Weekly EHTASABI AMAL Lahore ھفت روذھ احتسابی عمل لاھور

اسلام آباد(ثناء نیوز ) حکمران تحاد کے نامزد امید وار راجہ پرویز اشرف وزیر  اعظم منتخب ہو گئے ہیں وہ ملک کے 25 ویں وزیر اعظم ہیں۔وزارت عظمیٰ کے لیے راجہ پرویز اشرف نے 211ووٹ حاصل کیے ۔ ون ٹو ون مقابلہ ہوا۔اپوزیشن کی بڑی جماعت پاکستان مسلم لیگ(ن) کے امیدوار سردار مہتاب احمد خان نے 89 ووٹ حاصل کیے۔وزارت عظمیٰ کے تیسرے امیدوار مولانا فضل الرحمن عین وقت پر دستبردار ہو گئے تھے۔ دستبرداری کا اعلان انہوں نے اجلاس کی کارروائی کے دوران کیا۔ جمعیت علماء اسلام (ف) کے اراکین وزیر اعظم کے انتخاب سے متعلق کارروائی میں غیر جانبدار ہے۔جمعہ کو قومی اسمبلی کا خصوصی اجلاس سپیکر ڈاکٹر فہمیدہ مرزا کی صدارت میں میں ہوا۔سپیکر قومی اسمبلی نے وزیر اعظم کے انتخاب اور رائے شماری کے طریقہ کار سے ارکان کو آگاہ اور وزارت عظمیٰ کے امیدواروں کا اعلان کیا۔ مخدوم شہاب الدین اور قمر زمان کائرہ نے اپنے کاغذات نامزدگی واپس لے لیے تھے ۔مولانا فضل الرحمن نے وزیر اعظم کے انتخاب میں غیر جانبدار رہنے کا اعلان کیا۔ ایوان میں ارکان کی آمد کے لیے پانچ منٹ تک گھنٹیاں بجائی گئیں۔ بعد ازاں ایوان کے تمام دروازے بند کر دیئے گئے۔...

اسلام آباد(ثناء نیوز )سپریم کورٹ آف پاکستان نے مہران گیٹ سکینڈل کیس کی سماعت  کے دوران ایک دفعہ پھر حکومت کو آئی ایس آئی میں سیاسی ونگ کے قیام کا نوٹیفیکیشن عدالت میں پیش کرنے کا حکم دیاہے جبکہ آئی ایس آئی کے سابق سربراہ اسد درانی کا کہنا ہے کہ سیاسی جماعتوں میں رقوم تقسیم کرنے کا حکم سابق آرمی چیف مرزا اسلم بیگ نے دیا تھا اور ایوان صدر کی ٹیم بتاتی تھی کہ کسے کتنی رقم دینی ہے۔چیف جسٹس افتخار محمد چودھری نے ریمارکس دیئے ہیں کہ راستہ کٹھن ضرور ہے مگر اسے منطقی انجام تک پہنچائیں گے اور کھلی عدالت میں اس مقدمہ کی سماعت کی جائے گی۔قابل قبول ثبوت ملنے پر رقم لینے والوں کو نوٹس جاری کیئے جائیں گے،سابق آئی ایس آئی چیف نے بتایاہے کہ ایوان صدر سیل کے سربراہ اجلال حیدرزیدری بھی رقم تقسیم کرنے کی ہدایات دیتے رہے . جمعہ کوچیف جسٹس افتخارمحمد چودھری کی سربراہی میں تین رکنی بنچ نے اصغر خان کیس کی سماعت کی ،اٹارنی جنرل عرفان قادر نے بتایاکہ آئی ایس آئی کے سیاسی سیل کا نوٹی فکیشن ابھی نہیں مل سکا ہے، حبیب بنک اور مہران بنک کمیشنز رپورٹس کے سوالات پر جسٹس ریٹائرڈ الیاس اور شاہدحامد کے جوابات میں...

لاہور (ثناء نیوز )چیف جسٹس لاہورہائیکورٹ نے کہا ہے کہ صدر کی جانب سے  ایک عہدہ نہ چھوڑنا بادی نظر میں توہین عدالت کے زمرے میں آتا ہے.انہوں نے عدالتی حکم کے باوجود دو عہدے رکھنے پر صدر پاکستان آصف علی زرداری کے پرنسپل سیکرٹری کو نوٹسز جاری کردیے.سماعت شروع کی تو عدالت کے روبرو درخواست گزار کے وکیل اے کے ڈوگر نے موقف اختیارکیاکہ عدالتی حکم کے باوجود صدر پاکستان نے ایک عہدہ نہیں چھوڑا اور ایوان صدر میں سیاسی سرگرمیاں جاری رکھے ہوئے ہیں لہذا عدالت کارروائی کرے چیف جسٹس لاہورہائیکورٹ عمرعطابندیال نے قراردیاکہ صدر سیفل بینچ نے اپنے فیصلے میں توقع ظاہر کی تھی کہ وہ ایک عہدہ چھوڑ دیں مگر اس پر عمل نہیں ہوا بادی النظر میں عدالتی حکم پر عمل نہ کرنے والے شحض کیخلاف توہین عدالت کی کاروائی ہوتی ہے صدر کا عہدہ قابل احترام ہے انہیں نوٹسز جاری نہیں کر سکتے مگر اس کا یہ مطلب ہرگز نہیں کہ وہ عدالتی حکم ،آئین اور اپنے حلف کی پاسداری نہ کریں چیف جسٹس نے صدر کے پرنسپل سیکرٹری کو نوٹسز جاری کرتے ہوئے ایک ہفتے میں جواب طلب کرلیا اور اب کیسز کی مزید سماعت لارجربینچ کرے گا۔ چیف جسٹس لاہور ہائیکورٹ نے عد...

