڈرل ایکسائز ڈیوٹی ختم ۔ وفاقی وزیر خزانہ عبدالحفیظ ...

اسلام آباد ۔ 31 مئی (اے پی پی) وزیراعظم سید یوسف رضا گیلانی سے پاکستان بار کونسل کے وفد نے اپنے وائس چیئرمین اختر حسین کی قیادت میں جمعرات کو ایوان وزیراعظم میں ملاقات کی۔ بار کونسل کے وفد نے اپنے اس موقف کا اعادہ کیا کہ آئین کے مطابق اختیارات کی تین حصوں میں تقسیم ہونی چاہیے جہاں ریاست کے ہر ادارہ کو اپنے دائرہ کار کے اندر رہتے ہوئے کام کرنا چاہیے اور دوسرے ادارے کے امور کار میں مداخلت نہیں کرنی چاہیے۔ پاکستان بار کونسل نے اس بات پر زور دیا کہ اگر ادارے اپنے اختیارات آئین میں متعین کردہ حدود کے مطابق استعمال کریں تو جمہوریت کا نصب العین بہترین انداز میں پورا ہو گا اور ان کے مابین تصادم سے بچا جا سکے گا۔

ٓاسلام آباد (ثناء نیوز ) اقتصادی سروے 2011-12 جاری کردیا گیا ہے۔ معیشت سروسز ، صنعتی اور دیگر شعبوں میں اہداف حاصل نہ ہو سکے۔ پاکستانی روپے کی قدر میں ڈالر کے مقابلے میں 3.4 فیصد کمی ہوئی ۔ زر مبادلہ کے ذخائر 16 ارب 50 کروڑڈالر ہیں۔ سرکاری قرضوںمیں 13 سو 15 ارب روپے کا اضافہ ہوا ہے ۔ غیر ملکی قرضوں کا حجم 60 ارب 30 کروڑ ڈالر ہے ۔ داخلی قرضوں میں 19.8 فیصد اضافہ ہواہے ۔ 719 ا رب روپے سود کی مد میں ادا کیے گئے ہیں۔ سرکاری قرضوں کی کل مالیت 12024 ارب روپے ہو گئی ہے ۔ فی کس آمدنی 1372 ڈالر رہی ۔ وفاقی وزیر خزانہ ڈاکٹر عبدالحفیظ شیخ نے جمعرات کو اقتصادی سروے برائے 2011-12 کا اعلان کیا ۔ خام قومی پیداوار 3.7 فیصد رہی ۔ اجناس کی پیداوار میں 3.28 فیصد اضافہ ہوا۔ زرعی پیداوارمیں 3.13 فیصد اضافہ ہوا۔ چھوٹی فصلوں کی پیداوار میں 1.26 فیصد کمی ہوئی ۔ صنعتی پیداوار شعبہ خام ملکی پیداوار کے 25.4 فیصد پر مشتمل ہے ۔ براے پیمانے کی صنعتوں کی پیداوارمیں معمولی 1.5 فیصد اضافہ ہوا ۔ تعمیرات کے شعبے میں 6.46 فیصد اضافہ ہوا ۔ معدنیات میں 4.38 فیصد اضافہ ہوا ۔ برقیات اور گیس کی تقسیم کاری کے شعبے میں 1.62 ...

ماتلی(ثناء نیوز)مسلم لیگ نواز کے قائداور سابق وزیر اعظم میاں محمد نواز شریف  نے کہاہے کہ صدر زرداری کو میں نے منتخب نہیںکیا۔وزیر اعظم سپریم کورٹ کے احکامات مانیں۔زرداری گیلانی قوم کی جان چھوڑدیں۔میں سندھ کی تقسیم کی بات نہیں کروں گا۔وہ جمعرات کو ماتلی میں جلسہ عام سے خطاب کررہے تھے ۔جلسے کے شرکاء سے خطاب کرتے ہوئے نوازشریف کا کہنا تھا کہ حکومت انتخابات کرائے عوام اس سے تنگ ہیں حکمران اپنی حدود سے تجاوز کررہے ہیں گزشتہ چار سال میں ملک کے مسائل بڑھادیئے گئے ہیں حکمران ملک اورعوام کی جان چھوڑدیں۔نواز شریف نے کہا کہ صدر زرداری دوسری جگہ تقسیم کی بات کرتے ہیں ا نہیں چاہئے کہ وہ سوچ سمجھ کر ملکی معاملات پر بات کیا کریں۔انہوںنے کہا کہ سندھ محبت ریلی ،سندھ کی تقسیم کے خلاف تھی ۔محبت ریلی پر فائرنگ سے 12لوگ مرگئے مگرکسی کو پروا نہیں۔انہوںنے کہا کہ عوام سے ووٹ مانگنے نہیں آیا اگر عوام نے ہمیں ووٹ دیا ہوتا ہر قدم پر ان کے ساتھ ہوتے ۔ سبزیاں ،آٹیں، دال ،دودھ ، گیس سب کی سب مہنگی کردی گئیں ۔ایک دن قیمتیں کچھ ہوتی ہیں دوسرے دن قیمتوں میں اضافہ کردیا جاتا ہے آئے دن قیمتیں بڑھ رہی ہیں۔نواز شریف...

