Weekly EHTASABI AMAL Lahore ھفت روذھ احتسابی عمل لاھور

پاکستان کے صوبہ خیبر پختونخوا کے شہر مردان میں ہونے والے خودکش حملے میں 12 افراد ہلاک ہوگئے ہیں جبکہ دارالحکومت پشاور میں سکیورٹی فورسز سے مقابلے میں چار خودکش حملہ آور بھی مارے گئے ہیں۔ مردان پولیس کے مطابق یہ خودکش دھماکہ ضلع کچہری کے احاطے میں ہوا اور مرنے والوں میں وکلا اور پولیس اہلکار بھی شامل ہیں۔ مردان میں سرکاری ریسکیو ادارے 1122 کے ترجمان بلال احمد فیضی کے مطابق دھماکے میں ہلاکتوں کی تعداد 12 ہو گئی ہے جبکہ 54 زخمی ہیں۔ مردان کے ضلعی پولیس افسر فیصل شہزاد نے نامہ نگار عزیز اللہ خان کو بتایا کہ ’حملہ آور نے پہلے ضلع کچہری کے داخلی دروازے پر دستی بم پھینکا، جس سے پولیس اہلکار زخمی ہو گئے۔‘ ان کے مطابق پولیس اہلکاروں کی فائرنگ پر حملہ آور کچہری کے اندر کی جانب بھاگا اور خود کو دھماکے سے اڑا لیا۔ دھماکے کے بعد سکیورٹی فورسز کے اہلکاروں نے علاقے کو گھیرے میں لے لیا اور ججوں اور وکلا سمیت دیگر افراد کو محفوظ مقامات پر منتقل کیا۔ خیال رہے کہ پاکستان میں گذشتہ کچھ عرصے سے وکلا کو شدت پسندی کے واقعات میں ہدف بنانے کا رجحان سامنے آیا ہے اور گذشتہ ماہ ہی میں کوئٹہ میں ہسپت...

لاڑکانہ میں فائرنگ سے پولیو ورکر خاتون زخمی ہوگئی ،ملزم نے خاتون کی دوستی ختم کرنے پر فائرنگ کی ۔ تین روزہ پولیو مہم کے آخری روز لاڑکانہ کے لاہوری محلہ میں خاتون پولیو ورکر پر ایک نوجوان نے فائرنگ کردی جس سے خاتون زخمی ہوگئی ۔زخمی خاتون کو موقع پر موجود لوگوں نے فوری طور پر چانڈکا میڈیکل اسپتال منتقل کردیا ہے۔ پولیس کی ابتدائی تحقیقات کے مطابق ملزم نے دوستی ختم کرنے پر فائرنگ کی ہے۔ملزم کو اسلحہ سمیت گرفتار کرلیاگیا ہے۔ geo  Ehtasabi Amal Lahore احتسابي عمل لاھور

وزیراعظم نواز شریف نے گوادر فری زون منصوبے کا سنگ بنیاد رکھ دیا، ڈیم ، یونیورسٹی اور پاک چین اسکول سمیت مختلف منصوبوں کا افتتاح بھی کیا، تقریب میں چینی سفیر بھی شریک ہیں۔ Ehtasabi Amal Lahore احتسابي عمل لاھور

پاکستان کے صوبہ بلوچستان کے سرحدی شہر چمن سے متصل پاک افغان باب دوستی پر 14روز بعد آمدورفت بحال ہو گئی ہے۔ سرکاری میڈیا کے مطابق مال بردار ٹرک پاکستان سے افغانستان میں داخل ہونا شروع ہو گئے ہیں۔ بابِ دوستی کو کھولنے کے فیصلے کا اعلان بدھ کوئٹہ میں فرنٹیئر کور کے ترجمان نے میڈیا سے گفتگو میں کیا تھا۔ ترجمان کے مطابق بدھ کو سرحدی علاقے میں دونوں ممالک کے سرحدی حکام کے درمیان باب دوستی کھولنے کے لیے مذاکرات ہوئے جس میں باب دوستی کو کھولنے پر اتفاق ہوا۔ خیال رہے کہ چمن سے متصل باب دوستی کو 18اگست کو پاکستانی حکام نے بند کیا تھا۔ باب دوستی کی بندش کے باعث اس سرحدی علاقے سے سفر کرنے والے لوگوں اور تاجروں جن کی تعداد روزانہ کی بنیاد پر ہزاروں میں ہوتی ہے کو شدید پریشانی کا سامنا کرنا پڑا تھا۔ bbc Ehtasabi Amal Lahore احتسابي عمل لاھور