اسلام اباد(ثناء نیوز )نئے وزیر اعظم کے انتخاب کیلیے قومی اسمبلی کا اجلاس  آج جمعہ کو ہوگا۔۔صدر مملکت آصف زرداری نے نئے وزیر اعظم کے انتخاب کیلیئے جمعہ کو قومی اسمبلی کا اجلاس طلب کرلیا ہے۔ قومی اسمبلی میں بائیس جون کو ملک کے پچیسویں وزیر اعظم کا انتخاب عمل میں لایا جائے گا ۔ آئین کے قوائد بتیس اور تینتیس کے مطابق اجلاس میں نئے قائد ایوان کا انتخاب ہوگا ۔ بائیس جون کو اجلاس کا ایک نکاتی ایجنڈا ہوگا جس میں صرف نئے قائد ایوان کا انتخاب عمل میں لایا جائے گا ۔ قومی اسمبلی میں ڈویژن یعنی تقسیم کی بنیاد پر ووٹنگ کا عمل ہوگا ۔اس طریقہ کار کے تحت قومی اسمبلی میں دو لابیوں کو ووٹنگ کے لیے مخصوص کیا جائے گا ۔ امیدوار اپنے اپنے امیدوار کے حق میں دو مختلف لابیوں میں جائیں گے جہاں قومی اسمبلی سیکریٹریٹ کا عملہ ارکان کے ناموں کا اندراج کرے گا ووٹنگ کا عمل مکمل ہونے کے بعد گنتی کی جائے گی جس کے بعد اسپیکر قومی اسمبلی کی جانب سے جیتنے والے امیدوار کے نام اور حاصل کردہ ووٹوں کا اعلان کیا جائے گا اس طرح نئے وزیر اعظم کا انتخاب مکمل ہوگا ۔نئے وزیر اعظم ممکنہ طور پر ایوان میں پہلی تقریر بھی کریں گے ...

اسلام آباد (ثناء نیوز )سپریم کورٹ آف پاکستان نے بحریہ ٹاؤن کے سابق  مالک ملک ریاض کو توہین عدالت کیس میں وکیل کر نے کے لیے ایک بار پھر سات روز کی مہلت دے دی ہے ۔ عدالت نے قرار دیا ہے کہ اگر آئندہ سماعت پر وکیل پیش نہ کیا گیا تو عدالت وکیل فراہم کرے گی جس پر ملک ریاض اعتراض نہیں کر سکیں گے ۔ جمعرات کوجسٹس میاں شاکر اللہ جان کی سربراہی میں تین رکنی بینچ نے بحریہ ٹاؤن کے مالک ملک ریاض کے خلاف توہین عدالت کیس کی سماعت شروع کی تو ملک ریاض کاکہنا تھاکہ انہیں ابھی تک وکیل نہیں ملا اس لیے عدالت انہیں مزید 10 دن کی مہلت دے ۔ ان کاکہنا تھا کہ وہ جس بھی وکیل سے رابطہ کرتے ہیں وہ ان کی وکالت کرنے سے انکار کر دیتا ۔ ان کاکہنا تھا کہ کوئی وکیل ان کی وکالت کے لیے تیار نہیں ہے ۔ جس پر جسٹس میاں شاکر اللہ جان نے کہا کہ وکیل کانہ ملنا عدالت کا مسئلہ نہیں عدالت کو تو اظہار وجوہ نوٹس کا جواب چاہیے تاہم عدالت انہیں کو سنے بغیر کوئی فیصلہ نہیں دے سکتی ۔ ملک ریاض نے اس موقع پرکہاکہ عدالت انہیں مزید وقت دے اور اپنا کیس میڈیامیں پیش کرنے کی اجازت دے ۔ ان کاکہنا تھا کہ بتاناچاہتا ہوں کہ یہاں تک پہنچنے کی...

اسلام آباد(ثناء نیوز )مسلم لیگ ن کے صدر نواز شریف نے کہا ہے کہ صدر آصف علی زرداری نے اپنی لوٹی ہوئی دولت کو بچانے کے لیے پاکستان کو پوری دنیا میں تماشا بنا دیا ہے۔ لٹیرے سیاسی شہید نہیں بن سکتے بلکہ سیاسی یتیم بن جائیں گے، کوئی مقدس گائے نہیں بلاامتیاز سب کے احتساب کا شفاف نظام ہونا چاہئیے۔ اسلام آباد میں پریس کانفرنس کرتے ہوئے انہوں نے کہا کہ موجود ہ حکمرانوں نے ملک کو ان گنت بحرانوں میں ڈال دیا ہے۔ وزارت عظمی کے منصب کو خودکش حملہ آور بنا دیا گیا ہے۔ نواز شریف نے کہا کہ آصف علی زرداری سوئس بینکوں میں پڑے چھ ارب روپے واپس نہیں لائیں گے اور ہر آنے والے وزیراعظم کو قربانی کا بکرا بناتے رہیں گے۔ انہوں نے کہا کہ ملک کو اس وقت انتہائی حساس چیلنجز کا سامنا ہے۔ ملک میں ناقابل برداشت مہنگائی، بے روزگاری اور بیس سے بائیس گھنٹے کے لوڈ شیڈنگ نے عوام سے سکون چھین لیا ہے۔ انہوں نے کہا کہ سردار مہتاب پاکستان مسلم لیگ ن کے وزارت عظمی کے امیدوار ہیں اگر وہ منتخب ہوگئے تو فوری طور پر نئے انتخابات کا اعلان کریں گے۔ انہوں نے کہا کہ وزارت عظمی کے انتخاب میں عوام دیکھ لے گی کہ لوڈ شیڈنگ اور کرپشن کا سا...