اسلام آباد(ثناء نیوز ) وزیر خزانہ ڈاکٹر عبدالحفیظ شیخ نے کہا ہے کہ ملک  میں ہر ایک کو اپنے اصل اور حقیقی اثاثے ظاہر کرنے چاہیئیں۔کمزور طبقات کے معاشی اور سماجی حقوق کے تحفظ کو ترجیحات میں شامل کر لیا ہے۔ ریاست ان طبقات کی سرپرستی کرے گی اور غریبوں کے ہاتھ تھامے گی۔ وسائل کی منصفانہ تقسیم پر یقین رکھتے ہیں۔ سویلین اخراجات میں کمی کر سکتے ہیں۔ قومی اتحاد کی پالیسی کے حوالے سے کوئی کمزوری نہیں دکھائیں گے۔ محاصل کا 1952 ارب روپے کا ہدف حاصل کر لیا جائے گا۔ ہر پاکستانی کو یہ حق حاصل ہے کہ وہ ہم سے یہ معلوم کرے کہ وسائل کہاں خرچ ہوئے۔ طاقتور لوگ اور گروپس ٹیکسوں کا بوجھ برداشت کرنے کے لیے تیار نہیں ہیں۔ معیشت کو صحیح سمت میں گامزن کر دیا ہے۔ چاہتے ہیں کہ ادھار کم سے کم لیا جائے تا کہ افراط زر میں اضافہ نہ ہو۔ انہوں نے اعتراف کیا ہے کہ مہنگائی میں شرح کے حوالے سے یک عددی ہدف حاصل نہ کر سکے۔ اقتصادی سروے میں دہشت گردی کے خلاف جنگ کے معاشی و سماجی حالات پر مرتب ہونے والے اثرات شامل نہیں کیے گئے۔ سابقہ اعداد و شمار کو ہی موجودہ اعداد و شمار تصور کیا جائے کیونکہ وزارت خارجہ نے نظر ثانی اعد...

    راولپنڈی ۔31 مئی (اے پی پی) پاکستان نے جمعرات کو جدید ٹیکنالوجی کے حامل کروز میزائل حتف VIII (رعد) کا کامیاب تجربہ کیا ہے۔ 350کلومیٹر سے زائد فاصلے تک مار کرنے والے اس کروز میزائل سے پاکستان زمین پر اور سمندر میں ہدف کو نشانہ بنانے کی صلاحیت کا حامل ہوگیا ہے۔آئی ایس پی آر کے مطابق کروز ٹیکنالوجی انتہائی پیچیدہ نوعیت کی ہے اور دنیا کے صرف چند ممالک کے پاس یہ ٹیکنالوجی موجود ہے ۔ جدید رعد کروز میزائل کم بلندی پر پرواز کرنے کے ساتھ ساتھ ریڈار میں بھی نہیں دیکھا جاسکتا اور یہ جوہری اور روایتی ہتھیاروں کو اپنے ساتھ لے جانے اور ہدف کو صحیح صحیح نشانہ بنانے کی بھرپور صلاحیت رکھتا ہے۔ اس تجربے کی ایک اہم اضافی خصوصیت نیشنل کمانڈ اتھارٹی کے مکمل طور پر خودکار سٹرٹیجک کمانڈ اینڈ کنٹرول سپورٹ سسٹم کو موثر طور پر بروئے کار لانا ہے۔

    اسلام آباد ۔ 31 مئی (اے پی پی) وزیراعظم سید یوسف رضا گیلانی نے کہا ہے کہ ان کی حکومت بلا امتیاز احتساب پر یقین رکھتی ہے اور وفاقی حکومت پبلک اکاﺅنٹس کمیٹی (پی اے سی) کی ہدایات کی مکمل پیروی کرے گی۔ انہوں نے یہ بات پی اے سی کے چیئرمین رکن قومی اسمبلی ندیم افضل چن سے جمعرات کو ایوان وزیراعظم میں ملاقات میں کہی۔ وزیراعظم نے چیئرمین پی اے سی کو یقین دلایا کہ بیوروکریسی پی اے سی سے بھرپور تعاون کرے گی جو پارلیمنٹ کی بالادستی کی علامت ہے۔  

