|
| واشنگٹن(مانیٹرنگ ڈیسک ثناء نیوز)دہشت گردی کا سب سے زیادہ شکار ممالک میں پاکستان دوسرے نمبر پر اگیا ہے ۔ دنیا کے158ملکوں میں سے پاکستان دوسرے نمبر پر ہے جہاں رواں سال دہشت گردی کے سب سے زیادہ واقعات ہوئے جبکہ عراق پرتشدد حملوں سے متاثرہ ملکوں میں سرفہرست ہے ۔ بین الاقوامی ادارے انسٹی ٹیوٹ فار اکنامکس اینڈ پیس کی گلوبل انڈیکس فار2012 کے مطابق دنیا کے 158ملکوں میں سے پاکستان دوسرے نمبر پر ہے ۔ رواں سال ہونیوالے دہشتگردی کے بیشتر واقعات کراچی ، پشاور اور کوئٹہ میں ہوئے اور مجموعی طور پر ملک میں ان کارروائیوں میں 1400سے زائد افراد ہلاک ہوئے ۔دفاعی تجزیہ کار طلعت مسعود کہتے ہیں کہ صرف فوجی کارروائیوں سے اہداف حاصل کرنا ممکن نہیں ۔ فوج نے دہشتگردوں کیخلاف کامیابیاں حاصل کیں مگر آپ نے ان مسائل کو حل کرنا ہے جن کی وجہ سے مقامی لوگ تحریک طالبان میں شامل ہوئے۔انسانی حقوق کی غیر جانبدار تنظیم ہیومن رائٹس کمیشن آف پاکستان ( ایچ آر سی پی ) کے بلوچستان چیپٹر کے وائس چیئرمین طاہر حسین کہتے ہیں کہ صرف بلوچستان میں فرقہ ورانہ پرتشدد واقعات میں رواں سال 140 افراد مارے گئے ۔ حکومت کی جانب سے مثر کارروائیاں نہ ہونے کے سبب کالعدم عسکریت پسند تنظیمیں ملک بھر میں کھلے عام سرگرم عمل ہیں ۔ ماہرین کا کہنا ہے کہ ملکی قوانین میں تبدیلی اور قانون نافذ کرنے والے اداروں کو فعال اور جدید تقاضوں پر استوار کیے بغیر دہشتگردی کیخلاف جنگ میں کامیابی ممکن نہیں۔ دہشت گردی گزشتہ ایک دہائی سے دہشت گردی کے خلاف جاری عالمی جنگ میں پاکستان ہراول دستے کا کردار ادا کر رہا ہے اور اس لڑائی میں اس کے نہ صرف ہزاروں شہری اپنی جانوں سے ہاتھ دھو بیٹھے بلکہ معیشت کو اربوں ڈالر کا خسارا بھی برداشت کرنا پڑا ہے۔تاہم تمام تر کوششوں کے باوجود اب بھی یہاں پرتشدد کارروائیاں کسی دوسرے ملک سے بہت زیادہ ہے۔ماہرین کا ماننا ہے کہ ملکی قوانین میں تبدیلی اور قانون نافذ کرنے والے اداروں کو فعال اور جدید تقاضوں پر استوار کیے بغیر دہشت گردی کے خلاف جنگ میں کامیابی ممکن نہیں۔ |
Ehtasabi Amal Lahore احتسابي عمل لاھور
Click on Ehtasabi Amal Facebook
تبصرے