Weekly EHTASABI AMAL Lahore ھفت روذھ احتسابی عمل لاھور

اسلام آباد(ثناء نیوز)پیغمبرِ اسلام کے بارے میں امریکہ میں بننے والی توہین آمیز فلم کے خلاف پاکستان سمیت مسلمان ممالک میں مظاہروں کا سلسلہ جاری ہے۔سوڈان کے دارالحکومت خرطوم میں امریکی سفارتخانے کے باہر مظاہرین اور پولیس میں جھڑپیں ہوئی ہیں اور پولیس نے آنسو گیس کا استعمال کیا ہے۔مظاہرین نے جرمنی اور برطانیہ کے سفارتخانوں پر بھی حملے کیے ہیں۔ جبکہ لبنان میں امریکی فاسٹ فوڈ ریستوران کے ایف سی کو آگ لگا دی گئی۔جمعے کی نماز کے بعد مزید احتجاجی مظاہرے ہوئے ہیں۔ مصر کے دارالحکومت قاہرہ میں پولیس نے امریکی سفارت خانے کے قریب جمع ہونے والے پانچ سو کے قریب مظاہرین کے خلاف آنسو گیس کا استعمال کیا۔گذشتہ منگل کو بن غازی میں واقع امریکی قونصل خانے پر مظاہرین نے دھاوا بول دیا جس کے نتیجے میں امریکی سفیر کرس سٹیونز اور دو دوسرے سفارت کار ہلاک ہو گئے تھے۔ مشرق وسطی اور شمالی افریقہ میں عمومی بے چینی پائی جاتی ہے۔قاہرہ کے تحریر چوک میں جمع ہونے والے مظاہرین کو پولیس نے امریکی سفارت خانے سے دور دھکیل دیا مگر ابھی بے چینی پائی جاتی ہے۔مصر میں اسلام پرست گروہوں کی جانب سے دس لاکھ افراد کے مارچ کا اعلان کی...

واشنگٹن(ثناء نیوز ) امریکی وزیر خارجہ ہیلری کلنٹن نے کہا ہے کہ امریکہ کا توہین آمیز فلم سے کوئی تعلق نہیں اور نہ ہی اس فلم پر تشدد رد عمل کا جواز بنتا ہے۔ اپنے ملک میں آزادی اظہار رائے کی روایت کے باعث اس فلم پر پابندی نہیں لگا سکتے۔ تقریر کے جواب میں تشدد قابل قبول نہیں،ہمیں تشدد پر حد باندھنا ہو گی۔ امریکی سفارتخانے کے مطابق وزیر خارجہ ہیلری کلنٹن نے اپنے بیان میں کہا ہے کہ میں انٹر نیٹ پر پھیلنے والی ویڈیو کے بارے میں بات کرنا چاہوں گی جس کے باعث دنیا کے کئی ملکوں میں احتجاج ہو رہا ہے۔ دنیا بھر کے لوگوں پر واضح ہونا چاہیے کہ حکومت امریکہ کا اس وڈیو سے کوئی تعلق نہیں ہے اور ہم اس میں دیئے گئے پیغام اور اس کے مواد کو قطعی طور پر مسترد کرتے ہیں۔ امریکہ کی مذہبی رواداری سے وابستگی ہماری قوم کے آغاز کے زمانہ سے ہے۔ ہمارے ملک میں تمام مذاہب کے پیروکار بستے ہیں بشمول لاکھوں مسلمانوں کے اور ہم اہل مذہب کی انتہائی قدر کرتے ہیں۔ ہمارے لیے بالخصوص میرے لیے یہ وڈیو نفرت انگیز اور قابل مذمت ہے یہ انتہائی سنکی پن سوچ کی عکاسی کرتی ہے جس کا مقصد اعلی و ارفع مذہب کی تحقیر کرنا اور اشتعال پر اکسانا...

سرینگر (کے پی آئی )کل جماعتی حریت کانفرنس( گ) کے چیئرمین سید علی شاہ گیلانی نے پاک بھارت دو طرفہ مذاکرات کو لاحاصل مشق قرار دیتے ہوئے کہا ہے کہ تاشقند معاہدے، شملہ سمجھوتے اور اندرا عبداللہ گٹھ جوڑ جیسے واقعات سے مسئلہ کشمیر کو نپٹایانہیں جاسکا ہے۔ انہوں نے ماضی کو بھول جانے کے مشورے کو ناقابل فہم قرار دیتے ہوئے کہا کہ فروغ تجارت اورآمد و رفت کی باتیں کرنا کشمیریوں کے زخموں پر نمک پاشی کے مترادف ہے۔ حیدر پورہ میں وفد سے بات چیت کرتے ہوے انہوں نے کہا کہ اٹانومی، سیلف رول اور جوائنٹ کنٹرول جیسے نعروں کو یکسر مسترد کرتے ہوئے سید علی گیلانی نے کہا کہ کشمیری قوم آزادی سے کم کسی بھی چیز پر قناعت نہیں کرے گی۔گیلانی نے ہندوپاک وزرائے خارجہ مذاکرات میں مسئلہ کشمیر کے بجائے ویزا پالیسی اور ایل او سی ٹریڈ کو زیادہ اہمیت دینے پر افسوس کا اظہار کرتے ہوئے کہا ہے کہ جموں کشمیر میں جہاں سروں کی فصل کٹ رہی ہے، وہاں اس انسانی مسئلے پر توجہ مرکوز کرنے کے آلو پیاز کی تجارت بڑھانے اور آوا جاہی کی باتیں کرنا کشمیریوں کے زخموں پر نمک پاشی کے مترادف ہے۔ انہوں نے مشترکہ اعلامیہ میں شامل ماضی کو بھول جانے کے م...