کراچی(ثناء نیوز)کراچی چیمبر آف کامرس اینڈ انڈسٹری نے مطالبہ کیا ہے کہ  کراچی کی مارکیٹوں اور کمرشل سینٹرز میں حالیہ بڑھتی ہوئی مجرمانہ سرگرمیوں، اسٹریٹ کرائمز، بھتہ، اغواء برائے تاوان اور دہشتگردی پر فوری قابو پایا جائے۔ انہوں نے وزیر اعلیٰ سندھ سے مطالبہ کیا کہ جرائم پیشہ سرگرمیوں پر قابو پانے کیلئے قانون نافذ کرنے والے اداروں کو فوری ہدایات جاری کریں اور ایم اے جناح روڈ پر واقع آٹو اسپیئر پارٹس مارکیٹس سے اغوا شدہ دو تاجر بھائیوں کو فوری بازیاب کروایا جائے۔چیئرمین پاکستان آٹوموبائیل اسپیئر پارٹس امپورٹرز اینڈ ڈیلرز ایسوسی ایشن خالدمحمود مگوں کی قیادت میں ملاقات کرنے والے وفدکوکے سی سی آئی کے قائمقام صدر یونس محمد بشیر نے امن و امان سے متعلق تمام مسائل پر مکمل تعاون کی یقین دھانی کرائی اور کہا کہ بڑھتے ہوئے اسٹریٹ کرائمز پاکستان کی معیشت کے استحکام کیلئے بزنس کمیونٹی کے عزم کو کمزور نہیں کر سکتے، تاجر وصنعتکار برادری بھتہ مافیا، اسٹریٹ کرائمز، اغواء برائے تاوان اور جرائم پیشہ عناصر کے خلاف نہ صرف متحد ہے بلکہ کسی ایسی کوشش کو کامیاب نہیں ہونے دے گی جس میں تاجر برادری کو تقسیم ک...

واشنگٹن(ثناء نیوز )پاکستان، یمن اور افغانستان کے شورش زدہ علاقوں میں  سرگرم دہشت گرد تنظیم القاعدہ اور اس کے حلیفوں کے خلاف استعمال سے شہرت حاصل کرنے والے بغیر پائلٹ کے طیارے ڈرون کو اطالوی فضائی بیڑے میں شامل کیا جا رہا ہے۔ امریکی صدر اوباما کی انتظامیہ نے اس پلان کو تقریبا حتمی شکل دے دی ہے، جس کے تحت امریکا کی جانب سے بغیر پائلٹ کے اڑنے والے طیاروں کو اٹلی کی فضائیہ میں شامل کیا جانا ہے۔ اس ضمن میں جلد ہی امریکی کانگریس کو باضابطہ طور پر مطلع کر دیا جائے گا۔ بغیر پائلٹ کے طیارے ڈرون کہلاتے ہیں اور اٹلی کے پاس اس وقت MQ-9 Reaper کا ایک بیڑہ موجود ہے۔ تجزیہ کاروں کے خیال میں اٹلی کو ایسے امریکی طیاروں کی منتقلی سے ڈرونز ٹیکنالوجی کو مزید وسعت حاصل ہونے کا قوی امکان ہے۔ اس سلسلے میں اگلے دو ہفتوں کے درمیان اوباما انتظامیہ کی جانب سے تجویز کو عملی شکل دی جا سکتی ہے۔اگر اٹلی کو ڈرونز کی فراہمی کی تجویز پر عمل کیا جاتا ہے تو وہ برطانیہ کے ساتھ شامل ہو جائے گا۔ برطانیہ امریکی ڈرونز حاصل کرنے والا پہلا ملک تھا۔ امریکی کانگریس کے اراکین، تھنک ٹینکس اور دوسرے پریشر گروپس کا خیال ہے کہ ...

