Weekly EHTASABI AMAL Lahore ھفت روذھ احتسابی عمل لاھور

اسلام آباد(ثناء نیوز) سپریم کورٹ آف پاکستان نے کرائے کے بجلی گھروں (رینٹل) کے منصوبوںکو غیر شفاف،غیر قانونی اور بنیادی انسانی حقوق کی خلاف ورزی قرار دیتے ہوئے کالعدم قرار دے دیا ہے عدالت نے سابق وزیر پانی و بجلی راجہ پرویز اشرف اور سابق سیکرٹری شاہد رفیع سمیت تمام ذمہ داران کے خلاف کارروائی کا حکم دیتے ہوئے چیئرمین نیب کو ہدایت کی ہے کہ ان منصوبوں میں ہونے والی کرپشن اور بد عنوانی کے ذمہ داران تمام افراد کیخلاف فوجداری کارروائی اور اس حوالے سے ہر پندرہ روز بعد تحریری رپورٹ رجسٹرار سپریم کورٹ کے دفتر میں جمع کرائی جائے ۔جمعہ کے روز سپریم کورٹ نے کرائے کے بجلی گھروں میں اربوں روپے کی بدعنوانی سے متعلق کیس کا فیصلہ جو کہ گذشتہ سال 14دسمبر کو محفوظ کیا گیا تھاچیف جسٹس آف پاکستان افتخار محمد چوہدری نے پڑھ کرسنا یا۔ کیس کا فیصلہ چیف جسٹس نے خودتحریر کیا ہے۔ فیصلے میںکہا گیا ہے کہ عدالت نے کیس کو 2010 ء سے اب تک کئی بار سنا ہے۔ ملک کے منتخب نمائندے ملک کی خود مختاری کیلئے اپنا کردار ادا کریں۔ فیصلے میں مزید کہا گیا ہے کہ رینٹل پاور کیس میں ارکان پارلیمنٹ نے بھی کردار ادا کیا ہے۔مسلم لیگ ق کے ...

اسلام آباد (ثناء نیوز )پارلیمانی کمیٹی قومی سلامتی میں نیٹو سپلائی ، پاک امریکا تعلقات ، اتحادی افواج سے تعاون ، نئی خارجہ پالیسی سے متعلق کمیٹی کی سفارشات کے بارے میں سیاسی جماعتوں کے تحفظات کو دور کرنے پر اتفاق ہو گیا ہے ۔ ایران پر ممکنہ امریکی حملے کی صورت میں پاکستان کی جانب سے اس کی بھرپور مخالفت کرنے ، اپنی سرزمین کسی غیر ملکی فوج کے لیے استعمال نہ ہونے دینے کی سفارش بھی کر دی گئی ہے ۔کمیٹی کل ( پیر ) سے ترمیم شدہ مسودے کی تیاری شروع کر دے گی ۔ اپوزیشن جماعتوں نے ڈرون حملے روکنے کے طریقہ کار بارے سفارشات مرتب کرنے پر اصرار کیا ہے ۔ جمعیت علماء اسلام ( ف ) نے کسی بھی صورت میں نیٹو سپلائی کی بحالی کے فیصلے کو قبول نہ کرنے کے موقف سے کمیٹی کو آگاہ کر دیا ہے ۔ہفتہ کو پارلیمانی کمیٹی قومی سلامتی کا دوسرے روز کا اجلاس بھی چےئرمین کمیٹی سینیٹر میاں رضا ربانی کی صدارت میں ہوا ۔ سفارشات میں ترامیم کے بارے میں اپوزیشن و اتحادیوں کی تجاویز کا جائزہ لیا گیا ۔ اجلاس کے بعد میڈیا سے بات چیت کرتے ہوئے رضا ربانی نے کہا کہ کمیٹی میں مشاورت کا عمل جاری ہے ۔ تمام ارکان کھلے دل تجاویز کا جائزہ لے رہ...

اسلام آباد (ثناء نیوز ) حکومت نے پیٹرول 8 روپے 2 پیسے اور ڈیزل 4 روپے 70 پیسے فی لیٹر مہنگا کردیا، پیٹرولیم مصنوعات کی قیمتوں میں اضافے کا نوٹیفکیشن جاری کردیا گیا جبکہ سی این جی کی قیمت میں بھی 9 سے 11 روپے فی کلو اضافہ کردیا گیا ہے۔ حکومتی نوٹیفکیشن کے مطابق پیٹرول کی قیمت 8 روپے 2 پیسے فی لیٹر مہنگا ہو کر 105 روپے 68 پیسے ہوگئی۔ ڈیزل کی قیمت میں 4 روپے 70پیسے فی لیٹر اضافہ کیا گیا ہے جس کے بعد ڈیزل کی نئی قیمت 108 روپے 16 پیسے فی لیٹر ہوگی۔ مٹی کے تیل کی قیمت 5 روپے 29 پیسے فی لیٹر بڑھ کر 101 روپے 69 پیسے ہوگئی۔ ہائی اوکٹین کی قیمت میں 8 روپے94 پیسے فی لیٹر اضافہ کیا گیا ہے، ہائی اوکٹین کی نئی قیمت 135 روپے 81 پیسے فی لیٹر ہوگئی جبکہ لائٹ ڈیزل کی قیمت 5روپے45 پیسے فی لیٹراضافے کے بعد 98 روپے 74 پیسے فی لیٹر ہوگی۔ اس کے علاوہ سی این جی کی قیمت میں بھی اضافہ کردیا گیا ہے جس کے مطابق سندھ اور وسطی پنجاب میں سی این جی 9 روپے 93 پیسے فی کلو مہنگی ہوگئی جبکہ اسلام آباد، راولپنڈی، بلوچستان اور خیبر پختونخوا میں سی این جی کی قیمت میں 11 روپے 98 پیسے فی کلو اضافہ کیا گیا ہے۔ اضافے کے بعد سند...