تیان جن (ثناء نیوز )وزیراعظم راجہ پرویز اشرف نے کہا ہے کہ پاکستانبالخصوص بجلی کی پیداوار، تیل و گیس کی تلاش اور انفراسٹرکچر کی ترقی کے شعبوں میں غیر ملکی سرمایہ کاری کیلئے پرکشش مقام کی حیثیت رکھتا ہے۔ انہوں نے یہ بات بدھ کو یہاں عالمی اقتصادی فورم کے سالانہ اجلاس کے موقع پر مائی جیانگ کنونشن سنٹر میں ’’پاکستان کے بارے میں بزنس انٹر ایکشن گروپ‘‘ کے مباحثے کی سربراہی کرتے ہوئے کہی۔ پاکستان کے مضبوط اقتصادی اشاریئے، معاشی استحکام اور آزادانہ سرمایہ کاری پالیسی کا حوالہ دیتے ہوئے وزیراعظم نے کہا کہ اقتصادی پالیسیوں میں تسلسل اور شفافیت غیر ملکی سرمایہ کاری کیلئے سازگار فضا پیدا کرنے کیلئے بہت ضروری ہے۔ راجہ پرویز اشرف نے کہا کہ ان کی حکومت اپنے اقتصادی فلسفے کی پیروی کرتے ہوئے کاروبار میں سہولت، اصلاحات اور ڈی ریگولیشن کیلئے پرعزم ہے۔ انہوں نے پاکستان کے سٹریٹجک محل وقوع کا ذکر کرتے ہوئے کہا کہ یہ توانائی کے وسائل سے مالا مال اور تیزی سے ترقی کرنے والے وسطی اور مغربی ایشیاء تک آسان رسائی فراہم کرتا ہے۔ انہوں نے کہا کہ اقتصادی دنیا کیلئے پاکستان توانائی، تجارت، سرمایہ کاری، نقل و حمل اور ...

کراچی(ثناء نیوز) کراچی میںحب ریور روڈ پر گارمنٹس فیکٹری میں آگ لگنے سے جاں بحق ہونے والوں کی تعداد 289ہوگئی۔ سانحہ پر گورنر سندھ نے صوبے بھر میں بدھ کے روز کیلئے سوگ منانے کااعلان کردیا ۔ریسکیو ز میں پاکستان نیوی ،ائر فورس ،سول ایوی ایشن اور دیگر اداروں کے فائر ٹینڈز آگ پر قابو پانے میں مصروف ہیں۔کراچی کے مختلف ہسپتالوںکے مردہ خانوں میں جگہ کم پڑگئی ۔لواحقین اپنے پیاروںکے موت وحیات کے بارے میں جاننے کے لئے مختلف ہسپتالوں میں سرگرداں ۔لواحقین کا کہنا ہے کہ ریسیکو کے کام میں کوتاہی وغفلت برتی جارہی ہے جس کے باعث ہلاکتوںمیں اضافہ ہوا ہے ۔فیکٹری کے مالک کا نام ای سی ایل میں ڈالے جانے کے بعد پولیس نے فیکٹری مالک کی تلاش میں چھاپے مارنے شروع کردیئے ۔ تفصیلات کے مطابق منگل کو حب ریوڑر وڈپر گارمنٹس فیکٹری کی چار منزلہ عمارت میں لگنے والی آگ کی بے رحم شعلوں کی زد میں آکر جاں بحق ہونے والوں کی تعداد 289 سے تجاوز کرگئی ۔24 گھنٹے کے گزرنے کے باوجود آگ پر مکمل طورپر قابو نہ پایا جاسکا۔ شعلوں میں گھری عمارت دیواروں میں دراڑیں پڑنے سے کسی بھی وقت گرنے کاخدشہ ہے۔ گورنر سندھ نے صوبہ بھر میں سوگ کا اعل...

پشاور(ثناء نیوز ) چیف جسٹس پشاور ہائی کورٹ جسٹس دوست محمد خان نے کہا ہے کہ اگر ان کے احکامات پر عملدر آمد نہ کیا گیا اور لاپتہ افراد کو بازیاب نہ کرایا گیا تو ایسا حکم جاری کریں گے کہ صوبائی اور وفاقی حکومتیں گر جائیں گی بوری بند نعشوں کا سلسلہ بند نہ ہوا تو حکومتیں خود کو نہیں بچا سکیں گی تحفظ فراہم کرنے میں ناکامی پر حکومت کو حکمرانی کا کوئی حق نہیں جبکہ عدالت نے عدم حاضری پر سیکرٹری اسٹیبلشمنٹ خیبر پختونخواہ ارباب شاہ رخ کے وارنٹ گرفتاری جاری کر دیئے لاپتہ افراد اور بوری بند نعشوں کے حوالے سے از خود نوٹس کی سماعت کے دوران چیف جسٹس پشاور ہائی کورٹ نے کہا کہ سیکرٹری دفاع لاپتہ یٰسین کیس میں پیش ہوں یا بیان حلفی جمع کرائیں۔ کیس کی سماعت چیف جسٹس دوست محمد خان اور جسٹس ارشاد قیصر پر مشتمل دو رکنی بینچ نے کی۔ عدالت نے اٹارنی جنرل کے پیش نہ ہو نے پر برہمی کا اظہار کیا۔ چیف جسٹس نے کہا کہ صوبائی اور وفاقی دونوں حکومتیں شہریوں کو تحفظ نہیں دے سکتیں تو حکمرانی کیوں کررہی ہیں ہائی کورٹ نے ہدایت کی کہ پولیس میں سفارشی اور نا اہل افسران کو فوری طور پر تبدیل کیا جائے ۔ایس ایس پی انویسٹی گیشن نے...

اسلام آباد(ثناء نیوز ) سپریم کورٹ آف پاکستان میں سینئر صحافیوں حامد میر اور ابصار عالم کی جانب سے میڈیا احتساب کمیشن کے قیام کے لیے دائر کردہ درخواستوں کی سماعت کے دوران صوبہ پنجاب کے سیکرٹری اطلاعات نے انکشاف کیا ہے کہ اشتہاری ایجنسی میڈاس کے خلاف آڈیٹر جنرل نے 65 کروڑ روپے کی مبینہ کرپشن کرپشن کی نشاندہی کی ہے جبکہ عدالت عظمیٰ نے قرار دیا ہے کہ پاکستان الیکٹرونک میڈیا ریگولیٹری اتھارٹی اور وفاقی حکومت دو الگ الگ ادارے ہیں ان دونوں کی جانب سے ایک ہی وکیل عدالت میں پیش نہیں ہو سکتا۔ عدالت عظمیٰ نے سیکورٹی اینڈ ایکسچینج کمیشن آف پاکستان کو ہدایت کی ہے کہ وہ میڈاس اور بحریہ ٹاؤن کی رجسٹریشن کا ریکارڈ آج (جمعرات کو) عدالت میں پیش کریں۔ عدالت نے مقدمہ میں فریق بننے کے لیے دائر دیگر چار درخواستیں بھی سماعت کے لیے منظور کر لی ہیں۔ جسٹس جواد ایس خواجہ اور جسٹس خلجی عارف حسین پر مشتمل دو رکنی خصوصی بینچ نے بدھ کو مقدمات کی سماعت کی۔ سماعت کے دوران سینئر اینکر پرسن حامد میر، ابصار عالم ، عاصمہ شیزاری ، مظہر عباس ، ارشد شریف اورسیکرٹری اطلاعات پنجاب محی الدین وانی عدالت کے روبرو پیش ہوئے جبکہ و...

