Weekly EHTASABI AMAL Lahore ھفت روذھ احتسابی عمل لاھور

واشنگٹن ( نیوز ایجنسیز این این آئی)امریکی وزیر دفاع لیون پنیٹانے کہا ہے کہ القاعدہ کے خطرے کے پیش نظر 2014کے بعد بھی افغانستان میں معقول تعداد میں فوجی رکھنے پڑینگے  اتحادی فورسز القاعدہ کی صلاحیتوں پر اثرانداز ہوئی ہیںالقاعدہ بھی افغانستان میں اپنا وجود برقرار رکھنے کیلئے راہیں تلاش کررہی ہے  2014کے بعد بھی افغانستان میں فورسز رکھنے کا فیصلہ آئندہ ہفتے ہوگا ۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور(نیوز ایجنسیز  این این آئی)حکومت اور اپوزیشن جماعتوں کے اراکین نے اسمبلیوں کا ممبر ہونے کیوجہ حاصل سہولیات اورنرم شرائط کے پیش نظر اسمبلیوں کی مدت ختم ہونے سے قبل مختلف ممالک کے ویزے لگوانے کیلئے کوششیں شروع کر دی ہیں ۔ ذرائع کے مطابق مختلف ممالک کی طرف سے اراکین قومی و صوبائی اسمبلیوںکے ممبران کے لئے ویزا لگوانے کے لئے شرائط انتہائی نرم ہیں ۔ اسی کے پیش نظر اراکین اسمبلی مدت ختم ہونے سے پہلے پہلے قومی وصوبائی اسمبلیوں کے سیکرٹریٹس سے لیٹر حاصل کر رہے ہیں تاکہ انکے ذریعے مختلف ممالک کے ویزوں کے حصول کے لئے درخواستیں دی جا سکیں ۔ Ehtasabi Amal Lahore احتسابي عمل لاھور Click on Ehtasabi Amal Facebook

راولپنڈی(این این آئی)پاکستان مسلم لیگ(ن)کے سربراہ نوازشریف ،وزیراعلی پنجاب شہبازشر یف اور ان کے خاندان کے دیگر افراد کیخلاف احتساب عدا لت نمبر4میں موجود4 ریفرنسوں پرسماعت بغیرکسی کارروائی کے 10 دسمبر تک ملتوی کردی گئی ۔گزشتہ روز عدالت کوبتایاگیا کہ ہائیکورٹ کی جانب سے ان ریفرنسوں پرکارروائی کے بارے میں تاحال فیصلہ نہیں ہوسکاجس کے باعث سماعت التوا کا شکار ہے جسکے بعد ریفرنسوں کی سماعت بغیر کسی کارروائی کے 10دسمبر تک ملتوی کردی گئی۔  Ehtasabi Amal Lahore احتسابي عمل لاھور Click on Ehtasabi Amal Facebook

لاہور (احتسابی عمل ،نیوز ایجنسیز  این این آئی) پاکستان مسلم لیگ (ن) کی منشور کمیٹی کا چوتھا اجلاس گزشتہ روز پارٹی سربرا ہ محمد نواز شریف کی صدارت میں مرکزی سیکرٹریٹ میں منعقد ہوا ۔ جس میں مسلم لیگ (ن) کے سیاسی، معاشی، قانونی، سماجی اور ثقافتی شعبوں سے تعلق رکھنے والے ماہرین نے شرکت کی اور اپنے اپنے شعبہ جات سے متعلق منشور کے لیے مرتب کی گئی تجاویزز پیش کیں۔ نواز شریف نے منشور بنانے کے لیے کام کرنے والے پارٹی کے ماہرین کی خدمات کو سراہتے ہوئے کہا کہ آپ کی تیار کردہ دستاویز''نعرہ بازی'' نہیں بلکہ ''عملی حقیقتوں'' کا اظہار ہے۔ نواز شریف نے کہا کہ ایک خود مختار ملک، خوددار قوم اور خوشحال معاشرے کا خواب پورا کرنے کی یہ دستاویز اس عزم کا اظہار ہے کہ ہم آنے والے وقتوں میں پاکستان کو خطے میں ترقی و خوشحالی کا ماڈل بنانے کی کاوشوں کے لیے ہمہ وقت تیار ہیں۔ Ehtasabi Amal Lahore احتسابي عمل لاھور Click on Ehtasabi Amal Facebook

اسلام آباد(نیوز ایجنسیز ،آئی این پی)وزیراعظم آزاد کشمیر چوہدری عبدالمجید نے کہا ہے کہ غیر ملکی سرمایہ کار آزاد کشمیر ہائیڈل جنریشن میں سرمایہ کاری کریں حکومت سرمایہ کاروں کو بھرپور تحفظ اور حکومتی معاونت فراہم کرے گی‘ ہائیڈل جنریشن منصوبوں کو فاسٹ ٹریک فریم ورک میں مکمل کرنے سے پاکستان میں لوڈ شیڈنگ کے خاتمے اور ملکی معیشت کے استحکام کو مدد ملے گی ۔ وہ گزشتہ روز یہاں کشمیر ہاﺅس اسلام آباد میں آزاد کشمیر ہائیڈرو الیکٹرک بورڈ کے اجلاس کی صدارت کر رہے تھے ۔اجلاس میں سینئر وزیرچوہدری محمد یاسین ،چیف سیکرٹری ارباب شہزاد ،فنانس سیکرٹری لیاقت علی ہمدانی ،پرنسپل سیکرٹری احسان خالد کیانی ،سیکرٹری ہائیڈروالیکٹرک بورڈ چوہدری منیر حسین ،ڈائریکٹر جنرل فاروق میر اور دیگر آفیسران نے شرکت کی۔ اجلاس میں آزاد کشمیر میں ہائیڈل جنریشن منصوبوں کی پراگریس کا جائزہ لیا گیا اور ان منصوبوں کو فاسٹ ٹریک فریم ورک کے تحت مکمل کرنے اور پرائیویٹ سیکٹر میں جینوین انوسٹرز کی حوصلہ افزائی کا فیصلہ کیا گیا۔ وزیراعظم ہائیڈرو الیکٹرک بورڈ کے بھی چیئرمین ہیں نے اجلاس میں متعدد منصوبوں کی منظوری دی گئی۔ اجلاس میں آز...