راولپنڈی(ثناء نیوز )پیپلز پارٹی اور اتحادی جماعتوں کی جانب سے نامزد  وزیراعظم مخدوم شہاب الدین اور سابق وزیراعظم یوسف رضاگیلانی کے بیٹے موسی گیلانی کے ایفیڈرین کوٹاکیس میں وارنٹ گرفتاری جاری کر دئے گیے ہیں نجی ٹی وی کے مطابق راولپنڈی میں اینٹی نارکوٹکس فورس کورٹ کے جج شفقت اللہ خان نے نا قابل ضمانت وارنٹ جاری کیے واضح رہے کہ اے این ایف کی تفتیشی ٹیم نے ایفیڈرین کوٹاکیس میں عدالت کو وارنٹ جاری کرنیکی استدعا کی تھی ۔حکمران اتحاد کی طرف سے وزارت عظمی کے مضبوط امیدوار مخدوم شہاب الدین کا تعلق ضلع رحیم یار خان کے نواحی علاقے میاوالی قریشاں سے ہے۔ وہ تین مرتبہ این اے 194 سے رکن قومی اسمبلی منتخب ہوچکے ہیں۔ ملک کی نامور کاروباری شخصیت ہونے کی وجہ سے ان کا نام بہترین ماہرین معاشیات میں لیا جاتا ہے۔ مخدوم شہاب الدین بے نظیر بھٹو حکومت میں وزیر خزانہ کے عہدے پر فائز رہے۔ پیپلز پارٹی کے موجودہ دور حکومت میں مخدوم شہاب الدین کے پاس 5 وزارتوں کا قلم دان رہا۔ مخدوم شہاب الدین سیاسی اور مذہبی گھرانے سے تعلق رکھتے ہیں۔ وہ گدی ما مبارک کے سجادہ نشین بھی ہیں۔ مخدوم شہاب الدین کے والد مخدوم حمید ا...

اسلام آباد (ثناء نیوز ) قومی اسمبلی کی پبلک اکاؤنٹس کمیٹی نے وزارتوں  ،ڈویژنوں ، اداروں اور ذیلی محکموں میں سر کاری گاڑیوں کے بے ذریغ ناجائز و غیر قانونی استعمال کا سخت نوٹس لیتے ہوئے تحقیقات کے لیے سیکرٹری خزانہ کی سربراہی میں تین رکنی کمیٹی قائم کرتے ہوئے 15دنوں میں رپورٹ طلب کر لی ہے۔ کمیٹی کے ارکان میں کابینہ اور اسٹیبلشمنٹ ڈویژن کے سیکرٹریز شامل ہیں۔ پی اے سی نے واضح کیا ہے کہ ٹرانسپورٹ سے متعلق مونٹائزیشن پالیسی پر عملدر آمد نہ کرنے والے وفاقی سیکرٹریز قومی مجرم ہیں۔ ذمہ داران کا ضرور تعین کرتے ہوئے ان کے خلاف کاروائی کو یقینی بنایا جائے گا۔ پی اے سی نے مزید تشویش کا اظہار کرتے ہوئے کہا ہے کہ حکومت پالیسی پر عملدر آمد کو یقینی نہیں بنا سکتی تو پالیسی کو لپیٹ دیا جائے۔ بدھ کو قومی اسمبلی کی پبلک اکاؤنٹس کمیٹی کا اجلاس کمیٹی کے چیئر مین ندیم افضل چن کی صدارت میں پارلیمنٹ ہاؤس میں منعقد ہوا۔آڈٹ حکام نے انکشاف کیا ہے کہ مونٹائزیشن پالیسی کے بعد اعلیٰ حکام کی جانب سے گاڑیوں کی خریداری کا سلسلہ بڑھ گیا ہے۔ گزشتہ چار ماہ کے دوران 11کروڑ39 لاکھ روپے سے زائد مالیت کی گاڑیاں خریدی گ...

اسلام آباد(ثناء نیوز )قومی اسمبلی کل(جمعہ کو) 20ویں وزیر اعظم کا انتخاب کرے گی۔کاغذات نامزدگی آج(جمعرات کو) جمع کرائے جائیں گے۔جمعہ کو قومی اسمبلی کا خصوصی اجلاس میں ساڑھے پانچ شام ہو گا۔ ایوان صدر سے اجلاس بارے نوٹیفکیشن جاری کر دیا گیا ہے۔ سپیکر قومی اسمبلی ڈاکٹر فہمیدہ مرزا نے قومی اسمبلی سیکرٹریٹ کو خصوصی ہدایات جاری کر دی ہیں۔قومی اسمبلی کی سپیکر ڈاکٹر فہمیدہ مرزا نے وزیر اعظم کے انتخاب کے بارے میں شیڈول کا اعلان کر دیا ہے۔ وزارت عظمیٰ کے انتخابات کے لیے کاغذات نامزدگی آج (جمعرات کو )صبح آٹھ بجے سے دو بجے دوپہر تک سیکرٹری قومی اسمبلی کرامت حسین نیازی کے پاس جمع کرائے جا سکیں گے۔تین بجے سہ پہر کاغذات نامزدگی کی جانچ پڑتال ہو گی۔سپیکر قومی اسمبلی ڈاکٹر فہمیدہ مرزا کاغذات نامزدگی کی جانچ پڑتال کریں گی کوئی بھی امیدوار قومی اسمبلی کے وزیر اعظم کے انتخاب سے متعلق خصوصی اجلاس سے قبل تک اپنے کاغذات نامزدگی واپس لے سکے گا۔سپیکر قومی اسمبلی کل جمعہ کو شام ساڑھے پانچ بجے اجلاس کے دوران وزارت عظمیٰ کے امیدواروں کے ناموں کا اعلان کریں گی۔ مقابلہ ہونے کی صورت میں ایوان میں ڈویژن کی بنیاد پر...

