نئی دہلی (ثناء نیوز) بھارتی اخبار کے مطابق بھارتی وزیر اعظم نریندر مودی جلد ہی پاکستان کا دورہ کریں گے ۔بھارتی وزیر اعظم نریندر مودی کے نیپال دورے کے اختتام پذیر ہونے کے بعد بھارت کی وزارت خارجہ کی طرف سے جاری کردہ ایک بیان میں کہا گیا ہے کہ بھارتی حکومت کی پالیسیہے کہ ہمسائیہ ممالک کے ساتھ نئے سرے سے تعلقات کو بہتربنایا جائے اور اس کے لیے وزیراعظم پاکستان کادورہ کریں گے جس کے لیے حکومت پاکستان خاص کر وزیر اعظم پاکستان میاں محمد نواز شریف نے ان کودعوت بھی دی ہے۔نئی دہلی نے پہلے ہی اس بات کے اشارے دیئے ہیں کہ بھارتی وزیراعظم آنے والے مہینوں میں اسلام آباد کا دورہ کریں گے محکمہ خارجہ کے مطابق بھارت کبھی بھی اس بات کے حق میں نہیں رہا ہے کہ کسی ہمسائیہ ملک کے ساتھ کشیدگی یا محاذ آرائی رہے اور موجودہ حکومت کی بھی پالیسی واضح ہے اور بھارت کی موجودہ حکومت ہمسائیہ ممالک کو کس طرح ترجیح دے رہی ہے اور ان کے ساتھ تعلقات کو بہتر بنانے کے لیے پر عزم ہے ۔وزارت خارجہ کی طرف سے جاری کردہ بیان کے مطابق بھارتی حکومت کی جو خارجہ پالیسی ہے اس میں ہمسائیہ ممالک کے ساتھ رشتوں کو استوار کرنے کی ترجیح ہے۔ بیان میں اس بات کا بھی ذکر کیا گیا ہے کہ نریندر مودی آنے والے دنوں میں دوسرے ہمسائیہ ممالک کا بھی دورہ کریں گے اور یہ دورے اسی پالیسی کا حصہ ہیں جس کے تحت وزیر اعظم ذاتی طور پر تعلقات کو بہتر بنانے اور سارے مسائل کو پر امن طور پر حل کرنے کے حق میں ہیں۔وزیراعظم بننے کے بعد دو ماہ میں نریندر مودی نے بھوٹان اور نیپال کا دورہ کیا ہے اور آنے والے دنوں میں وہ بنگلہ دیش کابھی دورہ کرنے والے ہیں۔ اس سال کے آخر میں نریندر مودی نے سنجیدگی کے ساتھ بات چیت کا آغاز کیا ہے ۔وزارت خارجہ کے بیان کے مطابق وزیراعظم نے اپنی حلف برداری کی تقریب میں جس طرح پاکستان سمیت دوسرے سبھی ہمسائیہ ممالک کے سربراہوں کو شرکت کی دعوت دی۔
Ehtasabi Amal Lahore احتسابي عمل لاھور
تبصرے