اسلام آباد(نیوز ایجنسیز .این این آئی)شعیب سڈل کمیشن نے کہا ہے کہ ارسلان افتخار کیس میں ملک ریاض کے داماد سلمان احمد کو تحریری بیان جمع کرانے کیلئے برطانیہ میں نوٹس موصول ہوگیا ہے۔ شعیب سڈل کمیشن کے ذرائع کے مطابق یہ نوٹس سلمان احمد کو 13 نومبر کو جاری کیا گیا تھا اور انہیں 19 نومبر تک تحریری بیان جمع کرانے کی ہدایت کی گئی تھی۔  Ehtasabi Amal Lahore احتسابي عمل لاھور Click on Ehtasabi Amal Facebook

کراچی(احتسابی عمل نیوز ایجنسیز ،این این آئی)ملک بھر میں جاری سی این جی بحران نے شدت اختیار کرلی،سب سے زیادہ گیس پیدا کرنے والا صوبہ سندھ بھی گیس بحران سے شدید متاثرہوا ہے۔ گیس کی پیداواری صلاحیت میں صوبہ سندھ سب سے آگے ہے ۔ ملک بھر میں پیدا ہونے والی گیس کی کل مقدار 3428ملین مکعب کیوبک فٹ ہے جس میں سے9 فیصد گیس کو بطور سی این جی استعمال کیا جاتا ہے،سب سے زیادہ گیس38فیصد توانائی کے حصول پر خرچ ہوتی، کھاد اور صنعتوں میں گیس کا استعمال 31 فیصد ہے جبکہ گھریلو صارفین 19 فیصد گیس استعمال کررہے ہیں۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور(احتسابی عمل ،نیوز ایجنسیز ، این این آئی)پاکستان مسلم لیگ (ن) کے سربراہ محمد نواز شریف نے اقوام متحدہ کی طرف سے فلسطین کو مبصر ریاست کا درجہ دینے پر فلسطینی عوام کو مبارکباد دی ہے ۔اپنے پیغام میں نواز شریف نے کہا کہ  اقوام متحدہ میں بھاری اکثریت سے قرارداد کی حمایت فلسطین کے عوام کی خود مختاری کی جانب اہم پیشرفت ہے،پاکستانی عوام کو فلسطینی عوام کی بے لاگ حمایت پر فخر ہے ۔  Ehtasabi Amal Lahore احتسابي عمل لاھور Click on Ehtasabi Amal Facebook

کراچی(احتسابی  عمل ،نیوز ایجنسیز، ثنا نیوز )شہر قائد میں امن کا خواب ٹوٹ گیا، ٹارگٹ کلنگ  ہونے لگی۔ ایک ہی روز میں دہشت گردوں نے8 افراد کی جان لے لی۔ امن ایک عارضی وقفہ ثابت ہوا، موت کے سائے دوبارہ منڈلانے لگے۔۔تفصیلات کے مطابق قصبہ علیگڑھ بازارمیں ماشا اللہ ہوٹل کے قریب گوشت کی دکان پرفائرنگ سے25 سالہ محمدجنیدقریشی ہلاک جبکہ اس کے دوست 28 سالہ محمد ناصرالدین اور محبوب زخمی ہوگئے۔مقتول محمدجنیدمیٹروول سینماکے قریب قسمت کالونی کارہائشی اورایک بچے کا باپ تھا۔زخمی ہونیوالے ناصر الدین کی حالت تشویشناک بتائی جاتی ہے۔ماری پور روڈ پراناٹرک اڈے پرواقع ٹائروں کی دکان کے قریب موٹر سائیکل سوارملزمان کی فائرنگ سے45 سالہ ملک ریاض محمد نیازی ہلاک ہو گیا۔مقتول نیول کالونی دادگوٹھ بلدیہ ٹان کارہائشی تھا ،واقعے کے وقت مقتول لیاری گینگ وار کے ارشد پپو گروپ کے لیے ٹائروں کی دکان سے بھتہ جمع کررہا تھاکہ لیاری میں کے موجودہ گینگ وارکے دوسرے گروپ نے فائرنگ کردی۔میٹروول سیکٹر4مکان نمبرF/2کے رہائشی 45 سالہ محمدیونس خان کونامعلوم ملزمان نے گھرکے قریب فائرنگ کر کے ہلاک کر دیا،مقتول کاآبائی...

کراچی(نیوز ایجنسیز )کراچی میں تعینات جاپان کے قونصل جنرل اکیرا اوچی نے کہاہے کہ پاکستان میں حکومتی پالیسیوں میں عدم تسلسل، انفرااسٹرکچرل مسائل، توانائی بحران اور امن وامان کی غیرتسلی بخش صورتحال جاپان کی مزید سرمایہ کاری کی راہ میں رکاوٹ ہیں۔یہ بات انہوں نے کراچی چیمبر آف کامرس کے دورے کے موقع پرعہدیداروں سے بات چیت کے دوران کہی۔ انہوں نے بتایا کہ پاکستان کے مختلف شعبوں میں جاپان کی 49 کمپنیاں سرمایہ کاری کی خواہشمند ہیں کیونکہ پاکستان کے فروٹ، ٹیکسٹائل اور آٹو موبائل سیکٹرمیں منافع بخش سرمایہ کاری کے وسیع مواقع دستیاب ہیں لیکن سیکیورٹی مسائل، پانی، بجلی اور گیس کی قلت کے باعث خواہش کے باوجود نئی جاپانی کمپنیاں پاکستان آنے سے گریزاں ہیں ۔ Ehtasabi Amal Lahore احتسابي عمل لاھور Click on Ehtasabi Amal Facebook

