کشمیری امریکن کونسل کے سربراہ ڈاکٹر غلام نبی فائی کو امریکی عدالت میں سزا سنائے جانے کیخلاف مقبوضہ کشمیر کے مختلف علاقوں میں احتجاجی مظاہرے ہوے

سری نگر(کے پی آئی ) کشمیری امریکن کونسل کے سربراہ ڈاکٹر غلام نبی فائی کو امریکی عدالت میں سزا سنائے جانے کیخلاف مقبوضہ کشمیر کے مختلف علاقوں میں احتجاجی مظاہرے ہوے ۔ بھارتی فورسز نے 17 افراد کو گرفتار کر لیا گیا ہے ۔ تفصیلات کے مطابق پولیس نے دورانِ شب مختلف علاقوں میں چھاپے مار کر 17نوجوانوں کی گرفتاریاں عمل میں لائیں۔ بڑے پیمانے پر ان گرفتاریوں کیخلاف لوگوں میں پایاجارہاہے۔ادھر امریکہ مخالف مظاہروں کے دوران مین چوک بارہمولہ،اولڈ ٹاون اور سومو اسٹینڈ کے مقامات پر نوجوانوں کی ٹولیاں سڑکوں پر نمودار ہوئی جنہوں نے گذشتہ شب پولیس کے ہاتھوں گرفتاری کے خلاف احتجاجی مظاہرے کئے ۔اس دوران نوجوان مشتعل ہوئے جنہوں نے تعینات فورسز اہلکاروں پر پتھراؤ کیا جس کے جواب میں فورسز نے مشتعل نوجوانوں کو منتشر کرنے کیلئے ان کا تعاقب کیا تاہم فورسز اور نوجوانوں کے درمیان دن بھر وقفہ وقفہ سے معمولی نوعیت کی جھڑپیں جاری رہی۔پولیس نے 17نوجوانوں کی گرفتاری کی تصدیق کرتے ہوئے کہا کہ 7نوجوانوںکو رہا کردیا گیا ہے جبکہ دیگر 7نوجوانوں پر دفعہ 109کے تحت کیس درج کر کے حراست میں رکھا گیا ہے۔ پولیس نے بتایا کہ 3نوجوان فی الحال مسلسل پولیس کی حراست میں ہیں ۔ ان نوجوانوں کی شناخت واجد رسول خان ولد غلام رسول خان ساکنہ جامع مسجد بارہمولہ ، مشتاق احمد وار ولد محمد صابر وار ساکنہ ونکورہ بنیر بارہمولہ اور اصغر حسین نجار ولد غلام حسن ساکن اسٹیڈیم کالونی بارہمولہ کے بطور ہوئی ہے