واشنگٹن (ثناء نیوز )امریکی محکمہ دفاع کے نائب ترجمان جارج لٹل نے کہا  ہے کہ ڈرون حملے درست ہیں اور امریکی قانون اور پالیسی کے مطابق کئے جاتے ہیں جارج لٹل نے میڈیا کو بریفنگ دیتے ہوئے کہاکہ ڈاکٹر شکیل آفریدی کی سزا پر امریکا کو تشویش ہے وہ پاکستان کے خلاف کام نہیں کر رہے تھے بلکہ القائدہ کے خلاف جنگ اور اسامہ کی تلاش میں امریکا کو مدد فراہم کر رہے تھے ان کا مقصد پاکستان کے راز چرانا نہیں تھا ان کا کہنا تھا کہ ڈرون حملے درست ہیں اور امریکی قانون اور پالیسی کے مطابق کئے جاتے ہیں لیکن شہریوں کی ہلاکت سے گریز کی یقین دہانی کرا سکتے ہیں نیٹو سپلائی روٹ کے حوالہ سے پاکستان کے ساتھ مذاکرات جاری ہیں دوسری جانب وائٹ ہاؤس ترجمان جے کارنی نے کہا ہے کہ ڈاکٹر شکیل آفریدی کی رہائی کے لیے پاکستان سے بات چیت کر رہے ہیں ۔

اسلام آباد(ثناء نیوز )آذاد کشمیر سمیت ملک بھر میں بجلی کا بدترین بحران  برقرار ، شہری سراپا احتجاج بن گئے ۔طویل لوڈ شیڈنگ کے خلاف مختلف شہروں میں ہڑتال اور مظاہرے کئے گئے ۔ملک میں بجلی کا بحران مزید سنگین ہو گیا بجلی کاشارٹ فال 8200 میگا واٹ تک پہنچ گیا ملک میں بجلی کی پیداوار 8400 میگاواٹ جبکہ طلب 16600 میگا واٹ ہے۔ملتان کے چوک گھنٹہ گھر میں تاجروں نے احتجاجی مظاہرہ کیا اور حکومت کے خلاف نعرے لگائے۔مظاہرین نے ٹائر جلا کر سڑک بند کردی۔فیصل آباد کے سول لائن میں احتجاجی مظاہرین فیسکو کے دفتر میں گھس گئے اوردفتر کا سامان ،کھڑکیوں کے شیشے ،اور دروازے توڑ ڈالے۔دفتر میں موجود ملازمین نے بھاگ کر جانیں بچائیں۔ سمن آباد میں شہریوں اوراسکول کیبچوں نے احتجاج کیا۔فیصل آباد میں ہی پرنٹنگ پریس مارکیٹ کے دکانداروں نے ریلی نکالی اور چوک گھنٹہ گھر میں احتجاج کیا اور زبردستی دکانیں بند کرادیں۔چیچہ وطنی میں تاجروں کی اپیل پر ہڑتال کی گئی۔تاجروں نے شہر کے مختلف علاقوں میں احتجاج کیا اور ٹائر جلاکر سڑکیں بلاک کردیں۔آزادکشمیر کے ضلع کوٹلی میں بھی تاجروں اور شہریوں نے دوسرے روز بھی ہڑتال کی۔کوٹلی شہر ...

  لاہور۔30مئی (اے پی پی)گورنر پنجاب سردار لطیف کھوسہ سے بدھ کے روز گورنر ہاﺅس لاہور میں ایرانی صوبہ فارس کے گورنر انجینئر حسین صارغ عابدی کی زیر قیادت10رکنی وفد نے ملاقات کی۔ لاہور کے خیر سگالی دورے پر آئے ہوئے ایرانی وفد کا خیر مقدم کرتے ہوئے گورنر پنجاب سردار لطیف کھوسہ نے کہا ہے کہ ایران ہمارا ہمسایہ اور برادر اسلامی ملک ہے جس کے ساتھ تاریخی اور ثقافتی حوالے سے ہماری دوستی بہت مضبوط ہے۔ ایران کے لئے پاکستانی قوم کے دل میں قدر کے جذبات موجزن ہیں کیونکہ قیام پاکستان کے موقع پر ایران اس نئی اسلامی مملکت کو سب سے پہلے تسلیم کرنے والا ملک ہے۔ گورنر پنجاب نے کہا کہ جب بھی کوئی پاکستانی ایرانی بھائیوں کے ساتھ ملتا ہے تو اسے یہی محسوس ہوتا ہے جیسے اپنے بھائی سے مل رہا ہو۔ گورنر نے کہا کہ ثقافتی ادبی دینی اور علمی لحاظ سے دونوں ممالک میں مماثلت ہے۔  

  اسلام آباد ۔ 30 مئی (اے پی پی) وزیراعظم سید یوسف رضا گیلانی نے متعلقہ حکام کو شمسی توانائی سے بجلی پید اکرنے اور ٹیوب ویل چلانے کے منصوبوں پر فوری عملدرآمد کی ہدایت کی ہے۔ انہوں نے یہ ہدایات چین کی کمپنی ”سنٹیک“ کے چیئرمین ڈاکٹر شائی ینگ رونگ کی قیادت میں وفد سے بدھ کوایوان وزیراعظم میں ملاقات کے دوران کی۔ وزیراعظم نے شمسی توانائی سے بجلی پیدا کرنے اور بلوچستان سمیت پنجاب اور سندھ کے دیگر علاقوں میں زرعی شعبہ کی آبی ضروریات پوری کرنے کیلئے شمسی توانائی سے چلنے والے ٹیوب ویلوں کے منصوبہ جات پر فوری عملدرآمد کی ہدایت کی