جوہر ٹاؤن مے  سڑکوں کا برا حال  گورمنٹ  اس طرف توجہ نہیں دے   رہی لوگوں کے پریشانی برر رہیہے  مستکبل مے .ووٹوں  کا انحصار ترقیاتی  کاموں پر ہوگا  لوگوں کا مطالبہ اے  ون  بلاک  دیہاتوں  کا منظر پیش کر رہی ہیں وزراہ  اعلی  لاہور سے مطالبہ جلد نوٹس کے اپیل Ehtasabi Amal Lahore احتسابي عمل لاھور Click on Ehtasabi Amal Facebook

واشنگٹن(نیوز ایجنسیز ) امریکی کانگریس اراکین نے کہا ہے کہ پاک امریکہ تعلقات میں بہتری آئی ہے، پاکستان کو سویلین امداد جاری رہنی چاہئے۔ غیر ملکی میڈیاکے مطابق واشنگٹن میں امریکی ادارہ برائے امن کے تحت پاکستان امریکا تعلقات پر سیمینار منعقد کیا گیا جس میںکانگریس کی خارجہ امورکمیٹی کے رکن سجیت گاندھی، سینٹ کی خارجہ امور کی کمیٹی کے رکن مائیکل فیلن ، سکالر سِمبل خان اور معید یوسف نے شرکت کی۔  Ehtasabi Amal Lahore احتسابي عمل لاھور Click on Ehtasabi Amal Facebook

راولپنڈی :ہولی فیملی میں بچے کو چوہے کاٹنے کے واقعے کے بعد چار ڈاکٹروں سمیت 8 افراد کے خلاف محکمانہ کارروائی کا آغاز کر دیا گیا نئے ڈاکٹروں نے چارج سنبھال لیا۔ ہسپتال میں چوہے مارنے کیلئے پرائیوٹ کمپنی کی خدمات بھی حاصل کرلی گئیں۔میڈیا رپورٹ کے مطابق ہسپتال انتظامیہ نے چوہے اور کاکروچز تلف کرنے لیے نجی کمپنی سے معاہدہ کیا کمپنی کو چوہے مارنے پرماہانہ کی بنیاد پر ادائیگی کی جائے گی۔ ہسپتال میں آوارہ کتوں کے خاتمے کیلئے ڈی ایچ او سے تعاون مانگا گیاجبکہ بلیاں بھگا نے کا کام ہسپتال کے سیکورٹی عملے کو سونپ دیا گیا ۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور(این این آئی) لاہورہائی کورٹ نے کالا باغ ڈیم کی تعمیر کا حکم دیدیا ہے۔چیف جسٹس لاہور ہائیکورٹ جسٹس عمر عطا بندیال نے مشترکہ مفادات کونسل کی سفارشات کی روشنی میں ڈیم تعمیر کرنے کا حکم دیاہے۔عدالتی حکم میں کہا گیا ہے کہ آئین کے آرٹیکل ایک سو چوون کی روشنی میں حکومت کی ذمہ داری ہے کہ وہ مشترکہ مفادات کونسل کی سفارشات پر عمل کرے۔& کالا باغ ڈیم کی تعمیرپر پٹیشن جوڈیشل ایکٹویزم پینل کی جانب سے دائرکی گئی تھی۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور(نیوز ایجنسیز )لاہور ہائیکورٹ نے اصغر خان کیس کے فیصلے پر عمل درآمد کرانے اورصدر مملکت آصف علی زرداری کو نااہل قرار دینے کیلئے دائر درخواست کی سماعت جمعہ تک کے لئے ملتوی کر دی۔ لاہور ہائیکورٹ کے جسٹس ناصر سعید شیخ نے کیس کی سماعت کی ۔عدالت کے روبرو درخواست گزار جماعت اسلامی کے مر کزی رہنمافرید احمد پراچہ کے وکیل اے کے ڈوگر ایڈووکیٹ نے درخواست کے قابل سماعت ہونے سے متعلق دلائل دیتے ہوئے کہا کہ آئین کے آرٹیکل 260کے تحت صدر کا عہدہ سروس آف پاکستان کے تحت آتا ہے اور آئینی اعتبار سے صدر سیاسی سرگرمیاں نہیں کرسکتے ۔ عدالت نے آئندہ سماعت پر حتمی دلائل دینے کی ہدایت کرتے ہوئے مزیدسماعت 30 نومبر تک ملتوی کر دی۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور(نیوز ایجنسیز )میو ہسپتال میں زیر علاج ٹائنو سیرپ سے متاثرہ ایک اور مریض دم توڑ گیا جسکے بعد ہلاکتوں کی مجموعی تعداد 20 ہو گئی ۔جبکہ ایم ایس کے مطابق ہسپتال میں نو مریض زیر علاج ہیں  Ehtasabi Amal Lahore احتسابي عمل لاھور Click on Ehtasabi Amal Facebook

