Weekly EHTASABI AMAL Lahore ھفت روذھ احتسابی عمل لاھور

کراچی (ثناء نیوز ) کراچی کے مختلف علاقوں میں تشدد اور فائرنگ کے  واقعات میں مزید 9 افراد جاں بحق ہو گئے جبکہ گزشتہ 24 گھنٹے میں جاں بحق افراد کی تعداد 14 ہو گئی ۔ پولیس کے مطابق رات گئے سپر ہائی وے کے نزدیک گڈاب ٹاؤن کے علاقہ ناگوری ٹاپ کے قریب نامعلوم افراد نے فائرنگ کر کے تین افراد کو قتل کر دیا نعشوں کو عباسی شہید ہسپتال منتقل کر دیا گیا بلدیہ میں چاندنی چوک کے علاقہ میں نامعلوم افراد کی فائرنگ سے ایک شخص ہلاک ہو گیا جبکہ بغدادی تھانہ کی حدود سے دو افرد کی نعشیں ملی ہیں مقتولین کو اغواء کے بعد تشدد اور فائرنگ کر کے ہلاک کیا گیا ۔ پولیس کے مطابق مقتولین کی شناخت آصف اور ایوب کے نام سے ہوئی ہے جبکہ گلستان جوہر میں رابعہ سٹی کے قریب نامعلوم افراد کی فائرنگ سے ایک شخص ہلاک ہو گیا ۔ مقتول کی عمر 25 سے 30 سال کے درمیان بتائی جاتی ہے جبکہ بلدیہ ٹاؤن کے علاقہ سے بھی ایک سخص کی نعش برآمد ہوئی جبکہ ایک شخص کی نعش کھارا در کے علاقہ سے بھی برآمد ہوئی کھوکھر پار کے علاقہ سے ایک خاتون کی نعش برآمد ہوئی ۔ واضح رہے کہ گزشتہ روز بھی پرتشدد واقعات میں کراچی کے مختلف علاقوں میں سات افراد کو ہلا...

اسلا م آباد(ثناء نیوز ) بجلی کی غیر اعلانیہ لوڈشیڈنگ اور شدید گرمی ک ے باعث ملک بھر میں بپھرے ہوئے لوگ سڑکوں پرآ گئے ۔ مظاہرین نے توڑ پھوڑ کی ۔ اور سڑکیںٹریفک کے لیے بند کردیں جبکہ ملک میں بجلی کی قلت 7733 میگا واٹ جبکہ طلب 17500 میگا واٹ سے تجاوز کر گئی ۔بجلی کی قلت کے باعث شہروں میں 16 سے 18 جبکہ دیہات میں 20 سے 22 گھنٹے لوڈ شیڈنگ کی جارہی ہے۔چیچہ وطنی میں بجلی کی طویل لوڈ شیڈنگ کے خلاف مشتعل افراد نے تھانے پر حملہ کر دیا اور موقع سے فائدہ اٹھاتے ہوئے 7 قیدی فرار ہونے میں کامیاب ہو گئے۔ چیچہ وطنی میں بجلی کی طویل لوڈ شیڈنگ سے تنگ لوگ سڑکوں پر نکل آئے اور انہوں نے سرکاری اور نجی املاک کو نشانہ بنانا شروع کر دیا۔چیچہ وطنی فیصل آباد کا مونکے اور دیگرشہروں میں پولیس مشتعل افراد کی گڑ بڑ روکنے میں نا کام نظر آئی چیچہ وطنی میں بجلی کی بندش سے تنگ آئے لوگ سڑکوں پر نکل آئے ریلی کی صورت میں مشتعل مظاہرین پہلے گرڈ اسٹیشن روانہ ہوئے تھانہ سٹی پر پتھراؤ بھی کیا۔اس دوران پولیس بھی ایکشن میں آ گئی لیکن مشتعل افراد کو روکنا پولیس کے لیے آسان نہ تھا یہاں پر مظاہرین نے پتھراؤ کیا جبکہ انہیں منتشر ...

ڈھاکہ (ثناء نیوز )بنگلہ دیش میں جماعت اسلامی کے رہنما مولانا دلاور  حسین سیدی کی جیل میں حالت شدید خراب ہو گئی جنہیں فوری طور پر ڈھاکہ کے ہسپتال میںمنتقل کردیاگیا ہے ۔ واضح رہے کہ مولانا دلاور حسین سیدی انٹرنیشنل کرائمز ٹریبونل کے حکم پر جیل میں قید ہیں۔ مولانا سیدی کی قانونی ٹیم کی جانب سے جاری کردہ بیان کے مطابق گزشتہ روز ان کے سینے میںاس وقت شدید درد محسوس ہوا جب انہیںان کے بیٹے کی نماز جنازہ میںشرکت کے بعد پولیس انہیں اپنی نگرانی میں ڈھاکہ سنٹر ل جیل واپس لا رہی تھی ان کے بیٹے رفیق بن سیدی اس وقت انتقال ہو گیا تھا جب وہ انٹرنیشنل کرائمز ٹریبونل میں اپنے والد کے کیس کی سماعت سن رہے تھے۔مولانا دلاور حسین سیدی کو انکے بیٹے کی نماز جنازہ میںشرکت کے لیے پیرول پر رہا کیا گیا تھا۔ بیٹے کی نماز جنازہ ادا کرنے کے بعد انہوں نے وہاں پر لوگوں سے خطاب کیا اور کہا کہ اپنے بیٹے کے جنازے کو کندھا دینا میرے لیے دنیا کے سب سے وزنی بوجھ اٹھانے کے برابرہے ۔ واضح رہے کہ چند ماہ پہلے مولانا دلاور حسین سیدی کی والدہ کا انتقال ہو گیا تھا۔ انہیں اپنے والدہ کی نماز جنازہ میں شرکت کی اجازت تو دی گئی ت...