اسلام آباد (ثناء نیوز )نیپرا نے اپریل کے بجلی کے بلوں میں ایک روپیہ 97پیسے  فی یونٹ اضافہ کی منظوری دے دی البتہ کے ای ایس ای پر اس کا اطلاق نہیں ہو گا یہ منظوری فیول ایڈجسٹمنٹ کی مد میں دی گئی ہے جس کے تحت پچھلے مہینے استعمال کی گئی بجلی ایک روپیہ 97پیسہ ذیادہ وصول کیے جائیں گے اس اضافہ کا اطلاق کے ای ایس ای کے سوا تمام بجلی کی تمام تقسیم کا رکمپنیوں کے صارفین پر ہو گا نیپرا کی طرف سے نرخ کی وصولی کے طریقہ کار کا تعین ابھی تک نہیں کیا گیا 

کراچی (ثناء نیوز)رواں مالی سال (FY12) کی تیسری سہ ماہی کے دوران ملک میں  ای بینکاری کے ذریعے لین دین/ سودوں کی تعداد اور مالیت 70.9 ملین اور 6,871 بلین روپے تک پہنچ گئی جو اس سے گذشتہ سہ ماہی کے مقابلے میں بالترتیب 5.9 فیصد اور 6.47 فیصد زیادہ ہیں۔ یہ بات اسٹیٹ بینک آف پاکستان کے نظام ادائیگی کے سہ ماہی جائزے میں کہی گئی ہے جو منگل کو جاری کیا گیا۔جائزے کے مطابق رواں مالی سال (م س 12ئ) کی تیسری سہ ماہی کے دوران پاکستان میںپے منٹ سسٹمز کے انفرا سٹرکچر میں مسلسل نمو ہوتی رہی اور اس دوران ملک بھر میں مزید 203 آٹو میٹڈ ٹیلر مشینوں (اے ٹی ایمز) کا اضافہ ہوا جس کے بعد ملک میں اے ٹی ایمز کی مجموعی تعداد 5,612 ہو گئی جبکہ بینکوں کی مزید 269 برانچوں کو ریئل ٹائم آن لائن برانچوں کی حیثیت سے اپ گریڈ کیا گیا۔ ملک بھر میں بینکوں کی 10,009 برانچیں کام کر رہی ہیں جن میں سے 9,174 برانچیں ریئل ٹائم آن لائن خدمات پیش کر رہی ہیں۔سال بسال نمو کے رجحان کی تفصیل بتاتے ہوئے جائزے میں کہا گیا ہے کہ جنوری تا مارچ 2012ء کی سہ ماہی میں گذشتہ مالی سال کی اسی مدت (جنوری تا مارچ 2011ئ) کے مقابلے میں ای بینکا...

سری نگر(کے پی آئی ) مقبوضہ کشمیر ہائی کورٹ نے جی بی پنت ہسپتال میں  بچوں کی ہلاکت پر حکومت سے رپورٹ طلب کرلی ہے۔ہائیکورٹ نے چیف سیکرٹری کو ہدایت کی ہے کہ وہ بیان حلفی عدالت میں جمع کرائیں جس میں وضاحت کی جائے کہ حکومت نے بچوںکی ہلاکت کے ذمہ دارو ں کے خلاف کارروائی کے لیے کیا اقدامات کیے گئے ہیں۔ عدالت نے ایڈیشنل ایڈووکیٹ جنرل اے ایم ماگرے کو بھی ہدایت کی ہے کہ حکومت کی جانب سے بیان حلفی جمع کرائیں کہ بچوں کی ہلاکت کو روکنے کے لیے کیا اقدامات کیے جا رہے ہیں۔عدالت عالیہ کے منصور احمد میر اور حسنین مسعودی پر مشتمل ڈویژن بینچ نے گزشتہ روز یہ احکامات جاری کیے۔ بینچ سماجی کارکن ڈاکٹر روف محی الدین ملک اور تنویر خان کی جانب سے دائر آئینی درخواست کی سماعت کررہاتھا۔ درخواست میں عدالت سے استدعا کی گئی تھی کہ عدالت مقبوضہ کشمیر کے ہسپتالوں میں ہونے والی ہلاکتوں کی تحقیقات کا حکم جاری کرے۔عدالت نے ہسپتال میں لیبارٹریوں اوران میں دستیاب سہولیات بار ے رپورٹ بھی طلب کی ہے۔ عدالت نے قراردیاہے کہ پرنسپل سیکرٹری صحت مئی کے آخر تک ہونے والی ہلاکتوں کے بارے میں تفصیلی رپورٹ پیش کریں ۔ عدالت نے مزید...