سوات (نیوز ایجنسیز ) مسلم لیگ (ن)کے صدر نواز شریف نے کہا ہے کہ ملک کو بڑے بڑے چیلنجز کا سامنا ہے راتوں رات مسائل حل نہیں ہونگے مسلم لیگ (ن) مسائل حل کر نے کی طاقت رکھتی ہے اللہ نے موقع دیا تو عوام کو مایوس نہیں کرینگے ہماری حکومت نہ گرائی جاتی تو ملک میں سڑکوں کا جال بچھا چکے ہوتے الیکشن آنے والے ہیں& مسلم لیگ (ن)انتخابات ضرور جیتے گی پاکستان کے ساتھ ظلم کر نے والے پاکستانی کہلوانے کے حق دار نہیں ۔وہ بدھ کو سوات میں پنجاب حکومت کے تعاون سے قائم کئے گئے ہسپتال کے افتتاح کے بعد کارکنوں سے گفتگو کر رہے تھے ۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور(ثناء نیوز) چئیرمین واپڈا سید راغب عباس نے کہا ہے کہ فنڈ مل جائیں تو 2020تک19ہزار میگاواٹ مزید پن بجلی پیدا کر سکتے ہیں۔ واپڈا ہاس لاہور  میں میڈیا سے گفتگو کرتے ہوئے چیئرمین واپڈا سید راغب عباس کا کہنا تھادیا میر بھاشا ڈیم ہماری ترجیحات میں شامل ہے اس کے فنڈ کے لئے بین الاقوامی اداروں کا کنسورشیم بنانے کے لئے بات چیت جاری ہے انہوں نے کہا کہ 20بڑے منصوبوں پر کام جاری ہے جن میں سیچھ منصوبے آئندہ برس کے وسط تک مکمل ہوجائیں گے جن سے400میگاواٹ بجلی سسٹم میں آجائے گی۔انھوں نے بتایا کہ امن و امان کی صورتحال کی وجہ سے مشکلات کا سامنا کرنا پڑرہا ہے اور گومل زیم ڈیم پر کام کرنے والے چھ افراد اغوا کئے گئے ان کا کہنا تھا کہ سیکورٹی کے لئے منصوبوں کی ایک تہائی رقم خرچ کرنا پڑ رہی ہے۔چئیرمین واپڈٓا نے فنڈز کی کم دستیابی اور زمین کے حصول کو منصوبوں میں تاخیر کی بڑی وجہ قرار دیا ان کا کہنا تھا کہ کالاباغ ڈیم پر اتفاق رائے ہو جائے تو ا س پر کام کیا جا سکتا ہے ۔  Ehtasabi Amal Lahore احتسابي عمل لاھور Click on Ehtasabi Amal Facebook

لاہور (ثناء نیوز) وفاقی وزیر اطلاعات قمر الزمان کائرہ نے کہا ہے کہ عام انتخابات کے ملتوی ہونے کی کوئی صورت نہیں ہے۔ صدر آصف علی زرداری پارلیمان کا حصہ ہیں اور انہیں سیاست سے روکا نہیں جاسکتا۔ پہلی بار ایوان صدر سے جمہوریت پر وار کی بجائے وہاں سیاسی جماعتوں کے اندر مفاہمت کو فروغ دیا گیا ہے۔ نواز شریف نے ماضی سے سبق سیکھا ہے۔ شہباز شریف اپنے بھائی نواز شریف سے سبق سیکھیں نہ کہ چوہدری نثار علی خان سے رہنمائی لیں۔ انہوں نے کہاکہ ملک میں پہلی بار آزاد اور خود مختارالیکشن کمیشن قائم ہوگیا ہے۔ ضمنی انتخابات میں انتخابی ضابطہ اخلاق پر عملدرآمد کروانا الیکشن کمیشن کی ذمہ داری ہے۔ انہوں نے کہاکہ پیپلز پارٹی کو مجموعی طور پر ہمیشہ زیادہ ووٹ ملے لیکن نشستیں حاصل نہیں ہوئیں۔ نواز شریف جیتے تو ان کے گلے میں ہار ڈالیں گے لیکن شائد ایسا نہیں ہوگا کیونکہ لوگ ہمیں ووٹ دیں گے۔نواز شریف کو سیاسی عمل سے باہر رکھنے کی خواہش رکھنے والے احمقوں کی جنت میں بستے ہیں۔ ان خیالات کا اظہار انہوں نے لاہور میں سینئر صحافیوں سے ملاقات کے بعد گفتگو کرتے ہوئے کیا۔ قمر الزمان کائرہ نے کہاکہ صدر مملکت کے بغیر پارلیمان ...

پاکستان کے صوبہ پنجاب کے دارالحکومت لاہور میں کھانسی کا شربت پینے سے مزید ایک شخص کی ہلاکت سے مرنے والوں کی تعداد سترہ ہوگئی ہے جبکہ شربت سے متاثر ہونے والے چار مزید افراد کو ہپستال میں داخل کرایا گیا ہے۔ ادھر مقامی عدالت نے زیر حراست تین افراد سے چھان بین کے لیے ان کی جسمانی ریمانڈ کی منظوری دے دی ہے۔ Ehtasabi Amal Lahore احتسابي عمل لاھور Click on Ehtasabi Amal Facebook

کراچی(آئی این پی) محرم الحرام کے پہلے عشرے میں موبائل فون کی بندش سے ملک میں موبائل سروس فراہم کرنے والی پانچ کمپنیوں کو 10 سے 15 ارب جبکہ حکومت کو ٹیکسوں کی مد میں 2سے 3 ارب روپے کاخسارہ برداشت کرنا پڑا‘سیلولر کمپنیوں کا حکومت سے سروس کی بندش پر شدید احتجاج ‘ متبادل حکمت عملی تیار کرنے کا مطالبہ کر دیا۔ تفصیلات کے مطابق عاشورہ کے دوران ملک کے 50 سے زائد شہروں میں موبائل فون کی بندش سے نہ صرف موبائل فون کمپنیوں کواربوں کانقصان ہوا بلکہ خود حکومت کوبھی دو سے تین ارب روپے کانقصان برداشت کرناپڑا۔اس کے ساتھ تھری جی ٹیکنالوجی سے ہونے والی سات سو ملین ڈالرکی متوقع آمدنی بھی اب مشکل میں ہے۔معاشی ماہرین کا کہنا ہے کہ آٹھ نو اور دس محرم کو چالیس گھنٹوں کیلئے موبائل فون سروس کی معطلی کے دوران دس کروڑ فون بند رہے جس کی وجہ سے حکومت کوٹیکس کی مد میں ہی بھاری خسارہ اٹھاناپڑا۔ذرائع کے مطابق ملک میں موبائل فون سروس مہیا کرنے والی پانچ کمپنیوں نے حکومتی اقدامات پراحتجاج کیا ہے۔ان کا کہناہے کہ انہیں دہشتگردی کی ذمہ داری ڈالنے کے خطرے سے ڈرا کر فون بند کرنے پرمجبور کیا گیا۔موبائل فون کمپنیوں کا موقف ...