حیدرآباد(ثناء نیوز) اقوام متحدہ میں پاکستان کے مستقل مندوب عبداللہ حسین ہارون نے کہا ہے کہ امریکہ کا آئندہ ہدف پاکستان ہو سکتا ہے ، خارجہ پالیسی میںتبدیلی لائی جائے ،امریکہ افغانستان میں پاکستان دشمن پرچم اور خلق پارٹی کے کارکنوں کی ڈھائی لاکھ فوج تیار کررہا ہے،گم شدہ افراد کا مقدمہ عدالت میں زیر سماعت ہے اسکے باوجود وزارتِ خارجہ نے یو این او کو بلایاہے،ڈاکٹر عافیہ کا مقدمہ لڑنے کے لیے امریکہ میں سابق سفیر پاکستان نے دو ملین ڈالر وصول کئے تھے ،ہڑتال کی حمایت کرتاہوں بلدیاتی آرڈیننس بدنیتی پر مبنی ہے عام انتخابات کرانے کا اعلان کیا جائے ان خیالات کا اظہار انہوں نے لطیف آباد میں راشد خانزادہ کی رہائش گاہ پر ان کے بھائی سہیل خانزادہ کے انتقال پر اظہار تعزیت کے بعد پریس کانفرنس سے خطاب کرتے ہو ئے کیا انہوں نے کہا کہ حکومت پاکستان امریکہ کی کاسہ لیسی میں لگی ہو ئی ہے جو پالیسیاں جنرل مشرف اور ان سے پہلے کی حکومتوں نے بنائیں وہی یہ حکومت لیکر چل رہی ہے جبکہ آج کے حالات بہت مختلف ہو گئے ہیں انہوں نے کہاکہ امریکہ اپنی فوجیں نکالنے سے قبل بہت کچھ کرنا چاہتا ہے وہ افغانستان میں پاکستان دشمن عنا...

بن غازی(ثناء نیوز ) لیبیا میں امریکی سفارتخانے پر راکٹ حملہ کے نتیجہ میں امریکی سفیر سمیت چار سفارت کار ہلاک ہو گئے ۔ لیبیائی حکام نے ان ہلاکتوں کی تصدیق کی ہے لیبیا کے شہر بن غازی میں راکٹ حملہ میں لیبیا میں تعینات امریکی سفیر کرسٹومز سٹیفن تین دیگر سفارتی اہلکاروں کے ہمراہ ہلاک ہو گئے۔ طرابلس: لیبیائی حکام کے مطابق بن غازی شہر میں راکٹ حملے میں امریکی سفیر ہلاک ہوگئے ہیں۔ حکام کے مطابق سفیر کرسٹوفیر اسٹیفن اور دیگر تین امریکی سفارتی اہلکار منگل کی رات کئے گئے راکٹ حملے میں ہلاک ہوئے۔ لیبیائی حکام کی جانب سے یہ وضاحت نہیں کی گئی کہ امریکی سفیر اپنی کار یا عمارت میں کئے گئے راکٹ حملے کا نشانہ بنے۔ واضح رہے کہ گزشتہ روز بھی لیبیا میں سینکڑوں مشتعل مظاہرین نے امریکی سفارتخانے پر حملے کیے ہیں اور امریکی پرچم کو نذر آتش کیا۔ اس موقع پر سیکیورٹی فورسز اور مشتعل مظاہرین کے درمیان جھڑپیں بھی ہوئیں۔ مظاہرین کا کہنا تھا کہ ٹیری جونز کے گروپ نے توہین رسالت پر مبنی جو فلم بنائی تھی مسلمان کبھی اس کو بھول نہیں سکتے Ehtasabi Amal Lahore احتسابي عمل لاھور

اسلام آباد(ثناء نیوز )ارسلان افتخار کیس کی تحقیقات کے لیے سپریم کورٹ کی طرف سے قائم کیے گئے ایک رکنی شعیب سڈل تحقیقاتی کمیشن پر نظرثانی کے لئے ملک ریاض حسین کی طرف سے ایک درخواست دائر کردی گئی ہے ملک ریاض کے وکیل زاہد بخاری کی اس درخواست میں کہا گیا ہے کہ عدالت 30 اگست کے اپنے حکم پر نظرثانی کرے اور شعیب سڈل کمیشن کا حکم واپس لیا جائے جبکہ 14 جون کے عدالتی حکم پر عمل کرایاجائے، درخواست میں کہا گیا ہے کہ سڈل کمیشن کو عدالتی حکم پر جوڈیشل اختیارات نہیں دیئے جاسکتے، عدالت اس تمام تر معاملے پر نظرثانی کرے۔واضح رہے کہ 14جون کو عدالت نے اٹارنی جنرل کو ہدایت کی تھی کہ وہ تحقیقاتی اداروں سے اس معاملہ کی تحقیقات کروائیں۔عدالت کے 4 جون کے حکم کے خلاف ارسلان افتخار نے نظر ثانی کی اپیل دائر کی تھی جس پر عدالت نے 30اگست کو شعیب سڈل کمیشن قائم کیا اور اس کمیشن نے تحقیقات کا آغاز کر دیا ہے۔ ملک ریاض نے درخواست میں موقف اختیار کیا ہے کہ عدالت تحقیقاتی عمل میں مداخلت نہیں کر سکتی۔کیونکہ عدالت اپنے بہت سے فیصلوں میں قرار دیا ہے کہ عدالت تحقیقات تبدیل نہیں کرے گی لیکن چیف جسٹس کے بیٹے کے مقدمہ میں ایسا ...