امریکہ میں ماہرین فلکیات نے نظام شمسی کی بیرونی حدود میں موجود بعض ان چیزوں سے متعلق معلومات حاصل کر لی ہیں جن کے بارے میں پہلے کچھ بھی نہیں معلوم تھا۔ اس میں سے ایک تو مدار میں ایک برفیلی شے ہے جو اسے سورج سے اتنا دور لے جاتی ہے کہ وہ ممکنہ طور پر دوسرے ستاروں کی کشش ثقل سے متاثر ہوتی ہے۔ یہ نئی دریافتیں ایک ممکنہ نویں سیارے کی تلاش کی کوششوں کے دوران ہوئی ہیں جس کی موجودگی کے بارے میں بالواسطہ قیاس آرائیاں ہوتی رہی ہیں۔ یہ نئی معلومات جلد ہی دی ایسٹرونومیکل جرنل میں شائع کی جائیں گی۔ اس کی تحقیق میں شامل سکاٹ شیپرڈ اور چیڈ ترجولو نے اپنی دریافت کی تمام تفصیلات مائنر پلینیٹ نامی ادارے کو سونپ دی ہیں جو چھوٹے ستاروں اور دمدار ستاروں سمیت ایسی چیزوں کی تفصیلات اپنے پاس رکھتا ہے۔ نئی دریافت شدہ چیزوں میں سے ایک، جو ابھی 2014 ایف ای 72 کے نام سے جانی جاتی ہے، اورٹ کلاؤڈ میں موجود ہے اور نیپچیون سے بھی کافی فاصلے پر ایک مدار کے ساتھ پائی گئی۔ اورٹ کلاؤڈ ایک بڑا شیل ہے جو نطام شمسی کی باہری حدود کے سب سے بڑے علاقے پر چھایا ہوا ہے۔ واشنگٹن میں کارنیج انسٹی ٹیوٹ آف سائنس ...

یورپی کمیشن نے فیصلہ دیا ہے کہ آئرلینڈ امریکی ٹیکنالوجی کمپنی ایپل سے پچھلے ٹیکسوں کی مد میں 13 ارب یورو وصول کرے۔ کمیشن کی جانب سے تین سال جاری رہنے والی تحقیات میں ایپل کے ٹیکس فوائد کو غیرقانونی قرار دیا گیا ہے۔ امریکہ وزارت خارجہ نےگزشتہ ہفتے کہا تھا کہ یورپی کمیشن ایک بین الاقوامی ٹیکس محکمہ بنتا جا رہا ہے جو رکن ممالک کے ٹیکس قوانین میں مداخلت کر کے انھیں بےاثر بنا رہا ہے۔ کمیشن کا کہنا ہے کہ آئرلینڈ نے ایپل کو دوسرے کاروباروں اور کمپنیوں کے مقابلے میں بہت کم ٹیکس دینے کا موقع فراہم کیا اور وہ تقریباً ایک فیصد شرح کے مطابق کاروباری ٹیکس ادا کر رہی تھی۔ تاہم ایپل اور آئرلینڈ دونوں ہی اس فیصلے سے متفق نہیں اور اس کے خلاف اپیل میں جانے کا اعلان کرچکے ہیں۔ یورپی کمشنرمارگریتھ ویسٹیگر کا کہنا تھا کہ ممبر ملک محضوص کمپنیوں کو ٹیکس میں چھوٹ نہیں دے سکتے۔ ان کا کہنا تھا کہ ’کمیشن کی تحقیقات سے یہ امر سامنے آیا ہے کہ آئرلینڈ نے ایپل کو غیرقانونی ٹیکس فوائد دیے، جس کی وجہ سے وہ برسوں سے دیگر کاروباروں کی مقابلے کافی حد تک کم ٹیکس ادا کرنے کا موقع ملا۔‘ bbc Ehtasabi Amal...