بلوچستان میں ڈاکٹروں کی ہڑتال کے بعد سرکاری ہسپتالوں میں علاج معالجے کا متبادل نظام نہ ہونے کی وجہ سے یہ ہسپتال مریضوں سے خالی ہوگئے ہیں۔ Ehtasabi Amal Lahore احتسابي عمل لاھور Click on Ehtasabi Amal Facebook

منگل کے روز یاسر عرفات کی قبرکشائی کر لی گئی ہے تاکہ یہ معلوم کرنے کی کوشش کی جا سکے کہ ان کی موت کس طرح واقع ہوئی۔  Ehtasabi Amal Lahore احتسابي عمل لاھور Click on Ehtasabi Amal Facebook

انسانی حقوق کے ادارے ہیومن رائٹس واچ نے کہا کہ پاکستان کے ججوں کو چاہیے کہ وہ توہینِ عدالت کی طاقت استعمال کر کے میڈیا کو عدالتی تنقید پر مبنی پروگرام نشر کرنے سے نہ روکیں۔ Ehtasabi Amal Lahore احتسابي عمل لاھور Click on Ehtasabi Amal Facebook

آڈیٹر جنرل پاکستان نے کہا ہے کہ ہیوی انڈسٹریز ٹیکسلا میں اربوں روپے کے ایسے خفیہ اکاؤنٹس ہیں جن کے بارے میں حکومت ابھی تک لاعلم ہے۔ Ehtasabi Amal Lahore احتسابي عمل لاھور Click on Ehtasabi Amal Facebook

لاہور( این این آئی)چیئرمین واپڈا سید راغب عباس شاہ نے کہا ہے کہ پانی اور بجلی کی بڑھتی ضروریات کے پیش نظر واپڈا 20سے زائد منصوبوں پر کام کر رہا ہے 'فنڈز کی دستیابی کی صورت میں آئندہ 5سال میں 5ہزار میگاواٹ اور  2020ء تک مزید 14ہزار میگاواٹ پن بجلی نیشنل گر ڈاستیشن میں شامل کی  جائیگی' جبکہ منصوبے کی تعمیر کے لئے عالمی بینک نے فنڈز فراہم کرنے میں دلچسپی ظاہر کی ہے'این ٹی ڈی سی کے ذمے 180ارب روپے واجب الادا ہیں اس رقم کے حصول سے کئے منصوبے شروع کئے جا سکتے ہیں ۔ان خیالات کا اظہار انہوںنے واپڈا ہائوس میں پانی و بجلی کے منصوبوں کے حوالے سے میڈیا کو بریفنگ دیتے ہوئے کیا ۔ Ehtasabi Amal Lahore احتسابي عمل لاھور Click on Ehtasabi Amal Facebook

کراچی(ثناء نیوز)سپریم کورٹ نے کراچی امن وامان کیس کے حوالہ سے رینجرز کی رپورٹ مسترد کرتے ہوئے ڈی جی رینجرز کو کل (بدھ )  کو عدالت میں طلب کرلیا جبکہ عدالت نے نئی حلقہ بندیوں کے حوالہ سے عدالتی حکم پر عملدرآمد نہ ہونے پر سیکرٹری الیکشن کمیشن کو بھی کل (بدھ ) کو عدالت میں طلب کرلیا جبکہ عدالت نے ایڈووکیٹ جنرل سندھ کی جانب سے ڈی جی رینجرز کی ججز سے ملنے کی درخواست مسترد کردی اور کہا کہ یہ معاملہ اگلی سماعت پر دیکھا جائے گا جبک پراسیکیوٹر جنرل سندھ شہادت اعوان نے پیرول پر رہا کیا جینو الے قیدیوں کی تفصیلات عدالت میں پیش کیں جبکہ عدالت نے آئی جی سندھ کو حکم دیا ہے کہ وہ تمام قیدیوں اور مقدمات کا ریکارڈ تین ماہ کے اندر کمپیوٹرائز کریں جبکہ ایڈیشنل ہوم سیکرٹری سندھ وسیم احمد نے 2012 اسلحہ پالیسی عدالت میں پیش کی جس کے مطابق 25 سال سے کم عمر افراد کو اسلحہ لائسنس جاری نہیں کیا جائے گا عدالت عظمیٰ کے پانچ رکنی لارجر بینچ نے جسٹس انور ظہیر جمالی ک ی سربراہی میں کراچی بدامنی کیس کی سماعت سپریم کورٹ کراچی رجسٹری میںکی ۔ کیس کی سماعت ک ے دوران ریونیو ڈیپارٹمنٹ نے اپنا ریکارڈ پیش کیا جس پر عد...

اسلام آباد(ثناء نیوز)سینئر اینکر پرسن حامد میر کی گاڑی کے نیچے نصب بارودی مواد برآمد ہوا ہے جسے بم ڈسپوزبل سکواڈ نے ناکارہ بنا دیا۔ تفصیلات کے مطابق پیر کے روز صبح حامد میر جب مارکیٹ سے واپس پہنچے تو ان کے پڑوسی کے ڈرایؤر نے بتایا کہ آپ کی گاڑی کے نیچے کوئی کالا تھیلا لٹک رہا ہے جس کے بعد تھیلے کو مشکوک جانتے ہوئے بم ڈسپوزل اسکواڈ کو طلب کیا گیا، جس نے بتایا کہ یہ دھماکا خیز مواد ہے۔ تھیلے میں بیٹری، ڈیٹونیٹر اور دھماکا خیز مواد تھا جس میں بال بیرنگ موجود تھے، اس میں نصب ڈیٹو نیٹر کو 35 نمبر ڈیٹونیٹر کہا جاتا ہے۔ حامد میر نے بتایا کہ صبح ڈرائیور کے ساتھ کسی کام سے گیا اور گاڑی تھوڑی دیر کیلئے پارک کی تھی، دھماکا خیز مواد اِس جگہ رکھا گیا جہاں میں بیٹھتا ہوں، بم ڈسپوزل اسکواڈ کے اہلکاروں نے دھماکا خیز مواد کو ناکارہ بنادیا  Ehtasabi Amal Lahore احتسابي عمل لاھور Click on Ehtasabi Amal Facebook