اسلام آباد(ثناء نیوز )خصوصی پارلیمانی کشمیر کمیٹی نے حکومت پاکستان کو پاک بھارت مذاکرات پر کشمیری قیادت کو اعتماد میں لینے اور ان کے تحفظات دور کرنے کی سفارش کر دی ۔ کمیٹی نے کشمیری مہاجرین کو مستقل شناختی کارڈ جاری کرنے کی سفارش بھی کی ہے۔ کمیٹی نے مذاکرات میں کشمیریوں کو فریق کی حیثیت سے تسلیم کیے جانے کو اہم پیشرفت قرار دیتے ہوئے اس کا خیر مقدم کیا ہے۔کمیٹی نے حکومت کو کشمیری مہاجرین کے گزارہ الاؤنس میں 100فیصد اضافے اور کمیٹی کی سطح پر تمام مہاجرین کو چار چار ہزار کے امدادی چیک دینے کا فیصلہ کیا ہے۔ مہاجرین کے مسائل پر وزیر اعظم پاکستان سے ملاقات کا فیصلہ بھی کیا گیا ہے۔ کشمیر کمیٹی کا اجلاس منگل کو کمیٹی کے چیئرمین مولانا فضل الرحمن کی صدارت میں پارلیمنٹ ہاؤس میں ہوا۔ کشمیری مہاجرین کے مسائل کا جائزہ لیا گیا۔ وزیراعظم آزاد کشمیر چوہدری عبد المجید اجلاس میں شرکت نہ کر سکے۔ آزاد کشمیر کے وزیر آباد کاری عبد الماجد خان، سیکرٹری وزارت امور کشمیر کامران قریشی نے کمیٹی کو کشمیری مہاجرین کے کیمپوں کی صورتحال کے بارے میں آگاہ کیا۔ وزارت خارجہ کے حکام نے حالیہ پاک بھارت مذاکرات پر بریفنگ د...

راولپنڈی (ثناء نیوز )دفاع پاکستان کونسل نے کہا ہے کہ امریکی مداخلت کے خلاف تمام بڑی سیاسی جماعتوں سے بات کی لیکن وہ ٹال مٹول سے کام لیتی رہیں، ڈرون حملوں کے خلاف کراچی، پشاور میں بڑے عوامی اجتماعات اور بنوں میں کل جماعتی کانفرنس منعقدکی جائیگی۔ راول پنڈی میں مولانا سمیع الحق کی زیر صدارت ہونیوالے اجلاس میں حافظ سعید، منورحسن، حمیدگل، اعجازالحق دیگر قائدین کے علاوہ بڑی تعدادمیں قبائلی عمائدین بھی شریک ہوئے۔ اجلاس کے بعد مولاناسمیع الحق نے میڈیا کو بریفننگ میں بتایاکہ امریکی زیراثرپالیسی سے نکلنے کیلئے دفاع پاکستان کونسل نے صدارتی ترجمان سے ایک گھنٹہ ملاقات کی، عمران خان اور دیگر سے رابطہ کیا، مولانا فضل الرحمن نے الیکشن سر پر ہونے کا بہانہ کرلیا، سیاسی جماعتیں محب وطن ہوتی ہیں، بڑی جماعتیں امریکی دم چھلا ہیں۔ انہوں نے کہا کہ ڈرون حملوں کیخلاف بنوں میں کل جماعتی کانفرنس منعقد کرنے کی کوشش کی جارہی ہے، کراچی میں مزار قائد سے کیماڑی تک جلد ملین مارچ ہوگا، پشاور میں بڑا جلسہ کریں گے۔ مولاناسمیع الحق کاکہناتھاکہ پاکستان میں حقانی نیٹ ورک موجود نہیں ، قبائل میں آپریشن کیلیے فوج پر امریکی دبا...

لاہور (ثناء نیوز) لاہور اور کراچی میں فیکٹریوں میں خوفناک آتشزدگی،40افراد جاں بحق ۔بند روڈ پر واقع جوتوں کی فیکٹری میں آگ بھڑکنے سے 25افراد جاںبحق جبکہ درجن کے قریب زخمی ہوگئے۔ تفصیلات کے مطابق منگل کی سہ پہر بند روڈ کے علاقہ کھوکھر ٹاؤن میں جوتوں کے سول بنانے کی فیکٹری میں اچانک آگ بھڑک اٹھی۔ فیکٹری کے اندر جوتے بنانے میں استعمال ہونے والے کیمیکلز بھاری مقدار میں موجود تھے۔ دیکھتے ہی دیکھتے پوری عمارت کو آگ نے گھیرے میں لے لیا۔ مذکورہ فیکٹری دو منزلہ مکان میں بنائی گئی تھی۔ آگ لگنے کے بعد ریسکیو 1122 اور فائربریگیڈکی ٹیمیں فورا موقع پر پہنچ گئیں اور امدادی سرگرمیاں شروع کردیں۔ مکان سے باہر جانے کے راستے نہ ہونے کے باعث ریسکیو ٹیموں کو سخت مسائل کا سامنا کرنا پڑا۔ ریسکیو ورکروں نے مکان کے دروازے ، کھڑکیاںاور دیواریں توڑ کر وہاں کام کرنے والے محنت کشوں کو باہر نکالا۔ ریسکیو ورکروں نے چھ افراد کو مردہ جبکہ دیگر تمام افراد کو زخمی حالت میں باہر نکالا، تاہم وہ اس قدر جھلس چکے تھے کہ 13افراد راستے میں ہی دم توڑ گئے۔ میو ہسپتال کے ایم ایس ڈاکٹر زاہد پرویز کے مطابق ہسپتال میں چند افراد کو زن...

بیجنگ(ثناء نیوز ) وزیر اعظم راجا پرویز اشرف نے کہا ہے کہ چین کے ساتھ دوستی پاکستانی خارجہ پالیسی کا اہم ستون ہے اور چینی وزیر اعظم وین جیا باو کا کہنا ہے کہ چین عالمی اورعلاقائی امور پر پاکستان کے موقف کی حمایت کرتاہے۔چین کے شہر تیان جن میں دونوں رہنماوں کی ملاقات ہوئی۔ اس موقع پر چینی وزیر اعظم نے آئندہ ماہ عطا آباد جھیل کیلئے بھاری مشینری پاکستان بھیجنے کا اعلان کیا۔ وزیر اعظم راجہ پرویز اشرف نے کہا کہ چین کے ساتھ دوستی ہماری خارجہ پالیسی کا اہم ستون ہے۔ انہوں نے کہا کہ پاک چین تعلقات کو دونوں ممالک کے عوام کی مکمل حمایت حاصل ہے۔ وزیراعظم کا کہنا تھا کہ چین نے ہر مشکل میں پاکستان کا ساتھ دیا ہے،ہم چین کے ساتھ دوستی کو مضبوط تجارتی شراکت داری میں بدلنا چاہتے ہیں۔ وزیراعظم کا کہنا تھا کہ چین پاکستان کا آزمودہ دوست ہے جس نے ہر مشکل گھڑی میں پاکستان کا ساتھ دیا ہے۔ ان کا کہنا تھا کہ چین کے ساتھ دوستی کو مضبوط معاشی شراکت داری میں بدلنا چاہتے ہیں۔چینی وزیر اعظم سے ملاقات میں وزیر اعظم راجا پرویز اشرف نے کہا کہ پاکستان چین کے ساتھ دوستی کو معاشی شراکت داری میں بدلنا چاہتا ہے ۔ چین کے وزیر...

