نظرانداز کرکے مرکزی مواد پر جائیں

ہیومن رائٹس واچ کے مطابق سابق امریکی صدر بش کی حکومت کے دوران امریکی فورسز نے افغانستان سے گرفتار کیے گئے لیبیا کے دو جنگجوں سے تحقیقات کے دوران واٹر بورڈنگ یا اس سے ملتے جلتے اذیت پہنچانے کے سخت طریقے استعمال کیے


نیو یارک(ثناء نیوز )ہیومن رائٹس واچ کے مطابق سابق امریکی صدر بش کی حکومت کے دوران امریکی فورسز نے افغانستان سے گرفتار کیے گئے لیبیا کے دو جنگجوں سے تحقیقات کے دوران واٹر بورڈنگ یا اس سے ملتے جلتے اذیت پہنچانے کے سخت طریقے استعمال کیے۔ہیومن رائٹس واچ نے اپنی ایک تازہ رپورٹ میں کہا ہے کہ اس نے ایسے دو کیسوں سے متعلق شواہد اکٹھے کیے ہیں، جو ذرائع ابلاغ میں پہلے رپورٹ نہیں کیے گئے تھے۔ ہیومن رائٹس واچ کے مطابق نئے شواہد کی بنیاد پر یہ کہا جا سکتا ہے کہ امریکا اور اس کے کچھ اتحادی ممالک جن میں برطانیہ بھی شامل تھا، نے مبینہ طور پر لیبیا کے مقتول رہنما معمر القذافی کے دو ایسے مخالفین کو زبردستی واپس لیبیا بھیج دیا تھا، جنہوں نے جلا وطنی اختیار کر رکھی تھی۔ یہ تب کی بات ہے جب قذافی اقتدار میں تھے۔ہیومن رائٹس واچ کے مطابق اس کے اہلکاروں نے یہ شواہد متاثرین، عینی شاہدین کے انٹرویوز اور ان خفیہ دستاویزات کے بغور مطالعہ کے بعد جمع کیے ہیں، جو لیبیا کے انقلاب کے وقت عام کر دیے گئے تھے۔ ان خفیہ دستاویزات میں قذافی حکومت، امریکی خفیہ ادارے سی آئی اے اور برطانوی خفیہ اداروں کے مابین ہونے والی پیغام رسانی درج تھی۔ برطانوی خبر رساں ادارے نے بتایا ہے کہ ہیومن رائٹس واچ کے مطابق ان دستاویزات میں 2003 اور 2011 تک کے عرصے کے دوران ہونے والی پیغام رسانی درج ہے۔ہیومن رائٹس واچ نے مزید کہا ہے ایک وقت تھا جب طرابلس اور مغربی انٹیلی جنس ادارے جنگجوں کے خلاف کارروائی میں تعاون کر رہے تھے۔ اس رپورٹ کی مصنفہ اور انسداد دہشت گردی کے امور کی ماہر لورا پِٹر کہتی ہیں کہ اس دور میں بش انتظامیہ نے نہ صرف قذافی کے مخالفین کو ان کے حوالے کیا بلکہ یہ بھی معلوم ہوتا ہے کہ پہلے امریکی اہلکاروں نے ان میں سے متعدد کو تشدد کا نشانہ بھی بنایا۔امریکا اور برطانیہ نے تردید کی ہے کہ ان کی حکومتوں نے اس دوران کوئی غلط اقدام کیا تھا۔ واٹر بورڈنگ وہ انداز تفتیش ہے، جس میں زیر تفتش افراد پر پانی کو اس طرح استعمال کیا جاتا ہے کہ وہ ڈوبنے کے خوف میں مبتلا ہوجاتے ہیں۔ انسانی حقوق کے اداروں کے علاوہ امریکی صدر باراک اوباما بھی اس طریقہ تفتیش کی مخالفت کرتے ہیں۔ تاہم سابق امریکی صدر بش کی انتظامیہ واٹر بورڈنگ اور تفتیش کے دیگر سخت اور اذیت رساں طریقوں کے حق میں تھے تاکہ ممکنہ حملوں کا خطرہ ٹالا جا سکے۔ہیومن رائٹس واچ نے امریکی صدر باراک اوباما سے مطالبہ کیا ہے کہ وہ اٹارنی جنرل کو ہدایت جاری کریں کہ وہ اس حوالے سے مزید تحقیقات شروع کریں۔ لورا پِٹر کے بقول، صدر بش کے اقتدار کے دوران رونما ہونے والی زیادتیاں اس سے بڑھ کر ہیں جتنی کے ہم نے سمجھی تھیں۔ اس بات کی ضرورت ہے کہ اس حوالے سے جامع تحقیقات شروع کی جائیں کہ اس وقت حقیقی طور پر کیا ہوا تھا۔

تبصرے

اس بلاگ سے مقبول پوسٹس

چیف جسٹس آف پاکستان کے تقرر کے لیے قائم خصوصی پارلیمانی کمیٹی کی اکثریت نے جسٹس یحییٰ آفریدی کو اگلا چیف جسٹس آف پاکستان نامزد کردیا۔

چیف جسٹس آف پاکستان کے تقرر کے لیے قائم خصوصی پارلیمانی کمیٹی کی اکثریت نے جسٹس یحییٰ آفریدی کو اگلا چیف جسٹس آف پاکستان نامزد کردیا۔   Ehtasabi Amal Lahore احتسابي عمل لاھور

"Kualitatem" CEO Jamil A Goheer bad behaviour with employees of the company.

Special Reporter (IT): Kualitatem CEO Mr Jamil A Goheer Fire senior competent employees from his consulatancy in his company without any notice.ON this misconduct employess protests and some of them has resigned.when company hire any employee ask him for three month notice before leaving.but they don't have a such rule of three month notice to fire any employee.when a company negotiate any parson about salary they don't discuss about tax.suppose the person demand 40000 and its compromised,company include every thing in it e.g basic salary ,tax,house rent and medical.while 40000 thousand is basic salary in which tax should not be included while company to fill Govt requirements make a false slip.in which every thing is included. firing resources is Jamil hobby due to his its actions alot of people are unemployed.Pakistan is already facing unemployment.Degradation of old resources,Filing cases on the employess asking them to work like donkey and pay less. Jamil hire incompetent a...