اسلام آباد (ثناء نیوز) وفاقی وزیر اطلاعات و نشریات قمر زمان کائرہ نے اسلام آباد میں منعقدہ ڈی ایٹ سربراہی کانفرنس کے بارے میں قائد حزب اختلاف چودھری نثار علی خان کے اعتراضات کو یکسر مسترد کر دیا ہے ۔ انہوں نے کہا کہ قائد حزب اختلاف کیا چاہتے ہین کہ دہشت گردی کے خاتمے ، معیشت جمہوریت کے استحکام کے بارے میں مشترکہ اعلامیہ جاری نہ کیا جاتا ۔ قائد حزب اختلاف اپنے اعتراضات کی وضاحت کریں ۔ وہ ڈی ایٹ کانفرنس کی کس کارروائی سے متفق نہیں ہیں ۔ ان خیالات کا اظہار انہوں نے پیر کو پمز ہسپتال میں صفائی مہم کے آغاز پر میڈیا سے بات چیت کرتے ہوئے کیا ۔ انہوں نے کہا کہ ڈی ایٹ سربراہی کانفرنس کے انعقاد سے پاکستان کا وقار بلند ہوا ہے ۔ محرم الحرام کے حوالے سے پوری دنیا سوگوار تھی یہ مسلمانوں کا سانجا غم ہے ۔ تاہم کیا محرم الحرام میں کام نہیں ہوتے ۔ کیا کام رک جاتے ہیں ۔ قائد حزب اختلاف کے اعتراضات بلاجواز ہیں وہ بتائیں کہ مشترکہ اعلامیہ کا کونسا نکتہ ان کو پسند نہیں آیا ۔ وزیر اطلاعات نے ممتاز صحافی حامد میر کی گاڑی میں دھماکہ خیز مواد رکھے جانے کی سخت الفاظ میں مذمت کی ۔ انہوں نے کہا کہ حکومت میڈیا ک...

سرینگر (کے پی آئی )مقبوضہ کشمیر میں یوم عاشورہ کے موقع پر قابض انتظامیہ نے سری نگر کے بیشتر علاقوں میں غیر اعلانیہ کرفیو  نافذ کر کے ذوالجناح کے کلیدی جلوس پر پابندی لگا دی گئی تھی مظاہرین اور پولیس کے مابین پر تشدد جھڑپیں ہونے کے نتیجے میں 40افراد زخمی ہو گئے ۔ جبکہ حریت رہنماوں سید علی شاہ گیلانی ،،فریڈم پارٹی سربراہ شبیر احمد شاہ ،نیشنل فرنٹ چیئرمین نعیم احمد خان کے علاوہ جاوید احمد میر اورمولوی عباس انصاری سمیت کئی رہنماوں کو نظر بند کر دیا گیا تھا۔ گوجوارہ میں مشتعل نوجوان نمودار ہوئے اور انہوں نے گاڑیوں پر پتھراؤ کرنا شروع کر دیا اس موقعہ پر پولیس حرکت میں آئی اور انہوں نے مظاہرین کو منتشر کرنے کیلئے لاٹھی چارج کیا ۔تاہم جب سنگ باری شدت اختیار کر گئی تو پولیس نے آنسو گیس کا استعمال کیا اورربڑ کی گولیاں چلائیں ۔ مظاہرین اور پولیس کے درمیان جھڑپوں کا یہ سلسلہ دیگر علاقوں تک پھیل گیا جس کے نتیجے میں پائین شہر میں دکانیں بند ہوئیں اور ہر قسم کی آمد ورفت معطل ہو کر رہ گئی۔ گوجوارہ ، نوہٹہ ، مسلم پارک ، کاؤڈارہ ، راجوری کدل چوک اور نالہ مار روڑ پر کئی جگہوں پر مظاہرین اور پولیس ...

لندن (ثناء نیوز) برطانوی وزیر خارجہ ولیم بیگ نے کہا ہے کہ اسرائیل فلسطین تنازعہ کے حل کے لئے امریکہ موثر کردار ادا کرے ۔  اس مسئلہ کو حل کرنے کے لئے حتمی کوشش کا اب وقت آ گیا ہے ۔ برطانوی نشریاتی ادارے سے گفتگو میں ولیم بیگ نے کہا کہ امریکہ اور اسرائیل کے درمیان انتہائی گہرے تعلقات ہیں تاہم اب فلسطین کے معاملہ کو حل کرنے کا وقت آ گیا ہے ۔ امریکہ اب اس مسئلہ پر دنیا کی رہنمائی کرے ان کا کہنا تھا کہ اس معاملہ میں یورپی یونین اور عرب ممالک کا بھی اہم کردار ہے ۔ برطانوی وزیر خارجہ نے کہا کہ اسرائیل اور فلسطین کے مسئلہ کے مستقبل حل کے لئے دو ریاستی فارمولا آخری قابل عمل حل نظر آتا ہے ۔ غزہ کی ناکہ بندی ختم ہونے سے عوام کے مسائل میں کمی واقع ہو گی ۔ولیم ہیگ نے کہا کہ امریکہ کے اسرائیل کے ساتھ خصوصی تعلقات ہیں جو کسی اور ملک کے نہیں اور اسی کو مد نظر رکھتے ہوئے امریکہ کو اب انتخاب کے بعد اس مسئلے پر رہنمائی کرنی چاہیے۔انہوں نے کہا کہ مسئلے کے حل میں یقینا یورپی یونین اور عرب ممالک کا بھی کردار ہے اور ان کی کوشش بھی ضروری ہے۔ انہوں نے کہا کہ اسرائیل اور فلسطین کے مسئلے کے مستقل حل کے لی...