اسلام آباد(ثناء نیوز ) چیف جسٹس افتخار محمد چودھری نے لاپتہ افراد کے معاملہ پر پاکستان آئے ہوئے اقوام متحدہ کے وفد سے ملاقات سے انکار کردیا ۔ وزارت خارجہ نے دو خطوط سپریم کورٹ بھجوائے تھے جن میں کہا گیا تھا کہ جبری گمشدگیوں سے متعلق اقوام متحدہ کا ورفدپاکستان آیا ہوا ہے وہ 18 اور 19 ستمبر کو اسلام آباد میں ہو گا اور اس دوران چیف جسٹس آف پاکستان سے ملاقات کرنا چاہتا ہے اس خط کے جواب میں سپریم کورٹ نے جو جواب بھجوایا ہے اس میں چیف جستس نے ملنے سے معذرت کرتے ہوئے کہا ہے کہ لاپتہ افراد سے متعلق کیس عدالت میں ہے اس لیے مناسب یہ ہو گا کہ چیف جسٹس یو این کے کمیشن سے ملاقات نہ کریں ۔ رجسٹرار آفس نے موقف اختیار کیا ہے کہ چیف جسٹس لاپتہ افراد کے کیسز سن رہے ہیں اور ایسا کوئی بھی جج جو کیس کی سماعت کر رہا ہو اسے اس کیس سے متعلق ملاقاتیں نہیں کرنی چاہئیں ضابطہ اخلاق اور روایات کا تقاضہ ہے کہ چیف جسٹس اس اقوام متحدہ کے وفد سے نہ ملیں کیونکہ ایسی ملاقاتوں میں چیف جسٹس کو لاپتہ افراد سے متعلق رائے دینا ہوتی ہے اور سوچ کا اظہار بھی کرنا پڑتا ہے اس لیے چیف جسٹس نہیں چاہئیں گے کہ وہ اس ملاقات میں کوئی ...

اسلام آباد (ثناء نیوز ) وزارت خارجہ نے قومی اسمبلی کی پبلک اکاؤنٹس کمیٹی کو آگاہ کیا ہے کہ اقوام متحدہ کا مشن حکومت پاکستان کی مرضی سے یہاں کے دورے پر ہے ۔ یہ مشن کسی معاملے کی تحقیقات نہیں بلکہ مطالعاتی دورے پر پاکستان آیا ہے ۔ پبلک اکاؤنٹس کمیٹی نے وزارت خارجہ کو مقبوضہ کشمیر اور بھارت میں انسانی حقوق کی خلاف ورزیوں کا نوٹس لینے کے لئے اقوام متحدہ کی کارکردگی سے پارلیمنٹ کو آگاہ کرنے کی ہدایت کی ہے کہ پی اے سی نے کہا ہے کہ پارلیمنٹ کو آگاہ کیا جائے کہ اقوام متحدہ نے انسانی حقوق کے معاملے پر مقبوضہ کشمیر کے کتنے دورے کئے اور بھارت میں ان خلاف ورزیوں کے حوالے سے نوٹس لینے کے بارے میں اقوام متحدہ کی کیا کارکردگی ہے ۔ تمام تر تفصیلات پارلیمنٹ میں پیش کی جائیں ۔ پی اے سی نے وزارت خارجہ کے حسابات میں سنگین نوعیت کی بے قاعدگیوں کا تشویش کا اظہار کرتے ہوئے کہا کہ کسی معاملے میں قواعد کا خیال نہیں رکھا جاتا ۔ پی اے سی نے 2005-06 ء میں اقوام متحدہ میں تعینات پاکستان کے منذوب اور دیگر سفارتی عملے کی جانب سے تحائف میں شراب کی تقسیم اور اس ضمن میں قومی خزانے سے لاکھوں روپے کی ادائیگیوں پر تشویش ...

پیرس(ثناء نیوز )شام کے منحرف جنرل مناف طلاس نے ایک ٹی وی انٹرویو میں پہلی مرتبہ انکشاف کیا ہے کہ فرانس کے خفیہ ایجنٹوں نے انھیں ملک سے فرار میں مدد دی تھی۔جنرل مناف طلاس نے فرانس کے ایک نیوز چینل سے گفتگو کرتے ہوئے کہا کہ ”فرانس کی انٹیلی جنس سروسز نے مجھے شام سے باہر لے جانے میں مدد کی تھی اور اس پر میں ان کا شکرگزار ہوں”۔ وہ چھے جولائی کو شام سے بیرون ملک چلے گئے تھے اور وہ گذشتہ سال مارچ کے وسط سے صدر بشارالاسد کے خلاف جاری احتجاجی تحریک کے دوران ان کا ساتھ چھوڑنے والے فوج کے پہلے اعلی عہدے دار تھے حالانکہ جنرل مناف ان کے قریبی معاونین میں شمار ہوتے تھے اور ان کے بچپن کے دوست بھی تھے۔مناف طلاس شام کی ایلیٹ ری پبلکن گارڈز کے جنرل رہے تھے۔وہ شام کے سابق وزیر دفاع مصطفی طلاس کے بیٹے ہیں جو 1970 کے عشرے سے 2004 تک اس عہدے پر فائز رہے تھے اور وہ صدر بشارالاسد کے والد مرحوم حافظ الاسد کے معتمد ساتھیوں میں شمار ہوتے تھے۔وہ اس وقت فرانس میں مقیم ہیں اور ان کے والد اور بیوہ بہن بھی پیرس میں رہ رہے ہیں۔تاہم کچھ عرصہ قبل فرانسیسی وزیرخارجہ نے اس بات کی تصدیق کرنے سے گریز کیا تھا کہ جنرل مناف ...