اسلام آباد (ثناء نیوز )سپریم کورٹ آف پاکستان نے بلوچستان ٹارگٹ کلنگ کیس  میں عبوری حکم نامہ جاری کرتے ہوئے سیکرٹری دفاع نرگس سیٹھی کوحکم دیا ہے کہ بلوچستان میں قیام امن کے لیے تمام خفیہ ایجنسیوں کو بٹھا کر عدالتی حکم پر عملدرآمد کروائیں ۔ عدالت نے اپنے حکم میں قرار دیا ہے کہ شہریوں کے جان و مال کے تحفظ کو یقینی بنانا حکومت کی ذمہ داری ہے اور عدالت کے سامنے آیا ہے کہ قانون نافذ کرنے والے ادارے شہریوں کو لاپتہ کرنے میں ملوث ہیں اور یہ بھی سامنے آیا ہے کہ ایف سی والے شہریوں کولا پتہ کرنے میں ملوث ہیں عدالت نے قرار دیا ہے کہ لا پتہ افراد کے معاملے میں قانون نافذ کرنے والے اداروں کی بے بسی توقعات کے برعکس ہے عدالت نے حکم دیا ہے کہ لاپتہ افراد ملک میں جہاں بھی ہیں ان کو ڈھونڈ کر لایا جائے اور سیکرٹری دفاع لوگوں کو لاپتہ کرنے والوں کے خلاف مقدمات درج کروائیں ۔ عدالت نے قرار دیا ہے خفیہ ایجنسیوں نے عدالت کو یقین دہانی کرائی تھی کہ لا پتہ افراد کو بازیاب کرایا جائے گا لیکن ایسا نہیں کیا گیا عدالت نے اپنے حکم میں کہا ہے کہ یہ ثبوت بھی فراہم کئے جائیں کہ لاپتہ افراد کہاں ہیں ۔ بدھ کو چیف ج...

سوات (ثناء نیوز )پاکستان مسلم لیگ(ن) کے قائد میاں محمد نواز شریف نے  کہا ہے کہ پیپلز پارٹی کو عوام نے سپریم کورٹ سے لڑائی لڑنے کے لیے ووٹ نہیں دیا تھا۔ اس لڑائی کا انجام اس نے دیکھ لیا ہے۔عدالتی فیصلے سے (ن)لیگ سرخرو ہوئی ہے90 دن میں پاکستان کی تقدیر بدلنے کی باتیں کرنے والے جھوٹے ہیں۔(ن) لیگ سوات میں اپنا کھویا ہوا مقام دوبارہ حاصل کرے گی۔ ہم سیاست کوعبادت سمجھتے ہیںاقتدار میں آ کر ماضی کی طرح ترقیاتی کاموں کا دوبارہ آغاز کیا جائے گا۔سوات میں جلسہ عام سے خطاب کرتے ہوئے ۔میاں نواز شریف نے کہا کہ عوام کے جم غفیر کو دیکھ کر یقین ہو رہا ہے کہ مسلم لیگ(ن) ایک بار پھر اپنا کھویا ہوا مقام حاصل کرکرے گی اور پوے سوات سے ایک بار پھر تمام سیٹیں حاصل کرے گی میں سوات میں عوام کی خدمت کے جذبے سے آیا ہوں مسلم لیگ(ن) نے ماضی میں سوات کی بہت خدمت کی اور اگر اﷲ نے موقع دیا تو پھر خدمت کرے گی اس علاقے کی حالت کو بدلے گی۔ہم وہ لوگ نہیں جو کہتے ہیں کہ وہ 90 دن میں پاکستان کی تقدیر بدل دیں گے ایسے وعدے کرنے والے جھوٹے ہیں یہ غلط بیانی کرتے ہیں اورعوام کو دھوکہ دینے کے لیے ایسی باتیں کرتے ہیں جو چار ...

