نظرانداز کرکے مرکزی مواد پر جائیں

وزیراعظم سید یوسف رضا گیلانی نے کہا کہ نواز شریف اور عمران خان دونوںپارلیمنٹ کے رکن نہیںہیں اس لیے انہیں قوم کے منتخب نمائندہ ایوان کی اہمیت کااحساس نہیں ہے۔دونوں کی سیاسی چپقلش سے ملکی ترقی کوداؤپرنہیں لگنے دیںگے ۔


اسلام آباد(ثناء نیوز ) وزیراعظم سید یوسف رضا گیلانی نے کہا کہ نواز شریف اور عمران خان دونوںپارلیمنٹ کے رکن نہیںہیں اس لیے انہیں قوم کے منتخب نمائندہ ایوان کی اہمیت کااحساس نہیں ہے۔دونوں کی سیاسی چپقلش سے ملکی ترقی کوداؤپرنہیں لگنے دیںگے ۔لانگ مارچ کی دھمکیوںکو کبھی سنجیدگی سے نہیںلیا۔ نواز شریف دو بار اقتدار میںآئے عوام کی خدمت نہ کرسکے ۔ پنجاب حکومت بھی عوام کے لیے کچھ نہیں کررہی ہے ۔فارغ عناصر نیٹو سپلائی کے معاملے پر ملک میں کنفیوژن پھیلا رہے ہیں۔ وقت آنے پرنیٹو سپلائی بحال کرنے نہ کرنے کا فیصلہ کیا جائے گا۔منگل کو پاکستان انجنیئرنگ کونسل کی تقریب کے بعد میڈیا سے بات چیت کرتے ہوئے وزیراعظم سید یوسف رضا گیلانی نے کہاکہ مٹھی بھر عناصرکو پارلیمنٹ کو یرغمال نہیں بنانے دیں گے۔نواز شریف اور عمران خان کی سیاسی چپقلش کی وجہ سے ملکی ترقی نہیں رک سکتی ۔ ترقی کے عمل کو ہر صورت آگے بڑھائیں گے۔ انہوںنے کہا کہ نواز شریف اور عمران خان دونوں پارلیمنٹ کے رکن نہیںہیں اس لیے انہیں پارلیمنٹ کی حیثیت کا احساس نہیںہے ۔ ایک سوال کے جواب میں وزیراعظم نے کہا کہ وسائل کے دائرے میں رہتے ہوئے بجٹ کے ذریعے عوام کو ہر ممکن ریلیف دیںگے۔ایک سوال کے جواب میں وزیراعظم نے کہا کہ ہم کسی کی بھی لانگ مارچ کی دھمکیوں کو سنجیدگی سے نہیں لیتے عوام ہماری کارکردگی سے آگاہ ہیں نواز شریف کو دو بار موقع ملا۔ عوام کی خدمت نہیں کی ۔ اب بھی پنجاب حکومت نے کونسی عوام کی خدمت کی ہے ۔ پاکستان مسلم لیگ(ن) حکومت میں بھی اور اپوزیشن میں بھی ہے ایک ٹکٹ میں دو مزے لوٹنے والوںکو قوم جان چکی ہے۔انہوںنے کہا کہ انتخابات میں پاکستان پیپلزپارٹی نے کبھی نگران حکومت کا سہارا نہیںلیا ۔ ہمیشہ عوام نے بھرپور اعتماد کا اظہار کیا کبھی بیساکھیوںکے سہارے اقتدار میں نہیںآئے بلکہ نگران حکومت توہمیشہ پاکستان پیپلز پارٹی کے مخالف رہی ہے ۔ ہم نے تو اسلامی جمہوری اتحاد کے سربراہ کو بھی شکست دی تھی۔ ایک سوال کے جواب میں وزیراعظم نے کہا کہ نیٹو سپلائی کے معاملے پر ملک میںکوئی کنفیوژن نہیںہے جو لوگ فارغ ہیں وہ اس حوالے سے کنفیوژن پھیلانا چاہتے ہیں ۔ نیٹو سپلائی پر بات چیت ہو رہی ہے مذاکرات کی تکمیل کے بعد سپلائی بحال کرنے نہ کرنے کا فیصلہ کیا جائے جب وقت آئے گا اس بارے فیصلہ ہو جائے گا۔ ایک سوال کے جواب میںوزیراعظم نے کہا کہ وزیراعظم اہم نہیںہے ۔ پارلیمنٹ اہم ہے ۔پارلیمنٹ کو اپنی پانچ سالہ مدت پوری کرنی چاہیئے۔

تبصرے

اس بلاگ سے مقبول پوسٹس

چیف جسٹس آف پاکستان کے تقرر کے لیے قائم خصوصی پارلیمانی کمیٹی کی اکثریت نے جسٹس یحییٰ آفریدی کو اگلا چیف جسٹس آف پاکستان نامزد کردیا۔

چیف جسٹس آف پاکستان کے تقرر کے لیے قائم خصوصی پارلیمانی کمیٹی کی اکثریت نے جسٹس یحییٰ آفریدی کو اگلا چیف جسٹس آف پاکستان نامزد کردیا۔   Ehtasabi Amal Lahore احتسابي عمل لاھور

"Kualitatem" CEO Jamil A Goheer bad behaviour with employees of the company.

Special Reporter (IT): Kualitatem CEO Mr Jamil A Goheer Fire senior competent employees from his consulatancy in his company without any notice.ON this misconduct employess protests and some of them has resigned.when company hire any employee ask him for three month notice before leaving.but they don't have a such rule of three month notice to fire any employee.when a company negotiate any parson about salary they don't discuss about tax.suppose the person demand 40000 and its compromised,company include every thing in it e.g basic salary ,tax,house rent and medical.while 40000 thousand is basic salary in which tax should not be included while company to fill Govt requirements make a false slip.in which every thing is included. firing resources is Jamil hobby due to his its actions alot of people are unemployed.Pakistan is already facing unemployment.Degradation of old resources,Filing cases on the employess asking them to work like donkey and pay less. Jamil hire incompetent a...