صوابی ، کشمور ، رحیم یار خان ، راجن پور ، پاکپتن ، ملتان (ثناء نیوز ) ملک میں جاری حالیہ بارشوں کی وجہ سے مکانات کی چھتیں ، دیواریں گر نے اور کرنٹ لگنے کے واقعات میں اتوار کو مزید 50سے زائد افراد جاں بحق ہو گئے ۔ تفصیلات کے مطابق اتوار کو صوابی کے علاقہ مہاجر کیمپ میں ایک گھر کی چھت گرنے سے 10 افراد جاں بحق ہو گئے جس میں چھ بچے اور تین خواتین شامل ہیں ۔ بارشوں کے دوران جیکب آباد کے 8 گوٹھ خدا بخش میں چھت گرنے سے باپ بیٹا جاں بحق ہو گئے جبکہ کشمور کے گوٹھ بگن میں بھی میں بھی چھت گرنے سے خاتون سمیت تین افراد جاں بحق اور چار زخمی ہو گئے ۔ پنجاب کے ضلع پاک پتن کے علاقہ چوک آرائیاں میں مکان کی چھت گرنے سے تین افراد جاں بحق اور چارزخمی ہو گئے ۔ صادق آبادکے علاقہ احمد پور سمہ میں بھی چھت گرنے سے ایک شخص جاں بحق ہو گیا ۔ پنجاب کے ضلع راجن پور میں بھی کوٹ مٹھن میں مکان کی چھت گرنے سے ماں بیٹا جاں بحق ہو گئے اور تین افراد زخمی بھی ہوئے جبکہ گزشتہ رات سے کشمور ، کندھ کوٹ ، شکار پور اور سکھر میں شدید بارش جاری ہے ۔ شہر کے نشیبی علاقوں میں پانی جمع ہو گیا ہے ۔ بارشوں سے شہروں میں بجلی کی فراہمی مع...

اسلام آباد(ثناء نیوز )چیف جسٹس افتخار محمد چوہدری نے کہا ہے کہ آ ئین کے تحت پاکستان کے ہر شہری کو سستے اور فوری انصاف کی فراہمی، ریاست کی ذمہ داری ہے جبکہ کسی بھی معاشرے میں انصاف کی عدم فراہمی، لوگوں کے حقوق کی پامالی اور انکاری کو جنم دیتی ہے جس سے معاشرے میں عدم استحکام اور انتشار پھیلتا ہے۔ جہاں طاقت حق بن جائے اس معاشرے کے ڈھانچہ کو آسانی سے توڑا جا سکتا ہے جس کے نتیجے میں عوام کو مجبور کیا جاتا ہے کہ وہ قانون کو اپنے ہاتھ میں لیں۔ اس لیئے آئین اور قانون کی بالادستی ہی تمام سماجی برائیوں اور معاشی مسائل کا واحد حل ہے۔ غیر مساویانہ سلوک معاشرے میں امن اور ترقی کی راہ میں رکاوٹ ہے جو کہ انسان کیلئے جسمانی اور روحانی افزائش کیلئے ضروری ہیں۔ان خیالات کا اظہار چیف جسٹس آف پاکستان نے سوموار کو نئے عدالتی سال 2012 کے سلسلہ میں منعقدہ تقریب سے خطاب کے دوران کیا۔ ان کا کہنا تھا کہ معاشرتی برائیوں کا مکمل طور پر خاتمہ تب تک ممکن نہیں جب تک تمام شرکاء کا اس میں بھرپور تعاون اور حصہ نہ ہو جس کے تحت وہ اپنی آئینی ذمہ داریاں امن اور قانون کی بالادستی کے قیام کے لئے اداکرتے ہیں۔لوگوں کی بھ...

پارہ چنار((ثناء نیوز )کرم ایجنسی کے صدر مقام پارہ چنار میں ایک گاڑی میں نصب بارودی مواد پھٹنے سے15 افراد جاں بحق اور 50سے زائد دیگر زخمی ہو گئے ۔ زخمیوں کو کوہاٹ ، ٹل اور پاڑہ چنار کے ہسپتالوں کو منتقل کر دیا گیاہے ۔ تفصیلات کے مطابق دھماکہ پارہ چنار میں کشمیر چوک پر کھڑی گاری میں نصب بارودی مواد پھٹنے سے ہوا ۔ دھماکہ کے نتیجہ میں 15 افراد جاں بحق اور 50 سے زائد زخمی ہوگئے ۔ زخمیوں میں بعض کی حالت نازک بتائی جاتی ہے ۔ مقامی افراد نے زخمیوں کو ہسپتال منتقل کیا جبکہ سیکیورٹی فورسز کی بھاری نفری نے موقع پر پہنچ کر علاقہ کو گھیرے میں لے کر ملزمان کی تلاش شروع کردی ۔ دھماکے کے بعد پورے علاقے کی بجلی چلی گئی جبکہ سیکورٹی فورسز نے پورے علاقے کو سیل کر دیا ۔ کسی نے دھماکے کی ذمہ داری قبول نہیں کی تاہم دھماکے سے لوگوں میں خوف و ہراس پھیل گیا ہے۔ دوسری جانب جاں بحق افراد کی تعداد بڑھنے کا خدشہ ہے ۔

اسلام آباد(ثناء نیوز ) وفاقی وزیر اطلاعات و نشریات قمر زمان کائرہ نے کہا ہے کہ سیکرٹ فنڈز کے ذریعے صحافیوں کو خریدنے کا الزام افسوسناک ہے۔ عدالت کو گمراہ کیا گیا اور سیکرٹ فنڈز کا مسئلہ سیاسی بنیادوں پر اٹھایا گیا۔ میری وزارت پر الزام مجھ پر الزام ہے ۔ الزام لگانے والوں کو چیلنج کرتا ہوں کہ وہ اعداد و شمار لامنے لائیں۔پیر کو پارلیمنٹ ہائوس کے باہر صحافیوں سے گفتگو کرتے ہوئے وفاقی وزیر اطلاعات و نشریات قمر زمان کائرہ نے کہا ہے کہ سیکرٹ فنڈ کا مسئلہ سیاسی بنیادوں پر اٹھایا جا رہا ہے اس حوالے سے عدالت کو گمراہ کرنے کی کوشش کی گئی ہے۔ وزارت اطلاعات و نشریات کا کل بجٹ 5 ارب 58 کروڑ روپے ہے جس میں سے پی بی سی کو 3 ارب 34کروڑ،اے پی پی کو 381ملین،پریس کونسل آف پاکستان کے لیے 23ملین ،آر آئی ایس کے لیے31 ملین، نیوز ایجنسیوں کے لیے 17 ملین جبکہ باقی بجٹ وزارت کے دوسرے ذیلی اداروں کے لیے ہے۔سیکرٹ سروس اخراجات کے لیے صرف ایک کروڑ بیس لاکھ روپے رکھے گئے ہیں اس کے علاوہ وزارت اطلاعات و نشریات کے پاس کوئی پیسہ نہیں ہوتا۔ انہوں نے کہا کہ کاش الزام لگانے والے صحافی بجٹ بک پڑھ لیتے صفحہ نمبر 1230 پر...