اسلام آباد(ثناء نیوز)سپریم کورٹ سے نا اہل قرار دیئے جانے والے وزیر اعظم یوسف رضا گیلانی اور ان کی معاشی ٹیم نے اقتصادی میدان میں کوئی جھنڈے نہیں گاڑے، مہنگائی، لوڈشیڈنگ، خسارے اور روپے کی بے قدری نے عوام کو پریشان کیے رکھا.نااہل وزیر اعظم یوسف رضا گیلانی کا دور اقتدار 25 مارچ 2008 سے شروع ہوا. اس دوران چار سال میں پانچ وزیر خزانہ اور چھ سیکریٹری خزانہ تبدیل ہوئے. 2008 میں پاکستانی معیشت پر مجموعی قرضہ اور واجبات 64 کھرب کے لگ بھگ تھا اور اب اس کا بوجھ 121کھرب روپے کو چھو رہا ہے. مہنگائی کا طوفان بپا رہا اور عوام کو کئی مشکل معاشی فیصلے بھگتنا پڑے. حکومتی اداروں نے چار سال میں 50 فی صد مہنگائی کا اعتراف کیا لیکن حقیقت حکومتی اعداد و شمار سے زیادہ ہی رہی. چار سال عوام کے لیے بجلی 96 فی صد مہنگی ہوئی جبکہ ہر مہینے تیل سے بجلی بنانے کے نرخ اس کے علاوہ ہیں. سی این جی 37 روپے سے بڑھ کر 81 روپے تک پہنچی. پٹرول 58 روپے تھا اور عوام نے اس کی سنچری بھی مکمل ہوتے دیکھی. .مالی خسارہ جو 7 کھرب کے لگ بھگ تھا، اب 13 کھرب کے لگ بھگ پہنچ رہا ہے.مے.معاشی ترقی کی شرح جو 7 فی صد کے لگ بھگ تھی اب ڈھائی ...

اسلام آباد(ثناء نیوز)پاکستان کی سیاسی جماعتوں نے سپریم کورٹ کی جانب  سے وزیر اعظم یوسف رضا گیلانی کو نااہل قرار دینے کے خلاف ملے جلے رد عمل کا اظہار کیا ہے۔پاکستان مسلم لیگ(ن(کے رہنما احسن اقبال نے کہا کہ ملک میں قانون کی حکمرانی کی بالادستی قائم کرنے کے لیے سپریم کورٹ کا فیصلہ انتہائی اہم ہے۔انھوں نے کہا کہ آج کا فیصلہ یہ روایت قائم کرتا ہے کہ ہر شخص قانون کی نظر میں ایک جیسا ہے اور اگر وہ سزا یافتہ ہے تو وہ اپنے عہدے کے لیے نااہل ہوجاتا ہے۔احسن اقبال نے کہا کہ ہم کسی کو اجازت نہیں دیں گے وہ نظام کو پٹڑی سے اترنے دے یا کوئی ایسا اقدام ہو جو غیر آئینی ہو اور پاکستان کی عوام جمہوریت اور آئین کی حفاظت کرنا جانتے ہیں اور وہ کریں گے بھی۔تحریک انصاف کے رہنما شاہ محمود قریشی کا کہنا ہے کہ یہ فیصلہ آئین اور قانون کے مطابق ہے اور ہمیں اس فیصلے پر مکمل اطمینان ہے۔ انھوں نے کہا کہ سپریم کورٹ کے فیصلے کے بعد یوسف رضا گیلانی صاحب نہ وزیر اعظم نہیں رہے اور نہ ہی ان کی کابینہ موجود ہے۔انھوں نے کہا کہ پیپلز پارٹی کو قومی اسمبلی میں عددی اکثریت حاصل ہے وہ کسی اور کو جسے وہ مناسب سمجھیں آئین کے ...

ماسکو(ثناء نیوز ) روس شام کی بندرگاہ پر دو جنگی بحری جہاز تعینات کرنے  کی تیاری کررہا ہے۔ روسی خبررساں ادارے کی رپورٹ میں بحریہ کے ایک اہلکار کا حوالہ دیتے ہوئے کہا گیا ہے کہ دو بڑے جنگی بحری جہاز نکولائی فلشنکوف اور تیزارکیونیکوف شام کی بندرگاہ تارنوس پر تعینات کئے جائینگے۔ رپورٹ میں کہا گیا ہے کہ دونوں بحری جہاز میرینز کے ایک بڑے دستے پر مشتمل ہونگے۔ تاہم روس کی وزارت دفاع نے فوری طور پر رپورٹ کی تصدیق نہیں کی۔روسی خبر رساں ادارے انٹرفیکس نے ملکی بحریہ کے ایک عہدیدار کے حوالے سے کہا ہے کہ روسی بحریہ کے ایک یونٹ کو روسی شہریوں اور فوجی اڈے کے تحفظ کے لیے شام روانہ کیا جا رہا ہے۔ بحریہ کے اس عہدیدار کا نام تو ظاہر نہیں کیا تاہم کہا ہے کہ روس کے اس فوجی یونٹ کے ہمراہ دو بحری جہاز شام کا رخ کریں گے۔ گزشتہ روز سامنے آنے والی ان اطلاعات کو مبصرین شامی صدر بشار الاسد کے مستقبل کے حوالے سے ماسکو کو لاحق تشویش کے تناظر میں بھی دیکھ رہے ہیں۔واضح رہے کہ شامی بندرگاہ طرطوس میں روس کا بحری فوجی اڈہ قائم ہے۔ انٹرفیکس کا کہنا ہے کہ فوجی یونٹ کے جلد ہی شام بھیجے جانے کا مقصد شام میں موجود روس...