واشنگٹن (ثناء نیوز ) امریکی چیئرمین جوائنٹ چیف آف سٹاف جنرل مارٹن  ڈمپسی نے پاکستان کو دی جانے والی امداد میں کٹوتی سے متعلق امریکی سینٹ کی دو کمیٹیوں کے فیصلہ کی حمایت کر دی ۔ ایک امریکی ٹی وی کو انٹرویو میں جنرل مارٹن ڈمپسی نے کہا کہ وہ امریکی سینیٹ پینل کی دو کمیٹیوں کی جانب سے پاکستان کو دی جانے والی امداد میں کمی کے فیصلہ کی حمایت کرتے ہیں ان کا کہنا تھا کہ سینٹ کی جانب سے کیاجانے والا اقدام مناسب ہے ایک سوال پر انہوں نے کہا کہ پاکستان میں سی آئی اے کو مدد فراہم کرنے والے ڈاکٹر شکیل آفریدی کو سزا دینے پر مایوسی ہوئی ۔ مارٹن ڈمپسی نے کہا کہ پاکستان خطہ کا اہم ملک ہے اور امریکہ اس کے ساتھ تعلقات کو فروغ دینا چاہتا ہے ۔ 

راولپنڈی (ثناء نیوز )پاکستان نے حتف نائن نصر میزائل کاکامیاب تجربہ کرلیا۔  میزائل وار ہیڈ لے جانے کی صلاحیت رکھتا ہے۔ترجمان پاک فوج کے مطابق حتف نائن نصر میزائل زمین سے زمین تک مار کرنیکی صلاحیت رکھتا ہے۔ حتف نائن نصر ساٹھ کلو میٹر تک اپنے ہدف کو نشانہ بنا سکتا ہے۔ آئی ایس پی آر کے مطابق حتف نائن نصر ملٹی ٹیوب میزائل ہے او ایٹمی وار ہیڈ لے جانے کی صلاحیت رکھتا ہے۔ حتف نائن نصر میزائل کے کامیاب تجربے پر صدر آصف زرداری، وزیراعظم یوسف رضا گیلانی اور چئیرمین جوائنٹ چیفس آف اسٹاف کمیٹی جنرل خالد شمیم وائیں نے قوم، پاک فوج، سائنسدانوں اور تجربے میں حصہ لینے والے انجینئیرز کو مباکباد پیش کی ۔ دفاعی ذرائع کے مطابق نصر میزائل اپنی تیز رفتاری کے باعث دشمن کی بکتر بند گاڑیوں، ٹینکوں اور نچلی پرواز کرنے والے طیاروں کیلئے انتہائی مہلک ہے۔ تقریب میں ڈائریکٹر جنرل اسٹریٹیجک پلاننگ ڈویژن لیفٹیننٹ جنرل (ر) خالد قدوائی، چیئرمین نیسکام عرفان برنی، آرمڈ اسٹریٹیجک فورسز کمانڈ کے کمانڈر لیفٹیننٹ جنرل طارق ندیم جیلانی سمیت فوج کے سینئر افسران اور سائنسدانوں نے شرکت کی۔ تقریب سے خطاب کرتے ہوئے ڈی جی اس...

راولپنڈی، (ثناء نیوز ) پاک فوج نے تمام مکاتب فکر کے علماء سے مشاورت،  کے بعد سیاچن،، گیاری، سیکٹر میں، برفانی، تودے تلے، دبے تمام فوجی جوانوں، اور سویلینز، کو شہید قرار دے دیا ۔ پاک فوج نے اعلان کیا ہے، کہ تمام شہداء کے،، جسد خاکی ملنے تک، ریسکیو، آپریشن، جاری رہے گا ۔ آئی ایس پی آر، نے اپنے بیان میں، کہا کہ، فوجیوں، کی شہادت کا اعلان فخر اور دکھ، کے ساتھ، کیا، جا رہا ہے ۔ آئی ایس پی آر، کے مطابق واقعہ، کو 52 دن ہو چکے ہیں، اور مشکل موسمی اور جغرافیائی، حالات کی وجہ سے، ریسکیو، آپریشن میں دشواریوں، کا سامنا ہے ۔ بیان کے مطابق، متاثرہ خاندانوں، کے دکھوں، کو دیکھتے ہوئے، تمام مکاتب فکر کے علماء سے، رابطہ کیا گیا اور ان کی رائے طلب کی گئی جس کے بعد متفقہ، طور پر تمام افراد، کو شہید قرار، دینے کا فیصلہ، ہوا ۔ واضح رہے کہ ریسکیو، آپریشن کے دوران اب تک تین، جوانوں، کی نعشیں، نکالی جا چکی ہیں، اور ان افراد، کی تدفین،، بھی، ان کے آبائی علاقوں میں کر دی گئی ہے ۔