اسلام آباد(ثناء نیوز)سپریم کورٹ آف پاکستان نے کرائے کے بجلی گھروں کو کالعدم قرار دیئے جانے کے فیصلہ  پر عملدرآمد نہ ہونے کے حوالے سے وفاقی وزیر مخدوم فیصل صالح حیات کی جانب سے دائر درخواست نمٹاتے ہوئے نیب کو حکم دیا ہے کہ ترک رینٹل کمپنی کار کے سے ایک سو بیس ملین ڈالر کی رقم وصول کرنے کے بعد اسے ملک سے جانے کی اجازت دی جائے ۔ اگر رقم وصول نہ کی گئی تو ذمہ داری چیئرمین نیب پر ہو گی جبکہ چیف جسٹس افتخار محمد چوہدری نے ریمارکس دیتے ہوئے کہا ہے کہ سپریم کورٹ نے کرائے کے بجلی گھروں کے منصوبوں کو کالعدم قرار دے کر کمپنیوں سے رقوم کی واپسی کا حکم دیا تھا عدالتی حکم پر من و عن عمل کیا جائے۔ ملک کو لوٹنے کی اجازت کسی کو نہیں دیں گے اوراب ایسا ممکن نہیں کہ کوئی ملک کو لوٹ کر چلا جائے۔ کرپشن سکینڈل پر فیصلے کا مطلب آئیندہ ایسے واقعات کی روک تھا م ہے اور اگر یہ سلسلہ نہیں رکتا تو یہ دکھ اور تشویش کی بات ہے۔سوموار کو رینٹل پاور کیس کی سماعت چیف جسٹس کی سربراہی میں سپریم کور ٹ کے تین رکنی بینچ نے کی۔ چیف جسٹس نے ریمارکس دیتے ہوئے کہا کہ فیصل صالح حیات نے بڑا سکینڈل بے نقاب کیا ۔رقم ادا کیے بغ...

اسلام آباد(ثناء نیوز)پاکستان مسلم لیگ(ن) کے قائد اور سابق وزیر اعظم میاں محمد نواز شریف نے کہا ہے  کہ اگر میں وزیراعظم منتخب ہو گیا تو صدر آصف علی زر داری کے ساتھ تعلقات کار قائم کروں گا وہ قوم کے منتخب صدر ہیں جتنی مدت کے لیے انہیں منتخب کیا گیا ہے اسے پوری کرنی چاہیے۔ شہباز شریف کو آصف علی زر داری کے خلاف سخت بیانات نہیں دینے چاہیئں۔ صدر زرداریسے یہ بھی پوچھوں گا کہ کیا میں ان کے لیے قابل قبول ہوں۔ چیف الیکشن کمشنر فخر الدین جی ابراہیم کی طرح نگران وزیر اعظم پر بھی اتفاق رائے ممکن ہے۔18 کروڑ عوام کی وجہ سے موجودہ حکومت جا رہی ہے اور نئی حکومت آ رہی ہے۔ انتخابات میں فوج کی معاونت کا فیصلہ الیکشن کمیشن آف پاکستان نے کرنا ہے۔ انتخابی اتحاد کسی مقصد کے لیے ہونا چاہیے۔ جماعت اسلامی پاکستان کی بھی اس بارے خواہش ہونی چاہیے۔ یکطرفہ کوئی اتحاد نہیں بن سکتا کسی فوجی جرنیل سے ذاتی عناد یا دشمنی نہیں ہے۔ آئین اور قانون ٹوٹنے پر آنکھیں بند نہیں کر سکتے۔ احتساب نہ ہو تو نظام نہیں چل سکتا۔ اللہ کسی جگہ سونامی لے کر نہ آئے یہ اچھی چیز نہیں ہے۔ ان خیالات کا اظہار انہوں نے پیر کی شام ایک نجی ٹی...

اسلام آباد(ثناء نیوز)مختلف ممالک کی 10 بڑی مسلم فلاحی تنظیموں کے اتحاد انٹرنیشنل فیڈریشن فار ریلیف اینڈ ڈویلپمن ٹ نے برما ، غزہ ، شام ، صومالیہ ، آسام اریٹیریا ، منڈاوانا،کشمیر ،افغانستان میں خانہ جنگی اور پاکستان کے قبائلی علاقوں کے مخدوش حالات پر تشویش کااظہار کرتے ہوئے اقوام متحدہ ، او آئی سی اور دیگر بین الاقوامی وعلاقائی تنظیموں سے ان مسائل کے حل کے لیے اثرو رسوخ استعمال کرنے کا مطالبہ کردیا ۔مسلم فلاحی تنظیموں نے شورش زدہ علاقوں میںمشترکہ طور پر بحالی و آباد کاری کی کارروائیوں کا اعلان کیاہے ۔ فیڈریشن کے سنٹرل ایگزیکٹو کمیٹی کا دو روزہ اجلاس اسلام آباد میں اختتام پذیر ہو گیا ہے ۔ فیڈریشن کے صدر حاجی حسین اسماعیل نے پیر کو یہاں پریس کانفرنس میں11نکات پر مشتمل اعلان اسلام آباد جاری کیا ۔ اس موقع پر فیڈریشن کے نائب صدر اور سابق رکن پارلیمنٹ مصطفی کولو نے میانمر کے متاثرہ خاندانوں کی بحالی و آباد کاری کے سلسلے میں رکاوٹ ڈالنے پر انقرہ اور استنبول میں برما اور بنگلہ دیش کی حکومتوں کے خلاف احتجاجی مظاہروں کا اعلان کیا ۔ یہ مظاہرے ان ممالک کے سفارت خانوں کے سامنے ہوں گے۔ اعلان اسلام ...