اسلام آباد (ثناء نیوز )اسلام آباد حکمران جماعت پاکستان پیپلز پارٹی ن ے سید یوسف رضا گیلانی کو وزارت عظمیٰ اور قومی اسمبلی کی نشست سے نا اہل قرار دینے کے بارے میں سپریم کورٹ کے فیصلے پر تحفظات کا اظہار کرتے ہوئے تسلیم کر لیا ہے کہ عدالتی فیصلے کے بعد سید یوسف رضا گیلانی وزیر اعظم رہے ہیں نہ کابینہ موجود رہی ہے کسی صورت جمہوریت کی گاڑی کو پٹڑی سے نہیں اترنے دیں گے ہر صورت جمہوری عمل کو بچانا اور اس عمل کو انتخابات تک لے جانا ہیے۔تمام فیصلوں کا اختیار پارٹی نے شریک چیئرمین اور صدر آصف علی زرداری کو دے دیا گیا ہے۔ان خیالات کا اظہار پارٹی کے سیکرٹری جنرل سینیٹر جہانگیر بدر، سیکرٹری اطلاعات قمر زمان کائرہ ،راجہ پرویز اشرف نے پارٹی کی مرکزی مجلس عاملہ کے اجلاس کے بعد مشترکہ پریس کانفرنس سے خطاب کرتے ہوئے کیا۔پاکستان پیپلز پارٹی کے رہنماؤں نے کہا کہ عدالت کا تفصیلی فیصلہ سامنے آنے پر ہی 26 اپریل کے بعد وزیر اعظم اور کابینہ کی جانب سے کیے گئے فیصلوں کی پوزیشن واضح ہو گی۔مرکزی مجلس عاملہ کا اجلاس صدر آصف علی زرداری ،پارٹی کے سربراہ ،بلال بھٹو زرداری،وائس چیئرمین سید یوسف رضا گیلانی کی صدارت م...

لاہور(ثناء نیوز )پنجاب بھر میں لوڈشیڈنگ کے خلاف توڑ پھوڑ اور لوٹ مار  کے بعد پر تشدد مظاہرے شروع ہوگئے ہیں۔ کمالیہ میں مشتعل افراد نے ایم این اے ریاض فتیانہ کے گھر کا گھیرا کر لیا، گن مین کی فائرنگ سے 3 شخص جاں بحق اور 10 زخمی ہو گئے۔ تفصیلات کے مطابق کمالیہ ٹوبہ ٹیک سنگھ کی تحصیل کمالیہ میں لوڈشیڈنگ کیخلاف احتجاجی مظاہرہ انتہائی پر تشدد شکل اختیار کر گیاہے، احتجاج کے دوران 2افرادجاں بحق ہوگئے ہیں،ڈی پی اواورڈی ایس پی سمیت 50کے قریب افراد زخمی ہوئے ہیں جبکہ مشتعل مظاہرین نے ایم این اے ریاض فتیانہ کے ڈیرے، 5گاڑیوں اور 10دکانوں کوآگ لگا دی ہے اور فائرنگ کا تبادلہ جاری ہے. کمالیہ میں تاجروں نے طویل لوڈشیڈنگ کیخلاف شٹرڈاؤن ہڑتال کی، شہری اور تاجرصبح ہی فیصل آباد روڈ پرجمع ہوگئے،انہوں نے جنرل بس اسٹینڈ کے قریب متعدد دکانوں کے سامان کو آگ لگا دی،پھرانہوں نے پیپلز پارٹی کی ایم این اے بیلم حسنین کی رہائش گاہ کا گھیراؤکرلیا،بیلم حسنین کے سیکیورٹی گارڈ نے ہوائی فائرنگ کردی،اس کے بعدمظاہرین حکومتی ایم این اے ریاض فتیانہ کے ڈیرے پرپہنچ گئے ،وہاں ایم این اے کے ڈیرے کی طرف سے کی گئی فائرنگ سے...

اسلام آباد (ثناء نیوز ) سپریم کورٹ آف پاکستان نے وزیر اعظم کو نا اہل قرار  دیتے ہوئے سپیکر قومی اسمبلی کی رولنگ کالعدم قرار دے دی ہے جبکہ عدالت ننے صدر سے کہا ہے کہ وہ نئے وزیر اعظم کے انتخاب کے لیے اقدامات کریں تاکہ ملک میں جمہوریت کا تسلسل برقرار رکھا جا سکے ۔ عدالت نے اپنے فیصلے میں قرار دیا ہے کہ وزیر اعظم سید یوسف رضا گیلانی 26 اپریل سے نا اہل ہوں گے اور ان کا عہدہ 26 اپریل سے خالی ہے عدالت عظمی نے چیئرمین الیکشن کمیشن کو ہدایت کی ہے کہ وزیر اعظم کی اسمبلی رکنیت کی منسوخی کا فوری طور پر نوٹیفیکیشن جاری کیا جائے ۔ عدالت نے اپنے فیصلے میں قرار دیا ہے کہ وزیر اعظم کے خلاف توہین عدالت کیس کی سماعت کرنے والے سات رکنی بینچ نے 26 اپریل کو وزیراعظم کو نا اہل قرار دیا تھا اس لیے وہ 26 اپریل سے وہ ممبر قومی اسمبلی بھی نہیں رہے ۔ عدالت کا کہنا ہے کہ وزیر اعظم کا منصب خالی ہو چکا ہے ان کو سزا آئین کے آرٹیکل 31-G کے تحت سنائی گئی تھی اور سپریم کورٹ آئین کے آرٹیکل 184-3 کے تحت سپیکر کی رولنگ کے خلاف دائر کی گئی درخواستیں سننے کی مجاز ہے ۔یوسف رضا گیلانی 30 روز میں فیصلے کے خلاف اپیل کر س...