لاہور (ثناء نیوز)پاکستان مسلم لیگ (ن) کے صدر محمد نواز شریف نے کہا ہے کہ پاکستان کو درپیش سنگین داخلی و خارجی مسائل میں آج بھی قائد اعظم محمد علی جناح ؒ کے افکار و نظریات ہمارے لئے مشعل راہ ہیں۔ بانی پاکستان کے یوم وفات پر اپنے بیان میں محمد نواز شریف نے کہا کہ ہم داخلی سطح پر مختلف مسائل سے دوچار ہیں۔ قومی یکجہتی کی بجائے علاقائی ، نسلی و لسانی تعصبات کو ہوا دینے کی کوشش کی جارہی ہے اور مزید افسوس ناک بات یہ کہ وقتی سیاسی و جماعتی مفادات کے لئے یہ کھیل حکومت کی جانب سے کھیلا جارہا ہے۔ عدلیہ کے فیصلوں سے رو گردانی اور ججوں کی تضحیک و توہین معمول بن گئی ہے۔ انہوں نے کہا کہ عام آدمی کے لئے دو وقت پیٹ بھرنا دوبھر ہوگیا ہے۔ کمر توڑ مہنگائی اور بے روزگاری نے زندگی اجیرن کردی ہے۔ قومی معیشت جاں بلب ہے۔ ہماری قومی خود مختاری آئے روز پامال ہورہی ہے۔انہوں نے کہا کہ عوام جلد از جلد عام انتخابات چاہتے ہیں تاکہ وہ اپنے ووٹ کے ذریعے نااہل اور بددیانت حکمرانوں سے نجات حاصل کرسکیں لیکن مختلف حیلوں اور حربوں سے انتخابات کو ٹالنے کے منصوبے بنائے جارہے ہیں۔ ایسے میں قائد اعظم کے افکارو نظریات اور کر...

اسلام آباد (ثناء نیوز ) پارلیمانی کمیٹی برائے قومی سلامتی کے چیئرمین سینیٹر میاں رضا ربانی نے پیر کو سینٹ کی فنکشنل کمیٹی برائے انسانی حقوق کے اجلاس کی کارروائی کے دوران انکشاف کیا ہے کہ وفاقی وزارت داخلہ ، نام نہاد ریاست مخالف عناصر کے خلاف پاکستان میں سری لنکن ماڈل کو پروان چڑھانے کی کوششیں کر رہی ہے ۔ انتہائی خطرناک کلچر کو فروغ دینے کی کوشش کی جا رہی ہے ۔ فنکشنل کمیٹی انسانی حقوق نے اس معاملے پر آئندہ اجلاس میں وفاقی وزیر داخلہ رحمان ملک کو طلب کر لیاہے ۔ ایڈیشنل آئی جی پولیس پنجاب خان بیگ نے انسانی حقوق کمیٹی میں اعتراف کیا ہے کہ پنجاب میں گزشتہ سال کے مقابلے مین اس سال پولیس مقابلوں میں اضافہ ہو گیا ہے ۔ گزشتہ 6 ماہ کے دوران 208 پولیس مقابلے ہوا ، 100 سے زائد ہلاکتیں ہوئیں ۔ پولیس کے 23 جوان و افسران بھی شہید ہوئے ۔ 135 کیسزکی محکمانہ و عدالتی تحقیقات ہو رہی ہیں ۔ ایڈیشنل آئی جی کرائمز برانچ سندھ بشیر میمن نے کمیٹی کو آگاہ کیا ہے کہ بعض انٹرنیشنل فورسز ، ہندو خاندانوں کے معاملے کو اچھال رہی ہیں ۔ مسئلہ اتنا بڑا نہیں ہے جس طرح بڑھا چڑھا کر پیش کیا جا رہا ہے ۔ اندورون سندھ میں 198...

سرینگر (کے پی آئی )کل جماعتی حریت کانفرنس ( گ) نے کہا ہے کہ حریت پسند قیادت مذاکرات کی بھیک مانگنے پر مجبور نہیں ہے۔ حریت(گ)نے واضح کیا ہے کہ یہ فورم لاکھوں شہدا کے گرم گرم خون کا امانت دار اور ترجمان فورم ہے، جو جموں کشمیر پر بھارت کے فوجی قبضے کو اعلانا چیلنج کرتا ہے، لہذا دہلی کے ساتھ بے معنی مذاکرات کا نہ اس کو کوئی شوق ہے اور نہ ہی اس کی کوئی مجبوری ہے۔ حریت نے کہا ہے کہ فاروق عبداللہ نئی دہلی کے ایک کلاس فورتھ ملازم ہیں اور مذاکرات کے حوالے سے ان کا اپنے آقاوں کی زبان میں بات کرنا ان کے شایانِ شان نہیں جبکہ یہ باتیں ان کی پوزیشن کو مضحکہ خیز اور مسخروں جیسی بناتی ہیں۔ حریت کے مطابق فاروق عبداللہ کی یہ بات کہ نئی دہلی آزادی پسندوں سے بات کرنے کے کئے کشکول لے کر نہیں جائے گی۔ دہلی کے تئیں وفاداری ثابت کرنے کی ایک کوشش ہے اور موصوف شاہ سے زیادہ وفادار بننے کی چاہت میں یہ حقیقت بھول جاتے ہیں کہ حریت کانفرنس بھی کسی نئی دہلی یا کسی فاروق عبداللہ سے مذاکرات کی بھیک مانگنے کے لئے مجبور نہیں۔ بیان میں کہا گیا کہ کشمیر بھارت کا انگ بھی نہیںہے، لہذا اس کے اٹوٹ انگ ہونے کا سوال ہی پیدا ...