اسلام آباد (ثناء نیوز ) وفاقی وزیر اطلاعات و نشریات قمر زمان کائرہ نے  کہا ہے کہ چیف آف آرمی سٹاف جنرل اشفاق پرویز کیانی نے یقین دہانی کرائی ہے کہ بلوچستان میں فوج ارو ایف سی قانونی دائرہ کار میں رہ کر کام کرے گی۔ ایف سی کو وزیر اعلیٰ بلوچستان کے ماتحت کر دیا گیا ہے فیصلوں پر عملدرآمد کا جائزہ لینے کے لیے چھ رکنی سٹرئنگ کمیٹی قائم کر دی گئی ہے ۔لاپتہ افراد و بلوچستان میں امن وامان کی صورتحال بارے اعلیٰ سطح کے اجلاس کے بعد پریس کانفرنس سے خطاب کرتے وزیر اطلاعات نے کہا کہ حکومت جبری گمشدیوں کی وجوہات کا جائزہ لے گی۔ مسئلے کے حل کے لیے ٹھوس اقدامات کیے جائیں گے۔ فیصلوں پر عملدرآمد کے لیے چھ رکنی سٹرئنگ کمیٹی بنا دی گئی ہے جس میں تین نمائندے وفاقی تین نمائندے بلوچستان حکومت سے شامل ہونگے۔ کمیٹی وزیر اعظم کو ہفتہ وار رپورٹ پیش کرے گی۔انہوںنے کہا کہ گرفتاری،ٹرائل کے بارے میں آئین کی تمام شقوں پر سختی سے عملدرآمد کرائے گی ۔انسانی حقوق کی خلاف ورزی میں ملوث پائے جانے والے کسی بھی شخص کو معاف نہیں کیا جائے گا اس کے خلاف سخت کارروائی کی جائے گی۔ حکومت نے ڈی آر او یعنی ڈائیلاگ ،رول آف لاء ...

اسلام آباد(ثناء نیوز ) وزیراعظم سید یوسف رضا گیلانی نے کہا کہ  نواز شریف اور عمران خان دونوںپارلیمنٹ کے رکن نہیںہیں اس لیے انہیں قوم کے منتخب نمائندہ ایوان کی اہمیت کااحساس نہیں ہے۔دونوں کی سیاسی چپقلش سے ملکی ترقی کوداؤپرنہیں لگنے دیںگے ۔لانگ مارچ کی دھمکیوںکو کبھی سنجیدگی سے نہیںلیا۔ نواز شریف دو بار اقتدار میںآئے عوام کی خدمت نہ کرسکے ۔ پنجاب حکومت بھی عوام کے لیے کچھ نہیں کررہی ہے ۔فارغ عناصر نیٹو سپلائی کے معاملے پر ملک میں کنفیوژن پھیلا رہے ہیں۔ وقت آنے پرنیٹو سپلائی بحال کرنے نہ کرنے کا فیصلہ کیا جائے گا۔منگل کو پاکستان انجنیئرنگ کونسل کی تقریب کے بعد میڈیا سے بات چیت کرتے ہوئے وزیراعظم سید یوسف رضا گیلانی نے کہاکہ مٹھی بھر عناصرکو پارلیمنٹ کو یرغمال نہیں بنانے دیں گے۔نواز شریف اور عمران خان کی سیاسی چپقلش کی وجہ سے ملکی ترقی نہیں رک سکتی ۔ ترقی کے عمل کو ہر صورت آگے بڑھائیں گے۔ انہوںنے کہا کہ نواز شریف اور عمران خان دونوں پارلیمنٹ کے رکن نہیںہیں اس لیے انہیں پارلیمنٹ کی حیثیت کا احساس نہیںہے ۔ ایک سوال کے جواب میں وزیراعظم نے کہا کہ وسائل کے دائرے میں رہتے ہوئے بجٹ کے ذر...