وانا (ثناء نیوز) آرمی چیف جنرل اشفاق پرویز کیانی نے کہاہے کہ جنوبی وزیرستان  میں مجبورا دہشت گردوں کے خلاف آپریشن کرنا پڑا، کوئی فوج اپنے علاقے میں لڑائی نہیں چاہتی،اب حالات بہتر ہوئے ہیں،فوج تعلیم اور صحت سہولیات پر توجہ دے رہی ہے۔ آرمی چیف جنرل اشفاق پرویز کیانی نے جنوبی وزیرستان کا دورہ کرکے وہاں ترقیاتی کاموں کا معائنہ کیا..عسکری ذرائع کے مطابق آرمی چیف جنر ل اشفاق پرویزکیانی نے جنوبی وزرستان کے علاقے اسپن کئی رغزئی میں کیڈٹ کالج کا افتتاح کیا۔کیڈٹ کالج کی عمارت 50 کروڑ روپے سے تعمیر کی جائے گی۔اس موقع پرخطاب میں آرمی چیف کاکہناتھاکہ علاقہ میں کیڈٹ کالج کے قیام کا وعدہ پورا کردیا ہے۔اس کے بعد جنرل کیانی نے قبائلی عمائدین سے ملاقات کی اور ان کے ساتھ علاقے کی ترقی اور عوام کی فلاح کے منصوبوں پر تبادلہ خیال کیا۔آرمی چیف نے انہیں فوج کی طرف سے مکمل حمایت کی یقین دہانی کرائی.آرمی چیف نے 105 کلومیٹر طویل نو تعمیر کردہ ٹانک، گومل شام، وانا روڈ کا افتتاح کیا۔آرمی چیف کوبریفننگ میں بتایاگیاکہ فاٹا اور مالاکنڈ میں فوج کے تعاون سے عوامی فلاح کے 124 منصوبے مکمل کئے گئے۔

نیویارک(ثناء نیوز ) اقوام متحدہ کے ہائی کمیشن برائے مہاجرین یو این ایچ سی  آر نے بیس جون کو منائے جانے والے پناہ گزینوں کے عالمی دن کی مناسبت سے پیر کو اپنی سالانہ رپورٹ جاری کرتے ہوئے مغربی ممالک پر ترقی پذیر ریاستوں کی زیادہ مدد کے لیے زور دیا ہے۔اس رپورٹ میں کہا گیا ہے کہ دنیا بھر میں جنم لینے والے نت نئے بحرانوں نے انسانوں کی ایک بڑی تعداد کو اپنا گھر بار چھوڑنے پر مجبور کر دیا ہے اور مغربی دنیا کو زیادہ تعداد میں پناہ گزین اپنے ہاں قبول کرتے ہوئے ترقی پذیر دنیا کی مدد کرنی چاہیے۔اقوام متحدہ کے ہائی کمشنر برائے مہاجرین انتونیو گتیریس کے دفتر کی جانب سے کہا گیا ہے کہ گزشتہ برس افریقہ، مشرقِ وسطی اور دیگر خطوں میں تنازعات کی وجہ سے آٹھ لاکھ انسان اپنا گھر بار چھوڑنے اور دوسرے ملکوں کا رخ کرنے پر مجبور ہوئے اور یہ کہ سن 2000 کے بعد سے پناہ کے متلاشی انسانوں کی یہ سب سے بڑی تعداد ہے۔ تب، یعنی گیارہ سال پہلے، یہ تعداد آٹھ لاکھ 22 ہزار ریکارڈ کی گئی تھی۔اپنے ہی ملکوں کے اندر ہجرت پر مجبور ہو جانے والے انسانوں کو بھی شمار کیا جائے تو پناہ کے متلاشی انسانوں کی تعداد مجموعی طور پر 4.3 ...

فیصل آباد + خانیوال + گوجرانوالہ (ثناء نیوز )پنجاب کے مختلف علاقوں میں  بجلی کی شدید لوڈشیڈنگ کے خلاف پر تشدد مظاہروں کا سلسلہ دوسرے روز بھی جاری رہا ۔ فیصل آباد میں ہزاروں مزدوروں نے جڑانوالہ روڈ پر تجارتی مراکز اور دکانوں پر دھاوا بول دیا اور راستہ میں آنے والی ہر چیز کو تباہ و برباد کر دیا اور دکانوں میں توڑ پھوڑ اور لوٹ مار بھی کی جبکہ فیسکو آفس پر پتھراؤ بھی کیا دوسری جانب پولیس کی بھاری نفری سے مظاہرین کو منتشر کرنے کے لیے آنسو گیس کی شیلنگ اورلاٹھی چارج بھی کیا گجرانوالہ میں صبح ہوتے ہی بجلی کی لوڈشیڈنگ سے ستائے عوام سڑکوں پر آ گئے اور ڈنڈا بردار شہریوں نے کامونکی گرڈ سٹیشن پر دھاوا بول دیا اور دفتر میں توڑ پھوڑ کی جبکہ ایک درجن کے قریب گاڑیوں کے شیشے بھی توڑ دئیے جبکہ مظاہرین نے شہر میں جگہ جگہ رکاوٹیں کھڑی کر کے ٹریفک بلاک کر دی جبکہ مظاہرین نے لاہور اسلام آباد روڈ کو بھی ٹریفک کے لیے بلاک کر دیا جبکہ جھنگ میں شور کوٹ کے علاقہ میں بجلی کی لوڈشیڈنگ کے ستائے عوام نے احتجاج کرتے ہوئے جھنگ شور کوٹ روڈ کو ٹریفک کے لیے بند کر دیا جبکہ خانیوال میں بجلی کی طویل لوڈشیڈنگ کے ستائ...