لاہور( این این آئی)وزیر اعظم سید یوسف رضا گیلانی نے کہا ہے کہ مسائل حل کرنے کیلئے کھوکھلے نعروں کی بجائے عملی اقدامات کرنا پڑتے ہیں 'وفاقی توانائی بحران کے خاتمے کے لئے کئی منصوبوں پر کام کر رہی ہے ، تھرمل اور دوسرے منصوبوں کے مکمل ہونے کے بعد پاکستان بجلی برآمد کرنے کے قابل بھی ہو جائیگا' پیپلز پارٹی کی مفاہمتی پالیسی سے معاشی استحکام آیا ' آئندہ مالی سال کے بجٹ میں غربت کے خاتمے کے لئے ٹارگٹڈ سبسڈیز دی گئی ' مشکل حالات کے باوجود ٹیکس فری بجٹ پیش کیا ۔ وہ گزشتہ روز سول سروسز اکیڈمی والٹن میں 39 ویں کامن ٹریننگ پروگرام کے پروبیشنری افسران کی پاسنگ آئوٹ تقریب سے خطاب کر رہے تھے۔

لاہور(این این آئی)پاکستان تحریک انصاف کے چئیرمین عمران خان ، مرکزی صدر جاوید ہاشمی، وائس چئیرمین شاہ محمود قریشی اورمرکزی سیکرٹری اطلاعات شفقت محمود نے لنڈی کوتل( خیبر ایجنسی) کے مین بازار میں ہونے والے بم دھماکہ کی سخت الفاظ میں مذمت کی اور ہلاکتوں پر گہرے دکھ اور افسوس کا اظہار کیا بم دھماکہ میں ہلاک ہونے والے لواحقین کے غم اور دکھ میں ہم برابر کے شریک ہیں

کراچی (ثناء نیوز) رواں مالی سال کے دوران پاکستان میں ماہ مئی 2012 تک براہ راست غیر ملکی سرمایہ کاری میں 48 فیصد کمی ہو گئی۔ اسٹیٹ بینک کے مطابق گزشتہ مالی سال2010-11 میں مجموعی غیر ملکی سرمایہ کاری ایک ارب 46 کروڑ ڈالر تھی جو رواں مالی سال2011-12 کے دوران جولائی تا مئی میں گھٹ کر 76 کروڑ ڈالر رہ گئی، اس طرح رواں مالی سال میں براہ راست سرمایہ کاری تقریباً 71 کروڑ ڈالر کم رہی جبکہ نجی سرمایہ کاری ایک ارب 83 کروڑ ڈالر سے کم ہو کر 72 کروڑ ڈالر اور مجموعی طور پر60 فیصد کمی ہو گئی ہے۔ 

لنڈی کوتل( ثناء نیوز)خیبر ایجنسی کی تحصیل لنڈی کوتل بازار میں گاڑ ی میں دھماکے سے 26افراد جاں بحق جبکہ 65سے زائد افراد زخمی ،زخمیوں کو فوری طبی امداد کے لئے لنڈیکوتل ہسپتال منتقل کیا گیا،دھماکے کا نشانہ بازار ذخہ خیل آڈا تھا،کسی نے واقعے کی ذمہ داری قبول نہیں کی ہے،دھماکے میں درجن سے زائد دکانیں تباہ ہوگئی ہے تفصیلات کے مطابق ہفتے کے روز تقریباً گیارہ بجے لنڈیکوتل بازار چارباغ روڈ پر ایک گاڑی میں نصب بارودی مواد کا زور دار دھماکا ہوا جس میںذرائع کے مطابق 26افراد جان بحق جبکہ 65سے زائد افراد زخمی ہوگئے۔زخمیوں کوفوری طبی امداد کے لئے لنڈیکوتل ہسپتال منتقل کیا گیا جبکہ 20افراد کی حالت تشویشناک ہونے کی وجہ سے پشاور منتقل کیا گیا۔ ذرائع کے مطابق زخمی ہونے والوں میں چار سکول کے بچے اور تین خاصہ دار بھی شامل ہیں ۔سرکاری ذرائع کے مطابق دھماکے کا نشانہ ذخہ خیل قومی آڈہ ہوسکتا ہے کیونکہ تیراہ ذخہ خیل میں ایک امن لشکر بنایا گیا ہے جو عسکریت پسندوں کے خلاف برسر پیکار ہے۔دھماکے کے بعد لوگوں میں خوف وہراس پھیل گیا اور لوگوں نے فوراًاپنی دکانیں بند کی ۔دھماکے کوفوراًبعد سیکیورٹی فورسز اور خاصہ دار...