لندن (ثناء نیوز) برطانوی لیبر پارٹی کے سابق وزیر دفاع لارڈ گلبرٹ نے پاک افغان بارڈر پر نیوٹران بم گرانے کی تجویز دے دی جوہری ہتھیاروں کے خ اتمہ پر جاری لارڈز کے کثیرالجہتی مباحثہ میں ان کی اس تجویز نے سب شریک لارڈز کو حیران کردیا ۔ برطانوی دارالعمراء کے اجلاس میں لارڈ گلبرٹ نے کہا کہ شورش زدہ علاقہ میں عسکریت پسندوں کی پناہ گاہوں کے خاتمہ اور ان کی سرحد پار نقل و حرکت روکنے کے لئے نیو ٹران بموں کا استعمال کیا جا سکتا ہے ۔ اس طرح کے ہتھیاروں کے استعمال سے مسائل کم کر کے سرحدوں کو محفوظ بنایا جا سکتا ہے ۔ آج کل کئی مقاصد میں ان کا استعمال معمول کی بات ہے ان جوہری ہتھیاروں کو استعمال میں لانا چاہئے جو آپ کے پاس موجود ہیں ۔ لیبر پارٹی کے سابق سیکرٹری دفاع لارڈ براؤن نے لارڈ گلبرٹ کے اس بیان کو شدید تنقید کا نشانہ بنایا ۔ کابینہ آفس کے ترجمان لارڈ ولس نے کہا کہ حکومت اس حساس معاملہ پر گلبرٹ کے نظریات پر بات نہیں کرنا چاہتی ۔ برطانیہ طویل عرصہ سے جوہری ہتھیاروں سے پاک دنیا دیکھنے کا عزم رکھتا ہے ۔  Ehtasabi Amal Lahore احتسابي عمل لاھور Click on Ehtasabi Amal Facebook

برسلز (ثناء نیوز) یورپی یونین نے ممبئی حملوں کے الزام میں گرفتار محمد اجمل عامر قصاب کی پھانسی پر تشویش کا اظہار کیا ہے ۔ یونین کا کہنا ہے کہ یورپی یونین کسی بھی حالت میں تمام مقدمات میں سزائے موت کے خلاف ہے ۔یورپی یونین کی خارجہ پالیسی کے سربراہ کیتھرین ایشٹن نے ایک بیان میں کہا کہ پونے کی جیل میں اجمل قصاب کی پھانسی پر عملدرآمد سے انہیں بہت تشویش ہوئی ۔ کیتھرین نے کہا کہ اس سزا سے بھارت میں 2004 ء سے سزائے موقت پر عائد ڈی فیکٹو پابندی کا خاتمہ ہوا ہے جبکہ عالمی سطح پر سزائے موت کے خاتمہ کے لئے اقدامات کے رحجان کو بھی نقصان پہنچا ہے ۔  Ehtasabi Amal Lahore احتسابي عمل لاھور Click on Ehtasabi Amal Facebook

ڈیرہ اسماعیل خان (ثناء نیوز) ڈیرہ اسماعیل خان میں ماتمی جلوس کے روٹ پر ریموٹ کنٹرول بم دھماکے  کے بعد فوج طلب کر لی گئی ۔ ڈیرہ کے علاقہ بنوں چونگی میں مسجد کریم خان کے قریب کوڑے کے ڈھیر میں نصب بم پھٹنے سے چھ بچوں سمیت 10افراد جاں بحق اور بارہ بچوں سمیت 30 افراد زخمی ہو گئے ۔ زخمیوں میں چار کی حالت انتہائی نازک ہے ۔ سات شدید زخمیوں کو ملتان منتقل کر دیا گیا ہے پولیس اہلکار بھی شامل ہیں ۔زخمیوں میں 4 مزید افراد زخموں کی تاب نہ لاتے ہوئے جاں بحق ہوگئے ۔ جاں بحق بچوں کی عمریں 7 سے 14 سال کے درمیان ہیں ۔ دھماکہ ماتمی جلوس کے قریب ہوا ۔ ریمورٹ کنٹرول بم میں آٹھ سے دس کلو گرام دھماکہ خیز مواد اور بال بیرنگ استعمال کئے گئے ۔ یہ جلوس بڑے جلوس میں شریک ہونے کے لئے جار رہا تھا کہ اس کو تھویا فاضل کے قریب ریمورٹ کنٹرول بم کے ذریعہ نشانہ بنایا گیا ۔ دھماکے میں چھ بچوں سمیت 10 افراد جاں بحق اور 30 زخمی ہوگئے ۔ جاں بحق بچوں میں طلحہ ، بلال ، رضوان ، زین ، جنید شامل ہیں ۔ ان میں اہلسنت کے بچے بھی شامل ہیں ۔ زخمیوں کو ڈی ایچ کیو ہسپتال منتقل کیا گیا ہے ۔ جہاں چار افراد کی حالت تشویشناک ہے جبکہ ...

اسلام آباد(ثناء نیوز) ملک بھر میں آج نواسہ رسول حضرت امام حسینؓ کی یاد میں آج یوم عاشور پورے مذہبی عقیدت و احترام سے منایا جائے گا۔سیکورٹی کے غیر معمولی اقدامات کیے گئے ہیں۔ کئی حساس اضلاع کو سیل کر دیا گیا ہے۔ ماتمی جلوسوں کی فضائی نگرانی بھی ہو گی۔مساجد میں شہدائے کربلا کو خراج عقیدت پیش کر نے کے لیے اجتماعات ہوں گے۔ ان اجتماعات، مجالس اور ماتمی جلوسوں میں اسلام کی بقاء کے لیے شہدائے کربلا کی قربانیوں کو خراج عقیدت پیش کرتے ہوئے ان کی تعلیمات کو اختیار کر نے کے عزم کا اعادہ کیا جائے گا۔ماتمی جلوسوں کے بعد شام غریباں کی مجالس ہوں گی۔ملک میں نویں محرم الحرام کی طرح آج دسویں محرم الحرام(یوم عاشور) کے موقع پر بھی موٹر سائیکل ڈبل سواری پر پابندی رہے گی۔اورآزاد کشمیر اور گلگت بلتستان سمیت چاروں صوبوں کی درخواست پر حسا س شہروں میں موبائل سروس اور پی ٹی سی ایل کی وائرلیس سروس بھی معطل رہے گی۔جبکہ اسلام آباد سمیت حیدرآباد۔ڈیرہ اسماعیل خان اور کوئٹہ میں موٹرسائیکل گھر سے باہر نکالنے پر پابندی عائد کی گئی ہے۔وفاقی وزیر داخلہ رحمان ملک نے راولپنڈی اور ڈیرہ اسماعیل خان سمیت بعض علاقوں میں موبا...