کوئٹہ(ثناء نیوز ) کوئٹہ میں سمنگلی روڈ پر آئی ٹی یونیورسٹی کی بس کے قریب بم دھماکے میں چار طلبہ جاں بحق جبکہ چار پولیس اہلکاروں اور تیس طلبا سمیت 55 افراد زخمی ہوگئے زخمیوں میں چار خواتین طلبا بھی شامل ہیں پولیس کے مطابق آئی ٹی یونیورسٹی کی بس طلبا کو لے کر یونیورسٹی جارہی تھی کہ اچانک سڑک کنارے کھڑی گاڑی میں دھماکہ ہوگیا، دھماکہ اتنا زور دار تھا کہ اس کی آواز دور دور تک سنی گئی، دھماکے کے نتیجے میں یونیورسٹی کی بس کو شدید نقصان پہنچا اور اس میں سوار تقریبا تیس طلبا زخمی ہوگئے، دھماکے سے قریب میں موجود چار پولیس اہلکار اور پندرہ راہگیر بھی زخمی ہوئے، زخمیوں کو فوری طور پر سول اسپتال منتقل کیاگیا تاہم تین شدید زخمی طلبا راستے میں ہی دم توڑ گئے بعد میں ایک زخمی طالب علم اسپتال میں چل بسا، بعد میں دھماکے کے دس زخمیوں کوسی ایم ایچ اور سات کو بی ایم سی بھی منتقل کردیاگیا، دھماکے میں زخمی ہونے والے بارہ زخمیوں کی حالت تشویشناک بتائی جاتی ہے،جس جگہ دھماکہ ہوا اس کے قریب ایف آئی اے کے دفاتر موجود ہیں ۔ دوسری جانب واقعہ کے بعد پولیس اور انتظامیہ موقع پر پہنچ گئی، سی سی پی او کوئٹہ میر زبیر ن...

اسلام آباد(ثناء نیوز )سپریم کورٹ آف پاکستان سپیکر قومی اسمبلی فہمیدہ مرزاکی  جانب سے وزیر اعظم کے حق میں دی گئی رولنگ کے خلاف مقدمات کی سماعت آج تک ملتوی کردی ہے جبکہ جس کے دوران وزیراعظم کے وکیل اعتزاز احسن نے اپنے دلائل مکمل کر تے ہوئے موقف اختیار کیا ہے کہ معاملہ واپس اسپیکر کو یا الیکشن کمیشن کو بھیج دیا جائے،کیونکہ عدالت کو کسی رکن کو نااہل قراردینے کا اختیار نہیں ہے۔معاملہ واپس بھیجنے کا وقت گزر چکا ہے ۔ چیف جسٹس نے ریمارکس دیے کہ درخواست گزار کہتے ہیں 18 کروڑ عوام کا نمائندہ وزیراعظم سزا یافتہ ہے۔چیف جسٹس کی سربراہی تین رکنی بنچ نے اسپیکر رولنگ کیس کی سماعت کی۔ اعتزا زاحسن نے کہاکہ درخواست گزاروں کو پہلے ہائی کورٹ جانا چاہیئے تھا، چیف جسٹس نے پوچھا کہ سپریم کورٹ کے سات رکنی بنچ کے خلاف کیسے ہائی کورٹ جایاجاسکتا ہے۔اٹارنی جنرل نے سماعت میں مداخلت کرتے ہوئے کہا کہ 7 رکنی بینچ کا غیر آئینی حکم بھی 18 کروڑ عوام کی تقدیر کا فیصلہ نہیں کرسکتا۔ اگر جج پہلے سے ذہن بنا کر بیٹھے ہیں تو ان کے دلائل متاثر ہوں گے جس پر چیف جسٹس نے اٹارنی جنرل عرفان قادر کو کہا کہ وہ بیٹھ جائیں اور اپن...

کراچی(ثناء نیوز)پیپلزپارٹی کی رہنما اور رکن قومی اسمبلی فوزیہ وہاب 56برس  کی عمر میں کراچی میں گزشتہ شام انتقال کرگئیں۔وہ کراچی کے نجی ہسپتال میں 3ہفتے سے زیر علاج تھیں۔فوزیہ وہاب کی نمازہ جنازہ پیر بعد نمازظہر ڈیفنس ویوفیز 4 کی مبارک مسجد میں اد ا کی جائے گی ۔انہوںنے سوگواران میں 3بیٹے اور ایک بیٹی کو چھوڑا ہے ۔ فوزیہ وہاب کو27 مئی کو طبیعت خراب ہوجانے کے باعث کراچی کے ایک نجی اسپتال میں داخل کیا گیا تھا جہاں ان کے پتے کا آپریشن کیا گیا۔آپریشن کے بعد انکشاف ہوا کہ اندرونی طور پر خون کا رسا ؤ جاری ہے جس پر29مئی کو انکا دوبارہ آپریشن کیا گیا۔ خون کے رساؤ کی باعث سے ان کے پھیپڑے، گردے ، اور جگر متاثر ہوئے اور وہ کوما میں چلی گئیں۔ اتوا کی شام ان کی حالت بگڑ گئی اور وہ اپنے خالق حقیقی سے جاملیں۔فوزیہ وہاب17جون 1956ء میں پیدا ہوئیں۔ وہ قومی اسمبلی کی مجلس قائمہ برائے نجکاری اور سٹینڈ نگ کمیٹی برائے اکنامک افئیرز کے رکن کی حیثیت سے خدمات انجام دیتی رہیں۔ قومی اسمبلی کی فنانس کمیٹی کے فعال رکن کی حیثیت سے بجٹ سازی میں بھی حصہ لیا۔ پیپلزپارٹی نے فوزیہ وہاب کے انتقال پر 10روز ہ سوگ کا ا...