سرینگر (کے پی آئی ) مقبوضہ کشمیر کے 26 ضلعی ہیڈ کوارٹر ہسپتالوں میں بچوں کے ڈاکٹر تعینات نہیں ہیں جس کی وجہ سے لاکھوں بچوں کی زندگی کو شدید خطرات لاحق ہو چکے ہیں ۔ بچوں کی شرح اموات میں تیزی سے اضافہ ہونے لگا ۔ میڈیا رپورٹس کے مطابق صرف 10 لاکھ بچوں کے لئے صرف 24 چائلڈ سپیشلسٹ ڈاکٹر تعینات ہیں جبکہ 26 اضلاع میں سرے سے بچوں کے لئے ڈاکٹر موجود ہی نہیں ہیں جن اضلاع کے ہسپتالوں میں بچوں کے لئے ڈاکٹر موجود نہیں ان میں کپواڑہ ، بندی پورہ ، بارہ مولا ، بڈگام ، کلگام ، اسلام آباد سمیت 26 اضلاع شامل ہیں ۔ کپواڑہ میں بچوں کے ڈاکٹروں کی تمام اسامیاں خالی ہیں ۔ جہاں بچوں کی آبادی 60 ہزار سے زائد ہے جبکہ اس کے علاوہ جن ہسپتالوں میں بچوں کے ڈاکٹر تعینات ہیں وہ بھی اپنی ڈیوٹی پر حاضر نہیں رہتے جس کی وجہ سے بچوں کی زندگیوں کو شدید خطرات لاحق ہیں ۔ مزے کی بات یہ ہے کہ ہسپتالوں میں بچوں کے علاج معالجے کے آلات تو موجود ہیں لیکن ڈاکٹر نہیں ہیں بچوں کے ڈاکٹروں کی عدم موجودگی کے باعث بچوں کی شرح اموات میں تیزی سے اضافہ ہو رہا ہے کیونکہ بچوں کو دوسرے ہسپتالوں کی طرف ریفر تو کر دیا جاتا ہے لیکن طویل سفر کی و...

نئی دہلی (ثناء نیوز ) بھارت نے آکاش میزائل کے مزید دو تجربے کرلیے۔ بھارتی ٹی وی کے مطابق ڈیفنس بیس سے زمین سے فضا تک درمیانی رینج میں مار کرنے والے آکاش میزائل کے دوتجربے کیے گئے۔ حکام کے مطابق تجرباتی بنیادوں پر کیے گئے آکاش میزائل لانچ27 کلومیٹر تک مار کرسکتے ہیں۔ آکاش کا وزن 720 کلو ہے جبکہ 55 کلو کا سامان لے جانے کی صلاحیت بھی رکھتا ہے۔

اسلام آباد(ثناء نیوز ) بھارتی وزیر پٹرولیم مانی شنکر کی تائید کرتے ہوئے پارلیمنٹ کی خصوصی کمیٹی برائے کشمیر کے چئیرمین مولانا فضل الرحمن نے کہا ہے کہ کشمیر کا فوجی حل نہیں ہے اور مسئلہ کشمیر کے حل کے بغیر جنوبی ایشیاء میں پائیدار امن ممکن نہیں۔پاکستان آمد پر بھارتی وزیر پٹرولیم نے کہا کہ کشمیر کا فوجی حل نہیں اور دونوں ممالک کے تعلقات مضبوط کرنے کے لئے ضروری ہو گا کہ تجارت ، کھیل اور ثقافتی وفود میںتبادلے کئے جائیں۔ اس پر تبصرہ کرتے ہوئے مولانا فضل الرحمن نے کہا کہ 65 سال کی تاریخ گواہ ہے کہ پاک بھارت تعلقات کی مضبوطی اور جنوبی ایشیاء میں پائیدار امن کے لئے ضروری ہے کہ مسئلہ کشمیر حل ہو۔ انہوں نے کہا کہ 6 دہائیوں میں تجارت کے ساتھ وفود کے تبادلے بھی ہوتے رہے مگر امن قائم نہیں ہو سکا اور یہاں کے عوام کو نہ صرف جنگیں دیکھنا پڑیں بلکہ وہ خاطر خواہ ترقی بھی نہ کرسکے کیونکہ وسائل معاشی ترقی کی بجائے فوجی اخراجات پر صرف ہوتے رہے۔ انہوں نے کہاکہ بھارتی وزیر نے ٹھیک کہا ہے کہ مسئلہ کشمیر کا فوجی حل نہیں ہے اس لیئے بھارت کو مقبوضہ کشمیر سے فوجیں نکالنی چاہئے ۔مگر افسوس کا مقام ہے کہ بھارت وہاں...