دیر بالا (ثناء نیوز)امیر جماعت اسلامی پاکستان سید منورحسن نے کہاہے کہ بھارتی وزیر خارجہ کے ساتھ مذاکرات میں پاکستان بھارت کی وکٹ پر کھیل رہاہے ۔ پاکستان نے بنیادی مسئلہ کشمیر اور بھارت کی آبی جارحیت کا مذاکرات میں کہیں ذکر تک نہیں کیا جبکہ بھارتی وزیر خارجہ پاکستان کو بمبئی حملوں کے مجرموں کو کیفر کردار تک پہنچانے اور پاکستان کو دہشتگردی پر قابو پانے کی ڈکٹیشن دیتا رہا۔ پاکستانی حکمرانوں نے امریکہ کے بعد بھارت کے ناز نخرے اٹھانے شروع کردیے ہیں ۔مذاکرات میں کشمیر کو طاق نسیاں میں رکھ دیاگیا۔ کشمیر پاکستانی اور کشمیری عوام کے نزدیک بنیادی مسئلہ ہے اور اس کو حل کیے بغیر بھارت کے ساتھ کبھی تعلقات بہتر نہیں ہوسکتے ۔ حکومت امریکی دباؤ میں آ کرملکی مفادات کوبھارتی مفادات پر قربان کر رہی ہے۔ حکمران امریکہ کے بعد اب بھارتی غلامی کا طوق بھی ہمارے گلے میں ڈالناچاہتے ہیں۔ ہم عوام کو امریکی غلاموں سے نجات دلانا چاہتے ہیںاور امریکی پالیسیوں اور نیٹو کے اسلام دشمن ایجنڈے کو مسترد کرتے ہیں ۔ ان خیالات کا اظہار انہوں نے دیر بالا کے اسٹیڈیم میں جلسہ اسلامی انقلاب سے خطاب کرتے ہوئے کیا۔ جلسہ سے نائب امی...

اسلام آباد+ لاہور+ کراچی (ثناء نیوز ) سندھ، پنجاب اور بلوچستان کے مختلف علاقوں میں مون سون کی الوداعی بارشوں نے تباہی مچا دی ۔ مختلف حادثات میں 24 افراد جاںبحق اور درجنوں زخمی ہو گئے ۔ بارشوں کے نتیجہ میں مختلف علاقوں میں ہزاروں ایکڑ پر کھڑی فصلیں تباہ ہو گئیں جس سے کاشت کاروں کو بھاری نقصان اٹھانا پڑا۔سندھ کے مختلف علاقوں میں حیدر آباد ، بدین، ٹھٹھہ، سکھر، عمر کوٹ ، خیر پور، کندھ کوٹ اور کشمور میں بارش کا سلسلہ وقفے وقفے سے جاری ہے۔ بارشوں کے باعث ندی نالوں اور نہروں میں پانی کی سطح بلند ہو رہی ہے جبکہ اس سے مختلف حادثات میں متعدد افراد جان سے ہاتھ دھو بیٹھے ہیں خیر پور میں کرنٹ لگنے سے ایک بچی سمیت دو افراد جاںبحق جبکہ ایک زخمی ہو گیا کندھ کوٹ میں خاتون مکان کی چھت گرنے سے لقمہ اجل بن گئی ۔ حیدر آباد میں کرنٹ لگنے سے دو افراد جاںبحق ہو گئے ۔سکھر اور گردنواح میں بارش کی وجہ سے بجلی اور مواصلات کا نظام درہم برہم ہو گیا پنجاب کے شہر فیصل آباد میں جاری موسلادھار بارش سے متعدد مکانات کی چھتیں زمین بوس ہو گئیں جس سے 16 سالہ لڑکا جاںبحق اور 7 افراد زخمی ہوئے۔ ناروال میں بارش کے باعث کرنٹ ل...

کراچی(ثناء نیوز )کراچی کے مختلف علاقوں میں فائرنگ اور تشدد سے 7 افراد لقمہ اجل بن گئے جبکہ لیاری گینگ وار کے اہم ملزم کو ماڑی پور پولیس کے حوالے کر دیا گیا۔ حیدری مارکیٹ کے قریب فائرنگ سے شفیق نامی شخص زخمی ہوا جو زخموں کی تاب نہ لا کر اسپتال میں دم توڑ گیا۔ رسالہ تھانے کی حدود میں فائرنگ سے 22 سالہ نوجوان نیاز جاں بحق ہوا۔ پرانا گولیمار لسبیلہ کے علاقے سے نوجوان کی لاش برآمد ہوئی جسکی شناخت سیرت علوی کے نام سے ہوئی۔ کریم آباد کے نزدیک موٹر سائیکل سواروں کی فائرنگ سے شریف نامی شخص ہلاک ہوگیا۔ قصبہ موڑ کے نزدیک بھی فائرنگ سے ایک شخص جان کی بازی ہار گیا۔ دوسری جانب قائد آباد پولیس نے 4 ڈاکو عامر، جہانزیب، نزاکت اور ندیم کو گرفتار کرنے کا دعوی کیا ہے۔ عزیز بھٹی کے نزدیک مبینہ مقابلے کے بعد نجی منی ایکسچینج کو لوٹنے کی کوشش کرنے والے دو ملزمان کو گرفتار کر لیا گیا جبکہ رینجرز کے ہاتھوں گرفتار ہونے والے لیاری گینگ وار کے اہم ملزم وسیم کو پولیس کے حوالے کر دیا گیا۔

لاہور (ثناء نیوز ) بھارتی وزیر خارجہ ایس ایم کرشنا نے صوبہ پنجاب کے دورہ کے دوران گورنر پنجاب سردار لطیف خان کھوسہ اور وزیر اعلیٰ پنجاب میاں شہباز شریف سے الگ الگ ملاقاتیں کیں اور دوطرفہ باہمی دلچسپی کے امور پر تبادلہ خیال کیا ۔ ایس ایم کرشنا نے کہا بھارت کے ساتھ تعلقات کے حوالہ سے پاکستانی قیادت کی سوچ مثبت ہے باہمی تعلقات میں فروغ سے تعلقات میں مزید بہتری آئے گی ۔ پاکستان سے مثبت تیز تر مذاکرات چاہتے ہیں جبکہ گورنر پنجاب کا کہنا تھا کہ مسئلہ کشمیر سمیت تمام مسائل کو مذاکرات کے ذریعہ حل ہونا چاہئے ۔ دہشت گردی کے خاتمہ سے ہی خطہ کو مضبوط اور خوشحال بنایا جا سکتا ہے جبکہ وزیر اعلیٰ پنجاب شہباز شریف نے کہا کہ ویزہ پالیسی میں تبدیلیاں خوش آئند ہیں دونوں ملکوں کو ماضی کی تلخیاں بھلا کر آگے بڑھنا ہو گا اگر ایسا نہ کیا گیا تو پھر آگے بڑھنا مشکل ہو گا ۔ تنازعات بات چیت کے ذریعہ حل ہونا چاہئیں گزشتہ روز ایک روزہ دورے پر لاہور پہچنے کے بعد بھارتی وزیر خارجہ گورنر ہاؤس پہنچے اور گورنر سردار لطیف کھوسہ سے ملاقات کی ۔ اس موقع پر گورنر کھوسہ کا کہنا تھا کہ ہمیں نفرتوں کو ختم کر کے آگے بڑھنا ہو گا ...