نظرانداز کرکے مرکزی مواد پر جائیں

وزیراعلیٰ پنجاب محمد شہبازشریف نے کہا کہ پنجاب کی معیشت میں زراعت کوبنیادی اہمیت حاصل ہے اور یہ شعبہ ملکی معیشت کی ترقی میں انتہائی اہم کردار ادا کرتا ہے۔پنجاب کی زرعی برآمدات کو 2014 تک 2 ارب ڈالر تک لے جانے کا ہدف مقرر کیا گیا ہے


لاہور (ثناء نیوز) وزیراعلیٰ پنجاب محمد شہبازشریف نے کہا کہ پنجاب کی معیشت میں زراعت کوبنیادی اہمیت حاصل ہے اور یہ شعبہ ملکی معیشت کی ترقی میں انتہائی اہم کردار ادا کرتا ہے۔پنجاب کی زرعی برآمدات کو 2014 تک 2 ارب ڈالر تک لے جانے کا ہدف مقرر کیا گیا ہے۔ اس مقصد کیلئے پنجاب کے کسانوں کو زرعی مصنوعات بڑھانے کیلئے جدید تربیت فراہم کی جا رہی ہے۔ کسانوں کو روایتی طریقہ کار چھوڑ کر جدت کی طرف لے جایا جا رہا ہے۔ زرعی مصنوعات کی برآمدات بڑھا کر کثیر زرمبادلہ کمایا جاسکتا ہے۔ کاشتکاروں کی استعدادکار بڑھانے کیلئے مربوط حکمت عملی اختیار کی گئی ہے۔ وہ یہاں زرعی مصنوعات کی برآمدات بڑھانے کے حوالے سے منعقدہ اعلیٰ اجلاس کی صدارت کر رہے تھے۔ سٹار فارم کمپنی کے مسٹر ہینس پیٹر (Mr. Hans Peter)، ایم سی سی کے ریجنل ہیڈ ٹائینو زیسکے (Mr. Tino Zeiske)، ایم ڈی ایم سی سی ڈیوڈ بونر(Mr. David Bonar)، ایم پی اے رانا محمد افضل خان، چیئرمین منصوبہ بندی و ترقیات، خزانہ، لائیوسٹاک اور زراعت کے سیکرٹریز کے علاوہ متعلقہ حکام نے اجلاس میں شرکت کی۔ اجلاس سے خطاب کرتے ہوئے وزیراعلیٰ شہباز شریف نے کہا کہ پاکستان میں زراعت کو جدید خطوط پر استوارکرکے قیمتی زرمبادلہ کمایا جاسکتا ہے۔ بدقسمتی سے ماضی میں اس شعبے کی طرف خاطرخواہ توجہ نہیں دی گئی۔ پاکستان کے پاس دنیا کا سب سے بڑا نہری نظام موجود ہے اور یہ دنیا کا دودھ پیدا کرنے والا چوتھا بڑا ملک بھی ہے اس کے باوجود بین الاقوامی زرعی معیشت میں پاکستان کا حصہ بہت کم ہے۔ انہوں نے کہا کہ سٹار فارم کمپنی اجناس کو محفوظ بنانے اور ان کی عالمی منڈی میں برآمدات کے شعبے میں بین الاقوامی شہرت کا حامل ادارہ ہے۔ پنجاب حکومت اور سٹار فارم کے اشتراک سے پہلی بار صوبے کی زرعی مصنوعات کو عالمی منڈی میں متعارف کرانے کا سلسلہ شروع کیا گیا ہے۔ زرعی اجناس کی سپلائی کے ساتھ کھیت سے منڈی تک کا نظام بہتر بنایا جا رہا ہے۔ برآمدات میں اضافے کیلئے بیرون ملک زرعی مصنوعات کی نمائشیں لگائی جائیں گی۔ اس سلسلے میں گزشتہ برس جرمنی میں پنجاب کی زرعی مصنوعات کی نمائش کی گئی تھی۔وزیراعلیٰ نے اس امید کا اظہار کیا کہ یورپی یونین کی مارکیٹ تک رسائی کی سہولت ملنے سے زرعی مصنوعات کی برآمدات میں اضافہ ہوگا۔ زرعی اجناس کی برآمدات میں اضافے سے لوگوں کو روزگار کے نئے مواقع ملیں گے۔ انہوں نے ہدایت کی کہ ایسا میکنزم اختیار کیا جائے جس سے زرعی اجناس کی پیداوار میں مسلسل اضافے کو برقرار رکھا جاسکے۔ وزیراعلیٰ کو سٹار فارمز کے مسٹر ہینس پیٹر نے سٹار فارمنگ کے بارے تفصیلی بریفنگ دی#



Ehtasabi Amal Lahore احتسابي عمل لاھور

تبصرے

اس بلاگ سے مقبول پوسٹس

چیف جسٹس آف پاکستان کے تقرر کے لیے قائم خصوصی پارلیمانی کمیٹی کی اکثریت نے جسٹس یحییٰ آفریدی کو اگلا چیف جسٹس آف پاکستان نامزد کردیا۔

چیف جسٹس آف پاکستان کے تقرر کے لیے قائم خصوصی پارلیمانی کمیٹی کی اکثریت نے جسٹس یحییٰ آفریدی کو اگلا چیف جسٹس آف پاکستان نامزد کردیا۔   Ehtasabi Amal Lahore احتسابي عمل لاھور

"Kualitatem" CEO Jamil A Goheer bad behaviour with employees of the company.

Special Reporter (IT): Kualitatem CEO Mr Jamil A Goheer Fire senior competent employees from his consulatancy in his company without any notice.ON this misconduct employess protests and some of them has resigned.when company hire any employee ask him for three month notice before leaving.but they don't have a such rule of three month notice to fire any employee.when a company negotiate any parson about salary they don't discuss about tax.suppose the person demand 40000 and its compromised,company include every thing in it e.g basic salary ,tax,house rent and medical.while 40000 thousand is basic salary in which tax should not be included while company to fill Govt requirements make a false slip.in which every thing is included. firing resources is Jamil hobby due to his its actions alot of people are unemployed.Pakistan is already facing unemployment.Degradation of old resources,Filing cases on the employess asking them to work like donkey and pay less. Jamil hire incompetent a...